~~~~~~~~~~~~~~~~







2008年4月18日 星期五

Hip Hop之王 (小說)

Hip Hop之王 (小說)

每晚十一時後,
葵青劇院對開的空地,
都會聚集一群喜愛跳Hip hop dance的年青人。
他們衣著Hip hop,生活態度都好Hip hop!
Rapping、捽碟、Battling、踩板、Graffiti無所不精!
其中一位中跳得頗出色的少年,綽號叫:DJ Zuo。
他滿身紋身、周身釘環、手勢口吻都是一個標準的Hip hop人。
日間當油漆工人,夜晚就做返自己鍾意做嘅嘢!
兼職做Disco DJ打碟、做dancer伴舞賺錢,
其餘時間踩板噴油BMX!

DJ Zuo覺得Hip hop是一種偉大的流行文化!
自己可以喺最無拘束的狀態下盡情表達自己的想法,
DJ Zuo在Facebook開了一個Group叫「Hip hop change the world」,
因為rapper用rap歌控訴社會不公平現象,具有改變社會現狀的動力,
這個group喺Facebook內,都有接近二千人參加。
喺香港宣揚Hip hop文化,
是DJ Zuo給自己的使命!

這夜,DJ Zuo又在葵青劇院的空地,以舞會友。
他昨夜翻看Michael Jackson的80年代舊music video時,
從「Thriller」的music video中獲得跳舞新靈感。
將video中扮喪屍的喪屍舞,加以改良融入Hip hop dance入面。
這個「喪屍Hip hop Stepping」的特色是令自己上身跟下身不協調地移動,
每個手腳關節都挑戰違反常理的角度擺動著。

朋友們圍起一個圈,DJ Zuo在圈的中央跳起這種自創「喪屍Hip hop dance」。
旁觀者拍手大叫:「Yo!it’s cool!man!」
DJ Zuo自感滿意之際,左眼角昅到有一名中年男士行近,
這名男士四十幾五十歲,金絲眼鏡,髮線後移,頭髮銀灰,
身穿國產白色恤衫黑色西褲,恤衫前袋插有啡膠梳和原子筆。
嚴格來說,他的衣著口味好像定格在70年代,從未改變過!
雖然他衣著老土,但他思想絕對前衛;
他盡力模仿着DJ Zuo的舞姿亦步亦趨。

DJ Zuo想起在中國大陸,晚上公園都會搞文藝晚會,
工人和市民都會走到公園裡跳社交舞聯誼。
DJ Zuo想這位先生定必是大陸新移民,他突然想起老家,聞歌起舞!
難得他勇於接收新事物,想融入本地社會文化,
但更難得的,就是他青出於藍!
他比DJ Zuo更能扭動身體各部份,難度分比DJ Zuo更高!

旁觀者立即把人圈擴大,包圍着該名中年男士,
隨着Hip hop節拍拍起手掌!口裡「yo!yo!check this out!」叫過不停。
DJ Zuo目睹這一幕,十分感動!
他相信若果有一天,所有人,無論男女老少直攣富貧,都欣賞Hip hop文化的話,
世界大同的夢想就指日可待!
這名中年男士就是一個很好的開始。
DJ Zuo不禁大叫:「Hip hop change the world!」

怎料在該名中年男士的臉上,找不到半絲自豪或笑容,
還怒目注視這班Hip hop戰士!
其中一位Hip hop仔見到中年男士穿的皮鞋是「高低踭」,
一邊鞋是3吋踭,另一邊鞋是平底。
Oh! No!這位中年男士是小兒痲痺症患者,行路一拐一拐,
他立即用手肘鋤DJ Zuo,用眼神示意他望一望中年男士的那雙鞋。
DJ Zuo望到那雙鞋時,口中講到「Hip hop change th…..」時,立即收聲!
眾人察覺後,目瞪口呆,馬上停止拍掌和叫喊,
讓出一條路給男士離開,男士口中喃喃:「屌!你班仆街!正冚家剷!你老鹵臭…」

眾人目送男士的背影漸漸消失於黑夜中,
DJ Zuo率先打破沉默:「Shit man!又會咁嘅?」
眾人附和,牽強笑兩聲後,當無嘢發生過,繼續跳舞。
DJ Zuo事後心裡想:「究竟Hip hop dance是模仿、取笑殘障人士?
還是,如果殘障人士跳起Hip hop dance時,會更勝過健全人士,替他們取回一點自信和尊嚴?」

DJ Zuo帶着這個迷思,繼續扭動他的身體,
嘗試在四溢的汗水和強勁的節奏中尋找出答案,但走仍不出迷思!
口中呢喃着:「Hip hop change the world」




38 則留言:

  1. 喂!!我好鐘意睇Breakdance. 有好多handicapped breakdancers係跳得仲in仲勁!! 跳得好smooth!! 有次Hong10 在場睇佢practice, 自己都想學佢D moves。(那人是冇脚的, 但有好強的一雙手,勁!! )Hong10 都甘拜下風。但係有D moves 只有handicap嘅人先做到。 我去找個video link比你睇吓=D
    PS: 其實我鐘意Lilou多過Hong10。雖然Hong10冇咁串。

    回覆刪除
  2. 卡臣:

    初念淺,轉念深,要慎言.

    Daniel.

    回覆刪除
  3. breakdancers 其實咪就係d係體操上加入音樂舞步元素

    回覆刪除
  4. snowysoso
    多謝妳,
    睇咗條片啦
    嘩!無腳都跳得咁勁!
    佩服佩服!

    喂!妳喺東岸定西岸呀?

    回覆刪除
  5. Antenna Apollo 天線亞波羅

    咁喃嘸加啲音樂咪變rap?

    回覆刪除
  6. Antenna Apollo 天線亞波羅
    係喎!
    rap 入面有 rap battling

    回覆刪除
  7. 係呀breakdance好好睇!! 我想去睇現場lo!!呢D係世界級勁人。平時D breakdance冇咁誇lei..
    Omar vs Lilou

    PS: 東岸ar

    回覆刪除
  8. Snowy
    嘩!
    我覺得白衫果位lilou勁過紅衫果位.
    lilou的手穿腳, 腳穿手
    簡直突破人類極限
    咁牙煙!會唔會斷架?
    DJ Zuo都係行埋一面啦!

    回覆刪除
  9. hai ar but Lilou 好串,佢响場外"了"人打交, 用腳踢人,好離譜!
    其實Omar有style D家。只不過佢冇Lilou咁手腳咁"勁聯"之ma。

    回覆刪除
  10. snowy
    Lilou 梗係鐘意"了"人打交,
    因為佢可以喺無可能的刁鑽角度踢腳或出拳,實贏!

    回覆刪除
  11. 正呀,卡臣!

    你的手法愈來愈圓熟,寫來如在目前呀!

    Hip Hop 之王,是鬼故?

    回覆刪除
  12. 劉兄
    多謝校長的鼓勵
    這篇可以貼堂嗎?
    同我喺作文薄上蓋一個白兔仔呀.

    回覆刪除
  13. 世事係好唔公平, 冇計。

    不幸人士要自強, 「幸運人士」也唯有培養同情心, 幫助和尊重殘障者。

    我諗膠梳阿叔都唔係第一次有咁既遭遇!

    至於"Hip Hop change the world" 呢類口號, 屬自我矇騙。

    能夠大幅度 change the world 的, 只是極小撮人。

    尋常百姓的活動只是小浪, 什至只是短命泡沫, 對改變社會潮流作用有限。

    當然如果「有心人」夠多, 又或當中出現魅力型領袖, 加以時間, 共建美好社區/社會, 還是有機會的。

    借題發揮一下, 不知大家早上有冇收聽《在晴朗的一天出發》這個電台節目?

    自從黃永領導這個節目之後, 聽得出他正刻意做多了提升公民意識和爭取社會福利的事。

    討回公共空間、爭取增加老人金... 等都花了很多時間在大氣電波。

    我覺得他的出發點/有野心是好, 但是還未習慣這樣的路線。

    有點懷念以前黃偉民那種硬朗的風格。

    回覆刪除
  14. 小妮
    "香港缺少給業餘人士表演的場地啊!"
    係呀!
    我夠鐘去天水圍公園唱粵曲啦!

    回覆刪除
  15. 大文

    火炬喺手
    有無國界記者向我襲擊啊!呀...呀...

    回覆刪除
  16. 又借題再借借發揮一下:


    【在晴朗的一天】的黃永,及整體商台包括李慧玲節目等,聽眾心水清一點,便會明白,主持人花許多時間和心機,指出當局很多對市民的不平事,及提醒民眾,我們的這個動感政府,和商界大財團的種種私利瓜葛。


    不過,有很多香港和諧大四喜派的人,以為表象虛幻的和諧,等如自己生活會得以改善,認為只要和諧,財團和政府便會【 加以照顧 】小市民。


    和諧派的人,會覺得批評當局是破壞和諧和不中立,這種自我陶醉的和諧,恐怕權貴一不高興,少一些投資,將對社會構成威脅。


    和諧是被濫用了,也認為是各人打五十大板便是中立,情況和亞媽是女人、肚餓要食飯,道理一樣。


    回想商台是非最多的時期:鄭經翰+黃毓文 ;是當局【 比較乖 】的年代。

    我又自說自話了.....

    *************


    這篇小說,相信筆者並非談如何 hip hop、膠梳亞叔如何 hip hop、甚至焦點根本不在 hip hop ,是別有一番喻意,right ?

    回覆刪除
  17. 渣兄,
    change the world 源於我見到一句T-shirt 的 slogan
    當然需要人同時間, 慢慢去改變世界
    好似柏林圍牆要四十幾年先推倒.

    不過Technology就真係好快咁change the world.

    有收聽《在晴朗的一天出發》,
    搞過電台論壇討論"陳冠希事件,流感,公共空間'等議題.
    等我呢啲只知皮毛的聽眾知多少少.
    好過無呀!

    回覆刪除
  18. those hip hop guys really exist besides the Kwai Ching theatre, right?

    p.s. thx for amending the name of my blog in your link column.

    回覆刪除
  19. nost
    係呀!有時我喺葵青睇完戲,
    出嚟就見到佢地喺度跳舞.
    我諗你都見唔少.

    回覆刪除
  20. 好似好好玩咁wo,你有冇一齊跳埋一份??

    回覆刪除
  21. 渣沽,

    你層次真低,聽毓民?

    回覆刪除
  22. Snow
    我跳埋一份?
    我啲老骨頭, 一扭就碎.
    等妳回港返嚟跳呀!

    回覆刪除
  23. 大文兄,
    "甚至焦點根本不在 hip hop ,是別有一番喻意,right ?"
    嘿嘿!你說得對.

    我想借故事講:〔模仿〕,
    DJ Zuo主動地模仿痙攣人士,
    膠梳亞叔則被動地誤以為他模仿跳hip hop ,
    兩位一人有意,一人冇意地在模仿.
    但都只是模仿,最後不能將自己變成另一個自己.

    舉個例子:如果有個人基於自己的條件所限制,或者自己有很多未能滿足的欲望而投射,
    跟著將自己模仿成好artistic,
    好cosmopolitian咁,扮識好多人,扮好精彩的夜生活.但其實都是扮,
    係膠梳亞叔,就始終都是膠梳亞叔.

    張國榮話:有一隻無腳嘅雀仔,由佢出世嗰日,要飛到死先可以停低.
    劉德華答:呢隻雀仔一出世已經死咗,其實邊度都無飛到過.

    回覆刪除
  24. 小回應給 2008年4月19日 星期六 上午01時20分00秒 HKT 的匿名大哥/姐:

    是晴朗的黃偉民,不是黃毓民呀~ 

    (註:你前一句講得很對。)

    回覆刪除
  25. 渣沽
    容我搭訕一句:
    如果你係層次低, 我就直情係塾底嗰隻!

    回覆刪除
  26. 渣兄:我既層次好彩有你作伴!
    《在晴朗的一天出發》的同一時間香sir都講緊野,我中意香sir多啲,佢講野中肯好多,香sir播廣告我先轉去《在晴朗的一天出發》,聽聽下有時就轉台寕願聽廣告!榴槤係好食但唔可以當飯食架嘛!至於李慧玲OMG...

    回覆刪除
  27. 如果渣 Sir 叫做層次底。

    卡臣係叫做塾底...

    咁我其實已經屬智障。唔怪得又眼眉調 ~


    PS : 其實,李慧玲係屬於八婆一名,常以【我收到風】作招徠,不過,無左呢類踢下政府既人,又係唔得既,至於新城,已屬某財團某富豪立場,但不同觀眾自有不同需要,各自選擇便行了。

    回覆刪除
  28. 卡兄,我看你這篇小說,除了你指出的【模仿】外,DJ Zuo 以為自己成功模仿、 膠梳老土亞叔則被誤以為模仿。


    而我看到這故事另一喻意:同化。


    DJ Zuo 以為自己有一套堅信的現念,並努力地去進行、及嘗試把這理念推廣出去,期望更多人會因為 DJ Zuo 的感染力,而轉而相信這套理念,而 DJ Zuo 認為,他這理念就是改善世界、並是美善幸福之道。


    膠梳亞叔,打扮老土,看似平平無奇,低調、甚至不入流。 但他的表現, DJ Zuo 以為亞叔被自己感動而開始【同化】,以為自己已改變了這亞叔。


    不過,原來亞叔只是做回他自己,他並未因任何人改變,或許亞叔不願被改善、或可能他因某些理由,根本也沒能力改變。


    但看在 DJ Zuo 甚至一般觀眾眼中,以為亞叔改變了,被 DJ Zuo 同化了,而當中有一些心水清的人,留意到亞叔其實是做回他自己,醒覺了。


    ******** ********


    在這社會上,不同人有不同理念,各人都相信自己理念應該是對的,並期望把自己理念推而廣之,希望多一點認同,或把別人同化。


    然而,當信奉某一套理念時,可能認為只有眾人皆醉我獨醒,也認為自己理念高於別人。


    不過,或許是信念令自己昏了頭,以為不張揚的人便是跟不上自己;原來,有人只是做回自我,未被自己打動,只是自己以為自己有力量隨便影響別人。


    不同角度意識形態,可代入故事中的任何角色,或任何理念投射,難評論誰對或錯。弔詭地,推廣自己理念的,總認為自己是為別人好。

    回覆刪除
  29. 大文兄,

    知我者莫約你啦!
    連我睇唔到嘅潛在深層意義,
    竟然被你一語道破!
    你真挑通眼眉(唔係眼眉調)!

    我的初層次解讀(模仿)
    只是第一版,有感而發
    至於你第二版的解讀(同化)
    坦白講,我寫嘅時候真係諗唔到.
    嘩!真弔詭!

    下次你又幫我寫解讀,點石成金
    提升吓小弟作品層次

    回覆刪除
  30. 嘩,卡兄,你真係太客氣,送件蛋撻過你~

    唔係我層次高,而係你呢篇文章,可以俾到好闊既思考空間給看倌,包括我。


    有時候,一篇好的文章或小說,可以給人不同層面解讀,當然不是天馬行空,而是從不同角度,去理解整個故事,便會發覺文中自有另一番細味。


    【模仿】如是;【同化】也如是,我們處身的社會,很多意識或思考方向,都會或多或少受不同意見領袖 ( opion leader ),作不同程度的導向,當中包括 ( 模彷別人 )及 ( 被同化、或嘗試同化別人 )。

    回覆刪除
  31. 哈哈!

    幾位大哥大姐,我志在鬧毓民,結果大合唱,過癮!

    渣估,高高低低,講得出同不講出兩回事!

    回覆刪除
  32. 乜有大合唱咩?合唱咩?

    " 講得出同不講出兩回事 "

    你想表達什麼?

    回覆刪除
  33. 大文兄,
    謝教先!

    多謝你件蛋撻.
    我回你一杯facebook 的dry 馬天尼.
    dry唔dry呀?

    回覆刪除

LinkWithin

Blog Widget by LinkWithin