~~~~~~~~~~~~~~~~







2008年12月13日 星期六

古樹悲歌

古樹悲歌

「霹啪」一聲巨響,公園內一棵古樹的半邊支幹,在毫無先兆之下,從三米高倒塌下來。坐在樹下石屎基躉的一名乘涼老翁,慘遭樹幹壓倒,送院途中證實不冶。康文署又遭民間炮轟,馬上派工人把古樹欄腰鋸斷,消除任何潛在危機。

表面上是一單「古樹枯萎」而釀成的意外,翌日做了幾份報紙的頭條。但看在「球叔」的眼裡,事件卻是疑點重重。

球叔是這個公園的外判清潔工人,每天早上8時至黃昏6時都在公園內工作。自兩星期前,他留意到:每一天傍晚5:45分,有一位30多歲的四眼男士, 必會準時來到公園這棵古樹下,獨自一人坐下。

憑衣著外表,四眼男士應該是當藍領;他每次必會攜著一支青島啤酒;坐了10分鐘後,即5:55分,四眼男士便會連同啤酒樽一併離開公園。這名四眼男士的規律性行為,兩個星期來,每天如是,風雨不改。但自古樹倒塌後,這名四眼男士便再沒有來過這公園,從此銷聲匿跡。

球叔最初以為發生意外後,四眼男士不會再來這公園坐,因為心理恐懼,害怕會遇上倒樹意外,這是一件十分合情理的事情。

但意外發生後第二晚,球叔下班後在公園附近重遇這名四眼男士,四眼男士再沒有拿著啤酒樽,而是拿著一支可樂,大口大口往嘴裡灌。球叔直覺這位四眼男士應該是不愛喝啤酒,而且記憶中他到公園坐,啤酒樽只是一直放在身邊,半滴啤酒也沒有喝過! 為什麼他連續兩星期攜同啤酒樽到古樹旁坐10分鐘呢?球叔覺得古樹倒塌,跟這名連續兩星期到訪公園的四眼男士有關。

球叔跟工頭透露這個想法,不過工頭只回應:「球叔,你無病吖?!出返去做嘢喇!」
兩天後,康文署專家公佈,古樹不是遭白蟻蠶食,而是遭化學毒素所害死。換言之,古樹倒塌事件不是天災,是人禍!

工頭立即邀功,向上司報告有一名四眼可疑人物,懷疑他下毒。球叔被邀請到警署提供四眼男士的人物拼圖。

12小時後,藍帽子在公園附近截停一名四眼可疑人物,帶返警署協助調查。四眼男士在差館內,口震震咁認咗罪。

原來四眼男士在附近一間化工原料工廠工作。每天下班,他在工廠用啤酒樽裝滿化工原料,到公園古樹旁,把啤酒樽放在身邊,趁旁人不覺之際,將啤酒樽翻側,把化工毒素搗入石屎基內的樹根。

每天如是,不消兩星期,古樹半邊已變壞呈枯黃色,但公園管理員一時疏忽,沒有加以理會。終於在某個中午,古樹頹然倒下,誤殺一名老翁。

四眼男士承認毒樹,但他確實沒有想過自己會誤殺老翁,他知道有人死傷後,受到良心自我責備,十分後悔,向警方和盤托出。

警方下一條問題:「你向樹落毒的動機是什麼?」針對康文署?抗議政府官僚?不滿金融海嘯?反環保?跟老翁有仇?你是精神病患者?

四眼男士垂下頭,承認三周前跟女朋友分手,她是工廠同事,以前,他們下班後,會到工廠附近的這個公園坐下聊天。某一夜,他們趁四周無人,用刀在樹幹上刻著「林永樹愛香芍茹一萬年!」 如今分手後,林永樹不忍再目睹這個傷心的樹上烙印,決定誓要消滅它!

用斧頭砍,砍一晚都砍唔斷棵樹,太慢啦!
用電鋸鋸,又嫌太嘈,落手時一定會驚動其他人!
用刀刮走樹皮,可惜無人睇水,驚俾人揭發!(以前是香芍茹睇水,林永樹落刀)
結果他決定用化工原料,兩周前開始,向樹慢性落毒。最後得償所願,兩周後康文署將古樹鋸斷,傷心烙印便從此蒸發。但林永樹亦需要付上代價,接受法庭的審判。

林永樹獲得法律制裁後,球叔在朋友們前誇耀自己擁有偵探頭腦,不過球叔更領悟出一個道理:要清洗一段已經逝去的感情記憶,代價竟然要賠上一條寶貴性命;代價實在太驚人!難怪有人說愛情是充滿毀滅性。

話雖如此,球叔仍然相信愛情,球叔下週又和他的女人出發到內地名山大澤旅行,在大陸旅遊,每當他見到參天巨木時,他都不其然想起林永樹被判罪時的無奈眼神、手心便不其然,更加緊握身邊女人的纖手。


送給劉朗

-----------------------------------

劉朗回應:

卡卡:

愛之欲其生,失之欲其死!感情的乖異力量真的可以很鉅大!

要毁樹滅跡,林永樹之名又是一個恰巧的反諷。球叔嗎?從來珍惜,惟要去的便讓它去了,如半年前消逝的那段,沒有不捨,沒有痴纏,沒有怨懟。

如今之夢,在祖國的名山大澤執著她的纖手,也是悠悠我思!當然要向你說聲謝啊,卡卡!

* * * * *

分手真相 - 郭小霖
作曲:郭小霖
填詞:小美

霧裡的街燈 被夜雨無言輕吻
而平添傷感氣分 是我不甘心
為你仍然抖震 開始恐懼 零晨時分
過去你說 愛夜靜浪漫 披清風
深宵給我輕吻 記印

但你一聲不響 愛漸退無言飛縱
而寒風心裡播送 沒有冷暖四季
我似是全年冰凍 想起當日 誰曾玩弄

你那笑熊 腦裡邊日夕活動 一邊想一邊心痛

雨灑下 夜裡更覺滄涼 為誰癡心始終相向
誰叫每個夜格外漫長 是誰的心早更改方向
是誰分手總不知真相

長夜漫漫 冰冷滲透 霧裡街燈有否跟你碰上
無盡寂寞 心裡滲透 暗倒影彷彿勸我
淡忘她 淡忘她 淡忘她

77 則留言:

  1. 哈哈哈,劉師傅嚟喇!

    幾大插咗旗至講!

    紥馬紮到對腳寃晒!

    回覆刪除
  2. 哦!
    我都係岩岩睇到個post咋!爺爺!

    回覆刪除
  3. 快哩快哩!

    阿二夢都話要幫手架,我紮四平大馬,佢紮二字拑陽馬...

    哈哈哈,你班友咪邪呀!

    回覆刪除
  4. 小佚:

    幾大插旗先,小說慢慢嗒!

    回覆刪除
  5. 卡卡:

    愛之欲其生,失之欲其死!感情的乖異力量真的可以很鉅大!

    要毁樹滅跡,林永樹之名又是一個恰巧的反諷。

    球叔嗎?從來珍惜,惟要去的便讓它去了,如半年前消逝的那段,沒有不捨,沒有痴纏,沒有怨懟。

    如今之夢,在祖國的名山大澤執著她的纖手,也是悠悠我思!

    當然要向你說聲謝啊,卡卡!

    回覆刪除
  6. 爺爺:
    卡臣呢個故仔真有意思
    我都差唔多訓啦
    bye~

    回覆刪除
  7. 开头以为你转左写作路线, 不讲感情添...哈哈哈哈哈......

    呢嗰故事几有意思吖, 嗰男仔应该都只是判毁坏公物, 唔会好重罪, 但就可能内疚一生.

    回覆刪除
  8. 校長

    剛剛TST吃飯回家
    不負所望
    成為第一!

    多謝你對故事的感想
    post埋佢先!

    祝你倆如仙般美滿!

    ++++++

    小佚

    護法成功
    抵讚!
    明天返工吖?
    good night~~

    回覆刪除
  9. 小瓶子

    原本破壞公物罪小
    但有個阿伯被責死
    可否構成誤殺呢?

    不過而家香港法庭亂判
    可能守吓行為就釋放添!

    回覆刪除
  10. 唔知喎,大家如果係林永樹,你地如果做出同佢一樣既事,會係點解呢?

    回覆刪除
  11. M. Night Shyamalan's "The Tree", his new mysterious movie...

    回覆刪除
  12. Dr. Lo

    如果我係林永樹
    我落毒因為要attention

    lo哥
    今日下午旺角高空投擲腐蝕性液體落街
    幾十人受傷!

    你話呢,害人唔需要動機!!


    ++++++

    nost

    嘩!
    M. Night Shyamalan's "The Tree",
    咁蹺?
    上次講樹殺人
    唔知今次講乜?

    回覆刪除
  13. 球叔好野!下集球叔破大案。

    球叔參得透徹,逍遙自在,我等小輩望塵莫及。

    "原本破壞公物罪小
    但有個阿伯被責死
    可否構成誤殺呢?"

    喺外國呢場官司一定有得打。

    回覆刪除
  14. eric

    >球叔參得透徹,逍遙自在,我等小輩望塵莫及。<---me too! 我也望塵莫及

    球叔咁型
    因為愛發夢(諗多啲)
    所以先有二夢出現

    >喺外國呢場官司一定有得打。
    ==>係呀
    好似hollywood電影入面!
    律師法庭戲
    objection!

    回覆刪除
  15. criminal law来讲, 刑事案件要成立, 一定要有mens rea (即是 guilty mind).

    "the act does not make a person guilty unless the mind is also guilty"

    这是 common law 的精神.

    由于呢位人兄当时只是想杀树, 并非有杀人的意图, 所以不会构成误杀的.

    再举个例子, 如果一个人乱抛垃圾, 将香焦皮掉落行人路, 结果令一个阿伯滑倒, 最后阿伯中风死左, 呢条友都系只犯了乱抛垃圾罪.

    回覆刪除
  16. Oh!

    Thank you 哂小瓶子

    我又上一課喇
    妳對知識的渴求各探究
    令我汗顏!

    回覆刪除
  17. 如果刻在巴士椅背後呢?
    林永樹又會點做呢?

    回覆刪除
  18. 篤撐
    >如果刻在巴士椅背後呢?
    林永樹又會點做呢?

    問得好!

    林永樹要:

    1) 再次坐番那部巴士先

    2) 在巴士椅背上,將「林永樹愛香芍茹一萬年!」那句,塗掉了「愛」字,改寫成另一個「門字作部首」的中文字落去

    3)禮成!

    回覆刪除
  19. 卡臣:
    護法成功
    抵讚!
    明天返工吖?
    -->係啊,放工好耐啦~~

    回覆刪除
  20. 小瓶子:
    「criminal law来讲, 刑事案件要成立,........... 阿伯中风死左, 呢条友都系只犯了乱抛垃圾罪.」

    果然係auditor
    又學到野啦~

    回覆刪除
  21. 我淨喺記得我喺加拿大朋友既朋友因為佢嘅後花園棵樹無啦啦lum咗喺人地間屋度,冇死到人,但喺都俾人告上法庭。可能民事掛。

    回覆刪除
  22. 小瓶子

    >多谢 !
    我多謝妳才是!!


    +++++


    小佚

    放工啦?
    hea吓先啦!

    +++++

    eric

    >加拿大朋友既朋友?
    ==>通常其實係指自己

    回覆刪除
  23. Eric,

    你讲得无错, 你呢单 case 就可以告民事. guilty mind 是刑事先要prove 的.

    回覆刪除
  24. Eric:

    小說裏個球叔就掂,真嗰個就弱雞咯!



    卡卡:

    發夢呀,我願長在夢鄉呀!

    回覆刪除
  25. Wanderer Long:'發夢呀,我願長在夢鄉呀'
    you are so poetic , in your dreams she will be in paradise.

    Another creative story by Carson! The sense of guilty hurts more than any other punishment!

    No.9? Lucky me! A number of eternity. Merci Carcar, will introduce you a pretty French girl!

    回覆刪除
  26. 小瓶子

    多謝!好「律政先鋒」啊!

    ++++++

    校長

    >發夢呀,我願長在夢鄉呀!
    ==我明白:解讀:
    我發達啦!有二夢呀,我願長在二夢的溫柔鄉呀!


    +++++

    巴黎

    食完生蠔田螺大蝦未?
    正呀
    9號妳鐘意就最好啦

    介紹法國妹給我?
    嗱!嗱!嗱!
    大家做証
    不要反口!

    嘩!筍囉

    回覆刪除
  27. 球叔...你係得既!!
    事業(破案)、愛情兩得意!

    回覆刪除
  28. 自由

    球叔
    勁!勁!勁!
    情場仕場兩得意!

    我要寫個故事: 球叔 vs 沙漠狐
    正邪對決

    回覆刪除
  29. 球叔 vs 沙漠狐
    一個有腦, 一個型....有睇頭喎!

    回覆刪除
  30. >>小瓶子

    嘩!原來係咁,即係如果我殺咗個我無可能想殺既人,就好難「挫」得我入?!

    卡臣,有無興趣有啲香江上海連續離奇殺人事件,好似夜神月咁呢!?

    回覆刪除
  31. 自由

    >一個有腦, 一個型....有睇頭喎!
    ==>但落在我手中
    就會變成一個無記性,一個撞彩



    ++++++

    lo哥

    吓?
    >香江上海連續離奇殺人事件
    你講現實中,真有其事定係假呀?

    >即係如果我殺咗個我無可能想殺既人,就好難「挫」得我入
    ==>好喎
    我哋互相交換要殺的人
    讓警方找不到殺人動機!
    ...怎料竟是同一人.....

    回覆刪除
  32. 卡臣:
    好喎
    我哋互相交換要殺的人
    讓警方找不到殺人動機!
    ...怎料竟是同一人.....
    -->隔國殺人,怎料是失散多年"媽"生兄弟殺人,竟誤當殺人犯,真寃狂

    回覆刪除
  33. >就會變成一個無記性,一個撞彩
    新春賀歲片? 好呀! 笑o下開心d!!

    回覆刪除
  34. 佚名 + 自由

    嘩!
    果然好計
    開咗個頭

    真係要認真度一度先!

    承惠哂!

    回覆刪除
  35. 係呀,球叔醉心中國武術,係 fing 春高手,最叻空手入白刃,同沙漠狐啱鍊呀!

    回覆刪除
  36. 交换人来杀, 并不是没有杀人动机, 而只是看警察能否找寻到你交换人来杀的证据.

    假设卡臣同佚名同一时间, 或是很短时间内, 成为了凶杀案的被告, 而两单案件都是没有明显杀人动机, 那么警方就很容易会将两单案件link 在一起查.

    接着, 就很容易查到卡臣与佚名的关系, 从而查出交换人来杀的证据.

    当然, 如果卡臣与佚名是身处两个不同地方, 那么查案会增添难度, 不过跨国合作并非全无可能.

    如果一直都无杀人动机, 可能会当你精神失常误杀.这视乎你能否过到心理医生那一关.

    回覆刪除
  37. 我們會跟外判商聯絡, 點解佢地有員工咁多餘時間做其他野

    回覆刪除
  38. 卡臣:
    真係要認真度一度先!
    承惠哂!
    -->加油啊!等你故仔!

    小瓶子:
    要查總會搵到既,只係時間既問題!

    回覆刪除
  39. 校長

    武術高手?
    我都係識fing 春
    叫聲你師兄先!

    +++++

    小瓶子

    多謝詳盡資料先
    究竟妳主修會計,副修法律?
    定係
    主修法律,副修會計?
    咁勁嘅?!

    ++++

    回覆刪除
  40. 審計處

    外判商的員工替警務處破案
    將功贖罪
    帶罪立功
    除笨有精

    +++++++++

    小佚

    我好頭痛呀
    故事好難度呀!
    抖一抖先

    回覆刪除
  41. 卡臣:
    讀會計,係會讀有關法律既會計野,咁就會識法律既啦

    好啦,你休息下啦~

    回覆刪除
  42. 小佚

    哦!
    好啦,咁我休息下先啦~
    good nite!!

    回覆刪除
  43. 卡 sir:

    有無諗過下期投票"我最喜愛的小說- 送給blog 友系列"呢?

    回覆刪除
  44. 如果「林永樹」用飲慣嘅可樂樽,而唔係用啤酒樽嚟盛裝化工原料,可能嫌疑無咁大,「球叔」未必會發現,但係「林永樹」就有可能一時冇為意,飲錯咗支化工原料。

    其實剷除刻咗字嘅樹又點呀,既然愛情係可以刻骨銘心,失去之後唔係話咁易就剷得走佢,分分鐘仲會跟你一生一世。

    回覆刪除
  45. 自由

    > good idea喎!
    不過等我送完哂故事才舉行
    (仲有幾個未出街)

    +++++

    歪歪

    用啤酒瓶乃兒時印象
    細個,見天拿水都是用青島啤酒瓶
    (因為綠色玻璃,減低盛裝液體溫度)
    所以寫了青島啤酒瓶

    有人分手後
    將所有合照/禮物/信物通通毀滅
    費使眼冤嘛

    回覆刪除
  46. 大学读会计, core courses 有一堆core courses:
    Law, Statistics, Economics 等等.

    跟住有一堆electives, 其中我选了心理学, 哲学, biology, linguistics, etc.

    讲真, 我中意electives 多过 core courses.

    回覆刪除
  47. 校長

    爛gag一個:

    問:葉問的細佬叫乜名?
    答:葉答!

    +++++++

    小瓶子

    oh!
    果然博學
    我就主修....皮
    (爛gag! again)

    回覆刪除
  48. Just read the new story, but don't want to take the no. 1 away from CTM, so I just leave the comment here.

    Very nice story, wonder how CTM would like it.

    剃人頭者人亦剃其頭, I always keep this in mind.

    回覆刪除
  49. 沙漠狐

    多謝你咁守禮~~

    我而家寫緊沙漠狐續集....

    回覆刪除
  50. 我以前舊居屋前有棵靚樹,但六樓個鄰居話成日話棵樹遮佢個景;後來棵樹慢慢枯死,阿媽發現有人落藥毒棵樹,當然鄰居唔認。。。

    我同棵樹講,你番去搵毒你果個。。。。。。

    回覆刪除
  51. naruto

    你舊屋前棵靚樹
    死後投胎化成一棵芥蘭
    農夫落大量農藥後
    你六樓個鄰居賣嚟食
    死咗...
    天理循環...

    呢個故事叫: ~毒~芥~蘭~菜~

    回覆刪除
  52. 很好呀!開始貼舊故事了!

    原來故事中的球叔係劉朗,之前果篇又係寫給博友,仲有冇為博友所寫的故事呀?好有意思!

    回覆刪除
  53. coffee

    還有送給其他blog友
    某年聖誕送故事給blog友當禮物
    幾cheap吖我!

    回覆刪除
  54. 寫故事送給博友是一份誠意,別妄自菲薄呀!

    回覆刪除
  55. coffee

    係嘅~係嘅
    啲故事仲係度身訂造添

    回覆刪除
  56. 舊屋前棵靚樹,投胎做左六樓個鄰居嘅女兒,討佢一世債

    回覆刪除
  57. naruto

    女兒大了
    索K爛賭又借大耳窿
    偷錢做案乜都齊
    最後燒炭自殺
    燒埋間屋
    阿媽都死埋...

    ++++

    largeheadboy

    埋葬一段感情的方法
    就是馬上開始第二段感情
    一次過兩三段就效果更佳

    回覆刪除
  58. 原來從前有博友得你寫故事相送,實在太令人羡慕喇!

    回覆刪除
  59. eben

    哦,唔使羨慕
    等我聖誕節
    寫個audit人嘅故事送給你
    (開張空頭支票先)

    回覆刪除
  60. 原來重新開業啦 ~~~~~
    好呀 !!!!! 我未追完 d 舊文添~ :p

    回覆刪除
  61. 响樹上刻愛的宣言,已經唔啱,分手之後仲要殺樹變錯手殺人;其實更可惜嘅係依家新聞常見情侶分手後做成慘劇,真係何必呢?

    回覆刪除
  62. kateyip

    係呀
    妳得閒咪睇吓囉


    ++++

    歪歪

    香港啲後生睇唔開
    又放不下
    殺人又自殺
    唉...
    你那邊有這類悲劇嗎?

    回覆刪除
  63. 哇唔經唔覺都有兩年啦。我都有幸獲贈故事,再次多謝!

    回覆刪除
  64. eric

    係呀
    兩年啦

    唔使多謝
    等我re-post你果篇先

    +++

    佛爺

    因為校長明察秋毫
    球叔有偵探頭腦
    最後一段專登送給他啦

    回覆刪除
  65. 『你那邊有這類悲劇嗎?』

    真係唔覺,唔知係咪呢度啲後生『易來易去』,無咁執著,希望唔好有樣學樣。

    不過近排美國好多年青同志受同輩欺凌,最後搞到自殺收場,引起社會關住。

    回覆刪除
  66. 歪歪

    香港則試過有人在網上受欺凌之後
    睇唔開去自殺

    EQ唔夠囉
    咁就要去死

    回覆刪除
  67. 其實怪受欺凌嘅人最後要自殺,係因為EQ唔夠,就唔係幾公道。作為弱勢社群,唔代表就自然要/會EQ高,因為得唔到社會嘅支援之餘,仲要受到歧視同欺凌,唔係EQ夠就一定可以撐得住。

    所以,與其話係受害者嘅錯,倒不如話係社會嘅錯。而EQ唔夠嘅,我就認為係嗰啲唔肯接納,要以欺凌嚟對待別人嘅人。

    回覆刪除
  68. 歪歪

    你講得啱
    唔關EQ事
    係社會黨同伐異的心理所累
    特別在東方社會
    人唔open又保守

    回覆刪除

LinkWithin

Blog Widget by LinkWithin