~~~~~~~~~~~~~~~~







2011年11月16日 星期三

新界的日子

新界的日子

阿Rac搬離銅鑼灣,正式告別了「劏房的日子」。唔做香港人,做個新界人。

對於新界,阿Rac小學時代的印象是:界限街以北,中國租給英國99年的土地。新界「有山有樹有牛」。當時的社會科書本說:「沙田是第一個衛星城市」。嘩!嗰時覺得「衛星城市」個名好High tech呀!嗰陣成日睇超人片,同「星際基地」好相似。

還記得小學旅行是去烏溪沙,要山長水遠、登山涉水咁先去到。仲會笑住新界的同學係「鄉下仔」。現在風水輪流轉,阿Rac要搬到新界去,每天要由新界出返市區,好彩新界交通基建改善了許多。

阿Rac印象中的新界是有山有樹,結果阿Rac新居的露台,獲得一遍山景,真的要感恩。因為阿Rac有些住在新界的朋友,窗外只望到「一遍樓林」或馬路。
                        

阿Rac最需要習慣的是:交通。需要預早時間出門口才不會遲到。去娛樂又不能太夜,最好能趕到港鐵的班次。否則的士車費分分鐘會貴過全晚消費。

阿Rac睇日劇,劇中人物因負擔不起東京市中心的昂貴租金,只好住在近郊地方,每日天曚光起身,花一至兩小時乘鐵路回市中心的辦公室上班。應酬飲酒到接近午夜時分,便要立即走人,趕搭尾班火車回家。

阿Rac現在變成日本人,做「灰姑娘」唔會玩得太夜,接近午夜,便歸心似箭。購物和娛樂方面,阿Rac到附近的商場,有大型超級市場可滿足他買日用品的要求。而食肆方面:「大家樂」、「大快活」和「老麥」,一定有一間,商場專做該區街坊生意。名店欠奉,對於無乜消費意欲的阿Rac來說,無乜所謂。

而商場的戲院,就可免則免。因為該區很多家庭是有小朋友,他們一家人進入戲院,便化身嘉年華會。為免影響觀賞電影心情,都是光顧省城的戲院為佳。

阿Rac今年運程不佳,顛沛流離。現在不再需要做「遷徙族」,搬來搬去,終於可以安定下來。


二少爺說:以前話新界空氣好,現在同市區看齊了。


蚌的啟示 - 關正傑、區瑞強、盧冠廷
作曲: 馮添枝
作詞: 林振強

沙中蚌 常怨路茫茫
常怨處身灰暗地方
而四週好陽光 他閉起眼來看
常合上難怪不見光
小島裡 誰也是繁忙
求進取不惜拚命趕
難有空的目光 可會緊閉如蚌
忘悼看四週景況
願您可不將耳目收藏
願您可多聽多望
盡去關心多一些
你從不似蚌
我願與你共創天曙光
攜手可創造光芒 齊心關注定破浪
既在人海中同航 但求齊力幹
將光輝灑遍每一方
攜手可創造光芒 齊心關注定破浪
既在人海中同航 但求齊力幹
北風都可變暖   當你心變熱燙
(星光穿起會變一串光)
照著你 照著我 去共創更好境況

51 則留言:

  1. 新居入伙了? 恭喜哂!

    睇幅相, 外面一片翠綠, 坐喺露台嘆杯咖啡, 真係心曠神怡呀 (並非日出之城那種)!

    回覆刪除
  2. Eben

    新界邊區?
    新界邊區囉!

    哈哈!吹水咋!

    ////

    30

    飲杯咖啡真唔錯,做甩手操都唔錯!

    回覆刪除
  3. 仲以為係真人真事㖭

    烏溪沙果邊靚呀:)

    回覆刪除
  4. naruto

    真人真事呀

    不過,我說搬去「新界邊區」是吹水啫,

    我堅搬咗去新界

    烏溪沙望向中大果邊,有山有水,一流!

    回覆刪除
  5. 卡臣:

    剛剛去完尖沙咀1881 Heritage嬋修呀!夜晚竟然好多人影結婚相,大學畢業生穿袍影畢業相,真係大開眼界呀!

    仲有,對面文化中心,掛住個大橫額:遊藝亞洲,唔知做乜?

    做乜刪除我之前的留言呀?

    回覆刪除
  6. 卡臣:

    可能我了用Google+,所以衰佐?

    回覆刪除
  7. 佛爺

    冤枉大佛爺呀!

    我gmail收到你留言,但blogspot唔見
    我立即copy & paste 出返嚟

    原本 貴尊蒞臨香港,有失遠迎呀!

    香港大學生到處都影畢業相
    公廁公園都影

    來香港禈修..盞破戒
    原來你真去過深水埗
    好好遊吓香港

    回覆刪除
  8. 卡臣:

    可能唔關你事,因我改了Google+後,第一次留言。

    回覆刪除
  9. 卡臣:

    深水埗「大家食」,二十六皮,連凍飲,最平架喇!

    唔明果度D賓妹,點解星期日扮到咁妖艷?搵外快乎?

    回覆刪除
  10. 卡臣:

    我見到女大學畢業生,舉起兩隻手指,V字型貼近臉旁拍照!

    睇到我眼都凸呀!以為佢地幼稚園畢業呀!

    回覆刪除
  11. 佛爺

    深水埗是物價最低的地區
    我都有幫襯「維記」

    點呀,香港係咪變咗好多呀?

    賓妹唔化妝,飲杯酸梅湯

    回覆刪除
  12. 佛爺

    香港大學生拿著毛公仔影畢業相
    雖則香港自由社會,唔犯法做乜都得
    不過...始終我就覺得「大學幼稚園化」

    回覆刪除
  13. 卡臣:

    我準備去深圳按摩,兼嬋修呀!

    回覆刪除
  14. 卡臣:

    深水埗無乜大變!

    今晚經過廣東道名店街果一節,嚇一跳!名店林立,兼而不夜天!

    回覆刪除
  15. 佛爺

    你返大陸?
    咁你不入地獄,誰入地獄
    以色慈航

    廣東道的名店
    是香港經濟命脈
    大陸水喉射住,養活香港人
    RMB萬歲

    回覆刪除
  16. 卡臣:

    尖沙咀中心的露天咖啡座,今晚是閒日,竟然爆棚?香港似乎無窮人喎!

    回覆刪除
  17. 佛爺

    我諗你見到的都是使人民幣的旅客

    回覆刪除
  18. 卡臣:

    廣東道名店街,真係睇到我自卑!有無搞錯,人人中佐六合彩呀!

    回覆刪除
  19. 原來喬遷之喜呀,可喜可賀。。。

    烏溪沙望向中大果邊,有山有水,一流!。。。我準備寫嘅影集喎,呵呵

    回覆刪除
  20. 卡臣:

    RMB = 人民幣。唔該!

    加燦要去睡!今晚去完名店街,我想圓寂!有慾,都無力 ..... 求!

    晚安!南無阿彌陀佛!我已經六大皆空矣!

    回覆刪除
  21. naruto

    多謝哂!期待你的相集。

    ///

    佛爺

    晚安,儲足能量北上、唔係講笑,乜盡人亡架

    回覆刪除
  22. 卡臣:

    我想去台灣,但酒店無房,要住鳳梨酥民宿,我好驚呀!點算呢?

    回覆刪除
  23. 佛爺

    原來你出巡亞洲區,
    祝你有阿強在台灣一王九后的經驗
    Good luck!

    回覆刪除
  24. 新屋好正啫!有山有樹,空氣都清新啲喎,點解二少爺唔覺咁嘅?

    佛爺返香港去捧AV女優「惠比壽麝香葡萄合唱團」場?

    回覆刪除
  25. 歪歪

    呢度空氣好過彌敦道,銅鑼灣
    風也大過旺角

    佛爺去化緣啩

    回覆刪除
  26. 如果你在元朗區就認真唔錯! 交通好方便既呢~

    回覆刪除
  27. 火女

    我不在元朗,妳住在元朗呢!

    回覆刪除
  28. 好多年前,我住过几晚西贡土坳村,个度空气清新,不过而加环境点样就唔清楚咯!
    点解卢冠廷咬词好似有di嘞牙甘架?

    回覆刪除
  29. Helloninie

    原來妳旅行時住過西貢
    西貢空氣好呀

    盧冠廷的唱歌風格吧
    不過他搞環保,唔再唱了

    回覆刪除
  30. 噢,卡卡搬咗去新界,佛爺雲遊到深水埗...

    新界好呀,我本來就係新界人;深水埗好呀,平民得黎有血有肉(佛爺唔好諗歪呀)!

    回覆刪除
  31. 有山有水,即係豪宅喇!
    新居都應該住得好慣喇~

    回覆刪除
  32. laulong

    你是新界人嗎?
    我還以為你是長洲人

    深水埗多血肉,也多皮肉(錢)

    ///

    largeheadboy

    豪乜宅吖
    斗室一個咋

    不過而家乜樓都叫豪宅

    回覆刪除
  33. 卡臣:

    我係大鄉里出城呀!

    馬鐵至烏溪沙,豪到嚇死我!多倫多有咁靚的火車站,世界末日喇!

    回覆刪除
  34. 歪歪:

    「惠比壽麝香葡萄合唱團」,一定唔荒好野,但我想唔到,可否解畫呀?

    回覆刪除
  35. 校長:

    我係深水埗鴨寮街和高登蒲慣架!從來都無諗歪深水埗呀!

    我終於睇到爽報喇!認真唔爽!淡,又唔係!鹹,又好似用佐假鹽!我睇完之後,仍然下半旗喎!

    回覆刪除
  36. 卡臣:

    我係深山制佐咁耐,邊都想去架!

    撞鬼囉!十一月中都落大雨,連坐的士都被的士佬騙!今晚真係興頂呀!

    回覆刪除
  37. 佛爺

    「惠比壽麝香葡萄合唱團」,一定係好野!由幾十位曰本AV女郎組成的合唱團,剛在西九龍中心表演過,

    馬鐵車站我又唔覺好靚喎,你係咪講反話?

    十一月下雨/天氣暖,反常了,2012世界末日

    回覆刪除
  38. 佛爺,你一聽卡臣咁講,有冇即刻𨂽心大嗌:「今次走寶喇!」

    回覆刪除
  39. 佛爺

    去深水埗唔睇AV女郞,等於食魚生唔加washabi, 唔完美囉

    回覆刪除
  40. 香港只去过一次,不是很熟悉,印象比较深刻的是海洋公园。当时迪斯尼乐园还未建。

    希望还有机会重游。

    回覆刪除
  41. cindy

    下次來香港玩過啦

    迪士尼擴建了

    回覆刪除
  42. 我不是在元朗啦! 只不過你新居的風景好似我一個住元朗的朋友的! 而且你話附近有戲院! 所以我猜測囉~!

    回覆刪除
  43. 火女

    不是元朗啊,不過我諗山座座都差不多啦

    回覆刪除
  44. 歪歪:

    我一味想個諧音,無諗過你講既係真野,今次真係走寶喇!

    回覆刪除
  45. 佛爺,我真係以為你特登返嚟捧AV女優場㗎,點知你同佢哋無緣,擦身而過,我都戥你唔抵。

    回覆刪除
  46. 卡卡:

    新居環境似乎唔錯, 祝你間屋越搬越大!!


    自由

    回覆刪除

LinkWithin

Blog Widget by LinkWithin