~~~~~~~~~~~~~~~~







2011年9月2日 星期五

阿強在時代廣場


阿強在時代廣場

大家好又係我阿強。

銅鑼灣的Times Square,曾經有一段時間(上個世紀),我一周有四至五天會到時代廣場。因為我在「食通天」某間中菜餐館做兼職待應。晚上7:30上班,10:30下班。那時候的時薪,已經多過最低工資28元。足夠我每天的車費和飯錢。加上10:30下班後,可以入廚房吃宵夜,到水吧沖嘢飲。吃飽後才乘「亡命小巴」回家,身體疲倦地過了充實的一天。

這種披星戴月的生活,維持了幾年,最後那餐館因抵不住商場的驚人加租,搬去了西灣河,繼續營業。而我因地區偏遠,就再沒有做兼職了。

好!入正題了,今次講我遊紐約的「時代廣場」。

認識時代廣場,是細個看電視的黑白紀錄片,二次大戰完畢後,美國人在時代廣場前慶祝戰爭勝利。我印象最深,就是那個「Coca Cola」的大招牌。之後每年除夕夜,電視新聞都會報導世界各地慶祝活動。紐約時代廣場的除夕倒數,一定有份。5~4~3~2~1!漫天紙屑,奏起Old lang syne。我希望有一天可以身歷其境,一齊倒數。(因有傳說可以趁亂隨便向女士索吻,她們是不會反抗的。)

最後,自己終於有機會去這個「Big Apple」。由甘迺迪機場落機,乘車入到市中心。沿途的城市景色和我從電影中得到的印象,一模一樣。好Manhattan

終於來到Times Square,立即在Coca Cola」招牌前拍照。「人在紐約」(無端端提起關錦鵬的電影),自己身處在花碌碌城市裡,不其然好興奮!(大家睇開啲啦,鄉下仔出省去美國嘛,乜都覺得新奇,月亮都大啲呀。)
唔好話我崇洋先,我都有嘢要彈:紐約的地鐵Subway好污糟,一種尿味咁臭。仲有啲傻佬在月台上自言自語,嚇到我急步走過。仲有呀,可能我睇得美國電影太多,我感到入夜後,街頭治安唔好,覺得好似隨時有人出嚟打劫咁(這是我主觀感受,可能其實他們好友善呢。)

難得來到Broadway,看了一套百老匯音樂劇:《孤星淚Les Misérables》,觀看前,朋友把劇情大致告訴了我,讓我觀看時不致墮入英語迷宮之中。嘩!舞台好多機關呀、演員又做得好、啲歌好好聽呀,回港後立即買CD保存。

「人在紐約」喎,怎能不提「美食」呢?我專程去美國嚐試「牡丹樓」。你咪扮醒喎!「牡丹樓」並非在China Town,也非中菜館。「牡丹樓」是國際跨國集團的連鎖店。無錯!「牡丹樓」其實指「麥當奴」。我一定要試試最美國地道的McDonald,看看紐約的McDonald跟香港的McDonald有啥分別?唔漢堡飽的味道差不多喎,原來香港人咁幸福,在香港本土已能嚐到紐約的口味。

最後我想講:我去紐約的時候,World Trade Centre仍然健在。可惜我無上過去,結果呢一世再無機會上去。你話做人幾化學呀。

後記:香港銅鑼灣有「時代廣場」和「世貿中心」,唔知幾時地產發展商會起埋「帝國大廈」同「Central Park」呀?揍齊四款多完美啊!


二少爺說:我讀中學前,一直以為美國的首都是紐約。



New York, New York - Frank Sinatra

Start spreading the news, I’m leaving today
I want to be a part of it, New York, New York
These vagabond shoes, are longing to stray
Right through the very heart of it, New York, New York

I wanna wake up in a city, that doesn’t sleep
And find I’m king of the hill, top of the heap

These little town blues, are melting away
I’ll make a brand new start of it, in old New York
If I can make it there, I’ll make it anywhere
It’s up to you, New York, New York

I want to wake up in a city, that never sleeps
And find I’m a number one, top of the list, king of the hill

45 則留言:

  1. 咁有冇上去帝國大廈睇下 meg ryan 有冇喺上面等你呀?

    回覆刪除
  2. largeheadboy

    我無上帝國大廈呀,可惜!
    我也沒有去過西雅圖

    +++

    naruto

    我再睇真啲
    私沒有丁字腳
    兩腳腳尖都是向前方

    回覆刪除
  3. phyllis

    妳夠成日飛啦
    去歐洲法國添呀

    回覆刪除
  4. 卡臣:

    我有家人,真係在紐約被人搶錢,拉爛褲袋,仲要係光天化日,幾個人一起,點知迎面而來幾個黑人,搶完就走了!

    帝國大廈好舊,唔上都無所謂!但世貿的107層電梯,快得好緊要,有點心慌感。

    有無去華爾街?好似後巷咁!

    無提去聯合國大廈既?

    回覆刪除
  5. 佛爺

    嘩!我彩無俾人搶,白人孔武有力,唔好反抗呀!

    華爾街有去,在那頭牛的石像前拍過照,

    聯合國大廈都有去,見到咁多支國旗飄飄吓,一定無錯啦

    另,自由神像就無去啦,可惜

    回覆刪除
  6. 卡臣:

    自由神像,坐船過去,我們在裡面排隊半粒鐘,至上了少少,決定走人,簡直搵笨!

    回覆刪除
  7. 佛爺

    我就在碼頭,朋友指遠處一點,說那便是自由神像,我便當見過

    還有路經new jersy的美軍基地,見到好大隻航空母艦

    central park 就日頭入過,夜晚就咪制

    回覆刪除
  8. 卡臣:

    我地租車,夜晚去完唐人街食飯,跟住開車周圍去。嘩!竟然頻頻見到警車追賊追到駛上行人路,好似拍戲咁!

    我們住在市中心的RAMADA,樓下通街都係雞,成晚警車聲響到未停過,後來太累,才可入睡。

    回覆刪除
  9. 佛爺

    我們乘taxi由JFK機場入市中心
    路經Brooklyn
    嘩~好多黑人,好多爛樓
    擔心如果架車拋錨
    會唔會俾人搶嘢?

    當然無事

    晚上在broadway
    有位老到阿婆嘅妓女
    當我是日本人
    問要唔要?
    嘩~~驅風都唔要

    回覆刪除
  10. 卡臣:

    RAMADA酒店門口都係咁,全部都係黑人妓女,我驚佢地強姦我呀!跟住至同我收錢。

    回覆刪除
  11. 卡臣:

    美國大城市都係好多爛樓架!底特律汽車城至嚇死你呀!對住條河好靚,後面就係廢物堆填區咁!

    回覆刪除
  12. 佛爺

    我在NYC都成曰聽到警車聲
    好有荷里活電影感

    黑人妓女強姦你?報警都可能好多單

    真是不用崇洋
    外國城市都是溶溶爛爛

    回覆刪除
  13. >>一直以為美國的首都是紐約。

    我細個時都以為係!

    回覆刪除
  14. 我上次去NY, 班機早左到,我諗住發達喇,邊知等入境等左差不多兩個鐘!吹脹!我對NY印象麻麻,不過好欣賞城市設計,啲街道全部四四方方,好易搵。
    相對繁華的NY, 我更喜歡華盛頓同芝加哥,啲人更友善!

    回覆刪除
  15. Mac

    我就未去過chicago & Washington
    不過NY 是好遊覽不好長住的地方

    回覆刪除
  16. 我去紐約無去牡丹樓
    去左啲美劇成日出現嗰啲diner
    幻想下自己係劇中啲角色
    不過都幾難食
    兼且又貴
    反而街邊啲餐車平靚正
    我日日都有幫襯

    回覆刪除
  17. Mac

    我幫趁街邊熱狗檔
    還有早餐車
    放低碎銀當貼士
    好電影感呀

    回覆刪除
  18. 卡臣:

    華盛頓治安差過紐約呀!百貨公司好靚,但d野好貴!白宮前面的公園,好似垃圾池!

    回覆刪除
  19. 佛爺

    白宮是我想遊覽的地方之一
    電影中它給飛諜炸毀

    回覆刪除
  20. 相中的型男條褲真係......好高腰

    回覆刪除
  21. 卡臣:

    1814年,英國海軍登陸美國馬里蘭州,大敗美軍,繼而攻入華盛頓,把當時花了眾多歐洲藝術家,經數年時間建成的精緻白宮燒毀,火光衝破夜空,數英哩外也見到。現在的白宮,是後來重建的。

    回覆刪除
  22. 阿強, 香港只差帝國大廈, 我們的地方有Central Park呀! 大角咀帝柏海灣係Central Park, 天水圍的柏慧豪園就係Central Park Towers!

    回覆刪除
  23. 30 something

    原來大角咀有central park
    我check過
    原來尖沙咀廣東道有「帝國大廈」
    紐約四款齊哂

    回覆刪除
  24. 阿強,你响中菜餐館做兼職待應幾年?咁你當時嘅正職係咪舞台劇演員?

    你同佛爺都彈紐約當地嘅流鶯,但係又唔聽見你哋去日/韓時,有嫌棄過啲㗎妹、泡菜喎?

    回覆刪除
  25. 歪歪

    那時候我在荃灣返正職
    做part time 幫補一吓

    NY流鶯真是耆英
    不得不投訴呀

    回覆刪除
  26. 歪歪:

    紐約的烏雞,一隻的尺碼,等於一位架妹加一位泡菜妹,若果只看份量,不講美味,當然大件夾抵食喇!

    仲有呀!佢地D皮好粗糙,同肯塔基家鄉雞差唔多。

    泡菜妹和架妹,就好似白皙雞咁,皮光肉滑呀嘛!

    回覆刪除
  27. 佛爺

    同意到不得了
    如火雞跟乳鴿之差異

    回覆刪除
  28. 卡臣:

    比你笑死我,你的比喻好過我,真係火雞同乳鴿的分別。

    漏了一點想補充,現掛在美國白宮,由當年一位著名畫家繪畫的佐治.華盛頓畫像,是原裝的。

    英國海軍未攻至華盛頓時,當時美國總統麥迪遜的夫人,命人以刀從畫框中切出華盛頓的畫像,把它帶離白宮。

    英軍進入白宮時,只見該相框是空的,卻沒有華盛頓的肖像。

    反而美國總統麥迪遜的高帽,因倉皇逃亡至維珍尼亞州而留下。英國海軍上將進入白宮後,戴上麥迪遜遺留下的帽子,坐了在麥迪遜的寶座,輕佻地問部下:下一部我們如何做?部下跟他說:我們的命令是把這裡燒毀。

    雖然英軍十分詫異白宮的精緻藝術建築,但他們在離開白宮後,站於白宮外的草坪,海軍上將一聲令下,成群火炬便射入白宮裡,了結了這座不少優秀藝術家的結晶。英軍隨之退回戰艦上。

    回覆刪除
  29. 彿爺

    多謝資料補充

    原來白宮有段故
    芵軍幾堅果喎以前

    回覆刪除
  30. 卡臣:

    十八九世紀,英國就好似今日美國咁犀利,佔了當時全世界三分之一工業生產值。

    美國在1864年南北戰爭結束後,大量黑人被迫遷徙至北方工業城市,開始了工業革命,才漸漸強大起來。

    英國就在第一次世界大戰後開始滑落。第二次世界大戰,就被希特勒打到衰弱,戰後國力插水式下滑。

    回覆刪除
  31. 佛爺

    我想如果香港成為美國殖民地會點?
    不過,美國有殖民地嗎?

    回覆刪除
  32. 我仲以為你做舞台劇揾唔到食,先要做兼職𠻹。

    佛爺、卡臣,原來你哋都係食家,家鄉雞,火雞,乳鴿都咁有研究。

    回覆刪除
  33. 卡臣:

    美國好似有兩個托管地,再無殖民地!

    1898年,美國大敗西班牙的無敵艦隊,從西班牙手中,搶了菲律賓做她的殖民地。

    第二次世界大戰結束後,殖民地紛紛獨立,也是殖民主義年代的終結,原因是心理因素。

    工業和科技,教歐洲列強受到亞洲、非洲和拉丁美洲人,對白人有著主人式的崇拜。

    然而,第二次世界大戰,這些「不敗的白人」被希特勒、墨索里尼和日皇所打敗,趕出殖民地。

    戰後,殖民地的人,心理上不再相信白人是天生做主人的,因此紛紛要求獨立,展開反殖民主義戰爭。

    美國就支持法國,繼續保留越南的殖民地,結果付出沉重代價。美國不可能取香港作殖民地的。

    全世界應該再沒有殖民地,就算有,也只是幾小片微不足道的地方。

    回覆刪除
  34. 佛爺

    多謝資料
    你不如多寫這類
    好有益智身心

    回覆刪除
  35. 卡臣:

    有益身心的話題,只得一個悶字,我被人丙過好多次架喇!嘻嘻!

    回覆刪除
  36. 佛爺

    咁我都同意
    十分贊同

    苦口良藥
    悶文益智

    回覆刪除

LinkWithin

Blog Widget by LinkWithin