~~~~~~~~~~~~~~~~







2011年1月17日 星期一

讓雞蛋飛

讓雞蛋飛

咖啡店內,阿仁放下手中的《藝訊Artslink》,他決定要進行復仇計畫:他要阿葛當眾出醜……

* * * * *  

阿仁和阿葛相識於演藝學院,他們都是戲劇系的同班同學。兩人建立起的友誼,存在良性競爭,大家希望超越對方演技而互相鞭策。兩人成績叮噹馬頭,不相伯仲。

兩人畢業後,決定投身做全職舞台劇演員。碰巧有一話劇團招募演員,兩人不約而同去應徵。結果兩人順利過關,在話劇團再次碰面,再較量切磋演技。

阿仁和阿葛的友誼,終於遇上挑戰:話劇團將會推出新話劇《薑人.Ginger Man》,是全年度的重頭劇。導演Pierre作大膽嘗試:起用新人做男主角。話劇團將會進行試鏡,阿仁和阿葛對男主角的位置,虎視眈眈。一山不能藏二虎,佈下兩人決裂的伏線。

阿仁是唔輸得的人,為奪男角,竟然背後中傷阿葛。落力巴結導演Pierre,誓要奪取男主角。阿葛知道阿仁使出卑鄙手段後,兩人翻了臉;互當對方透明。

新劇《薑人.Ginger Man》的試鏡完成了,Pierre選了阿葛做男主角。成皇敗寇,阿仁自尊心作祟,在劇團裡再抬不起頭,決定辭職。阿仁接吓臨時演員、配音、教兒童做戲等Freelance工作,維持生計。阿仁始終耿耿於懷,吞不下這口氣。

* * * * *

三個月後,阿仁在咖啡店翻看今期的《藝訊Artslink》。阿仁見到《薑人.Ginger Man》登出宣傳廣告。廣告中的阿葛,成個靚仔大頭放在正中央。阿仁無名火起,燃燒起當天的仇恨!阿仁決定要進行復仇大計:要阿葛當眾出醜。

阿仁認識一個頹廢90後中學生:「索K阿發」,阿仁出一千元酬金請阿發搞破壞。叫阿發帶備一打臭雞蛋去劇院扮觀眾。當阿葛謝幕時,阿發就起身向阿葛扔臭雞蛋,要他當眾出醜。如果阿發被實Q捉住,阿發就扮作索K後發癲。通常怕麻煩的實Q,送搞事者離開劇院後便了事,沒有實Q想去差館落口供,阻著自己放工。

只要能當眾侮辱阿葛,阿仁就乜仇都報哂。阿仁把這個復仇計劃命名為:「讓雞蛋飛.Let the eggs fly」。想到這裡,阿仁在咖啡店內不禁笑起來,引來旁邊顧客的側目。

* * * * *

阿仁開始「讓雞蛋飛」計劃,「索K阿發」答應接下這單job。阿仁需要買兩張貴價戲票:一張給阿發一張給自己,務求讓阿發可以在近距離之內命中目標、也務求自己可以在近距離欣賞到阿葛的洋相和尷尬樣。

但貴價戲票每張要320元,阿仁的銀行存款已經無乜。幸而阿仁在劇團工作了半年,認識「做票務」的阿Yan,訂票可享有八折。阿仁找阿Yan訂了一張八折門票(D行3號),之後到城市電腦票房買另一張正價門票(D行7號)。阿仁還千叮萬囑叫阿Yan不要告訴任何人自己訂了票,以免打草驚蛇,破壞復仇大計。萬事俱備,只待《薑人.Ginger Man》的首演日子。

* * * * *

劇院內,阿仁和迷幻阿發坐在台前第四行:D行的3號和7號座位。兩人前後入座扮互不相識。因為門票打折後都要256元一張,阿仁都想睇哂全套話劇,才對付阿葛。所以吩咐「迷幻阿發」等待阿葛謝幕(curtain call)時,才扔臭雞蛋。話劇開始了,阿仁見到阿葛出場,心想:「睇你得戚得幾耐?!」

話劇演畢,紅幕落下。待紅幕再升起時,演員陸逐出來謝幕。最後出來的是男主角,鞠躬謝幕,掌聲更加熱烈。

阿仁側望向阿發,這是落手的最佳時機了。怎料迷幻阿發看話劇期間,早已垂頭睡著了。吓?!阿仁乾著急,落手機會就快逝去啦…

台上的阿葛致詞,發表感想和要多謝一些朋友。阿仁突然聽到阿葛真誠地說:「我要多謝『姜仁』,佢係我讀演藝嘅同學,係佢鞭策住我要不斷進步。」阿葛當眾多謝阿仁,阿仁聽後,十分感動,乜嘢仇恨都立即煙消雲散。

原來劇團的「票務阿Yan」充「和事婆」,私底下對阿葛說:「阿仁專登買咗首演晚嘅貴飛,嚟捧你場,佢仲話好後悔以前做過嘅衰嘢。」阿Yan加鹽加醋幫吓口。阿葛聽後,心裡已經原諒了阿仁。所以在致詞中多謝阿仁,主動化解呢段恩怨。

就在呢個時候,睡夢中的阿發突然扎醒,見到阿葛站在台上謝幕,阿發立即行動,從袋裡取出臭蛋。

當阿仁察覺到阿發正要行動之際,可惜已經太遲了。阿發手中的臭蛋已經脫手,阿仁情急下向台上阿葛大嗌:「避開呀!」多得阿仁這一吓提醒,阿葛及時避開臭蛋。引來一陣騷動,實Q前來趕走阿發,阿發鼻染白粉末,扮High傻笑離場。

當小小混亂平復後,阿葛請阿仁上台,向觀眾說:「呢位就係我剛才講嘅『姜仁』啦。」度盡劫波兄弟在,相逢一笑泯恩愁。兩人台上一擁,觀眾報以掌聲。

這時候,台下的導演Pierre眼濕濕,感性的Pierre說:「太感動啦!」導演被這一幕深深打動,決定要把這段真人真事搬上舞台。初步敲定劇名叫做《讓肝膽飛.Let the liver and gall fly》,描寫兩人肝膽相照。兩位主角當然由阿仁和阿葛擔綱演出。紅幕徐徐落下,一切完滿結束。

一個立心不良的人,原本種下惡因,幸而被旁人一句好說話,最後種出善果來,化解一場仇怨。「好心做壞事」的例子多的是,「壞心做好事」倒算是第一趟。



二少爺說:「我真心覺得Boy George好靚囉!」


Church of the poison mind – Culture Club

Desolate loving in your eyes
You used an’ made my life so sweet
Step out like a God found child
I saw your eyes across the street

Who would be the fool to take you
Be more than just kind
Step into a life of maybe
Love is hard to find
In the church of the poison mind

Watch me clingling to the beat
I had to fight to make it mine
That religion you could sink in neat
Just move your feet and you’ll feel fine

Who would be the fool to maybe
Trick a kiss in time
Who am I to say that’s crazy
Love will make you blind
In the church of the poison mind

38 則留言:

  1. 卡臣:

    我從沒有看過舞台劇,真正舞台劇演出,有沒有人扔臭雞蛋咁賤格既呢?

    回覆刪除
  2. 佛爺

    其實....唔會嘅,不過我為咗食字,搵嚟講啫!

    回覆刪除
  3. 我只係喺度想像 Let the liver and gall fly 嘅核凸血腥場面啫!

    回覆刪除
  4. 卡臣:

    我從常理去諗,舞台劇有別於演唱會,粗人不會去看的。

    回覆刪除
  5. eben

    早知我寫完題目,唔使寫內文啦!

    ++

    xiao zhu

    導演放棄開「讓肝膽飛」,遷就市場,開「讓肉彈飛」。

    回覆刪除
  6. 佛爺

    都啱嘅,無理由花幾百蚊睇唔喜歡睇的劇,搗錢落海咩?

    回覆刪除
  7. 卡臣:

    我覺得就算有人看到不滿意,環境也會令他克制,除非索了K或精神病。

    回覆刪除
  8. 佛爺

    扔雞蛋....除非索了K或精神病。
    或者是表演的其中一環節。

    回覆刪除
  9. 卡臣:

    我覺得就算是憤青,買了門票入去看舞台劇,也不敢在裡面大吵大嚷,因為其他觀眾會以鄙視的眼光望著他,他沒有得到精神上的支持,沒有附和的聲音。

    回覆刪除
  10. 係咪我眼花呀,點解我凈係見到一堆橙嘅?

    其實想買臭雞蛋都唔係咁易揾。

    「讓肉彈飛」,肉蛋發射愛美神飛彈!

    回覆刪除
  11. 「我真心覺得Boy George好靚囉!
    >>>o甘,david sylivian點計先 ?

    回覆刪除
  12. 係唂,卡卡,咪呃我膝頭哥唔食辣椒醬,你嗰啲係橙黎嗰喎@@

    回覆刪除
  13. 我都係想講明明果啲係橙喎,以為雞蛋同橙有咩恩怨添,但我由頭睇到尾想搵隻橙字都難!

    回覆刪除
  14. 佛爺

    憤青去哂中聯辦

    +++

    歪歪

    你對眼無事,係我對眼有事,好明顯我影錯咗!

    +++

    篤篤

    david sylivian 梗係掂!
    咁Dead or Alive 的主音:Pete Burns又點先?

    +++

    laulong

    啲雞蛋飛走哂,剩下橙。

    +++

    coffee

    橙呀?真係無喎!sorry囉

    回覆刪除
  15. 卡臣兄, 你近來的標題很得, 看得好過癮。

    回覆刪除
  16. 瘋go

    最近寫「食字電影」所以名字有玩味性。
    星期三是最後一套「食字電影」,
    可以估吓是那一套?

    回覆刪除
  17. 阿卡臣,
    真系好想睇你写埋嗰篇‘让肝胆飞’架,谂谂佢咧?

    回覆刪除
  18. helloninie

    「讓肝膽飛」嘛....
    可能好血腥暴力喎!打到肝膽都飛出嚟

    回覆刪除
  19. 我真係唔啱,將個重點轉移咗去幅相度,其實大家都明白你嘅幽默感!

    回覆刪除
  20. 歪歪

    唔緊要,你從來都留心細節啦!
    我無搞Gag呀!我真係以為相中的係蛋呀!

    回覆刪除
  21. 正呀呢篇!let the liver and gall fly 個名好赤裸祼呀!

    卡臣一定形住蛋同橙個音有啲近似,所以搵咗啲橙相!:p

    回覆刪除
  22. 星期三將會出的莫非是"非誠勿妖"? 我都係廢up..等你發稿好了 ;)

    回覆刪除
  23. 卡臣:

    好奇問一下,做舞台劇時,忘記了台詞,或講錯了對白,怎麼辦?

    回覆刪除
  24. largeheadboy

    實情平日影定啲snap shot,果日在超市見橙靚咪影囉。之後寫完「讓雞蛋飛」在電腦找相,無蛋有橙,咪夾硬照用囉。

    +++

    phyllis

    妳真叻!對呀!

    +++

    佛爺

    忘記了台詞,視乎「獨白」定「對白」

    「對白」的時候,對手會執生提你,係咁兜。

    如果「獨白」的時候,得你一個人,咁你就要自救,跳去你記得的再返兜。'

    「講錯了對白」,<--扮鎮定,若無其事講下去,咁樣有時觀眾唔察覺.若果講錯騰雞仲核突.若果是喜劇,你講錯可能以為是安排講錯,製造喜劇效果.

    回覆刪除
  25. 卡臣:

    咁,演舞台劇都好講經驗,因忘記了台詞,或講錯對白,初初實驚架!諗諗下連下一句都唔記得埋添!

    回覆刪除
  26. 佛爺

    對呀!靠經驗累積,什麼第一次都會驚,包括性﹐嘻嘻!

    回覆刪除
  27. 卡臣:

    咁,性就唔同,性,無係一大棚人面前表演呀嘛!衰佐,下次再黎過!但係演舞台劇啞佐,狼狽過做愛時,早 ... 早 ... 早 ... 呀!嘻嘻!

    回覆刪除
  28. 佛爺

    講得好抵死!無錯呀,慘過早乜呀。

    回覆刪除
  29. 『寫完「讓雞蛋飛」在電腦找相,無蛋有橙,咪夾硬照用囉。』

    我諗想揾雞蛋係咪响雪櫃會易揾啲?

    『「對白」的時候,對手會執生提你,係咁兜。』

    咁你係咪真係幫到對手執生,定抑或會被搞到亂𠹺一份?

    佛爺:

    我本來想話你又拉到去講性,但原來今次係卡臣帶起。

    回覆刪除
  30. 歪歪

    我雪櫃得一排蛋,毫無氣勢可言,都係橙果張豐富啲!

    我幫對手定害對手?
    一時時啦,有個術言叫「焗蟹」,見對方甩時落井下石,引對方笑,如果係喜劇咪ok囉,觀眾都知你make fun of一些突發情況‧反而更開心!

    講性...等我認啦今次。

    回覆刪除
  31. 歪歪:

    「我本來想話你又拉到去講性,但原來今次係卡臣帶起。」

    卡臣可能食佐有激素的德國蛋呀!嘻嘻!

    回覆刪除
  32. 佛爺

    卡臣可能食佐有激素的德國蛋呀!
    ==>我食咗隔夜蛋

    回覆刪除
  33. 裕記

    啲德國蛋早就應該收起哂啦!

    +++

    巴黎

    化敵為友,大家開心。

    回覆刪除
  34. 加洲新寄士

    Let the Sun kiss Fly

    即是飛吻啦

    回覆刪除

LinkWithin

Blog Widget by LinkWithin