~~~~~~~~~~~~~~~~







2015年9月23日 星期三

約會


約會

今晚是平安夜,晚上9時,Bonnie仍然坐在電腦前玩緊,沒有打算跟朋友外出。16歲又唔係醜樣的Bonnie,正值是拍花樣年華之妙齡,但她落得做「宅女」的命運。

母親擔心女兒變成「宅女」,媽媽走入Bonnie房間,Bonnie雙眼只聚精會神望著電腦屏幕,如像跟外世界隔絕,這情況更令媽媽擔心。

媽媽先開口:「阿女,做乜平安夜都唔出街玩吓?」
Bonnie冷淡地:「無人約我,我又唔想約人
媽媽補一句:「咁追緊妳嗰個…Gary呢?」
Bonnie不屑地:「Gary發夢啦佢!

GaryBonnie的同班肥仔同學,狂烈追求BonnieBonnie對肥仔Gary毫無興趣,甚至是反感。所以拒絕了Gary的平安夜約會邀請。

其實Bonnie暗戀班中的籃球健將Jay,可惜Jay是靚仔萬人迷,大班女仔圍著他。Bonnie就算要向他表白,都要排隊。所以Bonnie沒有勇氣約Jay去街。落得一人在家的孤單結局,唯有上網過平安夜。

媽媽無話好說,只好叫女兒「早點去睡」,之後無可奈何地離開房間。

Bonnieonline數小時,覺得雙眼好攰,不如小睡片刻,待半夜醒來,再上網玩過。Bonnie上床蓋被。她在床上想著Jay,希望自己發夢會見到Jay,也算叫做一起渡過平安夜。

* * * * 

朦朦朧朧,Bonnie在夢中見到自己被一個男仔溫柔地拖著手,兩人在甜品店中。夢中Bonnie看不清楚男仔的樣貌,但她主觀上覺得他是JayBonnie點了一客「心太軟」,侍應說:心太軟已經售罄。Bonnie突然失控,大哭大叫!嚷著今晚一定要吃心太軟,男仔安慰她。他除下冷帽和太陽眼鏡,終於見到男仔的盧山真面目,

Bonnie大叫:「怎麼不是Jay!?竟然是街口茶餐廳的伙計阿輝?!」 阿輝是個三十歲樣衰口臭的粗鄙茶餐廳伙計。Bonnie失聲大哭,終於嚇到醒了。

Bonnie發現自己躺在床上,枕頭濕了,不知是汗還是淚?心諗:點解夢中跟自己拍拖的不是Jay,而是阿輝!難道自己潛意識裡是喜歡阿輝?無可能架!想到這裡,Bonnie不其然打了個冷震,睡意全消,去開雪櫃吃點東西,定一定驚。

* * * * 

第二天早上,Bonnie落街買雜誌。路經街口茶餐廳,Bonnie有意避開那間茶餐廳,害怕見到阿輝。Bonnie繞路而行,先橫過對面馬路。

Bonnie行到對面馬路,竟然迎面遇上剛送完外賣,返回茶餐廳的阿輝,真係唔衰攞嚟衰,逃也逃不了。

阿輝猥瑣地先開口:「嗨!噚晚食唔到『心太軟』,真係可惜,今晚我同妳再去食過啦!」
Bonnie聽到,嚇到口窒窒:「點知架?」
阿輝笑淫淫:「前日我約妳去街,我問妳喺邊度等?妳答我『發夢啦!』咁我哋咪夢中見囉!」
Bonnie好驚好後悔,原來禍從口出。
阿輝騎騎笑:「今晚我哋發夢見啦,我訂定心太軟等妳啊!」
Bonnie別過臉,馬上離開,急步走遠。

背著阿輝的Bonnie,決定從今開始,把她那句「發夢啦!」的口頭禈,永遠戒掉。


二少爺說:陳百強1981年的作品,仍然咁好聽。

6 則留言:

  1. 除咗「發夢喇」之外,仲有一句「有咩留番拜山先講」。 :)

    回覆刪除
    回覆
    1. 卡臣,生日快樂呀。今年去邊度慶祝咁呀?

      刪除
    2. 多謝哂!
      今晚同父母老婆吃飯,做埋中秋節添呀

      刪除
  2. 約去街果個唔係同班同學GARY咩?點解後尾變咗做阿輝?

    回覆刪除
  3. 肥仔同學GARY那一段,只帶出BONNIE有一句口頭禅「發夢啦!」她沒有約GARY

    而因為阿輝調戲,BONNIE又對阿輝講口頭禅「發夢啦!」,結果真係跟阿輝在夢中見

    回覆刪除

LinkWithin

Blog Widget by LinkWithin