~~~~~~~~~~~~~~~~







2007年12月25日 星期二

打邊爐

打邊爐

年尾佳節朋友聚會,
其中一個選擇就是「打邊爐」。
雖然香港一年四季都有人打邊爐,
但冬天打邊爐似乎氣氛好啲!
好!現在睇吓打邊爐時會經常聽到什麼說話:


第十位:唔該加水!
打邊爐打到咁上下,
鍋裏的湯被蒸發得七七八八,
就要叫伙計:「唔該加水!」
但伙計好少會錯意,替你加水沖茶。

第九位:冚蓋!
當火鍋仍未處於高溫狀態,
放下一大堆生食物後,
為了讓食物快啲熟,便要「冚蓋」;
冚蓋之後,大家便會dead air一陣。
等到「開蓋」之後,便大嗌「食啦!」

第八位:嘩!縮哂!
海鮮類放進鍋裏,
一不留神過了時間,
那件海鮮便被滾到縮哂水!
朋友驚訝地:「嘩!縮哂!」
從消費者角度嚟講,食物縮水是一件蝕底的事情。

第七位:要多jar…
食咗咁麼多熱嘢,想飲啲涷飲中和吓,
就要叫伙計攞啤酒、西瓜汁、酸梅湯和竹庶水,
「唔該,要多jar…」
一jar只可分得幾杯,手快有手慢無!

第六位:熟未呀?
朋友唔相信自己的判斷力,
唔知道嚿肉是否已經熟透?
喜歡問旁人:「熟未呀?」
朋友答:「你食吓咪知熟未囉!」

第五位:嘩!好辣呀!
食火鍋,有人喜歡選擇麻辣湯底,
又加辣醬、辣椒,結果頭殼頂冒汗,鼻涕直流,
邊食邊嗌:「嘩!好辣呀!」
充滿自虐的快感情緒!

第四位:收火啦!
食到尾聲時候,大家捧着個肚,
火鍋仍然冒出白濛濛的蒸氣,
有人會話:「收火啦!」
節省能源既環保、又可減低枱面溫度。

第三位:邊個食咗我嚿…?
把食物放進鍋裏,任由漂浮,
就像斷了線的風箏。
如果混亂中有人食咗別人嚿食物,
就有人嗌:「邊個食咗我嚿咩呀!?」
當然無人肯承認責任,或者有人會安慰:「淥過第二嚿啦!」
但歷史通常會重複,到最後嚿肉都會被人食咗!

第二位:後生仔,食多啲!
食到中段,怕肥的女士早已放下碗筷,
中年或長者又吃不下這麼多,
食到後段,全枱目光拋向最後生嗰位,
其中一人做醜人,對住最後生嗰位講:「後生仔,食多啲!」
「後生仔,邊度夠?你最有本錢食多啲!」

第一位:殊…殊…
一般火鍋店的顧客不會太注重餐桌禮儀,
大家盡情豪食豪飲,絕不拘謹!
如果大家把熱騰騰的食物放在自己的口中,
會發出「殊…殊…」的聲音,
又或者,吃烏冬即食麵時發出的「殊…殊…」聲音。
「殊殊聲」在火鍋店中此起彼落,抑揚頓挫。
或者大家吃火鍋就是喜歡享受這種聽覺和味覺的感受。



6 則留言:

  1. 2 more, pls see if you agree:

    1. "要什麼湯底?" - 通常人多難決定
    2. "唔該最後先落羊肉!" - 通常人怕羊肉的"so"味

    happy boiling:)

    回覆刪除
  2. v
    同意!
    還有:"有冇人唔食牛"
    "好X飽呀!" "喂!你用錯公筷呀!"

    回覆刪除
  3. Sava
    好呀!
    妳知啦!我被人放飛機嘛!
    梗係要食番啲嘢補番!

    回覆刪除

LinkWithin

Blog Widget by LinkWithin