~~~~~~~~~~~~~~~~







2011年6月6日 星期一

香港食店故事 – 上集


香港食店故事 – 上集

第一篇
「麥當勞」是一名勞動工人,因體力勞動的關係,他每天需要吃很多高熱量食物,導致「麥當勞」變成一個大肥佬。他結婚後,太太誕下一名男嬰。「麥當勞」不想兒子重轁自己覆轍,希望兒子多讀書、行文不行武。故替兒子取名為「麥文記」。無奈兒子年幼多病,身體又瘦又孱弱。父親知道有一個古老說法,替兒子改一個意思相反的花名,兒子便能健康成長。最後替兒子改了個花名,叫「麥奀記」。兒子果然肥肥白白,快高長大。

第二篇
一名美國男士,姓Mc名 Donald,全名「McDonald」。他在香港邂逅一名香港女子,姓Café名de Coral,全名「Café de Coral」。兩人跨越文化差異,成為異國情侶。McDonald講了一聲:「I’m loving it」之後,兩人情投意合,共諧連理。婚後生了一名孩子,孩子的名字,是結合父母兩人的姓氏而成,叫:「McCafé」。

第三篇
「星巴克」是一位受全世界歡迎的美國女星,她扮美人魚而一砲而紅。全世界都有「星巴克」的擁躉。大家都估她最終會嫁給一個非常愛鍚她的成功男士。但世事往往物極必反,「星巴克」最後嫁給一位日本人,不單止對她不好,為人仲十分之仆街,丈夫叫「Pokka Cafe」。最後「星巴克」忍無可忍跟「Pokka Cafe」離婚,改嫁給一位跟她相襯登對的香港男明星,這位男明星叫「明星酒家」。

第四篇
「大良八記」是一名中國藉男子。他從順德大良偷渡到香港,白手興家。婚後生了一對孿生兄弟:「大家樂」和「大快活」。兄弟之間有心靈感應,喜歡和厭惡的東西都是一樣。幸而兩兄弟感情要好,自幼學懂分享。成長後,兩兄弟竟然同時間愛上同一名女子,她叫「大家食」。兩兄弟沒有因此而反目成仇,更發揚分享精神,兩兄弟「有嘢大家食」。三人相處和諧融合。

第五篇
「必勝客」是一名賭運奇佳的賭客,逢賭必勝。他正在賭術比賽中和另一名賭徒較量,對手叫「澳門」,全名「澳門茶餐廳」。他是來自澳門的賭業世家。結果「必勝客」靠運氣僥倖贏了「澳門」。但輪到下一局,「必勝客」還是輸給另一名對手。對方是一名綽號「一味靠千」的日本老千,他全名叫:「味千拉麵」。

第六篇
「鴻星」是一個黑社會社團,專經營販賣「紅星手槍」的軍火生意。「鴻星」的話事人要退休了,社團搞內部選舉,選出最新的「話事人」。有兩位後選大佬,呼聲最高:一位大佬叫:「德興火鍋」,「德興」好有火,好似黃飛鴻咁好打。另一位大佬叫:「漢陽苑」,「漢陽苑」有鐵漢的剛陽味。最後爆大冷,社團選出另一名繼任人,他為人有火又夠骨氣,他叫「有骨氣火鍋」。

第七篇
「太平館」是一名年邁的老廚師,「太平館」上幾代都是世襲做廚師,由1860年做到現在。「太平館」生了兩個兒子:「太興燒味」和「太興新世代」。「太平館」決定把衣缽傳給兒子。阿哥「太興燒味」性格豪邁,麻甩佬一名。細佬「太興新世代」則熱愛藝術,不愛落廚。「太興新世代」要闖新世界,去法國留學。「太平館」就把廚藝傳給大哥「太興燒味」。而「太興新世代」在法國結識當地女子「Délifrance」,落地生根。

後記:
原本naruto提議我用香港街道名,不過我砌唔掂,最後改用香港食店名。






食嘢一族 – 軟硬天師

林:Ladies & Gentlemen,又係我地
葛:哈哈,我係小明呀,哈哈

人生要舒服,人心無厭足
酋長都吔狗肉,唔驚折福
禾蟲缽仔局,龍蝦仔送粥
難得好舒服

人人為吔,莫理生與熟
無錢渣碌竹,有錢打雀局
人人為吔,莫理三與六
政府空忠告,I still smoke

前兩日見到硬軟天師,吔kim-chi吔粉絲,吔芝士送蛋治
前晚夜見到硬軟天師,似ET似Bee-Gees,係筲箕灣街市
尋晚遇見到硬軟天師,看中醫看西醫,都好彩無乜事
哈!茶市又見到硬軟天師,吔kim-chi吔粉絲,佢重整煲雞鮑翅

除非訓柳州木,人心無厭足

林:嘩係!好香喎!
葛:喂喂喂!我拿手整咖喱。
林:very good!咖喱真真好味!
葛:小D雞多D咖喱。
林:揀啦揀啦,要雞髀定雞尾丫。
葛:喂!唔好老皮丫!
林:咖喱,唔帶得返屋企。
葛:唉!我,call你又唔覆機。
林:唔book位,抵你罰企呀朋友。

林:當報時信號信號一響,時間係呀二點零六啵
葛:喂係咩唔係喎,十四點零六喎
林:咪支支左左醫醫個肚OT睬你我就傻
葛:尋晚夜有局做乜唔預我
林:咦係咩唔係喎
葛:約你二點零六喎
林:係十四點零六啵
葛:係二點零六喎
林:係十四點零六啵
葛:乜你係都唔認錯
林:我係都唔認錯

嘩係咩唔係喎
報道最新市場價格

經濟食家咪去香格里拉,香夾滑嗒碗豆腐花
我有one hundred身家,食蕉用8蚊就夠啦
食野要知價,精打細算咪矇查查
嘆返個消暑既西瓜,整返碗海帶綠豆沙
買斤半急凍既鮮蝦,Um定兩蚊買大豆芽
還重有one dollar咩啦,點洗得晒hundred dollar
想做孝順仔每日比錢呀媽,包你hum家吔木瓜,瓜瓜瓜!

人生要舒服,人心無厭足
酋長都吔狗肉,唔驚折福
禾蟲缽仔局,龍蝦仔送粥
難得好舒服

25 則留言:

  1. 骨伊芙灵,阿卡臣今日食左咸肉粽?碱水粽?枕头粽?潮州粽?客家粽?广府粽?南方粽?北方粽?嘉兴粽?乜野粽都可以食,就千企咪食错黑心粽!锵锵锵锵笃笃锵查锵----------

    回覆刪除
  2. 卡臣, 會唔會講下McDonald同Café de Carol製造McCafé時的過程? 我好想知呀!

    回覆刪除
  3. helloninie

    我吃了咸肉粽,加糖最好味
    妳呢?
    有時會煎,仲好味
    (因為在雪櫃放了太久)

    ++++

    30 something

    先去McDonald買杯coffee
    再去Café de Carol攞個紙杯
    將McDonald coffee搗入
    Café de Carol紙杯
    便是McCafé嘅「吸拔千奴」

    回覆刪除
  4. McCafé嘅「吸拔千奴」係咁整? 陳豪好似唔係咁講...

    回覆刪除
  5. 30 Something

    陳豪而家話:「六個月免費」咋喎.

    回覆刪除
  6. Yeah!仲有屋內屋外wi-fi送! 就係因為咁, McDonalds除左妾侍y5zone, 仲同網上行搭上, 多得陳豪.

    回覆刪除
  7. 30 Something

    陳豪話:仲可以用渣多白金visa 找數添呀

    回覆刪除
  8. largeheadboy

    骨氣火鍋摺晒?
    即是呢個堂口瓦解了
    多得警方

    回覆刪除
  9. 超愛你個腦呀,好掂;

    係我就分幾集寫變加長版啦,呵呵

    回覆刪除
  10. McCafe好過星巴克,其實大家差唔多,但星巴克就感覺好似去砵蘭街,但係就收援交既價錢,覺得好似被雞強姦咁囉!

    回覆刪除
  11. naruto

    愛我個腦夠啦
    唔好愛我其他器官呀

    我都分開兩集
    可以頂多一日嘛

    +++

    佛爺

    我又鐘意星巴克多過McCafe
    McCafe好似始終都是「老麥」
    而款式方面
    starbuck多選擇啲

    回覆刪除
  12. 卡臣,自從 "是打北" 出咗包裝即溶咖啡之後,我開始覺得,佢哋嘅咖啡店形象好似倒退咗。依家,連個logo都無埋coffee呢個字。第日,佢可能變咗,賣餐蛋米同埋漢堡包嘅茶餐廳,咖啡只有即沖,哈哈。

    回覆刪除
  13. 樂樂

    係噃
    飲咖啡的樂趣是睇佢blend和Steam
    如果飲「包裝即溶咖啡」
    咪變咗7-11個飲料站咁
    大家沖滾水

    無咗coffee兩個字?
    會唔會變哂化學品
    好似維他檸檬茶咁
    包裝上沒有檸檬茶三個字
    因只是化學香劑

    回覆刪除
  14. 連Délifrance都俾你籟到,好嘢!期待你嘅下集!

    仲有呀,我想問『包裝上沒有檸檬茶三個字』,咁係咪寫上『化學香劑』?你指名道姓寫出嚟,好勇!

    佛爺,你揀去邊間飲咖啡,都可以咁有見地,真係佩服!

    回覆刪除
  15. 歪歪

    我聽人講咋
    有事唔好告我誹謗呀~~

    佛爺對女人都好有見地

    回覆刪除
  16. 哎,仲想話鍾意埋你個肺,得閒拎嚟頂下

    回覆刪除
  17. naruto

    好彩係肺啫
    幾驚要我個頭嚟當凳坐啊

    回覆刪除
  18. naruto

    又係喎
    頭唔係一個器官

    X頭就是

    回覆刪除
  19. 我都勁鍾意阿卡個腦,充滿各種創意乜都俾佢諗到,佩服佩服!

    回覆刪除
  20. 巴黎

    我鍾意妳把口,法文朗朗上口,很悅耳,勁羨慕!

    回覆刪除

LinkWithin

Blog Widget by LinkWithin