~~~~~~~~~~~~~~~~







2010年5月13日 星期四

貝爾法斯特

貝爾法斯特

Manson飲到醉醺醺,聽到佐治叔咁講,竟然哈哈大笑起來,Manson拍爛手掌話:「哈哈!講得好!講得好!多謝你話俾我知呀!哈哈。」佐治叔跟著也放聲大笑,把杯中啤酒,一飲而盡。

* * * * *

25歲的Manson,父親70歲、母親65歲,還有一位39歲的家姐。母親在40歲那年意外懷孕,以40歲之高齡誕下Manson。當時14歲的家姐突然多了一個趣緻弟弟,家姐十分愛鍚這得意BB,幫母親手餵奶掃風換尿片呵瞓覺。

光陰飛逝,當天家姐手中的嬰兒,今天已經25歲。自幼兩姐弟感情要好。雖然年齡相差14年,但家姐時常照顧和提攜弟弟。如今,39歲的家姐己經嫁人,有一個3歲女兒,家姐婚後已經搬出娘家。65歲的母親早已退休,專心揍孫女。

Manson在理工大學讀攝影,畢業後在雜誌社當攝影助理,因為公司清減人手,Manson被公司裁了出來。閒賦在家中,繼續寄出求職信。可惜無乜回音。

Manson十分節儉,之前在職期間儲了一萬元,他的一位大學同學去了倫敦深造讀碩士,經email溝通後,Manson只需出機票錢飛去倫敦,住宿由同學包起。Manson決定趁這空檔,去倫敦旅行一個月,影吓相、遊歷吓。

母親知道Manson去英國的計畫,吩咐Manson順道去愛爾蘭探一探舅父。正確一點來說,68歲的舅父住在北愛爾蘭首府貝爾法斯特,在華人社區內開設中國餐館。1989年,因為信心危機,當時48歲的舅父有機會去貝爾法斯特打工,當中國餐館廚師。後來老闆怕咗「北愛爾蘭共和軍」的炸彈襲擊,要返回威爾斯。老闆用一筆很平宜的「頂手費」,將餐館轉讓給舅父繼續經營。

舅父離開香港那年,Manson只得五歲,而且舅父一去二十年都無返過香港,Manson對舅父印象模糊。只記得他改了一個英文名叫George。

* * * * *

傍晚時分,Manson終於抵達了貝爾法斯特國際機場。室外氣溫只有15度左右,Manson乘黑色計程車去舅父的餐館。車窗外的貝爾法斯特市,維多利亞時期的古老建築物和新商場並肩而立。十年前「北愛爾蘭共和軍」和「北愛自由軍」簽訂「貝爾法斯特協議」後,內戰停火。但在較偏遠的地方,仍可找到佈滿子彈洞的建築物。

Manson找到舅父的中國餐館,待應都是阿叔輩,他們的衣著打扮停留在80年代。Manson說:「唔該我想搵老闆。」地中海阿叔用台山口音大嗌:「佐治叔,有個後生仔揾你。」

一名秦沛模樣的男人走出來,笑笑口說:「哈哈!你就係文仔啦!咁大個仔啦?」Manson母親事前已經用長途電話知會舅父Manson的到訪。舅父說:「文仔,你叫我佐治叔啦,呢度人人都係咁叫我架!」

好客的佐治叔先安排一頓豐富的中菜晚餐,替Manson洗塵。之後安頓他在前舖後居的一間細房內休息。第二天,Manson獨自在貝爾法斯特遊覽,到動物園和博物館參觀。
當晚,Manson看電視新聞報導,一批反對英國統治的北愛分離分子在貝爾法斯特的勒根發動示威,向警察投擲汽油彈和石塊。Manson頓感香港是一個安居樂業的太平地方,實在身在福中不知福。

Manson逗留了三天,明天早上乘機飛回倫敦。佐治叔跟Manson吃晚飯後,帶Manson去酒吧飲酒。愛爾蘭人愛飲酒抽煙,兩人開始對飲長談。酒過三巡,兩人都已經醉了八成,嘻嘻哈哈,胡言亂語。

佐治叔突然停了笑聲,好認真向Manson說:「文仔….我要講個秘密俾你知…其實…你家姐14歲嗰陣…俾人搞大咗個肚…又驚到唔敢同人講…過咗幾個月墮胎已經有危險…先被你媽發現…之後咪生個BB出嚟…由你阿媽認係佢生囉…即係話…你家姐先係你阿媽…」Manson醉醺醺,聽到佐治叔咁講,竟然哈哈大笑,拍爛手掌話:「哈哈!講得好!講得好!多謝你話俾我知呀!哈哈。」佐治叔跟著也放聲大笑。

Manson不甘示弱,笑笑口說:「佐治叔…我要講個秘密俾你知…其實…你1989年過咗嚟愛爾蘭…三年之後…有一個女人叫阿玲…佢拖住個兩歲細佬仔…上嚟屋企揾你…又唔講揾你做乜…阿媽答你去咗愛爾蘭後…佢就好失望咁走咗…臨走佢仲話住喺順天邨…」佐治叔醉醺醺,聽到Manson咁講,竟然哈哈大笑,拍爛手掌話:「哈哈!講得好!講得好!多謝你話俾我知呀!哈哈。」之後兩人醉到不醒人事。由相熟的酒保送他們回餐館休息。

第二天黎明,Manson醒來,立即「裙拉褲甩」咁執行李趕去機場。佐治叔車他一程去機場,車廂內一片沉默,兩人腦裡充滿問號,究竟對方昨夜一番話,熟真熟假?但又唔夠膽問對方一個明白。

直至步入禁區閘前,Manson都無膽去求證,如果屬實,自己無勇氣去承擔這個25年的謊話。Manson殷切地謝過佐治叔這幾天的熱情招待,之後揮手道別入閘,帶著一個大疑問登機往倫敦。

由倫敦飛回香港,在機艙內的十數小時,Manson輾轉難眠,腦裡只盤旋一條問題:「究竟家姐係咪我阿媽呢?唔怪得佢咁錫我啦!」

晚上飛機抵達香港國際機場,Manson乘機場巴士回家,開門見到媽媽,媽媽迎上。Manson心諗:「究竟妳係我外婆?定係我阿媽?」

Manson整夜思前想後,決定要求個明白,明早起來要問過清楚,是媽好、是家姐好、是婆婆都好,她們都是Manson的至親。第二朝早上8時,Manson醒了,步入廚房,向正煮緊早餐的媽媽,鼓起勇氣,口震震咁將佐冶叔告之的秘密,向母親求証。媽媽聽後,哈哈大笑!

媽媽:「你知唔知你舅父未移民前,喺無線讀過編劇訓練班,寫過電視劇劇本,不過監製唔鐘意佢啲嘢,之後舅父灰心放棄,咪轉行揸鑊鏟囉。呢個『家姐係阿媽嘅故事』咪就係佢二十幾歲度出嚟,不過電視台無用到之嘛!」

Manson如釋重負,原來佐治叔飲醉酒、亂吹水。好彩自己都唔輸蝕,即席胡亂作番個「阿玲帶仔揾老公」嘅爛故事,回敬返俾佐治叔。Manson知道真相後,在廚房內笑到「咔咔聲」,突然客廳電話響起,母親去接聽,剩下心情輕鬆的Manson,偷食一口炒麵和瘦肉粥。

當Manson步出廚房,媽媽呆呆地掛上電話,說:「你舅父打長途電話嚟,問你係咪安全到步。仲有,佢話訂咗機票,後日返香港,好似話返嚟揾個舊朋友喎。」輪到Manson呆了一呆,心諗:「吓?唔通佢返嚟揾阿玲?我亂作一通咋大佬。」

那晚,酒吧熾熱的氣氛,兩位在酒精的薰陶下,「隨口噏,當秘笈」誤信為真。不過,佐治叔二十年無返過香港,都是時候回來香港行一轉,感受一吓香港這個亞洲國際動感都會的非凡魅力。都不失為一個好主意。



舊女友拖著私生子,登門造訪,心血少啲都會嚇死。
Suede的《Another no one》,我的心水選擇。
講一個女子在一個清晨,執拾好行李,搬離男友家,女子坐在的士中,車窗外陽光絢和,世界如常在轉動。無話邊個無咗邊個唔得。我心情不好的時候,必聽這首歌。細細低吟I guess this is the end… I guess this is the end….


Another No One -Suede

She takes the blame, takes the pain but the world smiles
'Cos outside is just a taxi ride to drive away
So she packs her bag, calls a cab and the world smiles
Cos inside well she feels all right and turns to say:

"Yes it's the end, the final showdown
Yes it's the end of our small love
You'll have to find another no one to take the shit like I have
Well I guess this is the end, I guess this is the end."

She feels the sun, phones her mum and the world smiles
'Cos outside in the morning light it's another day
So she packs her bag, smokes a fag and the world smiles
'Cos inside well she feels all right, and turns to say:

"Yes it's the end, the final showdown
Yes it's the end of our small love
You'll have to find another no one who'll take the shit like I have
Well I guess this is the end, I guess this is the end...
Oh well..."

27 則留言:

  1. 可能亂打亂撞真係搵到個仔仲有埋孫㖭!

    回覆刪除
  2. 卡臣:

    佢阿婆有可能係呃佢架喎!因個女已經結婚,有一個三歲的女兒。阿媽會保住個女的幸福,死口都唔認架!容乜易個女婿同個女反面架。

    回覆刪除
  3. naruto

    George哥終於在堔圳
    搵返個仔
    仲有埋個孫
    接回英國一家團聚

    最後才發覺他們是冒認
    想出國攞居留權啫

    ++++

    佛爺

    故事咁樣發展落去法

    家姐女兒跟Manson發生忘年戀
    在一個風雨交加晚上
    家姐揭露:你 哋 係 兄 妹 嚟 架 !

    回覆刪除
  4. 卡巨兄, 如果故事發展落去好似你留言所說的「家姐女兒跟Manson發生忘年戀」, 呢個直頭係亂倫...
    好驚。

    回覆刪除
  5. 瘋go

    唔使驚
    manson接受唔到細過自己22年的女朋友
    所以無嘢發生

    回覆刪除
  6. 呀范冰冰家中有一很細個的細佬,咪俾人傳係范冰冰所出咯。

    回覆刪除
  7. 卡臣:

    忘年戀又亂倫,好得人驚?

    現今有那麼多人工受孕,出了亂倫也無人知喇!

    我見過一對兄妹,出雙入對,住在同一間房。外人不知,以為他們是情侶。他們從不顧忌給朋友知道是同住一房的。我們唯一不知道的是,他們是否有性行為而已?

    回覆刪除
  8. 佛爺

    他們是否有性行為而已?
    ...
    我估做足安全措施下
    已經咩咗...

    sorry
    我認我壞心腸架

    回覆刪除
  9. Cathy

    家春秋‧呢本名著
    真係值得睇


    雖然我無睇過

    回覆刪除
  10. 卡臣:

    哈哈!你不是心腸壞,你是正常過我。

    那對兄妹,男的沒有女朋友。女的有不少追求者,他們雖知她與兄長同房,但認為那只是兄妹情深。所以連我也相信,兄妹同房,只是兄妹情深!

    後來見到所有追求者都被拒於門外,而他們所租住的單位,原來是有兩房的,我才知道自己也中了羊群效應,竟然相信世上兄妹可以「同房無夢」的!蠢呀!笨呀!無腦呀!

    回覆刪除
  11. 佛爺

    你意思係:
    兄妹所租住的單位,原本是有兩房的,
    但兄妹也揀同房?

    除非兄妹環保
    想慳冷氣電費(所以瞓一房)
    或者無錢買兩張床

    否則他們已經....嘻嘻

    回覆刪除
  12. 卡臣:

    他們的單位有兩間同等大小的睡房,一間用來放雜物,另一間用來睡,但裡面是一張床或兩張床,就無人知喇!

    回覆刪除
  13. 佛爺

    吓?
    咁可能房內有一張碌架床
    兄妹上下兩格


    故事無得發展了
    他們是一對純兄妹
    阿門

    「道德重整會會長」突然上身

    回覆刪除
  14. haha... in a movie called "the dreamer", the brother n the sis sleep on the same bed but never did tht thingy together wo...maybe things like this does exist...

    回覆刪除
  15. Cathy

    The dreamers
    我有睇喎
    香港譯做「戲夢巴黎」

    不過Bertolucci 已經無復當年勇

    回覆刪除
  16. 又會亂 up 都中?? 舅父真係有個順利村女子帶埋細路 ??
    呢條線有 dd 牽強....

    回覆刪除
  17. kateyip

    咦?可能要補充一吓

    在酒巴中
    manson以為george亂作故仔
    manson立即亂作一個故仔回敬george
    說有個女人帶子找george

    當時george畢竟四十幾歲
    一定有過前度女友
    所以以為自己留種

    manson亂說在順天邨
    留下伏線
    等george回港去順天邨找
    其實根本就無此人在順天

    所以不是「又會亂 up 都中」
    根本是老作

    回覆刪除
  18. The dreamer is about the year of new age n era in France, n after tht u can see why the movies become the 7th art of France as it is the perfect medium to show new ideas and thinkings to the new society... so although it is not realli a good movie, if u treat it as a homage to those yrs of innovations, u will see n understand y the french r so laisse faire, so crazy n bizzare yet they still hv tht kind of identity n ideology within them...

    回覆刪除
  19. yeeep! thats why i neverrrrr liked to drink with relatives!!

    回覆刪除
  20. 我諗我會信唔過任何人口,用基因鑑證嚟證實一下先至安心。

    回覆刪除
  21. cathy

    係呀
    法國新浪潮電影由此起
    那時的大師:
    杜魯福,高達,阿倫雷奈,伊力盧馬..
    如今只有高達尚在人間

    +++

    hui

    我除了飲宴拜年外
    甚少跟親戚行街睇戲飲嘢

    +++

    歪歪

    咁都要george回港先找到兒子
    才可抽他血檢驗

    回覆刪除
  22. 哦,我係話如果我係Manson,就信唔過任何人把口,會用基因鑑證嚟證實一下先至安心。

    回覆刪除
  23. 你記唔記得㗎?『Manson,母親65歲』仲邊會有姨媽到嘅煩惱?

    回覆刪除
  24. 歪歪

    請受小弟一拜
    你的觀察力和記性
    無得頂!

    回覆刪除

LinkWithin

Blog Widget by LinkWithin