~~~~~~~~~~~~~~~~







2011年8月26日 星期五

不可分割五顆心

不可分割五顆心

一個小型band show內,樂隊「Zister」演奏一首慢歌,歡送要離隊的成員:阿正,今晚之後,阿正便正式告別「Zister」,各自上路。

* * * * * *

三年前,四個雙失的屋邨仔,深夜結伴在球場遊蕩時,給社工發現,帶到社區中心,教他們學習樂器夾band,免入歧途。從此四人對組band充滿濃厚興趣,日練夜練。

四個青年決定組成樂隊,但欠缺一個鍵琴手。他們在琴行貼廣告,尋找「keybroad手」。最後由大學畢業生阿正應徵,試音後一拍即合,五人將樂隊改名為「Zister」,開始參加社區和校園band show,增加演出經驗。

四個雙失青年,有了理想,做人也踏實了,經社工介紹找到工作,他們都從事基層工作:侍應、清潔、保安和速遞。阿正則在電訊公司人事部工作。五人日間返工,夜晚夾band,雖然疲累,但很開心。

五人都有固定收入,可以自己添置樂器,社區中心的band房要book又要遷就時間。「Zister」決定在工業大廈自租band房,五人平均分擔租金雜項開支。五人之中以阿正學歷最高,交租、財務、接show磋商等工作,都由阿正一人承擔。大家都好信任阿正,五人月頭交租,月尾分演出酬勞。

「Zister」隊員同意:阿正每週都會用樂隊基金的20元買六合彩電腦彩票,希望一天中獎,可以換更大band房,或者自資出碟,達成大家的理想。眾人都信任阿正,由阿正一人去買票和對獎劵,可惜期期都係做善事。

「Zister」就這樣運作了三年,期間「Zister」創作很多首原創歌曲,錄demo歌寄給唱片公司,可惜無回音。他們為了完成搞演唱會的心願,每人掏腰包夾錢在藝術中心劇場搞「Zister」首個演唱會。五個後生仔,由poster設計、宣傳、揀衫、舞台設計、燈光、節目rundown,統統一腳踢。雖然工作辛苦,但十分開心,五人向共同目標邁進。「Zister」演唱會,在熱烈掌聲中順利完滿結束。

好景不會每日常在,阿正事業心重,找到一份更有前途、駐守上海的新工作,阿正忍痛下做出決定:要退出「Zister」。四人都唔捨得阿正,畢竟大家都一起經歷過三年的辛酸和歡笑。

* * * * * *

這個晚上的一個band show內,「Zister」演奏一首四人合寫的慢歌,送給阿正。阿正聽到歌詞,幕幕往事,湧上心頭,阿正難忍鼻酸眼紅。最後,他心中做了一個十分困難的決定。

阿正離隊的原因,並非因為什麼駐守上海的新工作,而是因為阿正中了六合彩二獎,獎金五百萬。每人可分一百萬。阿正中了獎,隊員也不知道,阿正貪念起,打算獨吞五百萬,離隊之後,著草去上海,從此人間蒸發。

但阿正剛才被那首歌真心感動了。五個人一條心,披星戴月,為了夢想而奮鬥,自己怎能夠咁衰仔呢?阿正決定要「有錢大家分」。

當晚,「Zister」去宵夜慶功。阿正扮嘢check電話,之後碌大對眼,大叫:「嘩!我哋中咗六合彩二獎呀!」樂隊成員聽到這消息,瘋狂地尖叫,那會去問阿正買了什麼號碼?幾時中獎?阿正大聲宣佈:「我哋每人可以分到90萬呀!」眾人:「嘩!90萬!發達啦!」阿正話唔去上海啦,繼續夾band。大家當晚開心飲到酩酊大醉。

阿正遵守諾言,把90萬支票分發給四位隊員。眾人的眼睛如發了光。第二天晚上,阿正如常到band房練歌,怎料房內空無一人。阿正call他們,原來他們有了錢,都唔來練歌。以前對社會的不滿和控訴,因為有了錢而不再憤怒了。四人學人去投資炒股去,唔再執起支結他,賺到錢就去揮霍享受,「Zister」解散了。

阿正以為自己留下,把獎金分給大家,「Zister」會出唱片會走紅。怎料分完錢後,大家就有錢即散,忘記了當初抱負什麼理想。阿正間接成為「Zister」拆夥元兇,真是始料不及。

阿正拿著140萬去買樓,終於可以上車了。阿正每次聽到那首「Zister」歡送自己的歌,都會感到諷刺。



故事靈感來自:太極樂隊《一生不再說別離》。當年太極樂隊把這首歌送給要離隊的雷有耀。


一生不再說別離 - 太極
作曲:孫偉明/唐奕聰
填詞:向雪懷

曾經過幾番失意 才有一個好開始
但我並未後悔 每次與你倆相依
人生要跌倒幾次 方可找到一點真摯
著實幸運是我 你我心中思想相似

立誓命運如逆轉 不可分割幾顆心
縱是風雨 幾經掙扎到了現時

當追逐一生的理想
天天艱辛生活未能如想像
彼此心裡有悶氣 卻不放棄
不管一切拼搏地捱

請考慮可否不要走
多少悲傷當天仍然能忍受
我們都會 (我們需要)
一生想念你
一生不再說別離

離開你怎麼可以 好開始於今天將至
盡力做日後定做到 想得到的終於得到
人生要跌倒幾次 方可找到一點新意
幸運地遇著你 心中思想多麼相似

離別你怎可有歡喜
那裡再有這一知己

40 則留言:

  1. naruto

    留意最後一段:「阿正拿著140萬去買樓,終於可以上車了。」

    阿正始終有私心,每人扣起10萬,分得90萬
    阿正就有140萬啦

    回覆刪除
  2. 五個男仔叫自己做Sister? Haha...

    阿正真係傻仔,貪40萬又係貪,貪400萬又係貪,佢做人唔夠狠心,做唔到大事!

    回覆刪除
  3. 好諷刺嘅故事,但係人因為有錢咗而變臉,已經被視為人之常情。既然各隊友目標不一,就算今次無散Band,出碟後有名有利,都一樣可能會。

    四位隊友有錢後不再夾Band,阿正會唔會覺得自己多吞咗嗰四十萬,係貪得合理呢?

    回覆刪除
  4. 30 something

    阿正被首歌感動了
    所以唔忍心獨吞哂

    呢個故事講「人可以共患難,不可以共富貴」

    +++

    naruto

    你咁醒,咪扮嘢喎

    +++

    歪歪

    可能阿正獨吞筆錢
    zister仍會繼續夾下去
    一起爭扎的心歿了
    富貴自然變質

    突然想起女人說過:不要讓男人有錢,一定身痕

    回覆刪除
  5. 卡臣:

    我就認識一個男人,發了達無娶老婆,無玩女人!但好多女人話佢係唔得既!我諗,可能有女人爬過上佢張床,發現佢支炮 .....

    其實男人唔得都唔成問題,最近睇完一篇心理學研究女人的性反應,原來男人支炮係 .....

    呢個研究結論,認真夠獨特,比D女人鬧到飛起,我唔夠寫出黎,驚比人丙,慘過徐立之呀!嘻嘻!

    回覆刪除
  6.  佛爺

    好想知那個研究結果

    香港近日有個研究
    女性闗心硬度多過長度

    回覆刪除
  7. 卡臣:

    等多幾日,睇下班女人鬧成點先!該個研究在英國進行,佢有好幾個結論,較為混亂,我諗下點樣簡單D寫出黎。

    回覆刪除
  8. 佛爺

    快整理好資料
    放上你blog
    你寫心理好睇呀

    回覆刪除
  9. 卡臣:

    多謝先!等下星期中才放出。其中一個結論係 ... 係 ... 男人支炮係 ... 係 ... 無用既!攪到我都以為係睇錯,要講個服字。

    回覆刪除
  10. 佛爺

    太好了
    原來支炮不重要
    咁我仲有希望啦

    回覆刪除
  11. >>男人支炮係 ... 係 ... 無用既!

    吓?唔係掛?我仲以為自己大有所用?

    卡卡,個故事有少少漏洞,二獎是不固定派彩,期期唔同架,而且班友一定會好奇睇吓張彩票,咁就容易穿崩喇!

    回覆刪除
  12. Laulong

    多謝提示
    我好少買六合彩
    無撗財命吖嘛

    回覆刪除
  13. 另laulong

    你支炮咁大
    大可留嚟搓麵粉之用

    回覆刪除
  14. hahaha, 大有所用,大有所為,都成為大人咯,梗係要做個有用有為嘅男人喇!

    呵呵,靜待佛爺分說!

    回覆刪除
  15. 卡臣、校長:

    這個研究可能同偉哥、犀利士和立威大作對,睇完後,我都好有安慰,原來男人支炮,無論長與短、軟與硬,也無所謂,因為,支炮對女人來說,是法國大餐喎!多一舊,不如少一舊!

    回覆刪除
  16. 卡臣:

    你支炮咁大!大可留嚟搓麵粉之用。

    頂你唔順呀!校長話「大有所用」,你就斷章取義,話佢支炮大,仲可以去搓麵粉!嘻嘻!

    回覆刪除
  17. 佛爺

    原來把口同對手重要過支炮
    我快去苦練
    考完口試再考筆試

    我無屈校長呀
    佢用嚟做棒球棍架

    回覆刪除
  18. 卡臣:

    你去考口試得架喇!唔洗去考筆試架喇!該個研究發現,男人支筆,對女人來說,是厭惡性的!最好速速離開身體呀!嘻嘻!

    回覆刪除
  19. 佛爺

    神交算罷啦
    塑膠都慳返
    夠環保

    回覆刪除
  20. 哇,冇奶油嘅,點可能多一舊,不如少一舊呢?

    唔通我個前前前前...度呃鬼我?佢居高臨下髮絲下垂咁同我講:「我好鍾意佢!」

    假架,都係假架,嗚 ~~~

    回覆刪除
  21. laulong

    「佢居高臨下髮絲下垂咁同我講:『我好鍾意佢!』」

    嘩! 咁爆炸性?
    為了讓大家了解事件來龍去脈
    請你由入房描述到離開,每一個細節
    等我們幫你評吓理

    回覆刪除
  22. 唉,我揾到佢出黎評理至有意思架,冇喇,芳踪已渺,就讓一切隨風!

    若真如佛爺講,真相,都係唔知好過知咯!

    回覆刪除
  23. Laulong

    「芳踪已渺,就讓一切隨風!」
    我懷疑是藉口囉

    你唔分享箇中樂趣
    免我羨慕又妒忌啫

    明白嘅

    回覆刪除
  24. 卡臣:

    比你笑到我肚痛,咁又未到神交咁虛擬。

    哎呀!唔係呀!最高境界係 ... 係幻交呀!嘻嘻!

    回覆刪除
  25. 校長:

    我都覺得冇奶油,兩性相交,為何男人支炮最不中用?兩個研究員,其中一人是女心理學家,點會得出男人支炮至冇用的結論架?莫非她,好大食?食極都唔飽!嘻嘻!

    回覆刪除
  26. 佛爺

    幻交?
    第一次聽到咋

    apple有無發明「i交」呀?

    如果一個男人有2-3支炮
    會否好啲?

    回覆刪除
  27. 點會呢?卡卡,你才華洋溢,豐神俊朗,女孩子愛你,一定愛得很深很深!

    回覆刪除
  28. 佛爺:

    莫非她,好大食?食極都唔飽...

    莫非她,係女同志,愛陰不愛陽,於是詆譭男人之器?

    回覆刪除
  29. Laulong

    哈哈哈哈
    愛得我深的女子
    恐怕只在深圳找到
    哈哈

    回覆刪除
  30. 卡臣:

    iPhone 真係有「i交」呀!前些時我看過幾個廣告架!

    我都唔明,果個咁既變態女心理學家,研究到男人支炮對女人係多餘既,奇就奇在,大把女人留言鬧佢,無乜男人留言喎!唔通嚇到D男人縮佐!嘻嘻!

    回覆刪除
  31. 校長:

    她是研究「進化心理學」的。莫非她,走火入魔,以為卵子不用受精?聖靈感動乎!嘻嘻!

    回覆刪除
  32. 佛爺

    如果研究針對lesbian
    咁就唔關我事啦

    回覆刪除
  33. 佛爺:

    我諗那婆娘是語不驚人死不休,那話兒不區?女人都抗議喇!不過係有好多專家話過性愛是否享受,確實有很多條件。

    回覆刪除
  34. 卡臣:

    該個研究是針對異性戀的,所以咁至奇呀!

    回覆刪除
  35. 呢個同 Mr. 的背境有沒有關係呢?

    回覆刪除
  36. SKII

    跟Mr.無關
    因我對他們一無所知

    我對80年代本地band就熟啲

    回覆刪除

LinkWithin

Blog Widget by LinkWithin