~~~~~~~~~~~~~~~~







2008年7月16日 星期三

一個雨天

一個雨天

阿生和阿悅是一對二十出頭的年輕情侶,
兩人還年輕,沒有充裕的經濟條件下,有情飲水飽。
他們都跟家人同住,女的住大埔、男的住樂富。

阿生和阿悅剛好拍拖一個月,正是熱戀中最甜蜜的時候。
這個下午,兩人相約出來見面。

下午四時,阿生到大埔火車站接阿悅,
兩人在火車車廂中商量去邊度玩?
火車窗外風雨飄搖,雨點在玻璃窗上亂爬。
阿生陰陰嘴笑,把嘴巴挨近阿悅耳邊,細聲說:「落雨私濕、不如依泣!」
阿悅對男友這個大膽要求,沒有斷言反對,只是垂頭望著自己的手指,含羞說:「呢啲嘢…男人…話事喇!」
阿生聽後心花怒放!渴望已久的事情,終於在今個下午發生!

由於大家都跟父母家人同住,沒有地方可供親熱。
他們在九龍塘火車站下車,男的拖著女,撐著雨傘走在九龍塘街道上。
阿生有很多朋友,穿梭中港兩地工作,經常在九龍塘火車站出沒,
阿生驚給朋友撞到,把雨傘壓低貼著頭頂,用傘遮遮掩掩,鬼鬼祟祟。

他們找到一間時鐘酒店,臨步入之前,阿生用眼神問阿悅:「後悔仲嚟得切。」
阿悅用自己的腳回答了阿生,兩人極速步入酒店,走到接待處。
男女也是第一次來「開房」,心情既緊張又刺激;一起上人生的一課。

接待員帶他們入房間後問:「O唔OK?如果OK,多謝先生250元。」
阿生緊張到付款時,銀包脫手跌落地上,換來接待員冷笑說:「唔使咁緊張!」
男女相望,伸脷做個鬼瞼,自嘲一番。

接待員走後,阿生馬上把房間燈光調暗,畢竟他在卡拉OK文化薰陶下長大。
阿生只有從電影電視見過時鐘酒店,親身接觸倒是第一趟。
房間尚算清潔,阿生知道市面上有「偷拍開房的光碟」販賣,
四周檢查房間內有否裝上偷拍鏡頭,阿生覺得自己好像特務間諜般小心翼翼。
化妝枱上有安全套,阿生聽同事講時鐘酒店有安全套提供,
免卻他到便利店中,買一包煙二支汽水三本雜誌再搭…一盒安全套的尷尬情況。

好!戲肉到,阿生和阿悅在這200尺房間內,坦誠相對,翻雲覆雨。
纏綿溫存了三句鐘後,傍晚7:00分,兩人滿足地離開;雨亦已停了。

阿悅的婆婆今天生日,需要回家吃晚飯,阿生送阿悅一起乘火車回大埔。
到達沙田站時,阿生才驚覺手中的雨傘仍留在時鐘酒店內,
那把Gucci雨傘是他問家姐借用,絕對不能遺失!
他情急之下,在沙田站下車拆返九龍塘站,回時鐘酒店取回雨傘。
阿悅用眼神說:「咁大頭蝦架!」不過熱戀中男女,什麼缺點也當作可愛之處。

阿生一人返回時鐘酒店時,他又想起剛才纏綿溫馨鏡頭,不禁甜絲絲地笑了出來。
接待員把Gucci雨傘歸還時,接待員用眼神說:「唉~ 咁騰雞?試多幾次咪慣囉!」
阿生尋回家姐的新雨傘而鬆一口氣。
出酒店門口時,又下雨了,阿生截了一部的士返回樂富屋邨。

阿生在的士車廂內,滿腦子都是阿悅的優美身段影像,甜蜜地回味。
腦海裡想到入神之際,被司機叫醒:「先生,到啦!」
阿生下車回家,入屋後,母親剛好正在開飯。

家姐坐在飯枱前,問阿生:「咦?我借俾你嗰把Gucci雨遮呢?」
阿生O嘴:「哎呀!頭先坐車嗰陣,掛着諗嘢,把遮……留咗喺部的士度!」
「吓!把Gucci遮要成千蚊架!」

唉 ~ 頂!

43 則留言:

  1. 商店為爭取最大利潤, 提供之套都會是劣質貨色. 故多數人都會BYOB, 就算怕'監介', 只要到最近的便利店買, 店員都會習以為常.

    遲下我都整返篇ONS 先, based on 友人自述

    回覆刪除
  2. 數奇門

    「遲下我都整返篇ONS 先」
    好期待呀!!
    btw...什麼是ONS?...original net story?

    回覆刪除
  3. 我有幾個學生住係果頭,我成日揸住駕車係果幾條街穿插,等候(果度好多學神,成日阻住條路),總未撞過熟人喎!想捉個熟人來笑下,都係冇遇過。可能下午啲人要返工掛!

    大家出入小心啲,俾我遇到,要收掩口費架!
    哈哈哈!

    回覆刪除
  4. 我曾經是阻住Hana的學神=.="
    但係,我學車0個陣都見到成日有人入去0個d 地方架@@"
    其實,講開又講,用一次幾錢架?會唔會有人做過調查架?

    回覆刪除
  5. 數奇門

    Sorry! 我唔係扮純情
    因為故事中情侶, 不是一夜情
    所以霎時間聯想唔到one night stand啫

    +++++++++++++++

    Hana

    「大家出入小心啲,俾我遇到,要收掩口費架!」<---妳賺唔到我的錢, 我唔去九龍塘
    我上飛鵝山架!

    +++++++++++++

    zoe

    「用一次幾錢架?」<--妳講租房吖?
    我聽聞有平有貴,$500樓下有兩啦鐘啩?
    我估咋!

    回覆刪除
  6. 戲肉得兩句,睇黎我張戲飛被人呃左喇...

    我覺得兩人之間既第一次去左時鐘酒店好唔浪漫... 「你記唔記得我地既第一次?係間好污糟既房呀!」

    回覆刪除


  7. 「第一次去左時鐘酒店好唔浪漫... 」
    係嘅!
    不過香港地方淺窄
    有時年輕人同父母同住
    就要揀:渡假屋,大陸短trip,
    趁屋企人去街..才成事

    更甚者, 公園,沙灘,後樓梯都殺呀!
    呢啲苦況,你身住舊金山是不能明白的啊!

    戲肉得兩句嘛....唉!對於一個性事唔叻嘅人嚟講,真係下筆無方
    嗚~~

    回覆刪除
  8. 「戲肉得兩句嘛....唉!對於一個性事唔叻嘅人嚟講,真係下筆無方」<----可以用4仔恶补.

    回覆刪除
  9. 買套啫... 又唔係入內衣店買女人底褲... 有咩好驚 =w=

    回覆刪除
  10. 小瓶子

    「可以用4仔恶补.」<--好!從今起用功!
    yamede~ yamede~ Kimochi~~~

    ++++++++++++++++

    lo哥

    仲有好多人生人唔生膽
    (包括我...唉~)
    唔該...我要...一包...唉~ 無嘢啦!

    ++++++++++++++++

    素素

    「呢度D話題咁鬼開放嘅?」<--唉~得個講字,
    講之嘛~幾開放都係得個講字

    回覆刪除
  11. 渡假屋氣氛當然好過時鐘酒店,本來是很自然情侶間的事,卻要像偷偷摸摸!那遺忘了的傘,突顯了這約會對他的重要。

    回覆刪除
  12. 我唸安全套應該考慮出薄苛味,因為可省回.......香口膠。


    PS : 時鐘酒店嘛.....我其實有段時間真的很想經營一間,時鐘租房、有小吃供應、蛋撻、 drink 、情侶咩完之後,有嘢食、小菜、飯供應,甚至有安全套售賣等等。

    真係幾有得做的。不租給情侶也可租給自由行小住。

    回覆刪除
  13. 又唔記得攞傘...真係頂佢唔順.. 男人係唔係真係平均每六秒都會諗住sex架呢?

    回覆刪除
  14. $250,3粒鐘,平!

    想"住好d",可以去?星級酒店,如San Diego (not the one at USA!)@佐敦 ...

    Vincent

    回覆刪除
  15. 巴黎

    「本來是很自然情侶間的事,卻要像偷偷摸摸!」<--我諗偷偷摸摸先刺激啩
    妳又試吓,睇吓係咪刺激啲?

    +++++++++++

    kaka
    「男人係唔係真係平均每六秒都會諗住sex架呢?」
    <---因人而異啦, 我就每秒都諗住.....國家大事.

    ++++++++++++

    diamond

    好主意喎!情侶咩完跟著食飯唱K一條龍服務
    好方便!
    加埋打機,睇戲,上網,腳底按摩...

    回覆刪除
  16. vincent

    我們都是佐敦街坊
    吳松街嘅San Diego當然出哂名
    好多小姐出出入入架!

    回覆刪除
  17. >我諗偷偷摸摸先刺激啩

    古語有云:妻不如妾! 妾不如偷! 偷不如偷不到!

    古人誠不欺我耶!

    >我上飛鵝山架!

    太揚喇!
    我d差人friend成日上去照田雞架
    不如去大帽(霧)山
    靜d穩陣d

    >講咗咪露底

    此地無銀呀!

    回覆刪除
  18. Hey Carson, I voted for "Cyber奇兵勇破外星智能寬頻網絡", when is it coming out?

    回覆刪除
  19. Laulong

    「唔講嘢,講咗咪露底」<---你驚露咗條底褲咋!?

    +++++++++++++

    逆兄

    「不如去大帽(霧)山,靜d穩陣d」
    好介紹喎!
    撥著大霧默默地在覓我的去路
    但願路上幸運遇著是妳的腳步

    +++++++++++++++

    素素

    即係咁....全部戲都無投資者
    妳耐心等吓
    妳個孫可能睇到呱

    回覆刪除
  20. 其實"姑時"遮應該唔止五舊..... 起碼過千.

    joanne

    回覆刪除
  21. joanne

    吓! 原來"姑時"遮起碼過千架?!
    多謝提供先

    咁..米蘭站會唔會平啲?

    回覆刪除
  22. 大霧山有鬼架!

    哈哈,阿逆,我真係無銀架,三両都無!

    底褲唔怕露,底蘊就咪露,會比人插架!

    回覆刪除
  23. LAULONG

    大霧山有鬼架<---急色鬼嘛!

    底蘊就咪露<---仲有: 西米露,好危險架!

    回覆刪除
  24. 逆:

    你漏左一句呀,應該係:
    妻不如妾!妾不如妓!妓不如偷!偷不如偷不到!

    回覆刪除
  25. >妾不如妓!

    係喎!哈哈

    >急色鬼嘛!

    哈哈!撥著大霧果個呀?

    回覆刪除
  26. 逆兄

    撥著大霧果個呀?.....我揀撥起喇

    回覆刪除
  27. >我揀撥起喇

    要「揀」咁慘呀?
    乜唔係自動波架咩?

    嘿嘿~呢個場好似可以玩得好癲下咁喎!

    回覆刪除
  28. 翼兄

    可以「揀」即係對小弟弟有控制能力
    什麼時候應撥就撥
    唔該撥就唔撥
    唔會亂咁撥
    呢個就係有得「揀」嘅意思
    雖然我經常....需要撥嘅時候撥唔起
    唉~~~

    多啲嚟玩啦.
    傻架呢度

    回覆刪除
  29. is this story your own past experience?

    回覆刪除
  30. Bonjour Your Majestie Sung! Just wake up in the middle of the night and come to this crazy corner for new inspirations, and some fun.

    Will climb up la Tour Eiffel to turn on the laser light....

    回覆刪除
  31. Nost

    這不是我的經驗
    是我朋友阿強的親身經歷
    佢叫我千祈唔好話俾大家知

    ++++++++

    巴黎旅客


    巴黎呀巴黎呀!
    妳身在花都也記得探吓我, 有心!
    搵靈感?法國街頭大把啦

    吓!妳要主持「幻彩詠花都」的按鈕儀式呀?
    港人之光呀!!

    宋皇臺

    回覆刪除
  32. 其實..係咪..你...第..一..次..去時鐘..酒..店..呀?
    通常d人都唔認架喎...哈哈
    呢個場好似幾好玩喎...夠顛呀o麻!!

    回覆刪除
  33. 匿名

    你公開咁問, 我梗係唔會公開認啦!

    「呢個場好似幾好玩喎...夠顛呀o麻!!」<--係呀!多啲嚟坐

    p.s. 匿名,你是但起個名吖
    吓吓叫匿名好無癮啫!

    回覆刪除
  34. 你公開咁問, 我梗係唔會公開認啦!
    >咁即係認呀...哈哈

    我咪係狼師傅個百厭徒弟咯!

    回覆刪除
  35. 自由行

    啊! 自由行
    原來係妳啊!

    校長也向我提起妳
    妳呢個百厭學生!

    多啲嚟坐

    回覆刪除
  36. 乜原來我咁出名架? 呵呵...
    我會多d黎坐,仲會唔客氣自己開雪櫃取飲品.
    不過...我有機會搗旦..小心

    回覆刪除
  37. 自由行

    校長話妳上堂瞓覺

    「我有機會搗旦」....歡迎呀!

    回覆刪除
  38. 卡臣:

    >校長話妳上堂瞓覺
    晨早流流上中文堂喎,唔瞓覺奇啦!
    咁狼校長耍檢討下佢既教學模式呀!!

    回覆刪除
  39. 自由行

    「晨早流流上中文堂喎,唔瞓覺奇啦!」

    em....em....睇嚟..........錯不在妳!

    係校長無補習天王果種娛樂性啩!
    好啦!叫校長反省一吓!

    回覆刪除
  40. 卡臣:

    >錯不在妳!
    當然..哈哈

    >係校長無補習天王果種娛樂性啩!
    >好啦!叫校長反省一吓!
    你叫好d..我叫..實俾佢丙鑊咁

    回覆刪除

LinkWithin

Blog Widget by LinkWithin