~~~~~~~~~~~~~~~~







2011年11月7日 星期一

男人玩具之跑車


男人玩具之跑車

有一個男人,他是一個事業成功的中年男子。他從事買賣二手車生意。

男人自幼愛看「賽車卡通」,孩童時打機只玩「賽車」的遊戲。十歲前嚷著叫媽帶他到遊樂場玩「碰碰車」。未夠18歲已向朋友借車,在公路上「揸大膽車」。一滿18歲便考車牌,一次便合格。

男人對汽車太熱愛了,儲了一筆錢後,自行創業:搞的是二手車買賣生意。在九龍灣展覽中心地庫開二手車公司。收購二手車轉賣,從中圖利。

男人專做靚車賣買。他對汽車性能的熟識,加上熟客的轉介,令他的生意越做越好。男人慶幸自己做汽車生意老闆,是上天的安排吧。

男人太愛飛車,追求高速的刺激,「飄移」技術爐火純青。男人把收購回來的名貴跑車,先私有化一陣子,揸厭咗就放在showroom裡賣,再揸更大馬力更快的跑車。晚上在公路上跟人鬥車,由西貢到天水圍到公主道,都聽到他駕車引擎的怒吼。

男人「車人合一」,在路上稱王稱霸。超速後擺脫交通警的追截。他在過程中感到亢奮、血脈擴張。男人身旁愛載一位美女,在美女面前大show車技,當扭過一個危險急灣,美女發出驚呼,男人便發出一個自滿的笑容。

某天,男人要結束生意,因為政府剛推出新法例,對二手車生意造成打擊,加上業主瘋狂加租,計過數應該會蝕錢,長痛不如短痛,執鬼咗佢罷啦。

男人無嘢做,做慣老闆又好難做返打工仔,唯有靠積蓄過日。某晚,他的一個舊伙計,已轉行做夜更小巴司機,突然致電給男人,問可否幫手頂一更?男人見橫豎閒著,便一口答應。

男人坐在司機位上,手按呔盤,踩油門,駛到黑夜公路上,發光的波棍和激盪的音樂,一股往日瘋狂的感覺湧上心頭。男人成為van仔亡命車手,當扭過一個危險急灣,車上十六位乘客發出驚呼,滿足感是從前的16倍。男人發出一個驕傲的勝利笑容。


二少爺說:男人想飛,但飛唔起,唯有揸快車。


人車誌 - 陳奕迅
作曲:Jerald
填詞:黃偉文

大銀幕相當廣闊
在投射出 想去的地方
面前是雙探路燈
都市黑了 我在馬路發光

出去一下 還在戒烟 還用買烟嗎
出去一下 原來為見一見它
出去一下 瞞著太太 才獨處一下
出去一下 如寧靜處非我家

我有車 我有壓抑 需要發射
我與車 結合一體 感覺快些
我愛車 似個聖堂 開到半夜
跳上車 對著錶板 禱告那些 難題
想想 如何 轉彎 攀山 落斜*

任由電窗敞開了
任由樂曲 都市中迴嚮
面龐上的那陣風
感覺爽快 決定笑著凍僵

出去一下 留下了手提在公司嗎
出去一下 原來為見一見它
出去一下 人若間中能獨處一下
整理一下 才能自我修正嗎

我有車 我有壓抑 需要發射
我要些 過渡空間 給我煞車
我愛車 似個聖堂 開到半夜
跳上車 對著錶板 禱告那些 難題
想想 如何 轉彎 攀山 落斜

44 則留言:

  1. cindy

    男人愛刺激,速度給予刺激,送埋性命

    回覆刪除
  2. 做咗幾十年人
    我唔明點解
    從未遇過一個好嘅Van仔司機
    我指禮貌方面
    可能仲未係時候啦!

    回覆刪除
  3. 男人應該渣巴士, 片個靚彎, 車上百幾人驚呼, 快感和滿足感係百幾倍喎.

    回覆刪除
  4. 落落

    我時運高,遇過好/有禮貌司機
    是綠van年紀大司機
    技術穩陣

    回覆刪除
  5. 30 something

    結果去揸地鐵,仲要飛站
    幾百人驚叫添呀

    回覆刪除
  6. 卡臣

    綠Van應該好啲
    紅Van就唔洗旨意,哈哈!

    BTW, 你係唔係仲住緊高級劏房?

    回覆刪除
  7. 落落

    紅van收入自己入袋,係狠啲

    我搬了,下週寫
    入伙賀禮呢?

    回覆刪除
  8. 哈哈,好攪鬼呀,第一段的大部份-->

    男人自幼愛看「賽車卡通」,孩童時打機只玩「賽車」的遊戲。十歲前嚷著叫媽帶他到遊樂場玩「碰碰車」。。。。。一滿18歲便考車牌,一次便合格。

    我以為你寫緊我呀!雖然我從來冇揸過大膽車,但第一次學車時“師父”唔信囉,應該因為我從小就要老豆教我點揸車,睇得多,自然學得快掛。不過可能因為我唔係男人,完全冇果種載“靚女”的意慾,重有,我唔會做小巴司機囉。

    回覆刪除
  9. SKII

    我懷疑果個兩歲揸車bb係妳喎!

    妳勁啦,一次pass
    我要考兩次先合格

    妳唔好俾個女揸大膽車喎

    回覆刪除
  10. 男人唔好轉嚟揸地鐡好喎,我受唔係哩個刺激架!

    回覆刪除
  11. 卡臣

    " 入伙賀禮呢?"

    http://www.flickr.com/photos/62452944@N05/6322633338/in/photostream/

    揀咗好耐
    啱唔啱你心水呢
    哈哈!

    回覆刪除
  12. coffee

    男人唔揸地鐵
    不過控制交通燈訊號
    長期開紅燈,大塞車

    回覆刪除
  13. 落落

    多謝哂
    我屎忽咁大,啱哂坐
    放咗係大廳

    回覆刪除
  14. 卡臣

    "呢幅相" 我揀咗好耐0架喇
    記住將呢幅相放喺大廳呀
    哈哈!

    回覆刪除
  15. 落落

    多謝哂
    張椅放咗喺我後花園,BBQ時嘆世界

    回覆刪除
  16. 嘻嘻,果個梗唔係我啦,因為阿M已經十二歲唔係兩歲,重有佢係仔唔係女!

    其實要更正,我應該係一次半 pass,當年初初“興”喺駕駛學院考,我老豆叫我去果度考,路試一 take 過,點知中期唔知衰啲乜,要再淨係考呢part,再考時,考官話我“斜路開車” perfect(我當時考手波,這個並唔容易),我做完呢 part,佢叫我落車,搵人揸返架車埋位,咁就 pass 咗,我都唔係好知個制度即係點,不過有牌咪得囉,是但啦,話知佢一次定兩次吖!

    回覆刪除
  17. SKII

    sorry,搞錯係令郎,唔係千金

    我情況差不多,先考平路泊位,我pass
    輪到出路試,我一個轉彎
    「西」到架車「ball out」
    立即大剔,failure!

    排期再考路試先pass咋

    回覆刪除
  18. 我見過紅van好禮貌司機,叫我幫前面抱住B嘅媽媽搬佢架BB車落車,唔該前唔該後,反而個媽媽無囉

    回覆刪除
  19. naruto

    咁紅van有好人,綠van都有衰人
    我試過紅van落車時,司機叫我睇車(好聲氣)
    低讚

    回覆刪除
  20. 你要搬,那house warming party记得预埋我!

    挪威的车很贵,不舍得买,所以玩车这梦想早就被放弃了。

    本人最喜欢的是Subaru WRX STI

    回覆刪除
  21. Desertfox

    我仲以為在北歐,汽車是必須品
    我喜愛的車是「大實力」五噸

    我入伙酒預埋你,飛回香港吧

    回覆刪除
  22. 有啲小巴司機都 ok
    見人坐定晒先開車
    不過我試過有一上車就開車
    一野衝到去車尾~

    回覆刪除
  23. largeheadboy

    聽聞有個小巴司機太快開車
    搞到阿伯跌親,手尾長,入司機數
    不小心駕駛
    所以司機保障自己,見客坐好先好
    尤其是老人家

    回覆刪除
  24. 二手車我買過一次
    買左之後都幾多野執
    試過一次怕怕喇
    不過我有個朋友都幾犀利
    每次賣番架二手車出去都有得賺

    回覆刪除
  25. Mac

    我買二手車
    托頼無乜頭暈身𪊓

    乜車落地咪立即折舊?仲可以賺?
    乜車可以炒咩?
    可以,炒車吖嘛,爛gag,哈哈

    回覆刪除
  26. 想聽乘客發出驚呼,不如去操控過山車啦,唔駛响路上「瘋」弛電際掣咁危險。

    嘩!你新屋有後花園,仲有得燒嘢食,咁正!

    回覆刪除
  27. 我考棍波,一 take 過 ...

    我最快嗰次開 140, 但同啲 0靚仔 0靚妹玩 go car 車,輸到離行離咧,醜死怪!

    回覆刪除
  28. 30 something

    我無再揸啦
    不過舊車可看以下舊文:
    http://carson-chung.blogspot.com/2008/05/kt2592.html

    ///

    歪歪

    我有鬼後花園咩!
    吹吓水咋
    幾百尺單位
    邊似你真有後花園

    ///

    laulong

    我都有開過快車
    不過未俾差人捉過

    回覆刪除
  29. 吓得我仲以为阿强写戈个男人揸大胆车害埋成车搭客添!大吉利是!

    回覆刪除
  30. 火女

    如果妳唔笑,就輪到我笑唔出

    ////

    Eben

    咪笑我,大家都知道「亡命van」經常出現在本blog

    /////

    Helloninie


    我都唔想死,點會安排大家死呢?

    回覆刪除
  31. 『我有鬼後花園咩!
    吹吓水咋』

    我都知唔應該信網上面啲人寫嘅嘢㗎嘞,唉!

    回覆刪除
  32. 歪歪

    其實我打錯字
    應該係「後花庭」至真

    回覆刪除
  33. 講到「後庭花」呢家嘢,我係明眼人,唔駛你講都知你有睇頭。

    回覆刪除
  34. 歪歪

    你何止是明眼人
    直情是後眼人

    回覆刪除
  35. 死啦,畀你咁講,我都唔識點答落去…

    回覆刪除
  36. 你講得啱,人人都有,只係用法會有啲唔同咁啫。

    回覆刪除

LinkWithin

Blog Widget by LinkWithin