~~~~~~~~~~~~~~~~







2011年1月14日 星期五

攞位的森林

攞位的森林

早上9時,林先生如常返回公司上班。林先生英文名叫Sam,他喜歡別人連英文名連姓氏叫他,所以別人叫他做「Samlam」。

他的公司位於觀塘某大型商場上蓋的智能辦公室。他在一間挪威公司工作,代理樹木斬伐的器材。午飯時Samlam跟同事到樓下商場吃午飯,這裡有很多食肆,各國菜色,提供不同的選擇。

商場三樓開設一間叫「Les Ponte」的「意大利餐廳」,更正:應該是「港式意大利餐廳」:菜色口味本地化、裝修普通、價錢平宜、上菜速度快、大件夾抵食。結果自開張以來,一直奇門如市。現在餐廳搞埋「45分鐘任食」,更加受消費力低的年輕人所歡迎。

Samlam是煙民,每隔一小時便會聯同同事一起到商場平台抽煙。每次經過「Les Ponte」的時候,總有一大班食客在輪候。因為生意太好,餐廳不設電話訂枱服務。顧客要幫襯的話,就要親身來攞位。

不是誇張,什麼時段總有30-40人在門口外輪候,這堆人有高有矮、有肥有瘦、有男有女、有醜有靚,穿著各種顏色的服飾。團團將門口圍著,個個客人一碌木咁「憧」喺度,遠看仿似一個森林。Samlam和同事笑稱這個情境叫:「攞位的森林」。Samlam沒有幫襯過,因為他們不會花一個小時去輪候。

* * * * *

星期一中午,Samlam和同事午飯時路經「攞位的森林」,奇怪的現象出現了:「Les Ponte」門外竟然沒有客人輪候!店內的顧客也只是小貓三四隻,點解會咁嘅呢?!

Samlam的同事們沒有興趣去了解這狀況,只有Samlam對此產生莫大好奇心。推測什麼理由會令「攞位的森林」變得凋零?

Samlam午飯後回公司,打電話去「Les Ponte」查詢。
「喂!你哋可以訂枱book位嘛?」「唔可以喎!」、
「你哋加咗價呀?」「無加呀!」、
「有客人食物中毒?」「無咁嘅事喎!」、
「咁你哋今日係咪俾人包場呀?」「無呀!」、
「咁你哋換咗廚師?換咗菜單?」「都無換呀!」
Samlam放棄了,掛線後再找其他線索。(證明呢間歐洲公司好得閒,員工可以有空去追查一些跟自己無關的瑣碎事情。)

Samlam在電腦搜尋器輸入「Les Ponte」,終於找到一點端倪。YouTube有一條短片,昨晚才上載的。短片的題目是:「鬼魂出現Les Ponte」,原來Les Ponte鬧鬼!片中見到餐廳內有鬼影飄嚟飄去,唔怪得流失了大部份客人。Samlam的疑團被解開了,決定去沖一杯咖啡,抖一抖。

事情是這樣的:負責在「Les Ponte」門口的女帶位員,叫Suki。她是一位患了「焦慮症」的80後。每天她都要面對一大堆輪候的顧客,有些顧客凶神惡煞地問:「幾時有位呀?!」 有些顧客長氣冗氣問:「仲有幾多張枱呀?」結果Suki承受不了這股壓力,想轉工但又未搵到工,搞到就快黐線。

Suki想出一條屎橋:她用i-Phone在店內先拍下一條短片,再叫在城大讀緊「創意媒體」的弟弟,用電腦加工,把鬼魂影像加入短片內,再用匿名戶口上載短片到YouTube。一晚之間有幾萬點擊率,大把人forward。一傳十、十傳百。結果今天「Les Ponte」門可羅雀,Suki正中下懷,工作壓力立即無哂。

「Les Ponte」老闆收到朋友的通風報訊,告訴他YouTube有短片中傷「Les Ponte」。老闆立即click條片嚟睇,片中見到自己餐廳的牆上,浮現出「撒旦魔鬼」的魅影。老闆都被嚇了一跳,大嗌頭痛,差點要call驅魔法師幫手添。

* * * * *

星期二中午,Samlam和同事午飯時再路經「Les Ponte」,奇怪的現象再次出現:「攞位的森林」在門外又出現。今次森林的直徑更大,大約有60-70位顧客在輪候,點解又會咁嘅呢?!

Samlam今次醒啦,回office立即click入YouTube找尋「Les Ponte」,結果有一條新短片於昨晚上載。短片的題目是:「耶穌出現在Les Ponte」。原來Les Ponte有神跡出現,片中見到餐廳內的牆壁,浮現出耶穌的影像,仲將撒旦魔鬼降服。一晚之間有幾萬點擊率,大把人forward。一傳十、十傳百。結果引來大班基督徒來朝拜。Samlam的疑團再被解開了,決定去吸一支煙,抖一抖先。

其實「Les Ponte」老闆要扭轉劣勢,想出一條計:他用i-Phone在店內先拍下一條短片,再叫在城大讀緊「創意媒體」的兒子(咁啱兒子跟Suki弟弟是同班同學),用電腦加工,把耶穌的影像加入短片內,紀錄降服魔鬼過程,最後用匿名戶口上載短片到YouTube。一晚之間有幾萬點擊率,今天「Les Ponte」再次生意興隆。

Samlam和同事落樓吸煙時,再經過「攞位的森林」。嘩!人頭湧湧,全場最旺佢,相比之下,其他食肆都顯得冷清。Samlam笑稱這個是「Les Ponte」的「攞威的森林」,全場最威水係佢啦。

Suki面對更多的輪候客人,原本應該更加精神緊張。但她面對的是親切友善的基督教徒,沒有壓迫感。教徙還叫Suki一起祈禱,在循循善誘下,Suki信了基督教,一起返教會,成為一個虔誠教徙。

* * * * *

商場內的其他食肆,有樣學樣,上載神跡短片。例如泰國菜館見到四面佛、素菜館見到觀音、印度餐廳見到釋迦牟尼等等。引來媒體報導,報導後培育出多個「攞位的森林」在商場內出現。

Samlam等人見証著這個滿天神佛的主題商場誕生。與其說是神的庇蔭,不如說是互聯網的威力吧。
Hidden Track:
最後因為食肆太好生意,換來商場瘋狂加租。食肆認為租金不合理而拒絕續約,轉戰到其他商場,繼續營業。「攞位的森林」逐個消失。Samlam目睹「攞位的森林」的興盛和沒落。





Norwegian Wood - The Beatles

I once had a girl, or should I say, she once had me.
She showed me her room, isn't it good, norwegian wood?
She asked me to stay and she told me to sit anywhere,
So I looked around and I noticed there wasn't a chair.
I sat on a rug, biding my time, drinking her wine.
We talked until two and then she said, "It's time for bed".
She told me she worked in the morning and started to laugh.
I told her I didn't and crawled off to sleep in the bath.
And when I awoke I was alone, this bird had flown.
So I lit a fire, isn't it good, norwegian wood.

47 則留言:

  1. 呢位Samlam真係幾得閒,又唔係想去幫襯,但係又咁關心間餐廳嘅生意。

    不過「Les Ponte」應該係似法國餐廳多過意大利餐廳喎。

    回覆刪除
  2. 仲有呀,你都唔駛hidden啦,呢個係香港常見現像。

    回覆刪除
  3. 歪歪

    早晨/晚安!

    我有朋友在香港打歐洲公司工,真係閒到爆喎。

    點解個餐廳名唔三唔四?因為笑「港式餐廳」改口味.是但改個名,亂咁嚟囉。

    你觀察力咁強,我想睇吓邊個第一個睇到,果然是你呀。

    回覆刪除
  4. 卡臣:

    咁不如整番個關二哥出沒囉!黑白兩道都黎幫襯!嘻嘻!

    回覆刪除
  5. 佛爺

    好計喎!
    擺嚿姻緣石,男女都嚟摸吓!

    回覆刪除
  6. 哈,今次你連穌哥都玩埋,認真抵死:)

    想有小小更正:查實不知幾多信耶穌嘅係凶神惡殺架!!

    回覆刪除
  7. 你有張良計,我有過牆梯!滿天神佛就係咁來架喇!

    回覆刪除
  8. eben

    「查實不知幾多信耶穌嘅係凶神惡殺架!」
    你最有資格作此評論。
    咁我都識啲教徒好偏激,非我族異,尖酸刻薄都有。(當然我仲衰啦)

    回覆刪除
  9. >> 價錢平宜

    係便直呀卡臣~ :)

    遲啲會唔會有星球大戰出現咖?

    回覆刪除
  10. coffee

    我覺得求個安心就好囉,如果因為宗教而開戰就唔好啦!

    回覆刪除
  11. the8

    呢一句擺明向「明將壽司」借鏡.

    真係有星球大戰呀!西方有拜外星人的教派。

    回覆刪除
  12. 卡臣:

    不如出埋亞當夏娃喇!最緊要出埋條毒蛇,同埋 ... 禁果喎!嘻嘻!

    回覆刪除
  13. 佛爺

    有埋禁果? 咪變成泰國真人表演騷?
    一路食飯一路睇SHOW,嘩!驚食唔落噃!

    回覆刪除
  14. 我剛請了個同事, 是在creative media畢業, o甘啱你就講 !!

    回覆刪除
  15. 篤篤

    快啲問吓佢,可能佢有個家姐叫suki架!

    回覆刪除
  16. 『我有朋友在香港打歐洲公司工,真係閒到爆喎。』

    我希望卡臣同事爆吓卡臣响公司有幾忙。

    滿天神佛同泰國真人騷,都一定唔夠請MJ上嚟唱Thriller咁有噱頭。

    回覆刪除
  17. 歪歪

    卡臣在公司裡是數一數二最勤力的員工,準時返工從不遲到。工作忙碌到去廁所同飲水都無時間。他是我們的工作典範呀!

    回覆刪除
  18. 歪歪

    我真係好忙,日理萬基架!

    請MJ好呀!唔覺唔覺,他已逝世快兩年了。
    不過MJ都有新碟推出。

    回覆刪除
  19. 卡臣:

    泰國人妖好靚架!人地教我靚人妖,秘訣係:靚過女人既女人,就係人妖!

    回覆刪除
  20. 佛爺

    靚過女人既女人,就係人妖!<---等我銘記於心。否則撞板就無人可憐。

    回覆刪除
  21. 卡臣梗係畀咗錢佢個同事,我無收到錢,等我講出真話,卡臣最鍾意嚟我度打𧄌,成日口水多個茶,其他啲同事怕炒魷見到佢就掉頭走,咁佢咪捉住我嚟傾,搞到我都唔鬼睬佢。佢呀,就算坐响自己個位都好似遊魂咁,一味對住部電腦傻笑。

    回覆刪除
  22. 卡臣公司茶水部阿嬸

    好囉喎!唔好黑白顛倒呀!
    我邊有對住個mon傻笑呀?!
    我返工忙到死,仲邊有時間打牙骹?
    大家要以正視聽呀!

    回覆刪除
  23. di人客唔知道而加可以系部电脑到,做鬼做马,乜都可以加上部影片到ge咩?又会甘容易上当架?

    回覆刪除
  24. 『我真係好忙,日理萬基架!』

    卡臣,你叫我信你好定信你公司茶水部阿嬸好呢?

    回覆刪除
  25. helloninie

    哈哈!個故事得啖笑囉!

    +++

    歪歪

    通常「公司茶水部阿嬸」好八卦同加鹽加醋囉,如果你一個唔覺意得罪佢,佢會背後中傷你。好明顯啦今次

    回覆刪除
  26. 好明顯啦,今次係你唔覺意得罪公司茶水部阿嬸,所以佢就背後中傷你啦。

    回覆刪除
  27. 歪歪

    我一向都話你明白事理啦! 睇吓我幾忙,而家下午5:30先食早餐呀陰公~~

    回覆刪除
  28. 卡臣,你自己开公司吧?
    日理万机还可以写东写西,
    有乜秘诀?

    那个Les Ponte老细好有创意。

    其实,都系你最有创意嘅。。。

    回覆刪除
  29. cindy

    我那有本事自己開公司?我只是一名公司冗員.

    創意就大家都有,妳寫的話仲精彩!

    回覆刪除
  30. 歪歪

    卡臣係我地公司入面係芝芯員工, 好有內涵,佢係 sm 下面一名師爺, 深得皇上寵幸,佢向公司打橫行 的

    回覆刪除
  31. HR BT組

    你唔使幫我講好話,我記得我曾用公司電腦BT影響而牽遭 閣下出WARNING EMAIL。今後我會專心工作啦!

    回覆刪除
  32. 其實果個喺歐資公司做工又好得閒的朋友會唔會叫做卡臣呢?

    回覆刪除
  33. 『我真係好忙,日理萬基架!』

    嘩日理萬「基」,冇上嚟一排,卡臣幾時轉咗口味㗎。

    回覆刪除
  34. 卡臣:

    「佢係 sm 下面一名師爺, 」

    SM?你公司設計和製造性工具架?鎖鏈、手銬和皮鞭?嘻嘻!

    回覆刪除
  35. SKII

    我做間公司本地人做老闆

    +++

    ERIC

    殊!唔好話比人知

    +++

    佛爺

    係呀~SM啲客人囉║

    回覆刪除
  36. HR BT,乜卡臣响公司BT,唔怪得你話佢响公司打橫行。

    Eric,卡臣日理萬「基」,可惜我日日都係排一萬零一,理唔到我!

    佛爺,你想唔想去卡臣公司享受呢啲服務?

    回覆刪除
  37. 卡臣咁型,一定唔只一萬嘅。真喺辛苦晒啦。

    回覆刪除
  38. 歪歪:

    「你想唔想去卡臣公司享受呢啲服務?」

    若果係卡臣親自上陣,操鞭!我諗,我將會再無所求了!嘻嘻!

    回覆刪除
  39. 歪歪

    我點會唔理你呀?!
    你拿一號籌架!

    +++

    eric

    唔辛苦,敬業樂業!好專業架我。


    +++

    佛爺

    執行SM之前線員工,乃徐錦江/魯芬之容貌,請好好enjoy~~

    回覆刪除
  40. 我同HR部嘅女經理開咗成晚會,最後決定將我哋芝芯員工、 好有內涵嘅卡臣,由我下面調落去做前線員工,我哋相信佢鞭鞭都有力,一定會令各大客戶滿意,公司門口亦將會出現攞位的森林,所以欲免向隅,各位請早排隊攞位,每日一萬個籌派完就無。

    回覆刪除
  41. 卡臣公司老闆:

    你的決斷英明,然而本佛有一提議,卡臣經常做gym,每日打一萬鞭,肯定無問題!但每位顧客,每人只可受他一鞭,太少!

    可否將每日一萬個籌減少至五千,咁我地每人可以受卡臣兩鞭!

    咁,你又唔洗驚半夜有人撬開公司門,要求卡臣加鞭,至訓得著!

    回覆刪除
  42. 老闆

    早晨!首先願公司業務精精日上!

    吓?調我去前線?咁我就無時間去寫網絡文字,如果係都要調我去前線,我寧願忍痛辭職.希望你明白我的苦衷。

    緊守崗位的員工卡臣敬上

    ++++

    佛爺

    我都係「以字會友」,好過以鞭見人.否則補藥都耗盡。

    回覆刪除
  43. 吓?我攞咗一號籌㗎喎,但係無得揀卡臣,咁我咪要响貌似徐錦江/魯芬嘅前線員工之中揀?不如咁啦,卡臣,你份工做得咁辛苦(返工寫網絡文字),我讓張一號籌畀你,等你去歎下。

    佛爺,我同你一樣都係好失望呀!

    回覆刪除
  44. 歪歪:

    係喎!卡臣若果被徐錦江/魯芬鞭幾野,可能仲多靈感呀!

    回覆刪除
  45. 歪歪

    徐錦江/魯芬的手勢認真不錯,試過先講啦。

    +++

    佛爺

    係呀!鞭完成個人醒性,記性好返,思如泉湧。你都去鞭鞭啦!

    回覆刪除
  46. 哈哈咁都得!youtube影響力真係大。唏呢兩篇都同電影名有關。

    回覆刪除
  47. 巴黎

    係呀!呢幾篇叫「食字電影」改頭換面囉!

    回覆刪除

LinkWithin

Blog Widget by LinkWithin