~~~~~~~~~~~~~~~~







2010年12月17日 星期五

《無聊死火令encore》

《無聊死火令encore》

繼上次十段《無聊死火令重臨》後,靈感突至,欲罷不能,加單再追,添多十句。

* * * * * * * * *

第十一篇
政府呼籲節約能源,電器生產商的科研部,將電熱水爐改良:當水被加熱到40度後,便會發出訊號聲音,叫用家將電熱水爐關閉,防止電源虛耗。

好!故事講完了。
呢個故事叫: 「熱水爐出signal叫熄爐」


第十二篇
消費者委會員對人造織髮進行測試,發覺其中一間織髮中心所提供的織髮方法有問題,織髮駁位會傷及客人原本真正頭髮的髮質。消委會呼籲市民應小心選擇織髮公司。

好!故事講完了。
呢個故事叫: 「織髮的織法織傷真正頭髮」


第十三篇
一名G4特攻,退役後轉投商界,在地產發展商任CEO的私人保鑣。該名前G4由於疏於鍛鍊身體,變成肥佬。發展商毫不留情把該名前G4辭退。

好!故事講完了。
呢個故事叫: 「資方辭退脂肪前G4」


第十四篇
市面上盛行很多中西補藥,海關在零售店發現假靈芝藥出現,毫無藥效之餘,還對身體有害。相信該批假靈芝早已流傳本地零售市場,市民照服無誤,許多市民盲目服用靈芝,對靈芝的成份一無所知。

好!故事講完了。
呢個故事叫: 「食靈芝但對靈芝零認知」

第十五篇
香港男女比例逐漸傾向男少女多,加上香港男士有返大陸娶妻之趨勢,令到本地女士更加僧多粥少。Fanny剛給男友拋棄,原因是她不夠幽默感又不友善,男友再覓其他新目標。

好!故事講完了。
呢個故事叫: 「Fanny分離因唔funny and friendly」


第十六篇
一名影相發燒友,簡稱「龍友」,因太迷戀女性胴體,專影少女model。但仍無法滿足,他使用武力威脅其女友,逼使她把屁股隆起供他拍照。事後女友報警求助,警方落案控告,被告被判入獄兩個月,變成籠中鳥。

好!故事講完了。
呢個故事叫: 「龍友影隆起籮柚女友變籠友」


第十七篇
政府呼籲的士司機及小巴司機在站頭等候乘客時熄匙,減低對空氣造成污染。一名交通警察到的士站向的士司機派發即時熄匙傳單。的士司機為免麻煩之故,紛紛響應熄匙,對交通警察表示支持和認同。待交通警察離開後,馬上撻車開冷氣。

好!故事講完了。
呢個故事叫: 「的士即時熄匙是識時務」


第十八篇
一名叫Adrian的中學英文教師,參加教育局的語文基準試,雖然取了A級成績,可以繼續在中學執教鞭。但他感到教書薪金不及保險經紀高,毅然放棄教藉,轉行做保險Agent。

好!故事講完了。
呢個故事叫: 「Adrian基準試考A做agent」


第十九篇
在港開設分店的美國鏈鎖快餐店,他們的牛肉豬肉源自美國入口。美國農場被揭發使用催生藥餵飼牲蓄,導致肉類含激素,人類食用後會產生致癌物質。此消息一經傳出,那間快餐店的營業額受到打擊。

好!故事講完了。
呢個故事叫: 「催生牲蓄促使速食出事」

第二十篇
坊間報攤很多旅遊飲食雜誌,推介飲食消費,一向標榜「食豪啲!」和「食好啲!」。今期某雜誌的封面專題是「紅海生蠔」,專題介紹這些高級生蠔,引來一批食客紛紛捧場。

好!故事講完了。
呢個故事叫: 「食蠔想要食豪啲食好啲就要食紅海啲新生蠔」






凝聚每份光 - 群星作曲:鮑比達
作詞:鄭國江

為理想 全力幹
求突破今天甘流血汗
為理想 獻盡努力
理想邦 我願靠我雙手創

為理想 燃亮我
求讓每分力 全變熱和亮光

要鬥志繼續頑強
要永遠奮起圖強
豪情溶成熱與光

讓每點光 射向前方
讓每點光 閃出希望
交織成一張光的網
凝聚了每點光茫
前途漸明朗 美滿前途伴你創

讓每點光 射向前方 讓每點光閃出希望
交織成一張光的網, 以熱誠 發亮光 以熱情
更烈更旺 漆黑照亮 前途共創
This is our home!
This is our place!
This is our dream!
We love Hong Komg!

27 則留言:

  1. 「龍友影隆起籮柚女友變籠友」

    陰公!得個睇字,摸都未摸過就入籠!

    回覆刪除
  2. naruto:

    半推半就咁喇!阿桑奇同一個女人,做愛兩次,其中一次無用套,都被控告強姦喇!而同另一個女人好似仲慘情,只係個套篤爆佐咋!陰公!問佢下次仲敢唔敢咁用力!哼!

    回覆刪除
  3. 佛爺

    嘩!
    夾硬嚟的後果咁嚴重架

    唔怪得阿桑奇做唔到2010風雲人物
    做鐵漢啦

    回覆刪除
  4. 卡臣:

    漏佐講!阿桑奇衰在去郁維京獸女!公元九至十一世紀係海盜黎架嘛!姦淫擄掠!海盜美女將佢,趙完告,都得呀!

    阿桑奇以為自己係1066年的諾曼第人William the Conqueror呀!將維京人做低呀!佢係澳洲人,即係英國人的後代,咁,維京人不騮都食硬佢地架!嘻嘻!

    回覆刪除
  5. 佛爺

    多謝歷史資料提供
    原來佢哋祖先一早已經決定了他們的勝負

    回覆刪除
  6. 咁難諗嘅食字野你都可以玩多十條,你真係長寫長有喎,羨慕死人喇^^

    回覆刪除
  7. to 佛爺:
    只係講夾硬嚟就變左阿桑同歷史,好野

    回覆刪除
  8. 好嘅,大家都睇到,阿卡臣,实在系好关心香港,爱香港;香港好,大家好,卡臣重更加好-----

    回覆刪除
  9. 嘩,你啲死火令陸續有嚟。

    仲有呀,你揀首歌都有廿年囉。

    回覆刪除
  10. naruto

    to 佛爺:
    只係講夾硬嚟就聯想到霸王上硬, 再諗到阿桑奇同歷史,好野!

    ++++

    helloinine

    this is our home
    this is our place
    we love Hong Kong

    大家都好好

    ++++

    歪歪

    乜你咁醒!
    真係俾你估中
    最後仲有多一篇

    回覆刪除
  11. 卡臣:

    我讀過一下維京人的歷史呀嘛!原來維京人自己無記低自己的歷史,只有被她們霸王硬上弓的英國,和其他歐洲國家,有記錄這些海盜的姦淫擄掠所為囉!奇呢?奇在佢地有先進的船隊指揮技術!嘻嘻!

    回覆刪除
  12. 佛爺

    「奇在佢地有先進的船隊指揮技術」
    可能佢哋得外星人幫助啩

    回覆刪除
  13. 食之靈芝另對靈芝零知识!

    哈哈哈~ 对称!

    回覆刪除
  14. 卡臣:

    你又講得幾岩,佢地真係有外星人幫助,佢地造既船,設計好特別,可以抵擋得住北海的巨浪,又可以進行淺灘登陸,兩全其美。不過咁,維京人姦淫擄掠,唔通又係外星人傳授既!嘻嘻!

    唔通維園阿哥,又係外星人?嘻嘻!

    咁,我都想做外星人囉!嘻嘻!

    回覆刪除
  15. 『真係俾你估中
    最後仲有多一篇』

    估中有冇獎先?
    咪話獎我睇多篇呀!

    回覆刪除
  16. 咁下次會唔會有篇叫“卡臣呢個瘟神無神神變咗追宅男女神嘅少年食神”呀?

    回覆刪除
  17. 嘿嘿

    好嘢喎
    你的仲工整

    +++

    佛爺

    維園阿哥...係咪被人設局屈架?
    外星人拯救唔到佢啦

    +++

    歪歪

    bingo
    送你睇多篇咁少咩?
    仲會多送你申尾曲
    請笑納

    +++

    largeheadboy

    好喎!個題起得好
    咁多神!
    阿michael胃口真好

    回覆刪除
  18. naruto

    好句好句

    回你一句

    新歌手伸手摸哥哥隻手

    回覆刪除
  19. 卡臣:

    維園阿哥的行為出位,搶咪等,反映他自我形象低落,是有可能係強姦犯的!大部份強姦犯也是有性伴侶的,他們的行為是出於自卑和自我形象低落,與鹹濕沒有構成直接關係,這是世俗的錯誤觀念!以為強姦犯是出於性慾高漲。

    回覆刪除
  20. naruto

    都係係勁啲!

    +++

    佛爺

    原來如此, 又上了一課心理學

    回覆刪除

LinkWithin

Blog Widget by LinkWithin