~~~~~~~~~~~~~~~~







2009年11月8日 星期日

埃及妖后

埃及妖后

會議室內八個大男人搲爆頭,各人拋出很多ideas,但都被小老闆一一否決,這個會議已經開了3小時,仍然毫無頭緒,莫衷一是。小老闆Richard叫眾人散會,明天於同樣時間再開過會,眾人垂頭喪氣地離開會議室。

* * * * * *

年紀輕輕的Richard,剛從美國大學畢業歸來,在嗲哋開設的Model Agency擔任製作經理,父親想Richard了解公司運作,為他朝接管公司作好準備。Richard決心想在父親面前,做出一番好成績,讓父親可以安心退下,交捧給兒子。

Richard見市面上咁多「○靚模」都有市場,諗著唔執輸,決定要捧一個「自家製○靚模」出嚟,拍寫真接Job出攬枕DVD,替同公司賺錢。

Richard召開production meeting進行brianstorming,要在云云「○靚模」中殺出一條新血路。八個大男人在會議室內提出新招,但在Richard眼中都是太「行貨」,根本就在重複和翻炒,完全聽不入耳。只好叫大家回去再苦思,明天再開會,商討如何包裝這「○靚模」,誓要她如平地一聲雷彈出來,跑贏大市。

當晚Richard回到家中,坐在家中看收費電視。電視畫面隨遙控器按鈕跳呀跳, Richard突然被畫面吸引著,停在外國經典電影台MGM,正播放一套1963年舊片:由Elizabeth Taylor主演的《埃及妖后Cleopatra》,Richard眼中發亮,大叫:「就係佢!一於做佢呀!」不禁興高采烈地笑了出來。

* * * * * *

第二天開會,眾人再獻計給這位未來老闆。大家講的意見,仍然不是Richard想要的。當大家又相對無言之際,Richard發言:「我要用『埃及妖后』嚟包裝『○靚模』。」

眾人臉上擺出懷疑的表情,心諗:「埃及妖后?邊度work架?」最Senior的同事Gary按捺不住先發言,認為「埃及妖后」在香港市場未必受落。主觀的Richard覺得被下屬挑戰,立即施予下馬威,鬧到Gary翻艇。其餘七人見Richard新官上任三把火,立即幫Gary解圍說:「Gary唔係咁意思,『埃及妖后』條橋掂呀!」、「夠grand呀!實得呀!」、「宅男實buy!」Richard見眾人都讚好,立即吩咐下屬去cast一位最索的妹妹,跟著好自滿咁宣佈散會。

散會後,八人面面相覷,知道用「埃及妖后」咁out咁娘嘅包裝,一定全軍覆沒!但Richard落了order,打工為錢啫,只好唯命是從。

Gary十日後cast了一位16歲噴血混血兒,是大溪地和山東的結晶品。Richard過目後都十分滿意。替她起了個藝名叫「Suexianababy」。下一步是開記者招待會,介紹Suexianababy給廣大觀眾認識。發放新聞稿時,形容Suexianababy是「○靚模界的埃及妖后」。

埃及妖后是Richard第一次「省靚招牌」之作,也是向父親表現實力的機會,所以十分重視。替她訂造了一套「埃及妖后」戲服。明天下午2時,便在酒店宴會廳舉行記者招待會。初出茅廬的Richard,竟然緊張到徹夜失眠,整夜沒有睡過。

翌日早上,Richard回到辦公室,Suexianababy已到salon開始set頭。Richard十分緊張。但由於過份緊張又沒有吃早餐,缺乏實戰經驗的Richard,竟然在這個最重要的時刻,緊張到劇烈胃抽根,昏迷倒地。給秘書發現後,送去急症室急救。

蛇無頭而不行,只好由大師兄Gary頂上,到會場主持大局,推銷「埃及妖后Suexianababy」。結果記招會順利完成,她獲得全場一致讚賞,八人總算鬆了一口氣。Richard父親老懷安慰。

* * * * * *

傍晚時分,Richard在私家醫院頭等病房剛甦醒過來。一看手錶,嘩!已經7時。錯過了今天記者招侍會呀!不知道Suexianababy的市場反應如何?想打電話給下屬詢問詳細情形時,電話剛響起來。是父親來電,父親大讚Richard呢次well done!

Richard放下心頭大石,立即扭開私家病房內收費電視的娛樂新聞台,希望看到Suexianababy的報導。終於見到喇!Suexianababy穿著一件極少布的火辣Bikini出場,她並沒有穿那套「埃及妖后裝」,Richard睇到眼火爆!嬲到一手用力扔咗個遙控器去部LCD度,大嗌:「班伙計唔聽話!跟我搞對抗!」

電視中見到Gary做公司發言人,回答記者問題。記者問:「穿Bikini的Suexianababy同「埃及妖后」有什麼關係?」
Gary回答:「大家可能搞錯,Suexianababy唔係『埃及妖后』,而係『iicup妖后』!」記者們不自覺張開口,齊聲:「吓? iicup?!」

○靚模界中最勁上圍係「e cup baby」,估唔到繼a、b、c、d、e、f、g、h後,仲有一個「iacupababy」!記者們立即把相機鏡頭瞄準Suexianababy的胸脯,鎂光燈勁閃到如disco般。

電視旁的Richard,電話又響,是美國大學同學Kenneth來電恭喜「iicup妖后」的突圍成功,Kenneth從事傳媒工作。Richard多謝之餘,問Kenneth如果Suexianababy穿埃及妖后裝出場,效果會如何?Kenneth狂笑:「埃及妖后裝?梗係死梗啦!無觀眾會buy架!哈哈!」Richard收線後,面紅耳赤。原來自己度咗條死橋仲懶醒。

Richard立即打電話給Gary,讚賞他今天good job之餘,更為那次在會議中當眾鬧Gary誠心道歉。Gary謙虛地說:經驗告訴他穿bikini的效果,會好過穿埃及妖后裝,不想Gary第一炮便失利,所以才膽敢先斬後奏。

兩人冰釋前嫌後,Gary成為Richard最信任的助手,攜手將「iacup妖后」捧到○靚模界的神檯位置,接拍電影《出6iicup記》、《iicup女導遊》、《iicup發老黃》、《iicup皇宮心計》,替公司省靚個金漆招牌。兩人繼續點石成金,發掘更多jacup、kacup超級○靚模,造福萬千廣大的宅男。


11 則留言:

  1. 你不如叫 Gary 簽你啦,你都有 42" 胸喎卡哥!

    回覆刪除
  2. 權哥

    我有42吋啫
    但無i cup 嘛

    我個杯邊可以咁兜呀, 爸打
    練一世都唔得

    回覆刪除
  3. H cup之後好似喺HH cup,有冇i cup 㗎?

    回覆刪除
  4. eric

    嘻嘻
    其實我唔清楚有無 i-cup
    我亂作一通咋
    sorry

    回覆刪除
  5. 以香港女仔身形來說c級上都是過晒龍啦!
    i cup簡直難以駕馭+難以想像!像畸形啦!

    回覆刪除
  6. 其實i cup都得嘅,可以當喺iphone,ipod咁囉。哈哈。

    回覆刪除
  7. haha, 笑左
    記得唔知邊到睇過而家新興一個term叫"全G奶", 同你呢個"icup妖后"有異曲同工之妙啊!

    回覆刪除
  8. eric

    i-bra, i-tube, i-top
    正呀~

    +++++

    Paradarz

    "全G奶"?
    我諗男人寧願要"脫G奶","抽G肪"

    回覆刪除
  9. 如果d o靚模有I cup
    就好似兩個木瓜排係胸上面
    大得太誇張就唔雅觀的了

    回覆刪除
  10. 都啱呀

    放兩個籃球喺胸前
    腰骨負荷過重
    變陀背

    回覆刪除

LinkWithin

Blog Widget by LinkWithin