~~~~~~~~~~~~~~~~







2010年4月10日 星期六

西宮東宮

photo by Clinton

西宮東宮

女:「嘩!呢隻戎指好靚好閃呀!」
男:「就要呢隻啦!唔該,同我包起佢!」

「OK!唔該兩位嚟試鏡,有消息我哋會再通知你。」
一對男女在廣告製作公司內試鏡完畢後,到附近餐廳吃下午茶。剛才他們在攝影機前試戲,是一個銀行信用卡的廣告。

* * * * * *

男的叫Herman女的叫Bobo,負責試鏡那廣告公司女職員叫Vicky。Vicky一年前在拍攝某一廣告的時候,認識了Herman。由於Herman是part time特約演員,很快便做出導演的要求,令拍攝過程十分順利愉快。自此以後,當Vicky遇上適合的廣告角色,便會叫Herman來試鏡。慢慢兩人便熟絡起來。

Vicky偶爾會和Herman通msn。Vicky知道Herman於三年前結婚,太太是工作上認識的,婚後沒有小朋友。

Vicky的最新任務:是替銀行信用卡拍攝廣告片,找適合人選。廣告主角是一對年輕夫妻,為求真實感覺,銀行希望talent是對真正的夫妻。Vicky的腦海裡,第一時間便想起Herman和他太太。立即致電Herman來公司試鏡。還要求他帶埋太太一併來試戲,Vicky相信那段戲一定難不到Herman和他太太。

Herman答應星期六下午,會帶同太太一起去Vicky公司試鏡。其實Herman的太太於婚後,已經身材走樣暴脹,唔修身又唔靚。Herman於一年前搭上一名美少女Bobo。Bobo口齒伶俐、冰雪聰明、人靚聲甜,令Herman完全神魂顛倒。星期六下午,Herman拖著Bobo到Vicky位於銅鑼灣的公司試鏡。

Herman肆無忌憚向Vicky介紹Bobo時說:「她是我太太。」爽朗活潑的Bobo很討人喜歡,Vicky對Bobo留下十分良好的第一印象。兩人在攝錄機前試一段戲,是夫婦購買鑽戎的情形。

Bobo:「嘩!呢隻戎指好靚好閃呀!」
Herman:「就要呢隻啦!唔該,同我包起佢!」
Vicky:「OK!唔該兩位嚟試鏡,有消息我哋會再通知你。」

雖然這一次,Herman和Bobo未被廣告商選中,但這次試鏡的經驗,叫他們日後回想起時,仍忍俊不禁。

* * * * * *

一個月後,Vicky為另一條廣告片casting,她站在尖沙咀街頭找適合人選。在時代廣場門口,Vicky在人群中碰到一張熟悉的面孔,是Herman。咦!點解Herman拖著的女仔不是Bobo?!而是另一名女子!

「嘩!乜原來Herman背住Bobo搞婚外情?!仲夠膽喺尖沙咀咁旺嘅地方公然拖手!但點解佢二奶又醜又肥?點解Herman會揾條女醜過自已老婆去搞呢?」

Vicky再諗深一層,有人自願放棄曼克頓式的大都會生活,隻身飛到第三國家山區幫窮人起屋,人各有志嘛!Herman可能食慣魚翅想食吓粉絲呢!Vicky高舉手上的專業相機,離遠拍下Herman夫妻的照片;兩人面貌清晰可見。Herman仍懵然不知,掂行掂過。

Vicky回到公司,在電腦前猶豫不決。一個月前,Bobo試鏡時留下她的電郵地址。Vicky打了一封匿名電郵,附上剛才拍到的Herman偷食照片;內文是「妳的丈夫背著妳搞女人,小心呀!」。Vicky的食指放在「send」的按紐前,按與不按之間,皺起眉頭。

Vicky覺得自己好管閒事,人哋的家事不應該加把咀。但Vicky跟Bobo有一面之緣,覺得Bobo是個好女仔,不應該被Herman欺負。感於大家都是女性,感同身受。Vicky最後正義感爆發,決定還Bobo一個知情權,鼓起勇氣按「send」。把電郵發出後,她挨在椅上鬆了一口氣。Vicky對花心的Herman戴上有色眼鏡,不再找他試鏡或再通msn。

Bobo收到Vicky的e-mail後,在電腦前笑到人仰馬翻!馬上轉寄給Herman,他在辦公室前苦笑,自己被人偷拍仍慒然不知。

一張夫妻行街的偷拍照,竟變成為罪証,正印變情婦,情婦變正印。Herman和Bobo推測電郵的發件者是誰?

Vicky在lunch時跟男同事們談論起Herman的婚外情,話題是:「點解男人會揀一個醜過自己太太的醜女做情人呢?」Vicky更把Bobo試鏡時拍下的硬照和偷拍照片放在i-phone,交給男同事們過目。其中一位男同事是網上討論區的常客,這名「高登爸打」未經Vicky同意,更偷偷地將兩張相片轉貼到「討論區的吹水台」,題目是:「點解男人會溝條醜過自己老婆一百倍嘅豬扖做女呢?」

這題一出,圖文並茂,一時間引起討論區的各界爸打回應,大家猜測男主角的心理狀態:「條豬扖超有錢啩?」、「唔俾個男人有自虐狂咩?」、「條醜女救過佢一命,要以身相許。」、「食厭咗北海道雪花牛肉,改吓口味食扖王之王的雪藏腐肉,唔俾呀!」大家對Bobo輸給一個醜肥情人而不值!站在Bobo那邊替她說話。

紙包不住火,Herman太太的弟弟在當天傍晚看到討論區這一帖,第一時間把Herman和太太的結婚照片上載到討論區,講出真相,以正視聽,真的假不了。讓大家搞清楚誰人是正印?誰人才是情婦?弟弟隨即再通知家姐Herman的惡行。

討論區各爸打們見到這張結婚照和聲明後,心中或口中都同一時間發出一個「D音」的粗俗助語詞!終於真相大白。原來醜肥女士是太太、貌美如花的青春美少女才是情人。這個真相十分之合情合理,大家心中的疑囤終於被解開。

討論區再沒有人有興趣去討論這一帖,但事情並未因此而終結。當晚Herman和太太勁吵了一鑊,仲係殺氣騰騰嚟真嗰隻。

* * * * * *

Herman和Bobo走在銅鑼灣的街頭,大模司樣地十指緊扣。他倆再不擔心被人撞破,因為Herman和太太已經分居了。

一次試鏡,Bobo由西宮變成東宮,模擬世界裡網民最初站在Bobo那邊。水落石出後,Bobo打回原形,由東宮變回西宮。多得模擬世界的揭秘的力量,令Herman回恢單身。Bobo再由西宮變成真真正正的東宮。



80年代,年輕的我聽林子祥的《最愛是誰》,只覺得旋律動聽,唱得好有感情。時隔24年,再聽《最愛是誰》,嘩!乜原來啲歌詞咁有威力 咁到肉!潘源良呀,你同珍妹一齊先寫到咁勁嘅詞,藝術養份來自生活感受。

最愛是誰 - 林子祥

曲︰盧冠廷
詞︰潘源良

在世間尋覓愛侶 尋獲了但求共聚
然而共處半生都過去
我偏偏又後悔

別了她原為了你 留住愛亦留住罪
誰料伴你的心今已碎
卻有她在夢裡

為何離別了 卻願再相隨
為何能共對 又平淡似水
問如何下去 為何猜不對
何謂愛 其實最愛只有誰

任每天如夢過去 沉默裡任寒風吹
誰人是我一生中最愛
答案可是絕對

為何離別了 卻願再相隨
為何能共對 又平淡似水
問如何下去 為何猜不對

何謂愛 誰讓我找到愛的證據

14 則留言:

  1. 卡臣:

    喜劇收場,皆大歡喜!去舊迎新!盞呀!嘻嘻!

    回覆刪除
  2. 主角老婆走哂樣,又唔駛湊細佬連籍口都無,反而令老公去滾就有更大籍口;但係到老婆扮得太靚時,啲老公又會驚戴綠帽。

    片尾曲揀《最愛是誰》,我諗男主角都唔似首歌咁,根本就無內心鬥爭,晨早就揀咗阿二啦!

    回覆刪除
  3. naruto

    繆騫人<---傾城之戀,正!

    ++++

    佛爺

    舊嘅唔去
    新嘅唔嚟

    +++

    歪歪

    我有個女性朋友
    她的丈夫一頭白髮(四十幾歲)
    太太阻止他染黑頭髮
    驚他去溝女
    一樣道理

    大家無了互信

    回覆刪除
  4. 唉,東宮西宮好難分,現代就有查理斯王子唔愛皇妃愛Camilla。
    卡,香港網民係討論區既x"#$à!&ç^+¤
    真令我大開眼界!

    回覆刪除
  5. 我諗起何超儀,佢夾硬將一個靚仔變成大肥佬..寧願犧牲自己既視覺享受來換取老公走唔甩,有乜為呢...

    回覆刪除
  6. 巴黎

    可能Camilla有一些取悅查理斯的地方
    勝過diana啩

    誘惑到處都有

    ++++

    瑤姑

    「寧願犧牲自己既視覺享受來換取老公走唔甩,」-->我諗對自己缺乏自信心才出下策
    留住個人 留不住個心

    回覆刪除
  7. (搭訕) 何超個老公阿肥仔聰,變o左肥仔都有去溝女,仲比雜誌影到佢 D 情慾 SMS 斷到正一正,之後仲執左個紅白藍漏夜搬離何家大屋,後來 tum 返何超先搬返入去。

    所以話,靚唔靚同溝唔溝女,從來都是兩回事。

    回覆刪除
  8. 阿權哥

    有道理喎
    百貨中百客

    另一個永恆道理:
    沒有唔食魚的貓

    ++++

    coffee

    我信愛,同樣怕得不到愛

    回覆刪除
  9. 聽說林子祥唱呢隻歌的時候正是同葉倩雯的開始,另一個東西宮的真人真事呀!

    回覆刪除
  10. Gwen

    原來如此
    多謝提供
    妳唔講我都唔知

    回覆刪除
  11. Wah so is it better to start off at 西宮 then maybe one day with lots of luck you may get to be at 東宮? :P

    回覆刪除
  12. cwLoretta

    Do you know what's mean of 「無頭東宮」?
    google it

    回覆刪除

LinkWithin

Blog Widget by LinkWithin