~~~~~~~~~~~~~~~~







2008年2月13日 星期三

2月13日的約會

2月13日的約會 (應節舊文)

情人節氣氛籠罩整個城市,特別是當經濟開始復甦,做生意嘅落力鼓吹情侶們盡情消費,做情侶嘅盡力製造浪漫感覺給對方。

2月14日前幾天,有些情侶們已急不及待去慶祝!並非因為他們特別忙碌,而是因為這些情侶們在2月14日當天不能共同渡過,原因或許基於男的己有太太、女的已有老公、
作為第三者的情夫情婦,只好提前見面慶祝,讓對方把「正日」留給「正印」。

2月13日晚上,Kenneth趁太太參加高溫瑜珈班,偷偷地約了他的秘密情人Alice外出晚餐,預祝情人節。Kenneth結婚五年,去年因工作關係,搭上一位妙齡少女,瞞着太太搞婚外情。Alice一早知道Kenneth有太太,但二十一世紀的今天,不是所有女子也渴望擁有一個名分。Kenneth和Alice享受這偷偷摸摸的刺激感覺,Kenneth行事處處小心,所以太太至今仍未有絲毫察覺。

Kenneth在尖沙嘴廣東道27號一間有情調的餐廳,訂了一張二人枱,打算跟Alice一邊望着璀璨維港夜景、一邊飲紅酒晚膳。晚上7:30,Kenneth跟Alice來到餐廳門前,向帶位小姐說:「Kenneth Ng訂咗兩位」,帶位小姐點頭,在留枱薄上剔一剔後!帶領兩人去一張二人枱。

正當Kenneth想坐低之際,他感應到有人用驚愕的眼光望著自己,他朝右方一望,嘩!死啦!原來太太的女同事阿Ling跟朋友早已坐在前右方的一張枱!
阿Ling是太太的公司同事之中,最八卦的一位,今次俾佢撞到正,肯定死梗!

Kenneth情急之下,向帶位小姐講:「咦?小姐,我訂咗一張四人枱喎!」帶位小姐想跟Kenneth爭辯,她正想開口講:「先生,你明明係訂咗…」,Kenneth馬上用生平最兇惡的目光去怒啤這名帶位小姐。帶位小姐本著「顧客永遠是對的」宗旨,不服氣地說:「sorry!我搞錯囉」!立即把旁邊另一張二人枱拍埋一齊,變成一張四人枱。

Kenneth上前和阿Ling打招呼,阿Ling:「咦!Kenneth咁啱嘅?」Kenneth:「係呀!同舊朋友聚吓舊,我唔阻妳哋啦!」阿Ling用半信半疑的眼光,留意著已坐低的Alice。

Alice都估到一二,刻意跟Kenneth保持應有的社交距離。Kenneth回到坐位,表面保持鎮靜,Kenneth在枱下馬上用手機打SMS向朋友求救,他先向在尖沙嘴返工的Patrick求救,Kenneth用SMS簡略說出目前的困境,Patrick是Kenneth未婚前的泡友,朋友有難,Patrick義不容辭,回覆10分鐘之內趕到增援!Kenneth不禁鬆了一口氣!

另一邊廂,Alice也用SMS向朋友增援!Alice找女朋友Ida,Ida用SMS覆:「如果Benson嚟,我就嚟!」Benson是Ida的暗戀對象,結果在Alice的斡旋下,Ida和Benson相繼出席。

Kenneth找另一對剛剛開始拍拖的熱戀情侶,他們回覆Kenneth:「如果你請客,我哋就嚟!」只要有人肯嚟,Kenneth點會介意使果少少錢吖?

結果兩人在枱底一輪張羅之後,總共召集了六位朋友,紛紛先後到達,侍應把四張兩人枱拍成一張八人大枱。八人有男有女,都是後生仔女,開咗支紅酒,在酒精催化之下,眾人好快就由唔熟變到好熟!活像一個集體Blind Dating!

Kenneth見自己無心插柳咁搞咗個party出嚟,高興到立即order一個生日蛋糕,是但求其話今日係Patrick生日,又唱生日歌、又切餅、又用手機影相!玩到十點左右,阿Ling走到Kenneth身邊say goodbye!相信阿Ling對Kenneth和Alice的懷疑程度已經減到最低。

目送阿Ling離開餐廳後,Kenneth立即解除所有戎備警告!其餘六人都知道事情來龍去脈,舉杯祝賀男女主角成功暗渡陳倉。Kenneth逐一多謝前來相助的各方英雄豪傑、新知舊遇。已渴醉的Benson建議Kenneth和Alice當眾接吻,眾人熱哄哄地叫嚷:「嘴佢!嘴佢!嘴佢!.......」男女主角順應民意,當眾接吻起來!
旁人見狀立即拍手歡呼助興!

接吻後,當Kenneth再次張開眼睛時,除了見到Alice正在陶醉的面頰外,還見到Alice背後,企在餐廳門口,表情驚訝萬分的阿Ling!

原來阿Ling落到地下時,發覺遺留了手提電話在餐廳內,便折返餐廳取回,估不到竟然有意外收穫!目瞪口呆的Kenneth怪自己一時忘形,不慎露出馬腳!功敗垂成!

事情終於鬧大了,Kenneth花了很多功夫去和太太修補,為了保著婚姻,Kenneth和Alice一刀兩段!自此,Kenneth的為人收歛了許多。

雖然事情已告一段落,但Kenneth仍然十分懷念:那年2月13日晚,那個突發party中的每一張笑臉、每一口芳香的紅酒和每一粒清脆而真摰的笑聲。


55 則留言:

  1. 世事往往就係咁岩得咁橋,只可怪Kenneth太早放下戒備

    回覆刪除
  2. Rachel,
    唔怪得有d人隨意放下戒備,
    讓相片廣傳啦!

    回覆刪除
  3. why don't they just leave the rest in the first place?

    回覆刪除
  4. 匿名
    如果你想坐低之際才發覺有熟人早已坐在附近,即時扭轉面走是"作賊心虛"的表演方法,
    是一個十分壞的處理方法.

    回覆刪除
  5. 在"尖沙嘴廣東道"旺區偷情,不知道kenneth是"太傻太天真"或是太on kui?

    回覆刪除
  6. nostalgia: I forgot Kenneth has already sit down when he saw ah ling.

    btw, you always imagine such off marriage relationship in your novel, not "simple & naive" anymore...

    回覆刪除
  7. aa,
    1) 如果kenneth在偏僻地方偷情, 便遇不上阿ling, 這故事不會發生,無戲可做!
    2) kenneth為了情人節跟alice浪漫點而選擇有維港夜景的餐廳,不惜而以身犯險,結果衰咗囉!

    回覆刪除
  8. Car, 我反而想知KENNETH怎同老婆收拾殘局WOR

    回覆刪除
  9. Vicky:
    kenneth用自己跟太太自拍的床照放上網為武器,來逼使太太唔淮申請離婚.

    回覆刪除
  10. a kind of release: 釋放心底話有益身心,不妨多做,寫和看的有福了^_^.

    要浪漫,除了維港夜景,還有其他選擇.真的要欣賞維港,在TST也有點大意,下次小心d:)

    回覆刪除
  11. Darren,
    不想給餐廳掠水,回家吃飯.
    其實我一點也不浪漫

    回覆刪除
  12. Darren,
    咁你又有冇被消費主義侵襲,
    喺情人節大洒金錢呀?

    回覆刪除
  13. 沒吃$999的心形牛排,
    大慨和你一樣在家中晚飯,
    天寒地凍,流連街上很易凍倒,
    倒不如暖暖地躺在屋企呢!
    加上經常都覺得情人節多被大搞綽頭,
    本着"天天都是情人節"打倒消費主義!
    然而自稱不浪漫的人,例如Carson,
    往往也十分體貼,用心良苦,
    是一種無聲勝有聲的浪漫

    回覆刪除
  14. 其實可易解畫姐kenneth 馬上叫大家咀alice 之後話alice係鬼妹仔外國回來咁咪得law

    回覆刪除
  15. darren
    你果然了解我!
    我哋盡在不言中!

    回覆刪除
  16. 偷食男,
    嘩!你果然好計!
    佩服!
    偷食男,你當之無愧!
    我哋可否見面傳授武功俾我?

    回覆刪除
  17. 好正呀!

    隨著YouTube 流行及手提電話攝錄質素之提升, 家陣都巿人偷情既成本愈來愈高, 抵死在「刺激度」亦大增喎!

    回覆刪除
  18. 渣老闆,
    試過被人拍下親密相片後,未得同意放上facebook.
    唉!原來:若要人不知,除非己莫為!係真的!

    回覆刪除
  19. 校長

    你有二夢
    無好咁多心啦!

    學我咁專一嘛

    回覆刪除
  20. 我最意patrick 個種為朋友既行為
    好macho !

    回覆刪除
  21. 2009年第四個留言!
    嘩...精彩到呢...咁既身份, 邊有人咁傻會當眾咀???

    回覆刪除
  22. 當眾熱吻,
    除了是各人要求,
    也可能是酒精作怪,
    之後的结局,
    焉知非福。


    如果有需要,
    我唔介意扮臨記飲酒食飯。

    回覆刪除
  23. nice story, but I would also like to know the detail about how to clean up the mess with wife.

    回覆刪除
  24. 兩個人搞出去個八人party,呢個仲好玩啦。可以發展幾條錯綜復雜嘅感情線喎。卡卡諗諗佢喇。

    回覆刪除
  25. 我鐘意今次個故仔!

    做臨記 <--我又去我又去!

    回覆刪除
  26. 數奇門
    >>我最意patrick 個種為朋友既行為
    好macho !

    ==> 我都係這種雙肩插刀的朋友!!

    ++++++

    自由

    >>邊有人咁傻會當眾咀???
    ==>哼!做乜笑我?!
    sorry! 打錯字
    做乜笑Kenneth吖?!

    回覆刪除
  27. 巴黎

    >>如果有需要,
    我唔介意扮臨記飲酒食飯。
    ==>我都等緊幫人手,
    我幾日未開飯啦

    >>那27號代表什麽?
    房間號碼?
    枱號?

    文中提到:
    Kenneth在尖沙嘴廣東道27號一間有情調的餐廳,訂了一張二人枱,

    其實:我先有相,移船就碪!

    ++++

    desertfox

    如何處理太太?
    我諗錢可以解決啩

    +++++++

    小豬

    >>兩個人搞出去個八人party,
    好彩朋友多
    正所謂:世界friend,無有驚!

    回覆刪除
  28. 自由

    >>係喎..亞卡有需要臨記call 我呀!!

    我無婚外情
    唔使旨意試我
    我唔會漏口風!

    +++++

    素顏

    >>做臨記 <--我又去我又去!

    難道妳成日朋友請食飯
    都是這種另類飯局?

    回覆刪除

  29. 既然咁多人想做臨記
    你就扮Kenneth
    成全吓我地啦!

    回覆刪除
  30. 巴黎旅客 > 舉腳贊成! 多謝卡sir請食飯!

    回覆刪除
  31. 婚外情?咁激!
    不過又真係府拾即是!
    卡臣多謝你拉橫額啊!

    回覆刪除
  32. 搵臨記食飯...好主意啊!我又登記。

    真實個案:朋友老公鬼混被發現,每次都係去旅行補鑊.最尾一次個老公仲攪出人命,結局離婚收場。

    回覆刪除
  33. 巴黎

    >>你就扮Kenneth
    吓?
    咁要揾個女士扮alice先
    邊個咁抵得諗?

    +++

    素顏

    >>多謝卡sir請食飯!

    如果成團call妳
    大家靜心等候一吓

    +++++



    歡迎回港
    安全抵家!

    一次個老公仲攪出人命
    講緊國際武打名星成X大哥呀?

    回覆刪除
  34. 呢位係xx都係高級公務員...婚外情n次,最後果次個女人生左個細路,真係救吾反般婚姻至離婚乍。

    回覆刪除
  35. >> 試過被人拍下親密相片後,未得同意放上facebook.
    >> 唉!原來:若要人不知,除非己莫為!係真的!

    哇,我要聽古仔!!好啦講啦卡sir!

    FB 越黎越危險,我已經決定封Wall 兼Untag晒所有相.

    拿,我無偷食啊!Just a privacy precaution =p

    回覆刪除


  36. 啊!
    咁挽救唔到
    唯有離婚啦

    對大家都好!

    ++++

    自由

    承蒙錯愛先
    但我數唔夠16項咁多
    好意唯有心領啦

    回覆刪除
  37. c+

    首先
    妳張fing頭相真係靚到不得了

    >>哇,我要聽古仔!!好啦講啦卡sir!
    ==>等我度度先

    >>拿,我無偷食啊!Just a privacy precaution =p
    哈哈
    鬼妹仔
    等卡sir教妳什麼是「此地無銀三百兩」!

    回覆刪除
  38. 真系妻不如妾,妾不如偷,偷不如偷不著。

    偷情真真刺激!

    回覆刪除
  39. 妻不如妾、妾不如婢、婢不如妓、妓不如竊、竊不如說。

    所以都喺好似卡臣疑幻似真咁講吓古仔就最好啦。

    回覆刪除
  40. carmen

    >>偷情真真刺激!

    不可一,不可再
    向偷情說不

    ++++

    eric

    >>所以都喺好似卡臣疑幻似真咁講吓古仔就最好啦。

    嘩!高人
    你一語道出我blog的宗旨

    回覆刪除
  41. 我剛剛才被tag數了16+1啊!是否太真實呢?

    回覆刪除
  42. >> 妳張fing頭相真係靚到不得了
    Thank you! 成世女最靚今次,講真.

    >> 等卡sir教妳什麼是「此地無銀三百兩」!
    我唔偷,我明搶之嘛!嘿嘿

    >>如果成團call妳
    咁我呢?我無份架?=p

    回覆刪除


  43. 真!
    真咪幾好!!

    +++

    c+

    >>Thank you! 成世女最靚今次,
    點止呀!

    >>如果成團
    一定call妳
    有冇靚仔?唔sure
    妳自己搏一舖啦

    回覆刪除
  44. >> 一定call妳
    係你先好講.

    >> 有冇靚仔?唔sure.
    艾冬茄! 

    >> 妳自己搏一舖啦
    都真係幾搏,咁耐以黎見過一個網友,見完佢唔再讀我個博囉頂!

    回覆刪除
  45. C+

    >>咁耐以黎見過一個網友,見完佢唔再讀我個博囉頂!

    ==> 吓? er....er....
    我哋如果搞得成的話....一定會...call妳
    請靜心等候...

    回覆刪除
  46. 老公好衰。

    偷食到所有人都知, 淨係個老婆要個八婆同事通知至知, 都幾可悲囉。

    回覆刪除
  47. jc

    >>老公好衰。
    天下烏鴉一樣「希」!

    回覆刪除

LinkWithin

Blog Widget by LinkWithin