~~~~~~~~~~~~~~~~







2008年7月12日 星期六

一個下午

一個下午

阿妝和阿峰坐在客廳中,阿妝觀看阿峰陳年發黃的照片,
已經是下午4時了,為什麼另外三位朋友仍未現身?
窗外風雨大作。

阿峰的新居入伙,邀請一班朋友上他家作House warming。
約好下午各自上阿峰的家,結果只得阿妝最早上來。
兩人坐在客廳中,阿峰用烏龍茶招呼阿妝,
今天早上起,已經下著大雨。
此時,窗外橫風橫雨,電視機右上角出現「紅雨警報」的訊號。
阿峰陸續收到其他三位朋友的來電,不約而同說實在太大風雨,抱歉要爽約。
吓?!只剩下孤男寡女獨處在一室之中?

原本阿妝見其他朋友都缺席,應該告辭,但是窗外的風雨叫她留下。
只好等雨一停,便要告辭,
可惜這一場雨像缺堤的水壩。

阿妝是一名空姐,阿峰問她各國的經歷和感覺。
阿妝由東南亞講到東西歐至美加,對於最遠只到過菲律賓的阿峰來說,
只有點頭和聽的份兒,未能插上一嘴或半句!
阿峰覺得阿妝的眼神好像告訴自己為什麼你眼界這麼狹隘?
一個沒趣的悶氣男子;阿峰覺得很窟。

雨終於停了,已經是晚上7:30。
阿妝喝光兩支烏龍茶,要告辭了。
阿峰送阿妝到街口的計程車站,
阿峰指路,阿妝離遠見到計程車站後,她示意阿峰不必再送,
在毫無預兆之下,阿妝輕吻阿峰右邊面額一吓後便轉身走,步向的士站。
阿峰呆了,是Goodbye Kiss?還是多謝他兩支烏龍茶?
還是空姐的慣有禮儀?

阿峰轉身行了兩步後,再想回頭看多阿妝一眼,
怎料阿妝也在同一時間回頭,登時四目交投,
五秒後,阿妝乘的士離去。

阿峰望着街燈下的的士站,極力記下這個情景,
留下來日後回味。


32 則留言:



  1. 嘻嘻~過關

    開了一個新label: 「巴士椅背」

    通常巴士椅背是一張稿紙
    乘客寫:阿怡!我愛妳!!阿輝正仆街!

    「巴士椅背」是一些較超現實,瘋狂
    抒情故事
    比三毫子(較寫實)離奇曲折搞笑

    回覆刪除
  2. 死喇,我知我蠢,但係我睇唔明,卡臣,解救下讀者囉?

    回覆刪除
  3. 有spam link! Carson, 鏟咗樓上個 bernard n. shull .

    回覆刪除
  4. 咿,
    又話三日先出篇文嘅?
    今次咁快出嘅?
    唔通早.?

    哈哈哈!

    回覆刪除
  5. 喂,咁樣既下午,我等咗好耐咯噃!

    回覆刪除
  6. lo哥

    你唔明「巴士椅背」?

    香港啲巴士(公車)的椅背,很多無公德心的乘客用marker/塗改液在椅背寫無聊嘢:
    eg:
    「sherry, l love you forever!」
    「張作友,立即還錢!」
    「陳心明,含撚喇!」
    「想叫雞, 91234 8765」

    我的「巴士椅背」是一隻完的短故事
    較天馬行空,離奇荒誕
    或講某個情境,可以搞笑可以黑色
    如巴士椅背的文字一樣不負責任,
    無前文後理,犯駁處會出現
    和三毫子的佈局不同

    希望你喜歡

    +++++++++++

    hana

    並非早洩
    因為不舉,何來早洩?

    原本3天一出
    但下週初可能隨太太出門公幹
    黐佢酒店住, 佢工作我玩耍
    而家waiting list緊,
    所以早啲出
    下週消失一陣

    回覆刪除
  7. lo哥

    多謝關心
    已剷走條link啦!

    ++++++++++++

    劉sir

    「咁樣既下午,我等咗好耐咯」

    雖然孤男寡女獨處在一室,但無嘢發生噃,
    你都制?!

    有冇酒呀? 俾你去灌醉人!

    回覆刪除
  8. 個女的已經好明顯的表示了。

    不是那個 kiss,而是回頭那一下眼神。

    有很多說話,都是由眼神裡表達出來的。

    回覆刪除
  9. [因為不舉,何來早洩? ] <----卡 said.


    唔怪得我當堂眼眉調.....無嘢!無嘢!

    無嘢呀....無嘢。

    回覆刪除
  10. 哈哈... 呢個"巴士椅背系列"令人回味無窮!

    空姐呢類 Kiss, 出發點唔一定為發展感情, 有時只是貪玩, "攞你命3000", 包括在的士回眸都係...

    點解我會知?

    因為... 我都做過傻仔law...

    回覆刪除
  11. 我係指唔明呢篇...

    我理解能力唔好添... 大家都咁有見地.

    聽咗渣兄咁講... 係另一番睇會喎...

    回覆刪除
  12. diamond

    「而是回頭那一下眼神」
    如果不是夾硬人為,而是自然巧合
    兩人同時間回頭,四目交投, 是一個magic moment!
    人生難得有幾回!

    一講到不舉
    你當堂眼眉調?
    真係橋啦!
    介紹支「霹靂壯陽針」過你
    我試用過,it works!

    ++++++++++++++

    渣sir

    「因為... 我都做過傻仔law...」
    吓!渣sir,你同我都係「攞你命3000」嘅受害人呀!
    嗚~嗚~
    痴心錯付....我恨我痴心...


    +++++++++

    lo哥,

    其實文章過癮之處
    就是不要設下框框去閱讀
    同一個處境,唔同人閱讀到唔同東西
    可以是:
    1.青頭仔對孤男寡女獨處的迷思.
    2.空姐貪玩,戲弄弟弟的一吻.
    3.青頭仔覺得自己無內涵,怎料其實空姐鐘意/唔介意(現實生活,不是人mind自己,只是自己mind自己)
    4.兩人回頭的magic moment
    5.空姐輕吻:真正動機的推測
    6.青頭仔對姊弟戀之暇想

    好多可能性
    鐘意點睇咪點睇囉

    回覆刪除
  13. 一篇文章或小說寫得好的話,是會給不同讀者不同的思考領域。

    當然,除非文章寫得根本不通,沒人看得明白,那就不作討論了。

    生活上很多事情,可能只是小事一樁,但主人翁在不同時間不同人物的組合下,又會有不同的領會。

    例如那位空姐的一吻,可能只是逗人憐愛的一個動作,但也很大可能是對男方的一種表示,因為吻男人的臉頰,就算是禮貌也不止的,是一種表示。

    但是否有發展,那是後話。

    有時候,遇上一些異性,特別談得投契,也是互相先有好感才有的結果,一眼看上去已沒好感,怎能談多句?

    這篇短打已給人無限空間。

    回覆刪除
  14. 其實,我只想那蜻蜓點水的一個吻!

    回覆刪除
  15. DIAMOND

    你分析得很好呀!

    想像空間:

    1.可能空姐一早芳心暗許,是她夾計叫其他朋友爽約
    2.可能阿峰一早已經想攬着空姐,可惜覺得自己無見識,而打消念頭
    3.可能阿峰講大話,House warming其實只得兩人
    4.空姐這一吻,因為看過日劇有這一幕,一時衝動,貪玩已而
    5.的士回望,因為空姐發覺自己把傘,仍在阿峰手上

    +++++++++

    laulong
    「我只想那蜻蜓點水的一個吻」

    最重要是空姐肯吻下去
    那管這一吻是深是淺?!
    當然,如果係「茄輪」就最好啦!

    回覆刪除
  16. 愚認為“巴士椅背”和“公廁門板”有異曲同工之妙,有D人在如廁時會詩興大發,所以公廁門板上果D都非常精彩O架~~~

    特殊環境下的確會產生特殊情愫,空姐俾足信號,可惜青頭仔唔識吃住上。哎,要不然,那可回味的就更多啦~

    回覆刪除
  17. 唉...
    我後生果陣都做過空姐,點解唔識 "攞你命3000"果啲招數嘅?
    如果唔係优就...

    回覆刪除
  18. 香港人未必會與朋友吻別吧?她倒像暗示,最吊詭應該是那回望,藏着千絲萬縷,男女間的感情,是那一刻的觸動....用眼睛說話,最心動。

    回覆刪除
  19. 大文 or 渣估

    可唔可以有人解說一吓點解會叫做【攞你命3000】?
    同周星馳有冇關係?

    Carson:
    hey,你地以為自己痴情,其實只係痴線。一時間亂唸,唸錯嘢啫。

    ------------------
    其實我也很喜歡呢一種攞你命3000。

    將要離開之際,輕吻面額或輕吻額頭,然後再加深情眼神。動心的就是那一刻,但知道是沒有結果的選擇還是不要作。情是眞的,吻也是由心的。

    相信這並不是故意戲弄,只因喜歡上了不合適的對像(例如年紀比自己小幾歲的)。

    回覆刪除
  20. CARMEN

    哈哈!我都有諗過用「公廁門板」
    不過驚誤導讀者,以為有香艷嘢睇
    用返巴士椅背好啲

    「可惜青頭仔唔識吃住上。」
    可能青頭仔一上就會吃閉門羹
    而家咪幾好
    記足她一世

    +++++++++++++++++

    hana

    「攞你命3000」果啲招數唔啱妳,
    妳係咁咦用眼尾望吓
    都大把有錢才俊
    俯首稱臣喇
    使乜學「攞你命3000」吖

    ++++++++++++++++++++

    francis

    一定到呀!

    回覆刪除
  21. 巴黎

    講到吻別
    喺塞納河旁吻別,梗係浪漫過喺城門河旁喇

    環境咁浪漫, 唔鐘意佢都變到鐘意佢.

    「用眼睛說話,最心動」<--練習緊,
    但我先要醫好對鬥雞眼先

    宋皇臺上

    +++++++++++++++++++



    you like this kind of 攞你命3000?
    一於喺SF度,搭cable car時
    回望吓同女途人, 十次梗中一兩次
    製造驚鴻一瞥!

    祝你唔好扭親頸

    ++++++++++++++++++

    素素
    「hey,你地以為自己痴情,其實只係痴線。」<---妳的觀察力高呀
    知道我黐線!

    「相信這並不是故意戲弄,只因喜歡上了不合適的對像。」
    嗚~嗚~
    妳勾起我傷心事
    我曾經愛上一個不應愛的人....

    回覆刪除
  22. 若那女孩不是做空姐的,又會如何?
    為什麼這麼多人都對空姐有成見?

    回覆刪除
  23. Sava

    「為什麼這麼多人都對空姐有成見?」
    不是有成見啊! 是Fantasy呀!

    空姐,護士,女警
    都是男士心目中,女性制服誘惑頭三位
    (至少我是這樣想)

    回覆刪除
  24. 唔係好明,篇文係對空姐的 fantasy,點解會理解為成見?????

    唔通係你寫得太差,還是中文字真的那麼難明???????

    不如下次中文網誌,附設英文譯本和簡體版吧,可能會好點。

    回覆刪除
  25. r:

    我明白點解sava 會咁問。唔係篇文令人對空姐理解為成見,而係D【留言】好似對空姐有DD成見。

    我覺得唔需要英文譯本和簡體版啦...呢度個個都咁黃,又唔係黑黑白白。

    回覆刪除
  26. 其實我都想知點解叫攞你命3000
    我想靚女回望我,等我留住呢一刻慢慢回味,唔係我去回望靚女喎!

    回覆刪除
  27. r
    我啲英文仲差....算罷啦!

    +++++++++++++++

    素素

    多謝妳幫手,替我指出問題核心
    妳真細心!

    +++++++++++



    攞你命3000<---渣估兄講先
    我估意思係: 周星馳電影:國產凌凌漆中
    羅家英發明的殺人武器:攞你命3000
    類似(ISO9000)

    兩人同時回望: 真係攞人命架!
    令人窩心難忘!
    咁心意相通, 人生難得幾回呀
    是機緣, 所以無得學

    回覆刪除

LinkWithin

Blog Widget by LinkWithin