~~~~~~~~~~~~~~~~







2012年12月28日 星期五

在台上我覓理想

在台上我覓理想

20年了,轉眼已經20年了。

19921228日,我第一次戰戰兢兢踏上舞台,處男下海的演出。一轉眼,已經來到20121228日,我20年內的部份回憶,是來自舞台。

鏡頭Flash back199212月,我在健身室認識一位男仔。跟他聊天,他說他有玩舞台劇,碰巧12月有個藝術工作坊(Workshop),歡迎新人加入。我早在1992年前已看該劇團的演出,十分喜歡,可以參與他們的工作坊,真是求之不得。工作坊在12月某個星期六下午於九龍公園的排舞室進行。我在那裡認識了一些新朋友,做了一些動作伸展的練習。

這幀照片是從舊雜誌中採下,所微粒較粗糙。

之後,就如參加香港小姐的情節一般,我幸運地獲得演出機會,第一齣參與的作品是在沙田大會堂上演的《20/30》。不要問我劇的內容是說什麼,總之是一個抽象演出。第一次在觀眾前演出,唔緊張就假,但都總算順利完成。


自這一年開始,我繼續參與劇團的大小演出,就這樣,演到今天。我感謝上天安排了這條路給我。劇場給了我許多東西,給了我許多經驗和回憶。我曾經有幸到海外演出:包括上海、新加坡和台北。我年輕時所憧憬的「走埠登台」,終於有機會輪到我啦。

我少年時代的某些偶像和具份量人物,都可以讓我有機會經劇場跟他們接觸認識,只能解釋這是我三生修到。

如果要我數一件較難忘的事情,是發生在2011年。我生日那天碰巧有演出,生日就在劇場渡過。表演完畢,在觀眾面前謝幕時,導演突然叫後台人員端出一個點著蠟燭的生日蛋糕出來,叫全場接近一千名觀眾給我一起唱生日歌。那種驚喜是十分難得和珍貴,多謝劇團給我一個畢生難忘的生辰。


風光背後,也有辛酸的一面,不為外人所道。正所謂「明亮背影有黑暗」,當然樂多於苦,否則我一早已離開劇場啦。

而在1992年介紹我入劇界的那位朋友,很不幸,他在2010年遭癌症奪去寶貴的生命,四十幾歲就離開了,十分可惜。真要嘆一句:人生如戲!

下一個十年,即是2022年,希望到那個時候,我仍有能力繼續做劇場的「甘草演員」。


二少爺說:舞台有它的魅力,可以令人為它著迷。

掌聲響起 - 鳳飛飛
作詞:陳桂芬 
作曲:陳進興 

孤獨站在這舞台 
聽到掌聲響起來
我的心中有無限感慨
多少青春不再 
多少情懷已更改
我還擁有你的愛

想起初次的舞台 
聽到第一聲喝采
我的眼淚忍不住掉下來
經過多少失敗
經過多少等待
告訴自己要忍耐

掌聲響起來 我心更明白
你的愛將與我同在
掌聲響起來 我心更明白
歌聲交會你我的愛

41 則留言:

  1. 給你掌聲!繼續努力!

    有冇拍了些少片段可放上來分享下?

    回覆刪除
    回覆
    1. 多謝妳的掌聲,努力啊!


      片段幸而沒有,只會趕客

      刪除
  2. 粗微粒嗰張相好。
    原來喺老戲骨,有廿年經驗!
    有冇諗過試下大螢幕/小螢幕呢?

    回覆刪除
    回覆
    1. 雖說是老戲骨,但演技仍幼嫩。

      大小螢幕?靜靜等機會囉。

      刪除
  3. 加油呀,卡臣兄,我支持你!

    你嘅努力唔會白費,我知你一定得嘅 :D

    回覆刪除
    回覆
    1. 多謝鼓勵先,你說過我十年內會紅,(可能你忘記了)。好!我堅持下去。

      謝謝支持!

      刪除
    2. 我梗係記得喇 :)
      話時話,你問咗你媽媽未?

      刪除
    3. 問過啦,佢都唔記得清楚,可能要撞吓才能確認。

      刪除
    4. 多謝哂,花了你寶貴時間
      有機會碰過面,詳談一吓

      刪除
    5. 唔好客氣,啱啱send咗email畀你,交咗功課lu :p

      刪除
    6. 再次交功課 :)

      唔係趕o架,其實係我失眠,咁咪做吓功課囉,平時我好懶,唔多願做嘅。

      做功課呢招好有效,仲好過數綿羊呀。

      刪除
    7. 搞到凌晨5時,點好意思呀,下次食飯補數。

      刪除
    8. 真係唔關你事喎,唔駛唔好意思,我成日都失眠o架,唔做功課,都會搞其他嘢o架喇。

      刪除
    9. 咁我就唔內疚了,
      成日失眠?係咪太多諗嘢?成日熬夜對身體唔好

      刪除
    10. 係喇,完全唔駛內疚呀。

      Project已交,請查收 :)

      刪除
  4. 卡卡:

    2022年你仲係當紅小生 :)

    你在臺上覓理想,我就只能左床上覓理想---瞓覺!

    回覆刪除
    回覆
    1. 2022年唔做老生都唔得啦,醜生都要做。

      你在床上覓理想....對象,正喎!

      刪除
  5. 卡臣:

    2013年,將床舖搬上舞台,實行真人騷。嘻嘻!

    回覆刪除
  6. 卡臣:

    聽到介紹你入話劇團的人已經過了身,真是覺得很唏噓!

    回覆刪除
  7. 阿强好嘢!祝你嘅舞台剧生涯,越黎越精彩!

    回覆刪除
  8. 等睇舞台鐵漢金禧紀念文!

    P.S.廿年前的今日,我只係隻初生小學雞…

    回覆刪除
    回覆
    1. 多謝!金禧未必等到,珠禧可能得。

      92年,真是久遠的時代。

      刪除
  9. 可以做自己鍾意嘅野係好幸福呀:)

    Ps:我都幸福

    回覆刪除
    回覆
    1. 係呀,真是幸運,你更可以從工作中發揮創意才能。

      刪除
  10. 真係有眼不識泰山!原來卡臣兄你係資深演員! 幾時會有表演?到時可唔可以公佈演出時間,等我可以欣賞你的演技! :D

    回覆刪除
    回覆
    1. 不是啊!我只是個小小小閒角。

      演出呢,下次在這裡打廣告,妳要來啊!不過我的演技就麻麻。

      刪除
    2. 因為卡臣兄有份的節目在良心台播,所以大家留意唔到是很正常的

      刪除
    3. 好啊!有機會一睹卡臣兄既演技!!

      刪除
    4. 係呀,較少人留意囉,咁你有無睇良心電視呀?


      希望下次觀眾席見到m. 謝謝!

      刪除
  11. 389場, 好勁喎! 呢兩年仲衝出香港, 去大陸同台灣! 未來10年, 你應該會衝出埋大中華, 亞洲, 可能仲會衝出埋地球! 祝你繼續成功!

    回覆刪除
    回覆
    1. 多謝支持啊!

      希望我可以衝出地球啦!登月認真唔小嘢。

      刪除
  12. 加油呀!好好享受舞台~ 能夠做到自己喜歡的事令人好羨慕呢~

    回覆刪除
    回覆
    1. 多謝支持啊!妳也在做喜歡的事情,加油呀!

      刪除

LinkWithin

Blog Widget by LinkWithin