~~~~~~~~~~~~~~~~







2011年1月12日 星期三

《戀人唇語》

《戀人唇語》

電視劇《戀人唇語》獲得不錯的收視率,一切在Winson的預算和掌握內,營業額進一步推高…

* * * * *

55歲的嚴先生,是一名白手興家的生意人。二十年前他創立了一間荳品公司,廠房設於大陸,主要生產「腐竹」和「腐乳」兩類食品。嚴先生出產的腐竹和腐乳,在超市有售。老字號品牌,對象是上了年紀的顧客。

嚴先生的生意,跟一位50歲助手合力打理,他叫「二舅父」,是嚴先生太太的胞弟。中國人家族生意喜歡用人唯親。荳品生意業績一般,僅僅賺到錢維持收支平衡。嚴先生的22歲獨子:Winson今年剛於美國波士頓大學一級榮譽畢業,父親叫Winson回港幫手打理家族生意。Winson難抗父命,回港工作。

嚴先生詢問「二舅父」意見,「二舅父」建議把腐乳生意交給Winson全權打理。因為腐乳生意在收縮中,二舅父把賺錢的腐竹生意留給自己。心諗若果腐乳生意被少爺仔玩死咗,都無咁可惜。

嚴先生把腐乳生意交給兒子。Winson看完腐乳生意的大小報告後,知道腐乳生意是惡哽的「豬頭骨」,營業額像一潭死水、就死就死咁。不過Winson喜歡接受挑戰,他的格言是:「Nothing is impossible」。他決定要在一年內,把腐乳生意轉虧為盈。

Winson遊說父親撥一筆資金給他替腐乳生意進行「起死回生」大計。父親也想見識吓兒子學成後的實力,批款無誤。

大膽的Winson放棄年長顧客群,轉攻消費力較強的年輕人市場。Winson跟生產部門研製出「甜味腐乳」。腐乳顏色由奶白色改為粉紅色。仲夠膽死將腐乳狀由方型改為心型。加入營養,變成等同Yogurt的健康纖體食品。

Winson找廣告公司,研究如何再包裝「嚴記腐乳」的市場新形象。Winson想出一個新名字;靈感源於日本朱古力「白之戀人」,新名字叫「戀人腐乳」,帶起年輕戀人吃腐乳的最新潮流。

「戀人腐乳」用新設計的玻璃瓶包裝,加強浪漫色彩。拍了最新一輯電視廣告:戀人用「愛神短箭」串起兩顆粉紅色心型戀人腐乳,跟情人你一口我一口、甜蜜地分享。廣告一出,「戀人腐乳」反應熱烈,銷路直線上升。Winson出師得利,嚴先生見兒子雄才偉略,如此叻仔,老懷安慰。

碰巧快將是情人節,Winson因應時勢,推出更甜味的「戀人腐乳」,命名為「艾粒腐乳.I Love You」,旋即成為情侶間送禮表白的最佳恩物。

Winson乘勝追擊,冠名贊助電視劇,協助宣傳。電視劇劇名叫《戀人唇語》。內容講失聰的男主角,暗戀健全的女主角,男主角努力學習唇語,希望可以明白女主角在說什麼。中間再加插:誤會、錯摸、表白、絕症、家人反對、落雨嚎哭等公式情節。

電視劇明目張膽在鏡頭前替「戀人腐乳」賣廣告,男女主角反覆指名道姓吃著「戀人腐乳」。電視劇《戀人唇語》獲得不錯的收視率。監製見觀眾反應不錯,決定開拍續集《戀人手語》。一切都在Winson的掌握之內,營業額進一步推高。「戀人腐乳」成為嚴先生平生最賺錢的產品。

* * * * *

「二舅父」終於再次出場啦。他眼紅呢個Winson世侄,鋒芒太露,決定搞搞震。叫家姐(即嚴太太)幫口,遊說Winson把腐乳生意交回給二舅父打理,叫Winson去重整腐竹生意。二舅父詢問Winson意見時,Winson認為自己可以在半年間令腐乳生意V型反彈,證明了自己有實力,現在應該是功成身退的時候。

Winson把腐乳生意交出,並辭去公司職務。因為喜歡接受挑戰的Winson,決定跟兩名朋友到非洲毛里裘斯開拓「港式魚蛋燒賣豬腸雞蛋仔」的市場。父親挽留不了志在四方的Winson,二舅父重掌嚴氏的腐竹和腐乳生意。

因循苟且的二舅父,又點會保得住「戀人腐乳」盤生意呢?營業額一度下滑。嚇得二舅父立即想辦法挽回頹勢。爛船尚有三斤釘的二舅父,令「戀人腐乳」再次熱賣起來。二舅父才可保著面子。那邊廂,Winson已經身在非洲,克服面前困難,開闢新市場。

* * * * *

三個月後,某天報紙的頭條是:「戀人腐乳發現有氯胺酮」嘩!食物安全中心進行食物檢驗時,發現「戀人腐乳」含有「K仔」。

原來三個月前「戀人腐乳」銷路下降,二舅父情急之下,竟然出屎橋,叫生產部門把「K仔」混入「戀人腐乳」內,令年輕顧客食完後上癮,自然會食過翻尋味,這樣做才可保持「戀人腐乳」的穩定銷路。如今卻令「戀人腐乳」陷入最大的危機。二舅父被帶返警署扣留問話。

在嚴先生最徬徨的時候,收到Winson的長途電話,Winson說:他用了三個月時間,成功把港式小食生意植根非洲。他在互聯網看香港新聞時,知道自己一手創造的「戀人腐乳」遇上大麻煩,但正所謂:有危就有機,他決定要回港救亡。接受這項難度超高的挑戰。嚴先生聽後,十分感激,給Winson供書教學的費用,不是白給的。

有人喜歡接受挑戰、激發自己的潛能。有人喜歡坐享其成、捨難取易。誰是勝利者?誰是失敗者?不用多講。




二少爺說:「中學時代好迷戀的一隻英國電子歌曲,編曲好有層次、結構緊密。」


Never Never – The Assembly

I know just what to say
It's just a game I play
Now I'm here on my own

I'd like to be with you
I guess you always knew
Still I'm all alone
I know the history
got it all worked out

It never happens to me, it never happens to me
(maybe that's the way my life was meant to be)
It never happens to me, it never happens to me
(love is just the door that's locked and there's no key)
It never happens to me...

I know my every line
It's just a waste of time
Guess it's all such a shame

I've seen it all before
And everytime I'm sure
That it ends up the same
I know the history
got it all worked out

It never happens to me, it never happens to me
(maybe that's the way my life was meant to be)
It never happens to me, it never happens to me
(love is just the door that's locked and there's no key)
It never happens to me...

42 則留言:

  1. naruto

    咁涷都起身睇blog,頒個「人道獎」比你。

    回覆刪除
  2. 卡臣:

    食豆腐有K仔,都幾正呀!跟住去開車,wing下wing下,好high呀!嘻嘻!

    回覆刪除
  3. 佛爺

    醉駕迷駕都好大罪架!坐監好慘架。

    回覆刪除
  4. 想起Bill Gates 蓋茨這樣說,(大約)即使將他放在沙漠,只要有一支營商隊經過,他仍會由身無分文變為世界級富豪!

    回覆刪除
  5. coffee

    猶太人的生意頭腦也很犀利,我自問都係打工適合自己多啲。

    回覆刪除
  6. 等我抄你句"艾粒腐乳.I Love You"去冧吓我老婆先,hehe^^

    回覆刪除
  7. 咖啡:

    Bill Gate屎係全球首富,佢講乜都得架喇!

    即係好似二次大戰後,研究同性戀咁,訪問班基佬,問佢地成長過程,得出了結論:基佬從小已經唔同異性戀者架喇。

    直至七十年代末,一位女心理學家提出,夠膽比你班研究員做訪問的,係基中極品,當時大部份基都係唔敢認既!

    另外!問班基佬童年有乜唔同,哂氣!就好似D人洗禮之後咁:「我以前嫖賭飲盪吹都齊,信佐耶穌之後,見到三點式靚女,都只會想到葫蘆,唔當佢地係女人,當佢地係植物。

    回覆刪除
  8. eben

    隨便攞去啦!

    下次你跟太太外膳,叫一碟腐乳通菜。你對太太說:「這腐乳不是普遍腐乳,是『艾粒腐乳』!」

    希望你老婆會笑啦!

    回覆刪除
  9. 佛爺

    問賊有無偷嘢?幾嘥氣喎!
    等於問你「女人有咩可愛?」一樣,多此一問。

    回覆刪除
  10. 卡臣:

    「等於問你『女人有咩可愛?』一樣,多此一問。」

    你既比喻,好有針對性,不過就,好恰當!嘻嘻!

    回覆刪除
  11. 佛爺

    我的比喻,不是有「針對性」,
    只是針對你的「性」。

    回覆刪除
  12. 卡卡,我諗到句偈後語:

    「女友以身相許」

    答案:戀人腐乳

    一字諧音格



    咔咔,我唔係校長....

    回覆刪除
  13. 卡臣:
    "有人喜歡接受挑戰、激發自己的潛能。有人喜歡坐享其成、捨難取易。"<-問題唔係個個去接受挑戰,都會成功呢!有d人天生就係一副領袖格,有d人就係天生一個捱“雷”仔樣

    佛爺:
    我亦曾經聽過一個巳故牧師分享,佢有病在家休息,要落街買野食,一出門口,見到個短裙美腿小女,佢亦都好自然跟咗佢一條街,不過無發生度咩野事...男人又點會唔俾女色吸引呢?

    laulong:
    嘩~好...正/賤呀!Wakaka.......XXXXXXD

    回覆刪除
  14. naruto

    係噃!果然係一個漏洞!
    如果winson用一筆宣傳費嚟刺激銷路,
    二舅父用一筆錢買K粉嚟保持銷路囉.

    +++

    laulong

    哈哈!

    「女友以身相許」= 戀人付乳

    咁「女友xxx」= 戀人撫乳

    +++

    I.minor

    「有啲人就係天生一個捱驢仔樣」同意呀!
    我咪係囉!陰公。

    你個例子證明「食色性也」,食物和女色都令男人著迷!

    回覆刪除
  15. 阿卡臣写到嗰个二舅父甘衰格架?
    若果唔放毒品落di腐乳到,应该重有其他办法嘅系吗?
    最惊有人睇左你篇博文,好学唔学,学左嗰个二舅父di衰野,甘就大镬咯!

    回覆刪除
  16. helloninie

    二舅父都被警方扣留,要負上刑事責任。壞人惡報,希望大家唔好以身示法.

    回覆刪除
  17. 好想睇下集講Winson點响非洲毛里裘斯開拓「港式魚蛋燒賣豬腸雞蛋仔」市場!

    回覆刪除
  18. 歪歪

    呢個嘛....似乎難有發展之空間。我又唔熟非洲局勢。

    星期五早上有另一套電影。

    回覆刪除
  19. 請留意你用的豆品公司正在映射我家族,我地已經搵咗李大狀比信你

    回覆刪除
  20. 公和豆品結業公司

    我映射緊「百X」或者「X福」咋,
    絕不是映射閣下,敬希明鑑。

    回覆刪除
  21. 卡臣被人投诉?哈哈,赛乜惊?

    你真的多产,常常更新,又好看,送个字给你:


    服!

    回覆刪除
  22. 二少爺呢集無出場喎~
    不過佢鐘意嘅 never never 我都好鐘意

    回覆刪除
  23. 我以前懷疑過明哥唱歌既口腔係學 the assembly~~

    回覆刪除
  24. cindy

    無人投訴我呀!我個同事整蠱我之嘛!
    「服」<--我又受唔起,但求大家睇完開心啫!

    +++

    largeheadboy

    二少爺將會長期喺度做DJ打碟,識欣賞呢首歌,二少爺俾個「共嗚」給你。

    +++

    篤篤

    明哥某訪問中提到他的唱腔跟林子祥,惑星一歌最易聽出,不過英國嘢一定影響明哥啦。

    回覆刪除
  25. 單無雙

    我寫二舅父時,唔多唔少都受到祥嫂影響。

    回覆刪除
  26. 『似乎難有發展之空間。我又唔熟非洲局勢。』

    坦白講,我都唔熟,咁咪益你講乜都得囉!

    回覆刪除
  27. 歪歪

    又係喎!寫乜都得。
    不過...要做吓research先。

    回覆刪除
  28. 卡臣:

    人之初,性本善。性相近,習相遠。久不教,性乃遷。所以,性,係要鍛鍊既!即係做gym咁!嘻嘻!

    回覆刪除
  29. 我突然醒起,明明叫你寫呢個係大力顯嘅下集,要阿婆不得好死,而家。。。阿婆呢?

    回覆刪除
  30. naruto

    阿婆要下個禮拜三先有報應,你曼谷回來看吧.

    回覆刪除
  31. 卡臣:

    naruto一味叫你寫阿婆,佢可能好羡慕陳盞衝呀!不如你寫番篇「暮年戀子情」去慰藉一下naruto喇!佢好心急呀!嘻嘻!

    回覆刪除
  32. 佛爺

    咁敏感嘅題材,會唔會防礙司法公正呀? 都係寫唔出。

    回覆刪除
  33. 卡臣:

    好創新架!佛洛伊德只係話小孩子戀母,跟住驚比父親閹割,性慾就壓抑下來,直到青春期。但佢無話過少年戀母,更加無提過中年戀母!陳盞衝突然中年戀母,佛洛伊德都要請教佢呀!嘻嘻!

    回覆刪除
  34. 佛爺

    學到嘢!學到嘢!

    不過陳盞衝戀錢多過戀母,如果拱魚深無錢,你睇陳盞衝戀乜輪?

    回覆刪除
  35. 卡臣:

    我大約一年前,聽聽下新聞突然諗到,佛洛伊德出世時,他母親才二十二,三歲,是一位美麗的女人。世上邊有中年戀母,錢作怪而已!

    回覆刪除
  36. 佛爺

    到佛洛伊德青春期時,他母親才三十五歲度,應該仲OK喎!怪不得啦。不過東方人30幾仲OK,西方人就早熟早殘得快.

    回覆刪除
  37. 卡臣:

    佛洛伊德是奧地利猶太人,他的祖屋,今天是古蹟。我買了他的生平圖畫集,本書也有一吋厚。唔知點解,我對佢特別有興趣!希特勒上台,追殺猶太人,佢出走英國,1939年逝世!他的女兒,安娜,在美國開了佛洛伊德研究院,入學條件好似要有心理學博士學位,勁呢!

    回覆刪除
  38. 佛爺

    多謝資料提供,唔怪得COFFEE叫你做:「佛爺伊德」啦!

    回覆刪除

LinkWithin

Blog Widget by LinkWithin