~~~~~~~~~~~~~~~~







2008年4月8日 星期二

陰陽路之索債 - 下集

陰陽路之索債 - 下集

阿銘聽後臉如死灰,呆若木雞。為什麼今次竟然輪到自己呢?

阿銘知道自己的壽命只剩下最後24小時。他還未捨得離開這個花花世界,不甘心活到這年紀便要走。雖然添添親口叫自己一聲:「爸爸」,這是每個初為人父所渴望聽見的,但這一次,阿銘寧願兒子不叫也罷。

小慧安慰阿銘:「海爛姦廁唔腫呢!」(可能今次唔準呢!),但無人敢寫100%包單。他和小慧商量後,他們決定明早便去找一名茅山師傅幫手。師傅是小慧契媽的好朋友,聽聞驅鬼法力高強 (不是騙財騙色那種)。

4月9日,阿銘請假一天,去銀行轉名,找出人壽保險單據、見父母、探死黨好友、到影樓拍家庭合照、吃一頓最豐富的晚餐,為自己做定最壞的打算。他最捨不得留下妻兒,但閻王要索命,誰人能阻止呢?

4月9日晚上11時,茅山師傅跟阿銘一家三口在深水埗家中設壇作法。一輪頌經燒香後,11點57分,剩下3分鐘便要踏入凌晨。

* * * * * *

阿銘全神貫注望着家中牆上的掛鐘,啲嗒啲嗒啲嗒…分針隨着秒針由59分撥向60分,阿銘渾身冒汗,緊張得全身繃緊。替自己死亡倒數的滋味是十分無助和無援。

阿銘望見分針撥向60分後,自己仍在呼吸,到01分時,他更高興到拍手大叫,擁着妻兒大嘆死過翻生!全靠茅山師傅功力深厚,驅邪僻鬼。阿銘把酬金交給師傅後,送師傅出門口,阿銘如釋重負去洗一個熱水浴。

添添早已甜睡去,12:30阿銘關上電燈準備上床睡覺。突然家裡電話響起,急速的鈴聲打破房間寧靜。阿銘成了驚弓之鳥,莫非死神拆返,再次上門索命?

阿銘不敢接電話,小慧鼓起勇氣去接聽。
「威!嗨…嗨…蝦!孖帶膠駒…」(喂!係…係…吓!乜大哥佢…)
原來是阿銘的細妹半夜來電,她通知阿銘,他們的親大哥阿輝,剛剛在深夜12:00於屯門公路發生車禍喪生。

阿銘聽後震驚之餘,望見小慧低頭不語,慚愧地逃避阿銘的目光,阿銘已經心裡有數。怪不得自己能夠獨善其身唔使死啦。

阿銘結了婚5年,想不到今夜竟無意地拆穿這個埋藏已久的殘酷真相。阿銘雖然承受了一個無情的事實,但卻換來保全自己的寶貴生命。阿銘覺得這宗交易倒是十分划算。

打後的日子,他對待添添視如己出,供書教學。他心裡已經原諒了仍在生的小慧和死去的哥哥阿輝。畢竟曾經徘徊過鬼門關的人,已懂得放下執著和學會豁達。



在凌晨 - 張震嶽
作詞/作曲:張震嶽

在凌晨二點十分慌張想你
吸著無法入眠的空氣
如果是夢境 也許是幻影
我想沉醉在這裡

常常會發現你在我的身旁
聽我當兵的故事很有趣
清晰的感覺 永遠不會變
而你不在這裡 陪我

忘不了你給我最當初的禮物
答應我陪我去尋找我的夢想
到頭來我不是 你選擇的人
也許你是對的

60 則留言:

  1. 三位大哥大姐:
    大文兄, 渣估兄, vicky妹.
    sorry!去咗街,11;30先返到嚟!
    唉~~我自插一杯先!
    先飲為敬!

    回覆刪除
  2. Hana & eric
    恭喜兩位估中結局!
    生父另有其人,

    由於故事一早寫成,
    沒因為被估中而改寫結局.
    一個字'懶
    都唔係喎!你哋咁叻,
    我點寫都被你地估到啦!

    回覆刪除
  3. 不要說自己lazy, insist story ending是好的!! It's ur story ma!!
    嘩, 靠通靈小朋友知道生父是誰, 精彩! 但嚇死人咩.....

    回覆刪除
  4. "原來我的爸爸不是我的爸爸,而是我的叔叔."我還記得讀小學的時候常常要作句,有一次我們要用"原來...不是...而是"作句,班上有個男同學快而準地大喊了上面句子, 引來哄堂大笑, 連老師也忍不住笑了起來. 估不到廿多年後, 會給你作了個故事出來...

    回覆刪除
  5. >Hana & eric
    恭喜兩位估中結局

    咁、咁有冇獎架?

    回覆刪除
  6. 存活換來了真相,人生諷剌,莫過於此!

    但原諒,又是何等的可貴!

    回覆刪除
  7. vicky,
    好!一於唔改(原汁原味,寫咗就算)

    人死過翻生後, 看化世事.
    如果未接近死亡都懂得豁達就更好!
    (如果阿銘不是在險死陰影下, 他不會輕易寬恕太太)
    這是我想藉故事講的東西.

    回覆刪除
  8. 而家日本好興果種手機短篇小說 ( 真係好短,2 分鐘內睇完 ),係咪應該好似你而家寫緊呢種?

    回覆刪除
  9. 大文兄,
    一於寫啦!
    相信電腦mon前的朋友,
    聽後已拭目以待.
    熱切期待!

    回覆刪除
  10. sava
    嘩!真係咁癲!!哈哈!
    恐怕妳的同學不是作句,
    而是剖白喎!
    唔通妳同學叫添添
    咁橋?

    回覆刪除
  11. 劉兄,
    唉~~有時知道真相都唔係咁過癮.
    要付出不菲的代價.
    唔通呢啲叫做難得糊塗?

    回覆刪除
  12. xiao zhu
    對呀!
    執番條命,個仔係邊個都無計!
    百轉千迴後,只想好好活著.

    回覆刪除
  13. 文兄,
    其實我都想寫長啲.
    不過力有不遞
    驚虎頭蛇尾,故事後段無以為繼,
    嚟個反高潮就對唔住大家啦!

    回覆刪除
  14. 喎巧司歡呢個截局。

    近排亞添添仲又冇講其他野呢?

    大力支持大文兄寫古仔。

    回覆刪除
  15. eric
    娌叉終截豬, 姣娌嗨!....

    添添噚晚問:點解我要企喺度小便?

    大文兄,
    大力支持!

    ...(你猜中結局,好厲害!)

    回覆刪除
  16. Carson Chung 提到...

    人死過翻生後, 看化世事.
    如果未接近死亡都懂得豁達就更好!

    豈不是緣何起得早,妻與他人睡?:O

    Daniel.

    回覆刪除
  17. Daniel,
    妻與阿哥睡..
    學政府宣傳短片話:"一家人嘛!"

    回覆刪除
  18. 大文兄
    鹹濕同科幻,呢兩味我都啱!
    嘩!昅實你個blog先!

    回覆刪除
  19. 真係都巿奇情!

    唯有寬恕別人,我們才能真正解脫。

    有意思... 

    回覆刪除
  20. 渣沽:
    "我十二點要返酒吧兼職架!"
    嘩! 渣老板, 你都要兼職? 唔好玩啦!
    你落酒吧收數呀?
    "阿公12點落嚟呀!"

    回覆刪除
  21. 渣沽真係要返酒吧兼職.....集團 CEO ..


    Hey ,好多 CEO 都話自己: 車,我打份工架咋 ~

    回覆刪除
  22. 係囉!
    自己張卡片上無title嗰位先最勁!
    自己個名已經係金漆招牌!

    回覆刪除
  23. Carson Chung 同陳大文兩位咁得聞, 係咪唔使番工?

    回覆刪除
  24. 卡臣 fans:

    哈,你真係叻喇,咁都俾你估到,即丫咁架,我地呢,其實係一班隱形富豪,大把樓收租 + 幾百( 球 )藍籌收息 + 仲未計外匯每日賺上賺...


    其實我地都好忙架,要處理每日收益嘛,寫 blog 都係叫秘書寫之嘛 ~~

    我地識請秘書嗟 ~

    回覆刪除
  25. 親愛的fans,
    多謝關心先,
    我同大文兄真係幾悠架!
    撚雀養魚種花捉棋耍太極
    我字都唔識多個,識鬼寫blog咩?

    俾啲掌聲我秘書先!

    回覆刪除
  26. 睇o黎,卡兄你已經掀起左一股小說熱喎 ~

    回覆刪除
  27. 大文兄,
    我呢啲叫拋磚引玉
    你和小妮的才是堅嘢呀!
    好緊張呀!

    回覆刪除
  28. 文兄,
    你梗係左眼眉調啦
    左吉右凶嘛!

    回覆刪除
  29. you're gaining more & more blogger fans now!!

    回覆刪除
  30. NOST,
    well, they are not my fans, but
    friends & teachers...of course including you!

    回覆刪除
  31. Car兄,不來探訪一段日子,果然好熱鬧,多了很多新 fans.

    有戲上,你紅上加紅!

    回覆刪除
  32. vincent
    邊度係fans!
    大家係朋友嘛!

    "你不來探訪一段日子"
    係咩?成日見你有留言喎.
    咪扮嘢

    回覆刪除
  33. 卡臣:

    我都係幾乎接近鬼門關,好彩無事,個人真係無咁火,以前我一寫字就鬧人,宜家一寫字就「淫人」!咁就叫做睇開佐喇!嘻嘻!

    回覆刪除
  34. 佛爺

    係喎
    你果次意外後大難不死喎
    咁必有後福啦...齊人之福嘛

    回覆刪除
  35. 仲未解破BB點解唔識講野,要寫第三集先得喎

    回覆刪除
  36. naruto

    BB點解唔識講野?
    可能而家下一代只識msn/微博
    而唔識講嘢啦

    回覆刪除
  37. 神怪故事我都幾中意睇!咁,個細路啲特異功能就用晒架喇?之後呢?

    回覆刪除
  38. coffee

    我開了「陰陽路」這個系列
    如果妳喜歡睇鬼故就好啦
    日後仲會寫

    添添呀?
    大咗,他的天眼唔通了
    做回正常孩子

    回覆刪除
  39. 我睇到電話響才想到結局呀!係咪有啲遲鈍呢?

    回覆刪除
  40. 單無雙

    一啲都唔遲鈍
    起碼想到個結局嘛

    回覆刪除
  41. 哎呀!还有3分钟就是十二点啦!

    走为上着!快跑!

    嘿嘿嘿~

    回覆刪除
  42. 嘿嘿

    原來香港跟你那邊有一小時時差
    我已經是一時五分

    回覆刪除
  43. 咦?香港和新加坡没有时差的吧?你们真的有冬令时间?

    回覆刪除
  44. 嘿嘿

    是這樣的:
    請看看你的留言

    『 嘿嘿 提到...
    哎呀!还有3分钟就是十二点啦!

    走为上着!快跑!

    嘿嘿嘿~

    2010年12月2日星期四GMT+08:00上午12時57分00秒 』

    你說:还有3分钟就是十二点啦,但留言時間是:12時57分00秒喎,
    所以有此誤解

    回覆刪除
  45. 你好少寫靈異故仔,第日寫多啲啦,你好鬼掂呀!

    呢排出得咁密,差啲連留言都趕唔切。

    回覆刪除
  46. 歪歪

    你都鐘意睇靈異嘢
    太好啦
    寫多幾個先

    呢排offcie唔忙嘛(年尾了)
    咪貼多啲

    回覆刪除
  47. 是啊!怎么会这样的?

    难道又是……添添?

    哈哈哈哈哈~

    .

    回覆刪除
  48. 嘿嘿

    那麼...那一小時去了那裡?
    好靈異呀!

    添添呀~~
    俾返個一小時我呀

    回覆刪除
  49. 『你都鐘意睇靈異嘢』
    我鍾意你呢啲係懸疑,唔係靠嚇。

    『呢排office唔忙嘛(年尾了)』
    你十一月忙完,依家可以唞下啦。不過除咗演戲同寫博,真係唔知你係做盛行。

    回覆刪除

LinkWithin

Blog Widget by LinkWithin