~~~~~~~~~~~~~~~~







2011年7月11日 星期一

實習教師


實習教師

本文內容含粗言穢語,敬希教長留意

又係我阿強呀!今次唔講遊埠嘞,回憶一吓我的中學生活。

我讀中二那一年,是我整個中學時代玩得最癲的一年,不須面對中三淘汰試或會考,簡直置學業於不理,瘋狂地玩。成績差被編入2E那班,是中二全級成績排尾二的那垃圾班。我在那裡結識一班奇人異士,他們語不驚人誓不休,每天返學都是娛樂,我從未試過如此喜歡返學。

如果學校是一座監獄的話,那麼2E班可說是一個「重犯倉」,集合留班生、曳人惡人寸人乜都有。雖然好似三山五嶽咁,但其實他們只是反叛和百厭,沒有黑社會人士。其中一個男同學,花名叫「咸良」,他是留班生,較我們年長一歲,是我們那一黨的「領導人」。

* * * * *

中二放暑假前的學期,大約五月的時候,2E班來了一個「實習男教師」,廿二三歲左右,個樣好young,叫「潘Sir」。他穿恤衫西褲,笑容掛面。他在私範學院畢業前,派到我校實習,教我班地理科。

「潘Sir」跟我們上地理科,你有你講、我們有我們玩:睇《好時代》雜誌、睇《中華英雄》、聽walkman、吃零食、瞓覺、抄歌詞…(咪噓住先,old school係玩呢啲嘢架啦!)我哋完全當「潘Sir」透明,其實「蝦」實習老師唔敢發火。

當時,地理科教南美州國家,「潘老師」把一張南美州地圖掛在黑板上,指著南美州某些國家,要求同學們跟他一起讀出該國家的名字。某些坐前排較乖的同學,細聲含糊地發音,敷衍「潘Sir」。

當「潘Sir」讀到其中一個國家名時,我們全班一怔,放下手頭上的玩意,把視線移向潘Sir。因他剛讀出一個南美國家名,發音竟然跟東話「呢個龜頭」十分相似。發育期中的男同學,對於鹹濕嘢特別敏感。跟著成班男同學立即好齊心大聲朗讀「呢個龜頭」!跟著笑到碌地。

「潘Sir」怔一怔,可能唔知點處理,唯有扮若無其事,繼續教其他國家。我們的「咸良」在座位上發號司令,把它改成鹹濕嘢。無論「潘Sir」讀出什麼都好,我哋都唔理,只是齊聲讀出「咸良」講的「鹹濕口號」,齊讀:「呢個鳩頭」、「呢個jer頭」、「呢個柒頭」、「呢個乳頭」….我們就一路讀一路狂笑!

原本同學們已經笑到肚痛,怎料突然見到「潘Sir」正在痛苦地忍笑,嘴唇顫抖,仲忍到面紅面綠。佢突然「咔」一聲!連「潘Sir」都忍唔住笑咗出嚟,嘩!我們成班學生見到阿Sir笑,不得了啦,成班人直情好似缺堤咁,拍枱拍櫈咁喪笑,震撼二樓全層。

畢竟「潘Sir」只是大我們幾年,大家都是年輕人,男仔聽到鹹濕嘢,又點忍到笑吖!

經此一役,我們覺得「潘Sir」是玩得之人,拉近師生距離。上堂俾吓面佢、尊重吓佢。小息仲一齊打吓籃球。到學期尾,有考官到課室sit in,評估他的教學表現時,我們十分合作,安靜又扮留心,仲交戲俾反應答問題添呀,認真唔話得呀。

大考前,「潘Sir」便完成實習,離開學校。我們2E班都唔捨得呢個阿Sir。之後再無遇過他了。我諗「潘Sir」現在仍執教鞭啩?希望他生活安好,仍記得那年夏天,2E那班癲仔。



二少爺說:呢首歌已經是31年前,MV內的學生哥們,他們的子女應該做緊學生哥。MV中還有新落成的太空館和海洋公園。


每事問 - 許冠傑
作曲: L.Reed/G.Stephens
填詞:許冠傑

學野必須肯多去發問,問吓 古今遠近,
無論數學或地理天文,唔信問人。
若要高分,應該每事問,問吓 不懂好快問,
唔問最笨,求合格好文。

世界事物有千萬萬,科學日新兼月異怎去分,
答案點樣去搵,你每事問會有好學問,
經驗累積可辨別假與真,憑不斷去問人。

莫要天天等,今天每事問,問吓 虛心去問,
唔明白再問,人就更聰敏。

21 則留言:

  1. 其實係邊個國家呢?諗唔到


    我今次第一,yeah~

    回覆刪除
  2. 我都諗唔到喎~

    真人真事嚟架?
    記得幾廿年前我初執教鞭,有個小妹妹喺堂上傳紙仔畀我發現,我就叫佢“唔好上床傳紙仔”,搞到班細路發晒顛咁笑~

    回覆刪除
  3. Naruto

    100%真人真事
    但我記不起那個國家了。

    +++++


    Largeheadboy

    上床傳紙仔?
    哈哈!
    可能你的學生第曰回憶你

    回覆刪除
  4. 潘sir

    我們重認了。
    找天飲茶

    +++++

    Lauding


    可能係呀
    多謝告之

    回覆刪除
  5. 講鹹濕野,孔子再世,都忍唔住,唔好話見習教師!就算佛祖,都會笑嘻嘻!

    回覆刪除
  6. 阿強,你小學玩閹,中學又嗌「鹹濕口號」,你係咪中小學都讀男校㗎?

    咁你同咸良仲有冇聯絡呀?

    回覆刪除
  7. 歪歪

    我讀男女校,一般曳啦
    沒有咸良的消息了

    ++++


    Eben

    怪不得你是教友了

    回覆刪除
  8. 有没有对潘sir产生好感?

    歪歪正等着问这呗?

    回覆刪除
  9. 嘿嘿

    沒有啊
    對女老師就有
    (性幻想添呀)

    +++

    咸良

    咸良呀!
    你好呀
    你係咪做咗咸書老闆呀?
    飲茶呀

    回覆刪除
  10. 我以前有個阿sir著恤衫,個袋度有包ysl,同學差d同佢一齊煲煙

    回覆刪除
  11. i.minor

    我以前有個sir
    恤衫袋口常有馬票

    回覆刪除
  12. 一般曳?你讀男女校都玩到咁癲,當啲女同學無到。

    嘿嘿,其實係潘sir對阿強產生好感至真!

    回覆刪除
  13. 歪歪

    潘sir直到爆
    對女就有濃厚興趣

    回覆刪除

LinkWithin

Blog Widget by LinkWithin