~~~~~~~~~~~~~~~~







2011年1月10日 星期一

小人國‧大力顯

小人國‧大力顯

早上十時,紅磡火車站大堂內,一名健碩男子正等待她的女朋友到臨。這名男子充滿澎湃的肌肉、孔武有力,路過的旅客還以為他是火車站的便衣特警。

他的職業是健身教練。他叫「阿顯」,英文名叫:「Deric」,他的花名叫「大力顯」。因Deric實在力大無窮,又有正義感,曾經協助警方捉賊而數度獲頒發「良好市民獎」。她的女朋友因為Deric夠man又夠安全感,才喜歡他。女朋友叫Fredi,從事3D動畫制作。至於點解健身教練會搭上3D動畫師?我都唔識答,我諗是因為緣份啩。 4
Deric這個早上約了Fredi去深圳「世界之窗小人國」遊覽。因為Deric唔夠錢去環遊世界,唯有去「小人國」睇吓世界各大名勝先。Fredi終於來到,在火車站吃罷早餐後,兩人乘火車北上。

* * * * *

中午時分,Deric和Fredi抵達了世界之窗,他們購票進入「小人國」。嘩!好多名勝喎!巴黎鐵塔、凱旋門、悉尼歌劇院、聖馬可教堂、梵蒂岡、吳哥窟等等……他們在名勝前留影。

正當Deric在「泰姬陵」前拍照,興高采烈之際,突然一名60歲婦人哭著向Deric救助,從婦人的衣著和口音,她應該是深圳當地居民。她向Deric說:「自己個3歲孫女剛剛俾人擄走!」婦人繼續哭說:深圳很多兒童拐擄集團,專捉小朋友,打到手腳殘廢後,變成專業乞兒,替集團賺錢。

對於正常市民來說,遇上這情況,當然轉介案件給樂園工作人員去處理。但這個時候舉目四周都唔見有工作人員,加上面前這人是「Deric大力顯」喎!他體內熱血又燃燒了,Deric在女友面前又再正義朋友上身,決定親身幫阿婆。阿婆立即跪地多謝!真唔明點解上一代咁鐘意跪地?

Deric問阿婆:「妳認唔認得拐妳孫女嗰個人乜嘢樣?」
阿婆狂點頭:「認得!認得!」
Deric立即擺出一個健美pose,結實的老鼠仔在阿婆面前跳動。Deric隨即出發找尋拐子佬,在旁的Fredi,發出「為你驕傲」的眼神。

Deric、阿婆、Fredi三人跑了一段路,沿途仍未見有工作人員。去到「德國天鵝堡」旁邊,阿婆突然驚叫:「係佢啦!係佢啦!」Deric朝阿婆手指一望,見到一名30歲男人,手中抱著一名昏迷的小女孩。

Deric再三問阿婆:「妳無睇錯,肯定係佢啦嘛?!」
阿婆狂點頭:「係佢係佢!快啲去救我個孫女!」

Deric一個箭步上前,左手抽著男子恤衫領口,右手舉起作揮拳狀。男子立即嚇到口震震:「做乜…事呀…大佬?」
Deric說:「你呢個拐子佬仲想扮嘢?!」
男子懷中的女孩被驚醒了,馬上放聲大哭。中國人地方有一個特色:有事發生就立即上前趁熱鬧,很多遊人把五人圍著。有狀況發生了,才有工作人員出現,走進人群中了解情況。

小女孩向中年男子驚叫:「嗚嗚…爸爸…嗚嗚…」
Deric聽後立即鬆開手,工作人員問:「發生什麼事?」Deric和盤托出前因後果。聽罷,眾人的目光轉向阿婆身上。

這時候,阿婆突然向其中一名途人哭叫:「你俾返個孫女我吖!俾返我吖!」跟著傻笑,又哭又怪叫。好明顯,呢個阿婆精神有問題,病發時找路過的Deric陪她去癲。

一場誤會,工作人員送走了阿婆。Deric向父女道歉後,面懵懵離開。自己的熱血被一桶冷水淋熄。眾人見完場無戲睇,都紛紛離開。Deric和Fredi繼續旅程,但難免心情有所影響。

兩人行到「荷蘭風車」旁,Fredi有點口乾,想買點涷飲喝。Deric伸手入褲袋取出銀包時,發覺銀包竟然不翼而飛!Fredi的銀包也同時間唔見咗。

Deric終於明白了,阿婆是來自一個扖手集團。剛才阿婆先向Deric求助,阿婆見到路邊一對無辜父女,就屈佢係拐子佬。借Deric製造混亂,引來途人圍觀,阿婆的幾名同黨立即落手打途人主意,扖得幾多得幾多。而Deric和Fredi的銀包則被阿婆扖去。這次扖手黨的行動,一共扖去12個銀包。扖手黨得手後立即逃離現場。

Deric無名火起!激動時擺出一個健身pose,握實拳頭,手指骨啪啪發聲。自己的正義感竟然招來金錢損失。唯有找工作人員協助。工作人員說阿婆早已失去踪影。追都追唔到。兩人的身分證、八達通、信用卡和現金都失去,除了金錢損失外,還損失了心靈上對別人的信任。

* * * * *

兩人身無分文,由「小人國工作人員」協助送回羅湖火車站。再經關口人員協助下,傍晚才能回港,兩人什麼心情都沒有了。

「大力顯」在「小人國」中的歷險,令他改變了日後做人處事的態度。Deric不會再為人強出頭。自己的正義感被人欺騙過,還會犯同樣的錯誤兩次嗎?



想到肌肉澎湃、孔武有力、內心燃燒的大力顯,就想起以下這首歌:


Burning Heart - Survivor

Two worlds collide
Rival nations
It's a primitive clash
Venting years of frustrations
Bravely we hope against all hope
There is so much at stake
Seems our freedom's up
Against the ropes
Does the crowd understand?
Is it East versus West
Or man against man
Can any nation stand alone

In the burning Heart
Just about to burst
There's a quest for answers
An unquenchable thirst
In the darkest night
Rising like a spire
In the burning heart
The unmistakable fire

In the warrious code
There's no surrender
Though his body says stop
His spirit cries - never!
Deep in our soul a quiet ember
Know it's you against you
It's the paradox
That drives us on
It's a battle of wills
In the heat of attack
It's the passion that kills
The victory is yours alone

47 則留言:

  1. 阿大力係咪中咗四肢發達嘅魔咒呢!(嗚嗚...)

    回覆刪除
  2. coffee

    呢度無人爭位,妳隨時都是「冧巴溫」!

    大力顯持住自己周身肌肉,所以衝得太前囉,有勇應該有謀。

    回覆刪除
  3. 卡臣:

    被阿婆呃,真陰公!比靚女滾都仲抵呀!嘻嘻!

    回覆刪除
  4. 佛爺

    對呀!靚女扖手起碼會伸手入你褲袋摸吓。

    回覆刪除
  5. 卡臣:

    咁仲尷尬,比個靚女發現我個袋,原來係空既!仲慘!比佢陰陰咀咁笑,仲瘀!

    回覆刪除
  6. 佛爺

    你個袋點會空呀? 起碼都有啲嘅,又唔係七老八十嘛!

    回覆刪除
  7. 卡臣:

    我對住AV女神像想了一個週末,我不入淫獄,誰入淫獄!如果我星期二果篇續集因為太淫,比人插死,請燒支香比我個博客。我要打破番鬼文人批評中華小說的愛情描寫太含蓄的謬論!

    回覆刪除
  8. 佛爺

    「我要打破番鬼文人批評中華小說的愛情描寫太含蓄的謬論!」

    壯士,請受我一拜。
    你代表中國文壇,殺過片甲不留吧!
    若果你不幸犧牲的話,我會燒鹹書鹹碟給你.

    星期二等你的大作。

    回覆刪除
  9. 有時強出頭,吃苦的可能係自己,不如張件事交俾d專業嘅人去處理好d

    回覆刪除
  10. I.minor

    我一定量力而為,否則自身難保.加上香港咁安全,街上好易找到警察。
    我到外國旅遊時,真係成日都見唔到警察。

    回覆刪除
  11. 哈哈,我聖誕用成百蚊張飛睇果套小人國大歷險,個故事都冇你呢個咁精彩喎:)

    回覆刪除
  12. 大力顯之前咁有正義感,又得「良好市民獎」,經過一次畀人呃就變龜縮,真係嘥咗!

    回覆刪除
  13. eben

    我都有睇呀!不過唔係3D版。

    你的讚賞....我唔信囉!

    回覆刪除
  14. 歪歪

    咁呀,或者你勸吓佢,或者希望佢投考警隊做飛虎隊!

    回覆刪除
  15. 卡臣,我諗喺外國警察應該周街都係啦,就係果啲「好唔專心咁做其他野,而又望住你,佢就係差人!」

    另外,叫亞Deric唔好太傷心,起碼Fredi無怪佢先啦。

    回覆刪除
  16. 哇,真係呃得透,俾阿婆玩弄於股掌之上!

    回覆刪除
  17. Mac

    吓?原來外國周街臥底警察,咁我有返安全感啦。

    Fredi無怪Deric,因為Deric實在孔武有力,唔「兇」得!

    回覆刪除
  18. 校長

    deric都醒架啦,提防色字頭上一把刀,怎料連阿婆也是一把未老嘅寶刀呢!

    回覆刪除
  19. 阿卡臣,
    当读到你写嗰段大力显唔够钱去环游世界,所以去深圳嘅小人国,岩岩我食紧旧饼干,笑到几乎喷洒落嗰个键盘到添窝!哈哈哈哈哈-----
    深圳真系无野出名,最出名就系五湖四海嘅扒手云集,一个唔该,荷包裤袋就被刀片割穿癃,搞到乜野都唔见晒,失窃者重懵闭闭架,继续行街睇野买野拣野,到要俾钱嗰阵时先至发觉,弊加伙咯!

    回覆刪除
  20. 阿卡臣,
    寻日嗰篇健身室之谜,落黎拍剧,阿强快手执番条底裤嗰一幕,会使di观众笑到碌地架!

    回覆刪除
  21. helloninie

    哎呀!為咗不要哽親,妳看本blog時不要飲食了。
    我去深圳都打醒12分精神,幸而未有被扖銀包。亦不要穿金戴銀到深圳。

    +++

    阿強用手指尾勾底褲一幕,十分刺激呀!

    回覆刪除
  22. 我要下集,唔該!

    我唔理你寫婚前試菜定戀人碎乳,我要阿婆不得好死

    回覆刪除
  23. naruto

    你兩個戲名好掂喎,有得發展呀。
    阿婆有報應的。

    回覆刪除
  24. 好人無好報啊!

    戀人碎乳應該好血腥兼變態~

    回覆刪除
  25. largeheadboy

    若然未報,時辰未到啫。

    戀人碎乳...我寫唔出,驚嚇度1000!

    回覆刪除
  26. 戀人碎乳。。。一雙窮戀人寒冬下無錢食飯,屋企得番食剩碎腐乳嘅現實故事,唔血腥無變態

    回覆刪除
  27. naruto

    好橋喎!多謝彈橋,等我從呢個方向發展先。

    回覆刪除
  28. 有下集呀?咁阿大力顯係咪會繼續擺健身pose㗎?

    回覆刪除
  29. 歪歪

    大力顯無下集呀,不過「戀人絮語」就構思緊。

    回覆刪除
  30. 卡臣:

    我第一次寫四仔,左閃右避,驚比人插,都過到你果關,心滿意足了!嘻嘻!

    回覆刪除
  31. 佛爺

    過到我關? 咁又唔好咁講!
    寫得咁細膩精準,你先得。

    回覆刪除
  32. 卡臣:

    你寫小說,睇其他小說係唔同既!所以你既感覺係我既準繩囉!

    回覆刪除
  33. 佛爺

    客氣客氣!你咁講令我受蟲若驚!

    回覆刪除
  34. 卡臣:

    哈哈!受「蟲」若驚都諗得到,咁就唔洗驚喇!嘻嘻!

    回覆刪除
  35. 佛爺

    受「蟲」先要驚啊!你問吓啲中學生,昨天又一單棄嬰屍...

    回覆刪除
  36. 「戀人碎乳」係講大力顯同Fredi畀阿婆偷哂啲前,公安要收手續費先肯幫佢哋。大力顯就決定响街頭表演心口碎大石嚟籌錢,但係圍觀嘅觀眾唔畀錢之餘仲要Fredi落場表演,Fredi逼於無奈,响大隻顯擺出一個健身pose之後,一鎚揼落去,但係嚿大石無碎,而係…大家明啦!

    回覆刪除
  37. 歪歪

    哈哈哈哈!
    好掂呀!
    幾時都話你食字叻架啦。

    咁呢篇當寫好了,搬字過紙完成。

    回覆刪除
  38. 卡臣,鳴門火影寫咗,我又寫咗,你咪側側膊喎!

    P.S. 上面應該係『畀阿婆偷哂啲「錢」』先啱。

    回覆刪除
  39. 歪歪 火影

    兩位出聲叫到,我仲推得甩咩?
    好!動筆啦!

    回覆刪除
  40. 卡臣真的真的真的。。。服咗你!

    大只显很像大番薯,四肢发达,头脑简单。
    他要感谢阿婆给他上了宝贵的一课,真的很宝,很贵呀!

    回覆刪除
  41. cindy

    有道理!
    經一事;長一智。
    從失敗中汲取教訓。

    回覆刪除
  42. 大力顯好明顯係我學生 小露寶一樣有腦下垂症

    回覆刪除
  43. 鋼鐵老師

    小露寶嚟啦!小露寶好嘢!
    芭露女呀~~
    仲有個打針女護士機械人,
    正!

    回覆刪除
  44. 鋼鐵老師

    多謝資料提供,我認為「七彩蝦條姐姐」的造型是抄襲小賓女。

    回覆刪除

LinkWithin

Blog Widget by LinkWithin