~~~~~~~~~~~~~~~~







2011年2月11日 星期五

吃鯨魚的人

我知道圖中的哺乳類動物是海獅而不是鯨魚,大家唔使提醒我。
吃鯨魚的人

「內野壽司」的老闆Kent San在「東京築地魚市場」,連續第五年投得被譽為「日本一」的藍鰭吞拿魚王,成交價高達450萬港元。打破築地魚市場有史以來的成交紀錄。是次投下的魚王年齡逾20歲,相信在太平洋碩果僅存。

* * * * *

Kent San投得「日本一」,得意洋洋地在「內野壽司」的銀座本店,主持記者招待會。日本及香港的多位明星和公眾人物,都紛紛賞面出席。新聞發佈及拍照後,Kent San主持「試食儀式」。「藍鰭吞拿魚王」在師傅刀下,切成刺身,賓客大快朶頤。

記者跟Kent San做訪問時,問Kent San為何願意花天價誓奪「日本一」?Kent San笑說當廣告宣傳費用。哼!實情當然不是這樣,六年前,Kent San曾經找一名有「生神仙」之稱的相士批命。「生神仙」對Kent San的前半生批言,十分準確,令Kent San對「生神仙」的功力十分拜服,對大師的說話堅信不移。

Kent San是生意人,十分迷信。問大師如何能夠讓自己下半生更加大富大貴,更上一層樓呢?大師教Kent San要連續五年在「日本築地魚市場」投得「日本一」,這樣做便能配合到Kent San的八字五行,就可以再行多五年大運,一定發到豬籠入水。如今,Kent San已完成大師的指示,奪得五年「日本一」。他等待榮華富貴的來臨。

當晚,Kent San在酒會期間,突然肚痛。情況不單止發生在他身上,會場內所有嘉賓都上吐下瀉,好明顯是「集體食物中毒」。眾人被送到醫院,證實「藍鰭吞拿魚王」刺身含有大量毒素,引致嘉賓食物中毒。翌日,這宗新聞在香港也有廣泛報導。「內野壽司」的食物衛生形象,受到極大影響。網民更譏諷「內野壽司」做「瀨嘢壽司」。

* * * * *

事情是這樣的:六年前,Kent San決定找「生神仙」批命。Kent San身邊的一名精通日語助手,把這個情報賣給「東京築地魚市場商事」。魚市場商事知道後,出重金賄賂「生神仙」,叫「生神仙」教Kent San無論如何,使幾多錢都要連續五年投到「日本一」。Kent San重金競投之下,得益者當然是「東京築地魚市場商事」。魚市場更派出「假買家」,在拍賣中從旁煽風點火,搶高個價。所以今年才去到450萬之成交天價。什麼五年大運全是胡扯。

講完陸上的事情,交待一吓海底的事情。藍鰭吞拿魚在日本海域中,有感於日本漁民加劇濫捕,令藍鰭吞拿魚數量急速下降,就算加緊交配都生唔切,可能會導致絕種。

與其等待人類的「綠色環保聯盟」保護,藍鰭吞拿魚決定進行「自救行動」。幾條藍鰭吞拿魚圍埋「抽生死簽」,決定由誰做民族英雄。最後由一條20歲的藍鰭吞拿魚抽中「死簽」成為烈士。牠要犧牲自己來拯救同類。

碰巧有一艘中東運油輪在「關東」水域擱淺,洩漏原油,污染海洋。「吞拿魚烈士」游到污染水域飲盡原油,奄奄一息,再由同伴協助拖拉下,游回東京海域。

正所謂:「風蕭蕭兮易水寒,壯士一去兮不復還」,同伴灑淚告別「吞拿魚烈士」後,烈士投入漁民的漁網,順利成為最新的魚王,推出漁市場拍賣。

最後,烈士犧牲了,被送到賓客的肚裡,含毒的剌身跟賓客來個同歸於盡。其實賓客進食時都發覺剌身有異味,不過大家都是第一次品嚐「日本一魚王」,仲以為是牠的獨特味道,怕俾人笑係「大鄉里」而唔夠膽出聲,照食可也。

這單新聞一傳開,人類果然對藍鰭吞拿魚產生短暫的恐懼感,怕食物中毒而停食咗一陣子。雖然人類好善忘,過了一兩個月之後又故態復萌,但魚類首次向人類作出反擊,收到預期效果。烈士的自我犧牲,總算沒有白費。




吃鯨魚的人 - 麥浚龍
作曲:馮穎琪
填詞:黃偉文

誰知我身龐大如大島 心卻很細心
誰親兩親我總會想嬲 不介意被困
無從容納我 應該一早放心 無謂加諸不幸
怎麼你捨得我血肉淋淋 吊在魚網上娛賓
縱使罕有得如近乎絕種的某種遠親
你的眼中我不過某種海錯與山珍
隨時能屠殺若不必講究良心
為一刻快感吃掉誰也未曾臉上留痕
個個於你始終次一等

誰像你這麼狠 一心只想找祭品
誰人也可犧牲 因貪取一點養分
但你很吸引 任我多不忿 終輸給獵人
然後總推說你是人 你是凡人
犧牲我乃是求生本能

唯獨你重要 世間都因你而想
獲選的眾生 只不過供給你養分平衡
捨身捨愛充當你點心
誰像你這麼狠 一心只想找祭品
誰人也可犧牲 因貪取一點養分
但你很吸引 任我多不忿 我也只有忍
奉上一顆心非因我太笨 我想等你話不忍
可惜你這一生 豐足得不夠敏感
遇著絕種好人 懵懂得不懂區分
但你很吸引 任我多不忿 我也只有忍
無奈你是人 你是人 你是凡人
暴力大概是求生本能
無奈你是人 你是人 你是凡人
你就是吃掉鯨魚的人

44 則留言:

  1. 藍鰭吞拿魚圍埋「抽生死簽」,好嘢!咁都俾你諗到!仲要唱埋「風蕭蕭兮易水寒,壯士一去兮不復還」,何其悲壯!

    超中意!

    回覆刪除
  2. xiao zhu

    仲要有二胡哀怨音樂塾底
    送別民族英雄

    回覆刪除
  3. coffee

    越開越多,有平有貴
    良莠不齊

    回覆刪除
  4. 卡臣:

    相士又作假,名人食超貴魚生又中毒!哈哈!卡臣,這篇帖迎合了香城現在的「仇褲」心理。嘻嘻!

    回覆刪除
  5. 佛爺

    寫此文時有感於該老闆投魚,但拖員工糧唔出,有環保組織去店舖門口抗議殺鯨......三件事便促成此故事

    回覆刪除
  6. 我其實都好黑心,希望呢件事係事實,至少食左有報應吖,
    ps:鬼唔望食左捉魚/投魚/食魚果班死左下世做吞拿

    回覆刪除
  7. 卡臣:

    我從不相信相士,我認為那些預測是荒謬的,只是一種心理治療而已!高價魚生我食唔起,我食普通魚生已經好開心。這篇帖子沒有觸動我的神經!但它背後的意義是頗有意思的。

    回覆刪除
  8. naruto

    咁我都好黑心too
    因為構思故事是我
    我都希望係真

    點解愈頻臨絕種的動生物,愈多人吃?
    唔通諗著唔食就再無機會食,所以盡快食?

    回覆刪除
  9. 你肯定圖中既係海獅 ? 究竟同海狗有乜分別 ?

    回覆刪除
  10. 卡臣:

    在很多年前,發現一條鯨魚體內,有一條人類從未見過的深海大八爪魚,才知道鯨魚一下閉氣潛入海底,可以是潛到好深的。

    回覆刪除
  11. 佛爺

    我申報一吓:
    我的肝有問題,醫生勸我不要吃生食物。所以我不太吃魚生。這篇也沒有觸動我的神經呢

    鯨魚體內發現深海大八爪魚,可能條八爪魚想向上游,結果被鯨魚食了....故事教訓不要走得太前【伊索寓言】

    +++

    篤篤

    嗰隻係咪海狗呢?....
    講講吓
    好似係海豹添

    回覆刪除
  12. 卡臣

    你使我想起上年看的一部電影"海豚灣"。

    海豚唔開心會閉氣自殺。"海豚灣"仲有好多好多,使人值得反省嘅場面。

    想起呢啲場面,我就食唔落刺身囉 :{

    回覆刪除
  13. 卡臣:

    發現鯨魚體內有深海大八爪魚,好像是過百年前的文獻記載,而現代的科學深海潛水艇,才發現這種大八爪魚。

    【伊索寓言】就算乖乖地唔向上游,上面的大魚,有時都會落黎,食下面那些循規蹈矩的魚。

    回覆刪除
  14. 快樂人

    「海豚灣」這套電影我錯過了
    立即search吓
    原來是oscar得獎紀錄片

    好有意思呀
    講人類應該如何和動物在這地球共存

    人類係咁殺
    動物遲早報仇

    令我想起電影「破天慌」
    植物向人類復仇

    回覆刪除
  15. 佛爺

    【伊索寓言】
    咁逗留在最安全的地方無死啩!
    點知油污
    都係要死
    唉....

    回覆刪除
  16. 本來想問卡臣你食唔食魚生,不過在回覆中巳找到答案

    我食魚生,不過唔會再吃藍鰭,食其他的

    至於呢間板短,我都唔係太想去

    海豚灣我未睇過,不過知道呢套戲都攪到好大獲,鬼佬偷拍,日本人又話失實;另外,我最近更聽到,日本人會用海豚當吞拿魚賣...唉...

    回覆刪除
  17. I.minor

    我都食魚生
    主攻:蛋,鰻魚同熟蝦
    藍鰭...以前有食過
    而家無啦

    板短嘛...成日有人龍,至今未幫襯過。
    百佳吉之島的超市就有光顧它們的sushi

    我唔反對食魚生
    不過唔好食頻臨絕種果啲

    回覆刪除
  18. eben

    純屬虛構
    我唔知Rixxy san的內幕嘢

    回覆刪除
  19. 『點解愈頻臨絕種的動生物,愈多人吃?
    唔通諗著唔食就再無機會食,所以盡快食?』

    弱肉強食,係自然界嘅定律,因為食飽先至可以生存,但係既然人係所謂嘅萬物之靈,有思想可以作出選擇,唔食瀕臨絕種嘅動物都唔會死㗎啫,幾好食都唔值得!

    『我的肝有問題,醫生勸我不要吃生食物。』
    咁佢即係叫你唔熟唔食啫!
    講真啦,你大隻擂擂睇唔出喎,唔係大問題吓嘛?

    回覆刪除
  20. 歪歪

    係呀,依人類的牙齒形狀,其實人類是屬於素食動物(如馬或羊)。

    多謝關心先
    我的肝...小問題啫
    總之唔食生嘢,減低風險就得

    回覆刪除
  21. 要人類食素,我諗要所有動物、昆蟲絕哂種先得。

    我自己食少幾日肉都覺得囉囉孿。

    回覆刪除
  22. 歪歪

    係咪我睇錯?
    「食少幾日肉就孿咗」?
    嘩!我要keep住日日食肉
    保持直:D

    回覆刪除
  23. 喂,又係你自己話人類係素食動物,我勸你都係唔好違反自然,唔好食肉陪我囉囉攣!

    回覆刪除
  24. 歪歪

    喂,又係你自己話唔好違反自然,咁我好難陪你「囉囉攣」噃!不如你陪我「直畢甩」呀

    回覆刪除
  25. 喂,一於你陪咗我「囉囉攣」先,之後我就陪返你「直畢甩」。

    回覆刪除
  26. 做吓和尚先:動物皆眾生,眾生皆平等,阿彌陀佛!

    回覆刪除
  27. 歪歪

    吓?...究竟「先直後孿」? 還是「後孿先直」? 我們要發出咨詢文件,再定下時間表和路線途,再作表否。

    +++

    laulong

    講得好!
    第日外星人食地球人
    地球人唔好投訴吖

    回覆刪除
  28. 篤篤

    呢個我識答
    海象有象牙架!
    除非牠是一隻雌性海象啦
    咁就無牙

    回覆刪除
  29. 自家冬冬

    日本菜唔食魚生
    可以食烏冬吖
    唔使殺生

    橋麥麵都唔錯

    回覆刪除
  30. 阿卡臣,
    di罗卜头真系乞人憎,海洋守护者同埋Greenpeace猛甘吵,di红毛都知衰唔敢杀甘多鲸鱼,但系罗卜头仲专登去杀多di。
    等天黎收佢地咯,好似你写嘅故仔敢,等戈di食鲸肉嘅人中晒毒就啱听!

    回覆刪除
  31. 我唔食魚生呢,次次比人問咁去日本食乜,咖喱/拉麵/天婦羅/蛋包飯,仲有就係意粉,佢地D意粉真係好味好多架

    使乜一定食吞拿吖

    回覆刪除
  32. 没想到真的有《吃鯨魚的人》这首歌~~
    赞耶!卡臣,联想力一流,文笔也是~~

    回覆刪除
  33. 網上流傳某d人活生生剝動物毛, 窒d鵝食野, 然後將佢地囚禁喺個細籠等等...真係好殘忍! 天下間咁多野食, 點解係要食d瀕臨絕種的動物? 會有報應的...

    回覆刪除
  34. 又海獅又海狗又鯨魚又吞拿魚,好亂喎~

    板短我都未食過,我引以為榮架!

    回覆刪除
  35. 內地的"优酷网",有一視頻名為"日本冲绳 海豚不堪表演压力跳出水缸自杀"。

    睇完之後,莫講話食刺身丫,連海洋公園都唔想去:{

    回覆刪除
  36. helloninie

    唔使擔心,中國最叻造假冒仿,
    遲早發明搵頭髮/老鼠肉變成藍鰭吞拿
    輸出到日本
    吃到津津有味
    也是一種循環

    +++

    naruto

    無錯
    我去親日本都係吃雲吞麵,肉骨茶,和福建炒飯,唔錯架!

    +++

    cindy

    多謝首歌
    有歌先,我才有靈感寫成這故事。

    ++++

    phyllis

    為了谷肥隻鵝,人類真係無所不用其技。
    遲啲外星人也會這般對虐待那班人...我估

    +++

    largeheadboy

    板短我都未食過,我引以為榮架!<--me too
    如果老闆克扣員工工資的話,杯葛唔幫襯添呀

    +++

    快樂人

    「海豚不堪表演压力跳出水缸自杀」
    原來香港小學生唔鬧得之外,動物亦然。

    中國人吃狗 也是我不能接受。

    回覆刪除
  37. 有啲魚喺積咗好多水銀,都喺唔好食太多。

    回覆刪除
  38. 海象有象牙架!
    >>>你竟然對呢d黑蚊蚊既動物有研究 ?
    你是在ocean park工作嗎 ?

    回覆刪除
  39. 篤篤

    我不是在ocean park工作
    間中睇吓Discovery Planet咁啫

    回覆刪除

LinkWithin

Blog Widget by LinkWithin