~~~~~~~~~~~~~~~~







2010年7月14日 星期三

畢業相

畢業相

Rita畢業於香港大學,踏進社會,工作了三年。她工作表現優越,獲得上司重用,三年間已由officer晉升到助理經理。她的男朋友叫Keith,是一名政府公務員。

* * * * * *

到了每年的十月,有一個現象:就是各間大學的應屆畢業生,會穿起畢業袍,跟家人朋友拍畢業照留念。

雖則畢業生們下一步要踏入社會工作,但他們的心智似乎還未預備好,左手捧著毛公仔、右手貼著面頰作出「V」字手勢、口中發出「yeah!」字嘴形或嘟嘴。十分Kawaii呢!

這現象不單只在各大校園的campus內見到,甚至蔓延到各大公園:畢業生們穿起畢業袍,在迪士尼樂園、黃金海岸、濕地公園、淺水灣、赤柱墳場內,留下倩影。

這種拍照風氣,最令Rita摸不著頭腦,甚至是看不起。舉例:你在香港大學讀了幾年書,為什麼要去香港公園影畢業相呢?難道貪那裡有瀑布?有百鳥居嗎?Rita更笑言:「自己打死都唔會在校園以外的地方拍畢業照。」(當年她只在校園內影畢業照)。

不過,香港是一個自由社會,人享有活動自由,畢業生喜歡到地盤、公廁或者垃圾站前拍畢業相,都是個人的選擇,無可厚非,吹佢唔脹。

* * * * * *

十月下旬,這個星期六下午,Rita在辦公室內執拾物件。今天是她在這間公司的last day。人望高處,她又搵到新工,下個月一號返新工。上司都捨不得Rita辭工,無奈新工作的package更吸引更有前途。

臨走前,上司送了一束鮮花給Rita,答謝她過去對公司的努力。下午1時,男友Keith上公司,幫手搬走Rita的私人物件,離開這間工作了三年的公司。

Keith和Rita捧著大大小小,乘的士返回Rita位於慈雲山公屋的屋企。Keith和Rita落車後,需要步行經過一個憩息公園後,才可回到Rita所居住的大樓。

兩人行經憩息公園,見到一個女畢業生,站在set好的相機腳架前,她的男朋友正替她整理畢業袍和頭髮。

Rita見到,眉頭一皺,細細聲同Keith講:「有無搞錯?影畢業相,連慈雲山屋邨公園都唔放過?」
Keith:「人哋鐘意影咪得囉,妳又睇唔過眼呀?」

Rita見女畢業生兩手空空,無揸花、無揸公仔,都叫做「仲有得救」。

正當Rita行近女畢業生時,Rita打算給予一個「嗤之以鼻」的表情給女畢業生。突然,女畢業生轉頭叫:「嫲嫲!」

女畢業生的父親,扶著從慈雲山老人院步出來的嫲嫲。原來撐著柺杖的嫲嫲,行動不方便,不能遠赴院校,父親跟女兒便專誠來到這裡,跟嫲嫲合照。而女畢業生的男朋友,原來是她的哥哥。一家四口(可能媽媽已離世),準備站在相機前合照。

原來女畢業生咁孝順,Rita理解事情後,知道自己怪錯好人。跟Keith交換一個眼神,Keith把手中那束鮮花,借花敬佛,送給女畢業生。

女畢業生嚇了一跳,推卻不要。在Rita的誠意拳拳下,女生收了那束花。嫲嫲用甩牙的聲音說:「多謝妳呀…後生女…咁客氣…我個孫女好叻架…大學畢業…」

Rita和Keith報以微笑,女畢業生主動要求來個六人大合照。結果,Rita首次在校園以外的地方,跟人拍畢業照。Rita在數碼相機翻睇一吓相片效果。

嘿,六人都笑得好開心呀。




到了某年紀,人成熟了,便會回頭望,對下一代指指點點,搖頭輕嘆。其實自己年輕時也曾錯過,可能錯得仲離譜呢。


如風往事 - 李宗盛 盧冠廷
作曲︰盧冠廷
填詞︰李宗盛 唐書琛

李︰往事像一場夢 將我的心輕輕觸動
從前的我沒法懂
人生路怎麼會困難重重
盧︰踏過的路裡 交織笑聲與眼淚
起跌的半生 輾轉添喜與悲
李︰你看那時間如風
不留痕跡將歲月輕輕送
不在乎是否活在掌聲中
只求心與你相通
盧︰回望在往事裡
又見像似亂絮的情懷
彷彿飄遠的一個我又到身邊
一再舊情傾訴

盧︰就算失落過 都不想變改往事
因那所有的舊事 烙印在現在的我
李︰你我如此相同 用歌聲傾訴悲歡感動
就算有苦衷 點滴盡在不言中
李︰請看那時間如風
告訴我們人生太匆匆
不在乎是否活在掌聲中
願從此心裡輕鬆
盧︰徘徊在歲月裡
願有未老未冷的情懷
天天躺進新感覺裡
讓我一生悲喜裡漫遊經過

對白︰
盧︰喂!你好嗎?
李︰好啊 可是覺得有點累
盧︰其實我都覺得好累 或者人生就係咁啦
李︰對啊 現實的生活是很累人的 我想
盧︰但是我覺得我可以做自己鍾意做嘅嘢
已經很幸運了。Hi Jonathan
睇番以前你實請有冇後悔過?
李︰一點都不會 雖然累 可是很值得也很安慰
盧︰希望我哋一生 對生命都無悔
合︰OK

李︰因為那時間如風
告訴我們人生太匆匆
不在乎是否活在掌聲中
人從此心裡輕鬆
盧︰徘徊在歲月裡
願有未老未冷的情懷
天天躺進新感覺裡
讓我一生悲喜裡漫遊經過

李︰雖然那時間如風
雖然那人生太匆匆
盧︰讓我一生悲喜裡漫遊經過

37 則留言:

  1. 卡臣:

    我一出世已經係錯咗喇!如果我今世係熊貓,就盞鬼喇!嘻嘻!

    回覆刪除
  2. 佛爺

    乜你今日咁玄?

    熊貓..懶交配喎

    回覆刪除
  3. Rita理解事情後,知道自己怪錯好人。跟Keith交換一個眼神,Keith把手中那束鮮花,借花敬佛,送給女畢業生。。。

    跟住Rita送埋keith比女畢業生。。。。

    嫲嫲用甩牙的聲音說:「多謝妳呀…後生女…咁客氣…連男友都送,我個孫女好叻架…大學畢業…」

    回覆刪除
  4. naruto

    哈哈!

    正喎呢個結局!

    老豆多了個女婿
    正!

    回覆刪除
  5. 卡臣:

    動物園熊貓就懶交配,因為送到上門。野生大熊貓要爭女,大打出手,好搏命架!嘻嘻!

    回覆刪除
  6. 佛爺

    咁「野生大熊貓要爭女」
    同我呢篇畢業相
    又存有什麼聯繫呢?

    回覆刪除
  7. 卡臣:

    我覺得你呢個故事好touching喎!可能有d同感,不過我未試過係公園影畢業相...

    回覆刪除
  8. I.minor

    曾幾何時
    我都係rita
    藐爆那些公園影畢業相的人'

    後來我參透了
    事情不要只看表面
    寫這個故事懺悔吓

    回覆刪除
  9. 老人家畢業,真係好令人佩服。呢篇都算係人間有情吖!

    依家啲後生影相整古做怪,其實係數碼相機嘅副產品,以前買菲林、沖曬相片,下下都係錢,影到鬼五馬六,實俾阿爸阿媽鬧啦!

    回覆刪除
  10. 歪歪

    同意呀
    按個delete掣便成
    真的可以狂影

    我有些朋友是病態影徒
    乜都要影一餐

    回覆刪除
  11. 我都很怕那些人只睇一面而狂炳別人,發洩完發覺炳錯人後又唔講sorry就最可憎。

    回覆刪除
  12. tee

    我都討厭那些聲大夾惡的人
    惡有惡報啦希望

    回覆刪除
  13. 病態影徒。。。。我都好似係喎!

    回覆刪除
  14. 也曾看不過別人庸俗跟風,
    這篇反映了另一面,
    好呀卡臣!

    回覆刪除
  15. 到公園影畢業相OK,但我都唔明點解要揸公仔。冇一個國家的大學生會咁做.

    回覆刪除
  16. 卡臣:

    我經常都語無倫次架喇!我都係病態影徒來架!嘻嘻!

    回覆刪除
  17. naruto

    你邊係病態影徒呀?
    你發掘咁多有趣題材
    益吓讀者
    分享笑聲

    ++++

    巴黎

    凡事兩面睇
    真係唔好咁早下判斷

    +++

    小妮子

    香港的細路仔唔想長大
    成年人又唔認老
    老年人又返老還童
    咦?
    咁大家都好年輕!

    +++

    佛爺

    唔好互啤後
    搵刀捅我就得啦

    回覆刪除
  18. 呢嗰故事好真,喺唔喺親身經歷?
    搵個靚景影畢業相,都OK丫。

    回覆刪除
  19. eric

    不是親身經歷
    只不過朋友傾起大學生揸公仔影畢業相
    大家都唔贊同

    去靚景影畢業相
    香港自由社會
    各式其式啦

    回覆刪除
  20. 卡臣:

    「唔好互啤後
    搵刀捅我就得啦」

    哈哈哈!笑到我肚痛!

    回覆刪除
  21. 我突然想落公園攬住隻毛公仔影相扮大學畢業,又算唔算病態呀?

    回覆刪除
  22. naruto

    「你落公園攬住隻毛公仔影相扮大學畢業?」
    病唔病態?

    睇出發點囉
    如果你諗著影低
    放上你blog同大家分享
    做出咁忍辱負重的事情
    是我們讀者之福
    一點都唔病態
    仲好堅強添

    or
    你諗著咁樣會出名
    從功利主義角度睇
    你唔病態
    仲好正確添
    放膽去啦

    回覆刪除
  23. 我見過有人著住件畢業袍番教會影相,件野同牧師件袍差唔多樣,真吹漲!

    回覆刪除
  24. coffee

    唔係
    妳專影蝴蝶/蜻蜓/花
    應該係「生態影徒」

    ++++

    ebenezer

    等我來個中文造句練習先:

    我見過有人著住件畢業袍去馬戲團影相,件野同魔術師件袍差唔多樣,真吹漲!

    回覆刪除
  25. 卡臣:

    哈哈哈!件畢業袍真係似魔術師件袍多些!

    回覆刪除
  26. 佛爺

    除咗似魔術師件袍
    都似客人去剪髮時穿那件

    回覆刪除
  27. 一路睇一直睇到嫲嫲出場, d眼淚就必左出黎... 真係唔好太偏面, 各有前因, 各有喜好, 何必諗人家咁多野...

    跟住睇埋卡臣 d 摯友既留言, 真係一個比一個好笑, d 眼淚又再必出黎...

    太好睇啦~~~~ 我好鍾意呢個故仔!
    點解卡臣有咁多好故仔呢 ? 可以訓練嗎??

    回覆刪除
  28. kateyip

    啲留言真係鬼馬架

    睇一半便下定論
    我們常犯的錯誤

    妳喜歡就最好啦

    寫故事點訓練出嚟?
    只要將結局寫到推反常理便成

    想了一個奇情結局後
    舖番個正經開頭便成

    回覆刪除
  29. 卡臣, 寫故仔既情節都細緻, 而且無中生有咁諗一個結局....
    應該係天才至可以好似你咁多產 !
    每次睇完你既作品, 都好想寫d野.... ^^

    回覆刪除
  30. kateyip

    天才/鬼才
    我都唔敢當
    想寫吓嘢同大家分享吓咁囉

    如果妳想寫嘢
    是因為我感動到妳
    我會好開心

    如果妳睇「畢業相」令妳感動的話
    我推薦我2009年12月的「紅塔山香煙」
    催淚之作
    不妨一看

    最後
    「胎story」文中有hidden結局
    不知妳看過未有?

    回覆刪除
  31. 卡臣:

    再睇番呢篇文,我當時也想不到那些女生的心態!

    回覆刪除
  32. 佛爺

    你升呢了,你現在是佛爺伊德了。

    回覆刪除
  33. 其實喺邊度影我又唔係好大關係,正如你文中寫的,可能要就老人家。但拿着公仔就眞係吃不消!

    回覆刪除

LinkWithin

Blog Widget by LinkWithin