~~~~~~~~~~~~~~~~







2010年5月21日 星期五

十年人事幾貪新

十年人事幾貪新

當Eddie再次抬頭向前望,目光接觸到七尺之外,一張熟悉的臉,Eddie的五指本能地鬆開Eva的手,強作鎮定:「Hi!Debbie……好耐無見.....」

* * * * *

Eddie八年前結婚,過著平淡的婚姻生活。循規蹈矩的Eddie不是玩家,婚前婚後均沒有嫖妓的紀錄。其實Eddie都幾「御宅族」,但求放工回家打機上網。太太忙煲劇,夠鐘就兩人上床瞓覺,相安無事,沒有任何爭吵或頂撞。

內向的Eddie,傻人有傻福,竟然給他在工作上,無意間搭上一名女客戶,叫Eva。久旱逢甘霖,兩人火速撻著,重燃起Eddie七年前年輕時躍動的心,跟Eva展開地下情。

Eddie跟Eva偷偷約會,在熱鬧的大街大巷或公共場所,他們會保持適當的身體距離,表面看似一對正常社交的普通朋友。但一去到人流稀疏的地方,他們就會情不自禁地拖手。抓緊每一刻的甜蜜溫馨。

某個星期天下午,Eddie約Eva來到新界某新區,逛一逛這個新開幕的shopping mall。Eddie想這個偏遠地方,撞到熟人的機會甚低,大膽起來,牽著Eva的手,在商場內逛店子。

兩人有傾有講,Eva的笑話令Eddie垂頭大笑。當Eddie再次抬頭前望,目光接觸七尺之外,有一張熟悉的臉,Eddie五指本能地鬆開Eva的手,強作鎮定:「Hi!Debbie……好耐無見.....」

Debbie是Eddie的預科同學,Eddie八年前的婚宴,Debbie也是座上客。Debbie七年前結婚,也有邀請Eddie出席,打後七年,他們沒有再碰面。如今Debbie的兒子已經六歲了。碰巧今天,Debbie也攜同丈夫和兒子,一起逛這座新商場。兩人在路中打個照面。

Eva知道Eddie遇見朋友,鬆手後企在一旁,保持微笑。Eddie知道Debbie一定已經見到他們拖手,不如落得大方,搏一搏。向Debbie介紹Eva:「我太太呀,妳仲認唔認得呀?」Debbie八年前在婚宴上見過Eddie太太一次,仲係化哂新娘「恆」妝,八年後當然認唔到,Debbie扮哂friend咁:「哦!我認得,仲靚咗後生咗添!」Eddie極力點頭,陪著傻笑。

之後兩人一堆公式化對話:「又會咁蹺嘅!」、「我哋交換電話先啦!」、「add我facebook吖!」、「揾日出嚟食飯吖!叫埋呀邊個邊個一齊吖!」、「我都好耐無見過呀邊個啦!」、「再電聯呀!」

Eddie跟Debbie告別後,拖著Eva離開。Eddie向Eva解釋剛才事非得已,Eva沒有怪責Eddie,她反而為了能充當三分鐘Eddie太太而感到欣慰。

* * * * *

Debbie當晚回家,好奇的兒子問媽媽:「今日撞到嗰個uncle係邊個?」Debbie特地翻箱倒篋,找出Eddie的那輯結婚相,向兒子說:「你睇吓!媽咪嗰時幾靚女!你仲未出世架!」Debbie這時見到相中的新娘子,瞳孔擴張!心中一句:「Eddie你個衰仔!」

* * * * * *

翌日,Debbie在辦公室打電話給Eddie,一輪開場白寒暄廢話之後,Debbie入正題。
Debbie:「我噚晚睇番你啲結婚相,你老婆真係唔同哂樣喎!整過容呀?」
Eddie(強作鎮定):「無呀!咪又係佢,十年人事幾翻新嘛!」
Debbie(存心挑釁):「係咩?你facebook入面有你老婆個樣,同噚日嗰位唔似嘅?」
Eddie(死撐):「咩唔同!咪又係佢!我諗角度問題啩。」
Debbie奸笑中:「嘿嘿……」
Eddie不甘示弱,無中生有,亂咁揾啲嘢攻擊返Debbie:「唔似我老婆?哼!妳個仔嗰樣夠唔似妳同妳老公嗰樣啦!」

怎料Eddie胡扯一句,奸笑中的Debbie立即收聲,再笑唔出聲。
Debbie(口窒地扭開話題):「呀!你…有無見過….Judy呀?聽講佢….離咗婚….」
Eddie(反客為主):「係呀?!女人揀錯老公好大鑊呀?係咪呀Debbie?…」
Debbie(走唔切咁):「喂!我有電話入,揾日再傾,拜拜!」
Eddie(倖倖然):「好呀!揾日呀!拜~」
掛線後,Eddie望著電話,藐藐嘴:「哼!同我鬥?未死過!」

一個月後,Eddie和Eva到離島遠足,手拖手在山路上走著,迎面有一對牽著手的情侶走過來,睇真啲,嘩!竟然是Debbie拖著一名中年男士,男士的五官和Debbie的兒子,一模一樣,如餅印般。但該男士不是Debbie的丈夫。Eddie終於認得出這位男士,他就是同校讀中七文科7B班的宋凡平。Debbie和宋凡平都是當時天文學會的正副主席。

今次Eddie沒有鬆開Eva的手,相反Debbie心虛,第一時間鬆開宋凡平的手。Eddie嘴角朝上,微笑起來。

大家知道發生什麼事情,兩人沒有打算相認。當四人身體距離最接近之時,Eddie的雙眉向上戚,發出無聲的兩吓「咚拗」,而Debbie也回禮,她雙眉也向上一擺,報以兩吓「咚拗」。四人扮唔識咁擦肩而過。

Eddie行了幾步後,想回頭睇吓Debbie有無在自己背後,竊竊私語。當Eddie回頭瞄一瞄Debbie,怎料Debbie也於同一時間扭轉頭回望Eddie,兩人四目再次交投,只好尷尬地微笑,嘴角再向上戚一戚,遙遙互相交換一個眼神。

Eddie跟Debbie擁有相似的秘密,那兩吓同聲同氣的「咚拗」,無聲勝有聲,盡在不言中。Eddie望一望手錶,不經不覺已經是黃昏時分,應該回市區了。Eddie拖在長長的影子和疲倦的身軀,懷著愉快的心情,踏上歸途。




Debbie和宋凡平的學生時代puppy love,延續十年。
點解我會揀陳昇和劉若英的《冰點》呢?因為MV中有一段學生荳芽戀情。
校服呀!我鐘意呀! (MV最後一分鐘好正架!)

冰點 - 陳昇 劉若英
作曲/作詞:陳昇
 
在一夜之間 走到了冰點
你說你不明白 圍困在愛情的牢
彷彿有那麼一天 忽略你的話
你曾說天已老 你就不再聽我的歌

男人在激情的夜里許諾 驕傲的不肯說 
心裡想著 I wanna freedom
女人從激情宿醉中醒來 
承諾在我和你之間凝結

從冰點到今天 都已過了好幾年
從今天到明天 你我都為愛自憐
從冰點到今天 是否都為愛情老
從明天到永遠 你我不停的犯錯
你說你那樣愛我 如今算什麼
因為你發覺仍圍困在愛情的牢
我想我愛上了雨 雨沒有說話
可是你愛上的是永不停息的風

男人在激情的夜里許諾 風雨的夜晚裡傳來
I wanna freedom
女人從激情宿醉中醒來 承諾在我和你之間凝結

從冰點到今天 都已過了好幾年
從今天到明天 你我都為愛自憐
從冰點到今天 是否都為愛情老
從明天到永遠 你我不停的犯錯
是否都為愛情老

17 則留言:

  1. 卡臣:

    十年?我有一些朋友,每十個月就見佢有新女友。搞到我都記唔到佢地女朋友叫乜名呀!陰公!

    回覆刪除
  2. 哈~~卡臣d故仔真係好好睇...會心微笑...
    我以前聽過一段說話, 大意係講.
    無論選擇結婚或單身, 到後來,大家都係會失望同後悔...
    睇黎都係唔好羡慕別人啦~

    回覆刪除
  3. 佛爺

    你的朋友不是很靚仔
    就一定很有錢啦
    或者好勁

    ++++

    kateyip

    我都聽過一句說話
    「現代夫妻唯一的共同點:就是他們在同一日結婚」
    好應景呀

    回覆刪除
  4. 卡臣, 睇你既 blog, 真係令我有 d 釋懷...哈~~~哈~~~
    有好多野我都諗唔通又睇唔透, 但你d故仔就話我知, 好多野自以為係美好, 只因自己無擁有!

    回覆刪除
  5. Kateyip

    多謝先
    乜原來我的故事有咁嘅效力?

    林夕說:「但凡未得到,但凡是過去,總是最登對」
    得不到,看不清,是最美好

    回覆刪除
  6. 我都好鍾意林夕架 !
    你d 故仔對我好有效架, 所以我一有時間就上黎睇, 遲d有時間會追番 d 舊故仔...唔好嘥!!
    hahaa~~

    回覆刪除
  7. Kateyip

    多謝支持先
    我覺得我有啲舊作都幾好笑架


    +++++

    naruto

    eddie 同 debbie 有路?
    因為eddie 加個 「D」字,變成debbie之故?
    而「D」字就是一個廣東字的發音

    回覆刪除
  8. 卡臣好多時改名都別有心思...好讚呀!
    一于今日佛旦假, 追兩三篇先~~

    回覆刪除
  9. 喂,你啲「人間有情」嘅故仔去哂邊呀?呢篇算係「人間偷情」。

    第一段講嘅夫婦關係都係幾無奈。

    回覆刪除
  10. 不如下次佢哋四嗰約吓出嚟搞吓4P,更加刺激。
    嗰兩下動L真喺好好笑。

    回覆刪除
  11. kateyip

    多謝抽空翻看先


    ++++

    歪歪

    我啲「人間有情」篇..
    無乜存貨呀
    唯有急忙諗吓
    希望六月下旬有啦

    ++++

    eric

    4p?
    咁正!

    結果eddie對宋凡平
    debbie對eva
    x_x

    回覆刪除
  12. 因為eddie 加個 「D」字,變成debbie之故?
    .....原來有咁嘅典故

    回覆刪除
  13. 卡臣:

    你又講得對!你業餘幫人睇相架?嘻嘻!

    回覆刪除
  14. 佛爺

    哈哈
    我亂估一通啫

    男人溝到女
    一係有型有款
    一係就有現款

    回覆刪除
  15. 卡臣:

    一係有型有款
    一係就有現款

    你這兩句真係好精湛!

    回覆刪除
  16. 佛爺

    我精湛?
    點夠你精闢

    你最精講精嘛
    哈哈

    回覆刪除

LinkWithin

Blog Widget by LinkWithin