~~~~~~~~~~~~~~~~







2008年9月1日 星期一

老細話…

老細話…

香港人鍾意叫顧客做「老細」,
「老細幾多位?」「老細mark開邊位小姐?」「多謝哂老細!」
打工仔又習慣叫公司管理階層做「老細」,
「老細有乜吩咐?」「老細又發癲!」「老細都無面俾!」
不如數吓「老細」最常講乜說話:

第十位:「今日放工前放喺我檯面!」
老細叫下屬做嘢,set了 deadline,
例如「今日放工前要」、「今日lunch前要」,
下屬死趕爛趕之下完成工作,
把工作文件放到老細檯面時,
才發覺老細已經晨早走咗!

第九位:「去邊度食?你哋話事!」
每逢佳節或公司慰勞下屬,老細請同事食飯。
老細話:「去邊度食?你哋話事啦!」
七嘴八舌,當眾同事投票,取得共識後,
最終,當然去幫襯老細想食嗰間食肆!
「吓?全世界都贊成去酒店食buffet喎,老細話決定咗去食日本菜!」
咁出錢嗰位當然大聲啲!

第八位:「不如我幫你做埋?好唔好呀?」
老細吩咐下屬做嘢,
下屬唔記得做,或者唔想做,藉詞推搪,
獲得老細當眾人面前,大聲一喝:
「不如我幫你做埋?好唔好呀?」
老細仲會補充多一句:「不如你份糧出埋俾我呀!?」
下屬聽後只好死死地氣,唯命是從!

第七位:「單嘢睇緊啲!唔好爆鑊!」
老細有啲大project不容有失,擔心有所差池。
跟下屬講:「單嘢睇緊啲!唔好爆鑊!」
或者恐嚇下屬:「如果單嘢爆咗鑊,你就唔使再返工嚟!」
做下屬,最重要就係識得補鑊。

第六位:「check真啲!覆我!」
老細失驚無神,突擊問下屬一條問題,
下屬無心理準備之下,猶豫不決,唔肯定答案之際,
老細一句:「check真啲!覆我!」
下屬如小學生般,慌失失走去找出答案,
盡快回覆老師。

第五位:「你喺度做咗幾耐?」
無論老細想升一個staff或想炒一個staff,
他的開場白都是:「你喺度做咗幾耐?」分別是笑笑口定嚴詞厲色?
或者下屬天資差劣,不斷重覆犯錯,講嘢無point仲遊花園,
老細聽完下屬胡扯一輪之後,緩緩放下手中PDA:「你喺度做咗幾耐?是但一個新人都醒過你多多聲啦!」

第四位:「我無講過!係你聽錯!」
除非被下屬偷偷錄音,
否則老細知道死無對証,愛出爾反爾,
老細更理直氣壯:「我無講過!係你聽錯!」
其他欺善怕惡的擦鞋同事見狀,落井下石,
立即撲出幫拖:「老細都無講過囉!梗係你聽錯或者記錯啦!」

第三位:「咁你有乜嘢solution?」
當下屬遇上工作的難題時,入房問老細如何處理?
老細先發制人:「咁你有乜嘢solution?」
下屬腦海一片空白之際,老細叫:「咁你諗到再返嚟見我!」
下屬門後輕嘆:「唉~ 如果我有solution,我使鬼嚟搵你咩?!」
老細打發下屬出房後,繼續上網。

第二位:「我唔理!總之你同我死掂佢!」
老細金句:我請你返嚟係幫我解決問題,唔係增加我嘅問題!
所以老細唔會埋你有乜嘢難處限制,
大石責死蟹:「我唔理!總之你同我死掂佢!」
注意句中的「死」字,延續中國傳統君主臣子的殺頭習俗。

第一位:「呀邊個邊個!」
老細腦部的RAM用來記一些對他有意義的資料,
例如:客戶資料、市場消息、生意大計,交稅財務,
但員工的名字對他來說,卻是無乜意義!
老細見到任何一名員工,都冠以:「呀邊個邊個!」
「呀邊個邊個!同我Book張機票,」、「呀邊個邊個!同我過嚟!」
對於老細來說,除了靚女staff之外,
每個員工的面孔都是糢糊不清。

49 則留言:

  1. 我的老細的口頭襌是: "Why are you so fxxking stupid..." :(

    回覆刪除
  2. 匿名

    你幫西人打工?

    yes! That's why i"m working with a fxxking stupid boss like you!

    回覆刪除
  3. 仲有,當員工可能有事想向老細請求時,老細常說:『得,得得得,知架喇,而家我要開會,遲啲講!』

    回覆刪除
  4. 還有,當小員工做嘢唔合大老細心意時,會話:

    『邊個教你咁做架?!你阿頭叫?咁我叫得唔得呢!???』




    還有老細要「省」人時,也會說:

    『你、你、仲有妳,一陣入一入嚟!』( 黑面~~)


    還有小員工做事未達「老細的個人喜好」時,也會說:

    『我請你返來做咩!』

    回覆刪除
  5. 第四位:「我無講過!係你聽錯!」

    所以有重要事,我通常係用電郵,就有證據。

    匿名 提到...
    我的老細的口頭襌是: "Why are you so fxxking stupid..." :(

    好可能係個D所謂"我好鬼佬性格"既人。

    回覆刪除
  6. 老細話:「卡臣,入一入嚟有D嘢同你傾傾!」

    回覆刪除
  7. 我老細都有d口頭嬋:
    「你地今日有無叫飯?」--因為成個office d人都想飛佢, 所以一到11點, 佢就黎料~

    「呀!有乜好食?」--茶餐廳咪又係o個d, 唔好玩呀!~心諗

    「呀xx 同我搵d野」

    「妖!攪乜呀」

    「係...知道...!」對住大大老細既時侯

    「有乜野係唔得架..我以前仲犀利xxxxx」認叻時說

    「嘩!乜咁熱既! 你地唔覺熱架?」佢岩岩返稷時實講

    「亞xx呢度電話幾多號?」---坐左6年都係唔記得...

    回覆刪除
  8. DAIMOND

    哈哈

    呢啲口頭禪你都好觀察入微

    仲有:

    使唔使我捉著你隻手教你做?

    公司有心栽培你,點知你唔好好珍惜!

    我喺呢行做咗幾多年吖?都未見過好似你呢啲staff

    ++++++++

    eric

    >好可能係個D所謂"我好鬼佬性格"既人。
    ==>你而家老細是中是西呀?

    +++++++++++

    0.02mm
    (又近咗啲啲)
    老細話:「卡臣,入一入嚟有D嘢同你傾傾!
    你唔好再喺返工時間寫blog,如果再係咁,你返屋企長寫!」

    回覆刪除
  9. 自由

    哈哈
    好到肉!

    我去廁所幫趁尿兜時
    老細突然出現隔離
    我立即窒一窒
    唉!過界添~~~

    回覆刪除
  10. 我突然諗起佢有單野好好笑:
    話說會議室個電話壞o左, 但亞姐又未出單買, 攪到老細次次講秘密電話都要忟o左自己位o個個電話入房傾, 佢每次忟就每次問"幾時買到個電話?" 我亞姐都未買, 當佢死既...
    直至有一日, 老細又要忟線入房, 佢一路行, 一路講:
    「人地這個殺手不太冷就拎盤花, 我就拎住個電話!」我直情想大笑, 但要忍住...唯有心裡拍手..哈哈

    回覆刪除
  11. 卡卡:

    兩張相都用咗超廣角鏡?

    商界啲老細,我都遇過吓,頂唔順,咪返去教書咯!

    依家好多咯,老細只會認叻,唔會兀我!

    回覆刪除
  12. 老細回應:

    「你乜嘢態度,你知唔知而家同邊個講緊嘢!?」

    老細減完你人工後,會話--->「其實我地話就話叫做老闆,我從來都唔會覺得我有咩唔同囉~~」 ( 但減人工減得好勁 ~)

    回覆刪除
  13. 自由

    >「人地這個殺手不太冷就拎盤花, 我就拎住個電話!」
    笑到我碌地!!!

    妳老細都好funny喎!
    咁呢個神秘電話係咪打俾二奶呢?
    定係搵工呢?

    +++++++

    laulong

    >兩張相都用咗超廣角鏡?
    ==>你果然有眼光!有料到!

    我用電話部相機咋!

    >依家好多咯,老細只會認叻,唔會兀我!
    ==>對於認叻的老細
    我一定落多兩滴鞋油

    回覆刪除
  14. hana

    >哩十句我一句都冇講過
    ==>同妳打工多幸福

    (可能妳唔鬧伙計,不過...兜巴升埋去!)

    +++++++++

    diamond

    >「其實我地話就話叫做老闆,我從來都唔會覺得我有咩唔同囉~~」
    ==>有啲老板同渡難關feel
    家嫂feel一齊捱

    但係一日發達: 「吓!做人唔可以吓吓向後望!」

    「我條命係一將功成萬骨枯」

    回覆刪除
  15. 卡臣:

    >妳老細都好funny喎!
    佢講野好啜核!實在太多笑料~寸我亞姐,拍案叫絕!

    >咁呢個神秘電話係咪打俾二奶呢?
    定係搵工呢?
    搵工? 佢係契仔喎..唔駛呀! 二奶..都有可能喎!下次我移後張椅偷聽先~(會議室在我後面)

    >我一定落多兩滴鞋油
    俾我都會~尤其老細講番"少年奮鬥辛酸史"...我成枝鞋油倒落去咁濟~

    回覆刪除
  16. 哈!火起...

    我老細今日同全世界講,個新同事係fresh grad,其他applicant太"老",要求太高人工,又唔會聽話...

    我明白人到中年真係好易冇得撈...天啊!

    回覆刪除
  17. 小妮音樂日誌:

    >其他applicant太"老",要求太高人工,又唔會聽話...

    年齡岐視??

    回覆刪除
  18. 「請你返來唔係來增加我既問題」

    呢個都算經典囉!暗串經常。

    回覆刪除
  19. 老細,如人敢噓爆你,我一定會鬧爆佢幫你報仇! :P

    我老闆最鐘意樣衰衰走埋黎, 狂眨佢雙水汪汪的黑眼睛,仲會好o爹o甘問 "喂......你..係咪....好忙呀?"

    呢個問答遊戲的奇妙之處,係無論我點答都一定有獎品收.不過唔知點解收左幾年都仲係收緊生鐵鑊,大中小煲,鑊鏟個類...

    金飯碗就影都唔見囉...

    又,當年我都係因為花樣買了對倒來看,一看便被他的文字迷倒.但我更喜歡他的"打錯了", 內裡精選了七十篇他描寫都市人百態的微型小說,唔,我真覺得跟你寫故事的有點類似呢.

    回覆刪除
  20. I just fired my boss today. So funny to see him asking me so many times if it is possible for me to reconsider and that he would raise my salary to make me stay.

    The fact is I spoke to him 3 weeks ago that I am dissatisfied with my salary and he said he will look into it. Never heard from him since. Now that I found a job that would give me 30% more. He wants to keep me with a 4% raise? I don't think so.

    Now he is the one who will deal with the fact that the whole company is down to 2 java programmer (7 as of 6 months ago).

    回覆刪除
  21. 呢篇答唔到咀,自傭人士嘅喜樂,係每次唔同老板,大家都好客氣。

    回覆刪除
  22. 小妮

    中年危機
    我幾年前已經發生
    岌岌可危
    綜援點申請呀?

    ++++++

    自由

    年齡岐視??
    ==>娛樂圈都係
    廿零歲都話老
    12,13歲入行
    30尾做甘草

    回覆刪除
  23. c+

    >如人敢噓爆你,我一定會鬧爆佢幫你報仇!
    ==>多謝妳呀
    果然係江湖兒女!
    唔該收埋把開山刀先!


    >但我更喜歡他的"打錯了",
    ==>妳心水推介!
    我立即弄來看看先

    >唔,我真覺得跟你寫故事的有點類似呢.
    ==>又有人噓爆我喇,唔該拔刀

    ++++++

    desertfox

    恭喜你
    加人工
    魚唔過塘唔會肥
    旺夫啊!

    回覆刪除
  24. 巴黎

    自傭人士?
    = 自己請自己 = 自己就係自己老細?

    ==>咁,妳心裡自己同自己講乜
    就係老細話.....

    +++++++

    lo哥

    整多一句:

    吓吓要我提你做乜,不如我做埋你秘書,好冇?

    回覆刪除
  25. >>卡臣

    好抵死!!! 我聽日都要小心啲唔係比老細挫死............=.=;

    回覆刪除
  26. 卡臣:

    >廿零歲都話老
    12,13歲入行
    30尾做甘草

    你講緊童星呀!

    Desertfox
    >I just fired my boss today
    呢句型呀! 我都想有日可以大聲同我老板講!
    哈哈
    恭喜你...新婚又搵到新工!!

    回覆刪除
  27. >廿零歲都話老
    12,13歲入行
    30尾做甘草

    哈哈哈!慘絕人寰!

    回覆刪除
  28. 自由 & 小妮

    係呀!
    isbella 13歲簽英皇
    cream 13,14歲
    hotcha 18歲

    回覆刪除
  29. Carson,

    Don't forget about 林妙可...

    自由行,

    Thanks, really looking forward to it.

    回覆刪除
  30. 我有一些朋友喜歡看"蘭開夏道",Daisy Wong是真有其人或是信報報紙佬虛構的? 我覺得似陶X班人的Style.

    仲有佢個有關古典音樂的blog好奇怪,開幾廿個columns:
    Share your Bach
    Share your Chopin...

    就等於開幾廿個columns:
    Share your劉德華
    Share your謝安琪...

    除非係Yahoo Music, 冇人甘寫野果wor?!

    回覆刪除
  31. 蘇記

    伙計 = 火記, 特別火!特別記仇!

    +++++++

    desertfox

    林妙可....代唱?
    人工高?

    +++++++

    小妮


    聽聞Daisy Wong是真有其人
    唔知有冇人可以幫手證實一吓?

    回覆刪除
  32. Daisy Wong 是否真有其人沒所謂,D文章幾好睇.不過叫自己波希米亞人就攪笑D,波希米亞人理應唔洗Do. :P

    回覆刪除
  33. Daisy Wong 據理解,應該和陶傑沒關系。

    Daisy Wong 是真有一個人去寫,但未必真的叫做 Daisy ,也未必真是姓 Wong 。

    也未必真是自稱的「在國際級大行的年青女律師」。

    「她」是信報其中一項 Marketting 的專欄,讀者可以選擇去看,但應否「相信Daisy Wong 說的是真理」,就要看倌自己判斷。

    Daisy Wong 專欄,本身的構思,是因應捕捉某一批新的女讀者而設,不是想寫什麼就寫什麼,要審稿符合要求,才可刊登。

    我只能說到這裡。

    回覆刪除
  34. Carson - sorry. 我不應該在你的留言區批評其他人的blog. 所以我delete左,我會寫在自己的 blog.中

    回覆刪除
  35. 大文

    多謝資料提供

    網上身份,幾撲朔迷離架!
    好似你呢位隱形富豪咁!

    ++++++

    小妮

    sor 乜鬼 ry 呀?
    妳暢所欲言啦

    況且呢度無乜人睇
    寫咗都唔多覺

    回覆刪除
  36. 其實 Daisy Wong 專欄,在信報和 blog 界的反應,都幾大分別。

    DW 的專欄,只是屬於信報其中一個規模不大的欄目,當是消閒、女人心事、時代觸角的文章咁嗟。

    信報主力賣點,是財經、政經、和國際金融分析。

    但在 blog 界就比較反應大,會有好多人當是才女文章,把 DW 推到高一高。

    回覆刪除
  37. diamond

    >會有好多人當是才女文章,把 DW 推到高一高。
    係咪SATC 鏈鎖反應? :)

    回覆刪除
  38. 啊....sex and the city 效應...

    應該唔係。 DW 寫果種,係 sell 時代潮女、新一代年青專業人士、work hard play hard 果種。

    「她」介紹的古典音樂,唔.....google 幫到你...哈哈


    DW 專欄,曾經換過人的。亦有一段時間,係由一組人去寫。


    DW ?當係消閒睇下開心下,咪算囉。


    蘭開夏道本書,$ 98 ,好貴,印量亦好少,信報當係湊熱鬧出版咁囉。

    ...我乜都唔知架.....我聽人講架咋...

    回覆刪除
  39. 莫非大文兄知道邊個係"王X詩"?講多少少啦。。

    回覆刪除
  40. 有位「某人」,曾在香港律師名冊及香港律師公會,詳細查過 DW 這個人。

    是沒有的,中英文名都無。

    而且,一般來說,能在聲稱「國際性律師行」,即是在大行當律師,律師行對律師會有非常嚴格的要求,包括專業上,也包括「在外界發表的言論」。

    做得大行律師,通常不會寫這種專欄,不能說完全沒可能,但一般來說,是不會。

    而且,DW 的專欄文章,也和信報要求的水準,是有相當大的距離。

    信報的文章,是好好多的。


    PS : 為公平起見,補充一句,我也認為 DW 的文章,也是讀者的一個選擇囉。

    咁,睇下咁囉。

    回覆刪除
  41. 大文

    多謝資料提供
    多得你咁多針,我地先可以知多啲

    >律師行對律師會有非常嚴格的要求,包括專業上,也包括「在外界發表的言論」。
    ==>係呀, tanya做話劇都要知會律師工會一聲

    ++++++++++++++
    eric

    "王X詩"?
    ==>係咪 黃韻詩 呀?
    做「山水有相逢」嘛

    回覆刪除
  42. tanya做話劇都要知會律師工會一聲

    ====================

    當然啦,嘩大佬點知你做咩劇,鹹濕劇咪死...@@~

    ( 舉例而已 )

    回覆刪除
  43. 小妮
    Silly
    Adult
    Tale
    Comedy

    ++++++++++++

    DIAMOND
    >鹹濕劇咪死!
    ==>係就好囉~~~

    回覆刪除

LinkWithin

Blog Widget by LinkWithin