~~~~~~~~~~~~~~~~







2011年3月9日 星期三

烈火顫車

烈火顫車

「♪ 頭搖又尾擺,飄移境界 ♫」紅色小巴內,司機扭大speaker,強勁音樂,是鄭伊健的《極速》,小巴司機坐在改裝過的跑車座位上,變身東望洋車手,按著閃燈波棍,深夜由屯門公路飛入元朗,司機突然大聲唱:「♪ 誰敢來踩界 ♫」車廂內瞓緊的乘客都被佢嘈醒。

* * * * * *

阿偉在銅鑼灣茶餐廳做侍應,每晚凌晨2時才下班。家住元朗的阿偉,喜歡搭「亡命van」返屋企,貪佢夠快。由開車到落車,只需25分鐘。

在小巴車廂內,有乘客喜歡玩i-Phone、打機、講電話、睇漫畫、聽歌等等。但阿偉一定會選擇瞓覺。因為阿偉覺得他始終一天會命喪在亡命小巴手上,如果他在神智清醒的情況下遇上車禍,他會承受極度的驚恐和身體痛楚,折騰一番才死去,十分恐怖。但如果阿偉是在睡眠中遇上車禍,他便會在無知覺無痛苦中死去,既然要死,死都要死得舒服嘛。

加上阿偉工作勞累,一坐低便可以瞓著。阿偉是在元朗小巴總站落車,通常阿偉會被司機叫醒佢落車。阿偉在小巴睡覺的習慣,十年如一日,到目前為止,Touch wood講句,他都未遇過任何交通意外。

* * * * * *

阿偉這晚放工,深夜2時半踏上「亡命小巴」。阿偉通常會望一望司機,評估一吓佢手車會有幾辣。是晚這個後生司機剷punk頭又紋身,面部穿滿金屬環,加上一件鍋釘爛黑皮褸。這名司機列入「危險人物」級別。阿偉坐下,閉上眼晴,等了幾分鐘後,感覺到小巴開車離站了。

司機選播的勁歌,是電影《烈火戰車之極速傳說》的主題曲:鄭伊健的《極速》,司機突然大聲唱:「♪ 誰敢來踩界 ♫」車廂內瞓緊的阿偉被佢嘈醒咗。唔知點解今晚阿偉失眠,想瞓都瞓唔返。阿偉雖然閉上眼晴,但聽到路速器「咇咇聲」狂叫,應該有120米。阿偉產生莫名的恐懼,唔通個天暗示俾我知:今晚會炒車?命喪公路上?唔通冥冥之中自有主宰?

阿偉張開眼晴,想望一望架小巴去到邊?原來小巴已經駛出大欖隧道,還有五分鐘車程便可回家,希望無風無險啦!阿偉正想再閉上眼晴時,突然「砰!」一聲巨響!小巴失控高速撞埋石壆,反彈翻車越過對面行車線,一間貨車迎面撞埋小巴。十六位乘客加埋司機在車廂內如骰盅內的骰一般,亂成一團,無戴安全帶的乘客撞向玻璃窗,血肉橫飛,痛苦嘶叫。阿偉最唔想發生的事情,今晚終於發生在自己身上,自己被夾在前後兩排座位之間,肋骨拆斷,大量出血,真係好痛呀!阿偉昏迷了。

* * * * * *

阿偉再次甦醒過來,天花板不是醫院病房,身上沒有插上喉管。只見到小巴車廂頂的昏暗黃燈,小巴司機:「喂!總站啦!落車呀!」原來阿偉上車後便睡著,司機播鄭伊健《極速》那段情節,全是夢境。自己已經安全抵達元朗小巴總站。

嚇得阿偉全身冷汗,立即執返身彩落小巴。阿偉心忖:「頭先好恐怖呀!嚇死我!」口乾頸涸,他想到7-11便利店買嘢飲,要定一定經。

當阿偉行到便利店門前,突然一間房車以高速剷上行人路,「砰嘭」一聲!直將阿偉撞倒,他被夾在車頭和便利店外牆之間,肋骨拆斷,大量出血,真係好痛苦呀!

阿偉希望這一幕也是夢境,可惜痛楚比剛才所受的痛苦大10倍。真是痛到入心入肺,真的假不了!今次嚟真。阿偉臨死前見到擋風玻璃內的金毛司機,鼻頭染有白色粉末,那名呆滯的索K司機,誤將油門當Break,剷上行人路撞倒阿偉。阿偉垂死前說:「唔通冥冥之中自有主宰?」

阿偉原本以為可以死得舒服,結果他一生人中要前後經歷「兩次死亡折磨和痛楚」後才可以死去。命運總愛跟世人開玩笑。





極速 – 鄭伊健
作曲:陳光榮 
作詞:陳少琪 

繁星已睡 騎警已睡 
狂風再共 街燈暢聚
黃燈有罪 紅燈有罪 
聯黨結隊 表演壯舉

Rap:the legand is back, I shoot suckers like crack
and attack with my tire track, as big as pay back
the red, black and grey, seize the day,
hit the brakes just like a revolution, here to say
I break the lock, bust my chops
and never wait the cops to say stop
Kiss your girl before you fade like an illusion
I live a life in an evolution

頭搖又尾擺 飄移境界 
不想醒覺只想感覺被放大
憤怒瓦解 萬人膜拜 讚頌我的偉大
頭搖又尾擺 飛翔境界 
不想一世只想一秒被放大
看後鏡中 便能愉快 你漸變小我強大
誰敢來表態 (誰敢來踩界)

時速革命 王者界定 
長街印下 青春記認
燃燒性命 誰都拚命 
輪胎帶著 咆吼叫聲
頭搖又尾擺 SKY 頭搖又尾擺

35 則留言:

  1. 卡臣:

    元朗咁多流鶯,早知道係咁,阿偉應該走上時鐘房,吞粒偉哥,殆於馬上風,阿偉至死有價值呀!陰公!

    回覆刪除
  2. 追夢者

    可惜索k司機唔愛惜自己和別人生命

    +++

    佛爺

    牡丹花下死
    阿偉做隻風流鬼
    都好過被車夾死

    回覆刪除
  3. 卡臣:

    就係囉!被流鶯兩隻大比夾死好過喇!嘻嘻!

    回覆刪除
  4. 卡臣:

    奪命交剪腳,從沒有絕跡,不時都出現在時鐘房。

    回覆刪除
  5. 佛爺

    原來是「色情奪命交剪腳」
    我真孤陋寡聞

    回覆刪除
  6. naruto

    故事的靈感來自另一個寓意故事:

    一人被困在獅子籠內
    旁邊有一隻飢餓獅子
    問題:
    你希望那人是睡著?或是清醒?

    睡著:橫豎都要死,在安詳中死去
    清醒:搏一搏,雖然可能都要死,知道點解會死

    回覆刪除
  7. 咁宿命嘅,係咪杜琪峰新戲嘅劇本?

    回覆刪除
  8. mac

    講起杜琪峰的宿舍電影
    首推:神探

    回覆刪除
  9. 点解甘残忍,要嗰个阿伟死多一次?
    其实有时di意外系可以发生在梦境中,即系在另一空间解决左一段业报,敢样系现实中就无甘伤,不至于搞到皮开骨折,仲要快快趣赶住去向阎王报到添!

    回覆刪除
  10. 嘩,呢篇要一路「Fung」住片尾歌一路睇先配合到咁峰迴路轉嘅情節。

    其實我都有遇上過歌王司機,但係搭得小巴都係貪佢夠快,十幾人條命都幾牙煙㗎!

    依家仲有𠹺藥駕,真係要靠馬路天使嚟保命!

    『你希望那人是睡著?或是清醒?』

    我就一定希望自己睡著,因為獅子可能唔吼我。

    回覆刪除
  11. helloninie

    香港也有:
    如果命中注定你有「血光之災」
    你可以去捐血,化解呢個劫

    +++

    歪歪

    我都選睡著死去
    將痛苦減到最低

    獅子唔吼你?
    一定吼啦
    啖啖肉

    回覆刪除
  12. 人未生,即注死。
    死辰到,活不了。

    真的要看开,不然会死得更惨。

    最好是梦中sayonara。。。:)

    回覆刪除
  13. 呢排新聞報道菲律賓人質事件的調查,講死者係短時間內死亡,唔知佢地喺嗰一刻諗緊啲乜野呢?

    回覆刪除
  14. 卡臣,
    呢個簡直係我每日搭亡命小巴的心聲啊!
    有幾次我都嚇到唔敢瞓覺...

    回覆刪除
  15. cindy

    睡夢中心臟病發,死去最幸福!

    ++++

    Largeheadboy

    我諗係: 好唔甘心呀!早知唔嚟啦!

    +++

    phyllis

    我也是小巴乘客heavy user
    所以才寫得出這篇

    妳揀清醒,我揀睡

    回覆刪除
  16. 我以前細嗰冇乜搭小巴,因為唔喺太慣要嗌喺邊度落車!有時又無啦啦會被司機鬧。

    回覆刪除
  17. 『啖啖肉』?吓?乜你隔空都感受到我肥,死喇,即係要減肥!

    你每次寫親關於小巴,我都會循例問一次,家陣有冇人敢坐你隔離?

    回覆刪除
  18. eric

    嗌落是一種藝術
    叫得太細聲,司機聽唔到
    叫得太大聲,全車乘客望你
    真係香港先有

    ++++

    歪歪

    話你啖啖肉是讚你
    有胸肌
    唔使減

    多謝你記起那篇「捉心理」
    現在我搭小巴
    多人接納我
    待我如正常人
    肯坐我隔離

    回覆刪除
  19. 傻啦,我咁懶,點會去減呀!

    喂,你依家同我捉心理呀?之前你唔係想無人坐你隔離,以示高攀不起,家陣又話想人當你正常坐你隔離?

    回覆刪除
  20. 我意思指我唔靚
    好有親和力
    其他乘客唔介意坐落嚟

    回覆刪除
  21. 因為鄭伊健演唱會,所以幫手做勢?

    回覆刪除
  22. I.minor

    鄭先生「讀歌」之風格
    在這首歌表露無遺

    回覆刪除
  23. 咁鄭先生開嘅係讀唱會先啱。

    你嘅親和力,不容置疑,男女老幼一上小巴爭住坐你大髀。

    回覆刪除
  24. 歪歪

    鄭生開的「獨唱會/讀唱會」
    哈哈

    男女老幼一上小巴爭住坐我大髀
    因為佢地想慳返車費,
    兩人坐一位,仲要我俾車費呀

    回覆刪除
  25. 你咪笑人「獨唱會/讀唱會」,點都受歡迎過前菜「G點」演唱會。

    嘩,坐你大髀一親香澤,仲免費搭𠹺小巴,咁筍,唔怪得要爭,記住留返個位畀我!

    回覆刪除
  26. 歪歪

    「G點」演唱會<--你都知,你真緊貼香港資訊喎‧

    香港小巴不成文條例:年齡未滿8歲的小童,才可以免費坐大髀,收一人價錢。
    希望你未夠8歲啦,我等你

    回覆刪除
  27. 緊貼香港資訊,其實係因為我八卦啫!

    8歲先可以免費坐大髀?簡直係年齡歧視,反對!抗議!

    睇到日本地震同海嘯,恐怖過被困獅子籠,瞓同醒都難逃一命。

    回覆刪除
  28. 歪歪

    新聞好似「2012」套災難片咁
    唉...
    天佑世人

    回覆刪除

LinkWithin

Blog Widget by LinkWithin