~~~~~~~~~~~~~~~~







2012年12月21日 星期五

與妳失散


與妳失散

聖誕節平安夜,晚上氣溫有20度,不可以說是寒冷。Andy站在中環的蘭桂坊,晚上9時已經人頭湧湧,普天同慶嘛,大家都擠在酒吧和街上,揸住支酒,點起香煙,隨音樂周身un

Andy的衣著,一睇就知是經過悉心打扮。好明顯,他今晚約了一個他心儀的女仔。她叫Michelle,是Andy的中七同學。Andy預科畢業後,考進理工大學。Michelle則被家人送去英國留學。兩人雖分隔兩地,仍保持網上聯絡。

Andy讀大學二年級的時候,兩人仍經常保持通訊。雖然他們不是男女情侶,Andy十分關心Michelle的日常生活。好明顯,Andy暗戀Michelle,希望女方有天會明白自己。

* * * * * *

四月的某天,Michelle告訴Andy今年12月會回港渡聖誕假,並約定Andy一起過平安夜。可以想像Andy開心到乜嘢程度啦。

Andy立即打開他電話日曆,在1224日寫下備註:「Dating with Michelle」。並設下倒數器,每天倒數,急不及待快點到1224日。

到了六月,AndyMichelleFacebook通訊時,Andy說他喜歡英國某品牌的紀念版頸巾,可惜香港無得賣。Michelle說可以代為購買,並於12月帶回香港作為Andy的聖誕禮物。Andy當然高興啦。其實他想試探自己在Michelle心目中的位置。似乎他的目標已達。Andy希望那條紀念版頸巾,可以快點送到手上,點解1224日咁耐都未到架?

* * * * * *

終於到了1223日,Michelle乘航機晚上抵港。Michelle抵港後,在機場打了一個電話給Andy報平安抵步。Andy開心到聲音都震埋。他們reconfirm明晚9時在蘭桂坊的約會。Andy收線後,笑到成晚瞓唔著。

1224日平安夜,Andy終於由4月等到今晚。Chok住樣的Andy,在擠迫的蘭桂坊街頭上,手中拿著送給Michelle的聖誕禮物,去相約的酒吧找Michelle

Andy步入酒吧內,未見Michelle的芳縱。他買了一支啤酒後,站在靠近門口的位置,希望Michelle來到時會較容易見到自己。等到930分,仍未見到Michelle的踪影。

Andy致電找Michelle,可惜對方「電話未能接通」。Andy唯有乾等下去。他飲完一支啤酒,須要上洗手間。Andy步入酒吧廁所,竟然給他撞到一張熟識的臉:EdmondAndy的中七同學。Edmond正從洗手間走出來,兩人在廁所門外撞個正著。

Andy碌大對眼!Edmond頸上戴著的頸巾,正是那條英國品牌的紀念版頸巾。Andy腦中閃出:Michelle今天見過EdmondAndy直接問Edmond:「你見過Michelle?」Edmond好得戚咁答:「係呀!何止見,仲鍚過添呀!」Andy嬲爆!一拳打向Edmond塊面,Edmond掩面呼痛,流出鼻血。

Andy見到Edmond爆缸,驚事件鬧大,乘機由廁所後門奪出,經後巷逃走。

940分,手中拿著禮物的Michelle,氣急敗壞地趕到酒吧,因為中環金鐘一帶嚴重塞車,而Michelle的電話講了一天,已經電源毫盡。怪不得Andy打不通Michelle的電話。

Michelle在酒吧內找不到Andy,卻發現中七舊同學Edmond,他流著鼻血,由友人幫手止血。Michelle上前慰問。原來Edmond一早已經飲醉酒,Andy問他見過Michelle未?Edmond飲醉酒開玩笑亂答一通。而Edmond的頸巾,就是Edmond哥哥今年到英國公幹時買給他的手信,一切都是誤會。

EdmondMichelle說:「剛才Andy問我有無見過妳,跟著一拳打過嚟!」Michelle推斷到事情來龍去脈後,向Edmond借電話打給Andy解釋。可惜Andy的電話未能接通。

原來剛才Andy揮拳打人時,跌咗部電話落地,之後被一名顧客執咗,把電話關掉,據為己有。AndyMichelle在平安夜失去聯絡,各自渡過。一個由4月盼望到12月的約會,就這樣結成冰霜。緣份就是這樣愛玩人玩笑。

Michelle唯有失望地沿蘭桂坊的斜路向下行,步回中環港鐵站。行至娛樂行,終於發覺遺失電話的Andy,也沿蘭桂坊的斜路往上行,希望尋回電話,兩人終於在擠迫的行人路上遇見。一個微笑解釋了一切誤會,她舉起手中的禮物,講聲Merry Christmas


故事靈感來自以下呢一首歌:

今年沒聖誕 - 許志安

作曲:柳重言 
填詞:黃偉文

明信片裏雪花 還要等你看嗎
是你在四月 就約定了共我放冬假
其時竟想不起 香港入冬有雪落嗎

蘭桂坊有雪嗎 何以今晚約她
平平安安進酒吧
原來我自初夏期待那 頸巾 轉贈了給他

捱過無數晚 為今晚 竟與你分散
我今年沒聖誕 寒流下勉強支撐
要過今晚 或許艱難 借我厚冷衫
等我在人群之間
呆站渡過了新年亦未覺冷

陪我的約了他 還算得聖誕嗎
還更假裝慶祝嗎
悠長盼望可是年曆裡 今晚 已畫上交叉

如要凝結我 淚斑斑 天氣要多冷
我今年沒聖誕 寒流下勉強支撐
教我心淡 並不很難 騙我更簡單
不要在猶豫之間
胡亂答應我今年共渡聖誕

32 則留言:

  1. 而下一個誤會,就係誤會Michelle的心意。

    回覆刪除
    回覆
    1. Michelle只當andy是契哥,不過叫得契哥,通常「有嘢」。

      刪除
  2. 我記得我睇過呢個故仔呀...! 真係好深刻.

    回覆刪除
  3. 呢篇之前睇過喇,而家又回味一次 :)

    雖然係好巧合,但係我鐘意呢個故事嘅happy ending,睇完有種失而復得嘅感覺。

    最後唔知佢哋之後有冇離開擠迫的行人路,另闢別"x"談心呢?("x"字請代為填上)

    回覆刪除
    回覆
    1. 聖誕節普天同慶,一於happy ending

      闢別"x"談心?

      x = 野, 哈哈!

      刪除
    2. 原本我諗住你會填上"x = 處",但係你而家嘅答案,反而更顯真實"性"喎。

      刪除
    3. 睇新聞報紙,成日寫「闢室談心」,究竟係乜嘢室呢?
      密室?戰鬥室?

      刪除
    4. 我諗可以係臥室喇,喺裡面pillow talk,幾浪漫呀。又可以係浴室喎,可以玩打水戰,幾激情呀。

      仲有一種叫做y室,喺裡面可以「培育」添,幾咁正呀。(煩請再次代為填上y)

      刪除
    5. 可以「培育植物」的叫溫室

      可以「培育下一代」的叫課室

      咁「培育AV女優」的叫什麼?

      刪除
    6. 小弟才疏,只想到「禁室」一詞,未知是否正確呢? :p

      刪除
    7. 你真謙虛,當然答啱。

      等我繼續先:

      培育細菌是實驗室

      培育老鼠是雜物室

      刪除
    8. 咁我回番兩個畀你喇~~

      培育歌手的是小室

      培育恐懼的是鬥室

      刪除
    9. 好嘢!夠絕!

      My turn

      培育運動員是健康室

      培育大麻是密室

      刪除
    10. 我就嚟諗唔到喇,用「培育」呢個字好多規限。

      培育嬰兒的是育嬰室
      培育丸山溫大的是安室

      刪除
  4. 卡臣:

    兩人跟著去九龍塘愛琴海小築,大圓床結局。

    * * * * *

    十月中有預防感冒針打。九歲以下兒童要打兩次,九歲以上打一針就夠,是免費的。我當然無蝕底喇!十月尾已經打針了。

    今個聖誕節真係難頂,病足個多星期仲未好,無哂心機。打佐針都咁嚴重,無打針,豈不是要升天?

    如何嚴重?我連鹹故的靈魂都無哂呀!你話今次的惡菌幾惡呀!影響到下半身的思考區呀!陰功!

    回覆刪除
    回覆
    1. 大圓床結局 <---哈哈! 正過大完場結局
      仲話你思考無靈感?

      你保重啦,聽聞世界末日是由細菌開始,靜靜發生緊
      快啲睇多啲AV CHARGE 電啦,對抗細菌

      刪除

LinkWithin

Blog Widget by LinkWithin