~~~~~~~~~~~~~~~~







2015年7月10日 星期五

看熟睡的妳


看熟睡的妳

TeddyJudy是一對情侶,18歲的Judy比較百厭,喜歡跟朋友開玩笑。

Judy在《警訊》中得知近日城中出現「電話騙案黨」:
騙徒來電問:「喂!你認唔認得我係邊個呀?」
如果被騙者答:「你係咪阿輝呀?」
騙徒:「係呀!我咪就係阿輝囉!」
騙徒跟被騙者建立互信關係後,騙徒打蛇隨棍上,從而騙取金錢。

Judy決定要扮電話騙徒,整蠱男友Teddy

Judy撥出一個隱藏號碼來電,Teddy接通電話。
Judy把聲音提高少少:「喂!你認唔認得我呀?」
Teddy一頓,雀躍地:「哦,我知道,Helen吖嘛!BB,掛死我啦~
Judy大驚!HelenJudy的媽媽,43歲左右,打扮新潮,風韻猶存。
Judy不知如何回應:「嗯~
Teddy:「點呀?幾時同我再返大陸玩呀?上星期真係好正呀!」

哎呀!Judy媽媽上星期的確去過大陸公幹,唔通在深圳私會TeddyJudy十分混亂,
Teddy情深地:「我識Judy都係為咗親近妳啫,妳幾時搞離婚 同我結婚呀?」
Judy更驚!自己男朋友將會變成自己繼父?
Judy想盡快收線,急忙地說:「我有電話入,再call你呀~
Teddy:「好,拜拜BB~~

Judy收線後,精神恍惚,不能接受原來男友跟自己媽媽有染。電話再響起,是媽媽的來電,Judy害怕起來,猶豫在接聽與不接聽之間,徬徨躊躇。

突然「砰」一聲,劇痛之下,眼前一黑,失去知覺。

* * * * *

Judy再張開眼睛時,見到自己躺在醫院的病床上,有兩個人站在床尾:男友Teddy和媽媽Helen。原來Judy剛才迷亂之際,站在馬路中心給貨van司機撞倒。醫生說Judy腦部受到震盪,需要做腦部素描,等待報告完成後,才能評估她腦部的情況。

媽媽見女兒醒了,即上前慰問。Judy第一句:「你哋兩個….係邊個?」吓!香港電視劇咩?!遇上意外受到撞擊變失憶?

男友見狀,緊張地問Judy:「我呀!Teddy!妳認唔認得我呀?」
Judy扭頭。媽媽問Judy其他事情,Judy全部都唔記得,跟電影情節一樣。唉~~ Judy由惡作劇出發,以失憶作終點,真係「勤有功,戲無益」呀!

媽媽傷心哭了,要去洗手間洗臉。剩下TeddyJudy兩人。Teddy靠近床邊,細細聲向Judy懺悔:今早TeddyJudy電話的時候,Teddy一聽電話中的女聲,一早就認得出係Judy個衰妹喺度「整蠱造怪」。Teddy奉陪到底,假扮跟她媽媽有路。怎料一個「作弄」換來另一個「反作弄」,最後卻釀成悲劇。

Teddy懺悔及道歉完,但Judy好像聽著別人的故事,臉部連半點反應和表情也沒有。Teddy很後悔今早「反作弄」女友,間接導致Judy受傷和失憶。

院方叫TeddyJudy先回家休息,明早十時再回醫院約見醫生睇腦部素描報告,研究治療方案。

TeddyHelen走後,Judy鬆一口氣,她聽到Teddy的解釋後,明白整件事情都是一個大玩笑。其實Judy並沒有失憶,剛才她在病床甦醒後,第一眼見到Teddy和媽媽,不知道如何面對他們的姦情?情急之下,一於學「韓劇」扮失憶先再算。幸而Teddy已懺悔,說出事情真相。

明早他們再回醫院時,Judy神奇地恢復所有記憶,醫生說:「世界有很多從醫學角度不能解釋的事情,簡稱為奇蹟。」Judy安靜地躺在病床上,默默懺悔自己是整件惡作劇的起端。



二少爺說:我老闆開會最鍾意扮失憶。

4 則留言:

  1. 无端端行紧街都打电话,仲要俾车撞,真系玩出祸咯!

    回覆刪除
  2. 卡臣:

    多倫多台灣商會會長,一個五十多歲女人,唔知點解咁把炮?專媾細佢二十幾年的大陸或台灣富二代,連按摩院都係富二代打本比佢開嘅。舊年十一月比人斬到重傷,今年三、四月被發現死在她的寶馬房車裡,周身刀傷。根本唔知邊個斬佢,因為佢身邊太多富二代。

    回覆刪除
    回覆
    1. 色字頭上一把刀之外,應該同利益有關係

      刪除

LinkWithin

Blog Widget by LinkWithin