~~~~~~~~~~~~~~~~







2010年12月31日 星期五

伸連快樂

伸連快樂

眨吓眼又到年尾,又到除夕。光陰似搗水般流走。很多年初計劃想做的事情,到了年尾最後都沒有做到,只怪自己決心唔夠。

多謝大家在過去一年睇小弟之blog。除了一向的老朋友外,今年還認識到新的本地網友。還有幾位東南亞網友:嘿嘿helloninie、和cindy。我擔心其實你們是否明白我寫的廣東話。

無論閣下是來自本地或是海外,相信 閣下發現這個blog,
可能某一次從搜尋器中 唔覺意 誤撞進來;
也可能 從別人的blog 伸連過來。
就讓我在這個新年,講聲:



愈多伸連,找到愈多快樂!

送上賀年歌曲。
(讀書時代,同學說我樣似黃品源,都有幾分架,大家都有眼耳口鼻嘛。)




新年快樂 - 黃品源
作曲:黃品源
作詞:許常德

繽紛的街頭 在人群裡頭
一種不能解釋的寂寞
有一股衝動 想要去問候
此時此刻你在做什麼

除夕的廣場 倒數的時刻
跨過今年希望會更多
分開那麼久 思念卻更濃
很想對你說新年快樂

你曾是我最最最難忘最最最惆悵
人在歲月中流失多少夢 哦~
曾經我也是你最知己也最依賴
青春情事不易再重來 哦~

新年快樂 我最好的朋友
祝福的心時時都會有

世界那麼大 如何不牽掛
記憶是樹 它已經長

41 則留言:

  1. I.minor

    舊朋友 心緊扣
    願有知己暖心頭

    ++++

    eben

    我估你從校長那邊伸連過來

    happy new year!

    回覆刪除
  2. 卡臣,祝你新年進步 伸連快樂!愈多伸連,愈多人揾到呢度,就愈多人找到快樂!

    你又似台灣歌手?不過睇落你又真係有啲似黃品源喎!

    回覆刪除
  3. 歪歪

    你呢位長期支持的舊朋友
    多謝你就真

    係呀
    叫我「品源」啦

    祝你和家人新年新生活!
    開心愉快

    回覆刪除
  4. 卡臣兄, 合皮扭耳牙!2011年更開心!

    回覆刪除
  5. xiao zhu

    妳也要身體健康
    心境要愉快啊

    +++

    瘋go

    合皮扭耳吐(too)

    回覆刪除
  6. 卡臣,唔爭在貼埋張相上來俾我哋一眾讀者睇下啦,左卡臣,右品源,點睇?

    祝新年貴博更進一步伸連,係呀,要講聲多謝,你的部落是我寒舍的高伸連戶,前三、四位!

    回覆刪除
  7. 卡臣:

    祝你新年快樂!回顧過去一年,我有不少鹹濕意見,令你好尷尬!請你不要見怪!無鹹味,我就不知道說什麼才是了。

    現就祝你的博客明年百尺竿頭,更上一層樓!祝你個人就 ..... 由下而上,精精日上!嘻嘻!

    回覆刪除
  8. 歪歪:

    我就借卡臣之地,祝你新年快樂!你的「重生」,教我動情,寫了一篇無鹽小品!你給了我啟發:文,不一定要有鹹味才有情的!嘻嘻!

    回覆刪除
  9. coffee

    我個樣呀?
    新年咁開心日子
    唔好倒大家胃口啦
    妳將黃品源張相打上薄格
    就似係我啦

    我也有不少客人由妳blog伸連過來呀
    謝謝妳

    +++

    佛爺

    嗱! 你咪咁客氣
    我點會嬲呀
    你的意見擲地有聲,啪啪聲架!

    我祝返你個blog思如泉湧
    另外 早點替那個長篇一個小結
    太長篇好易迷失架

    祝我谷精上腦?
    變成鼻涕由鼻哥排出
    舒服哂

    回覆刪除
  10. 歪歪

    佛爺的blog寫了一篇「未曾深愛已有情」
    由你的「重生」啟發而成

    好溫情架

    回覆刪除
  11. 卡臣:

    你說得對,寫得太長會迷失!構思情節越來越困難!但我仍然會交待幾個人物的關係,才會把那篇長劇完結!

    嘩!卡臣!謝謝你幫我推廣呀!讓我可以突破淫像!嘻嘻!

    回覆刪除
  12. 佛爺

    咁我2011年等你新故事
    多啲感性少點鹽花

    你要突破淫像?
    唔使啦
    這是你個人風格嘛

    回覆刪除
  13. 卡臣:

    咁又係!江山易改,淫根難除!我都係要還我本色!即係,好色!嘻嘻!

    回覆刪除
  14. 卡臣,你刪除咗上面我揾俾你黃品源張相呀!

    佛爺真係勁呀,唔聲唔聲嚇我哋一驚,如果唔係啲相,我真係認唔出係睇緊佛爺嘅博。

    回覆刪除
  15. To佛爺:

    之前有幾次睇你個blog(但未細心睇),因為成日有張疑似淫相飛下飛下,同事睇到就唔好,返屋企睇就重大獲,俾老婆見到以為我咩事!祝你新年快樂!身體健康!故事長寫長有,重有"BinBin”有力!(我d中文係咁上下,成日錯字加白字)

    回覆刪除
  16. 佛爺

    係呀
    這才是你的本色啊~

    +++

    歪歪

    聽我解釋先:

    我gmail通知我你其實一早9時半已經留言
    但奇就奇在blogspot沒有顯示出來

    留言板上,你10:30那段留言
    其實是我copy & paste上去架
    是網頁的錯吧
    我又沒有set filter
    希望你明白

    +++

    cindy

    新一年健康愉快!

    +++

    I.minor

    哈哈
    我在office開佛爺的blog都有壓力
    啲相仲要彈吓彈吓先攞命
    驚人背後話我鹹濕
    愉愉地較到最細去睇

    回覆刪除
  17. 卡臣,我仲以為我之前個留言打完唔記得撳發表個掣,唔通blogger連黃品源張相都要河蟹。

    回覆刪除
  18. 新年快樂!

    今年的新讀者丶明年的舊讀者 
    SKII

    回覆刪除
  19. 我係新讀者呀,呵呵

    祝:創意無限

    回覆刪除
  20. 哈哈,寻日过左埠,即系去左另一个城市,无时间上网添。
    我系正宗嘅广东人黎架,不过读书时系读普通话,我地黎度叫做华语咯!
    我重番乡下睇下旧时我阿爷住过嘅祖屋添啊,系广东省中山县沙溪圣狮村。
    今晚你有开party,倒数新年吗?

    回覆刪除
  21. 我唔記得係喺邊度伸連過嚟
    不過我伸連得好快樂
    新年快樂!

    回覆刪除
  22. 卡臣, 新年快樂! 祝一年比一年好! fans一日比一日多! ^^

    回覆刪除
  23. SKII

    「明年的舊讀者」?
    即是明年會繼續睇我?
    多謝先

    +++

    naruto

    多謝先

    你都創意澎湃呀!

    ++++

    helloninie

    原來妳是廣東人
    咁應該明白我寫乜了

    今晚和家人在家中吃飯倒數
    人大了,重視家人多過朋友

    妳一家人也盡興吧

    回覆刪除
  24. largeheadboy

    我估你從naruto那邊伸連過來吧
    繼續快樂啦!

    +++

    自由行

    新年快樂
    快啲寫返嘢啦

    +++

    Phyllis

    妳也是
    一年比一年進步啊!

    回覆刪除
  25. l.minor

    新年快樂!我D英文係有限公司,睇見BinBin,就想到鞭鞭。如果我諗錯,你都要收貨架喇!嘻嘻!

    你唔洗咁驚喎!我個博,保證三點不露架!唔洗用套,套住架!

    回覆刪除
  26. 歪歪:

    有人睇完我篇無味淡文,都問我,係咪比人整古佐,插贓嫁禍!放佐篇咁既野入去,佢都以為入錯博!嘻嘻!

    回覆刪除
  27. 卡臣:

    彈下!彈下!當然有壓力!咁大動量,個頭「伸連」埋去,分分鐘會窒息!嘻嘻!

    回覆刪除
  28. 卡臣,我今日開始就係舊讀者喇,期待...

    回覆刪除
  29. SKII

    我多謝妳仍看我
    我也是 貴blog的舊讀者

    回覆刪除
  30. 卡臣, 新年快樂!! 新一年寫多啲唔同題材嘅文呀, 最緊要日日都有新靈感~~

    回覆刪除
  31. folium

    日日都有新靈感~~
    ==>承妳貴言啦
    我很需要

    回覆刪除

LinkWithin

Blog Widget by LinkWithin