~~~~~~~~~~~~~~~~







2008年11月15日 星期六

男女通殺

男女通殺

吃自助餐的時候,各式各款的食物放在長枱上,擺設得琳瑯滿目。
對於一個食素的顧客來說,枱上的肉類與他絕緣,
對於一個只食肉的顧客來說,枱上的菜蔬跟他非親非故;
對於一個既食肉又食菜的顧客來說,枱上所有食物都是他的候選佳麗,可供選擇。

一個只愛男人的女人,她只會考慮找男人做自己的情侶,
一個只愛女人的男人,他只會考慮找女人做自己的情人,
但一個既愛女人又愛男人的男人,他就可以找女人或找男人來做自己的愛侶。
雙性戀的彈性和自由度,較異性戀的為高和廣闊,

追求對象相對地增多。
男女通殺,是雙性戀的愛情優勢。

Marcus是一名雙性戀者,
Marcus在唱片公司的製作部工作,負責聯絡唱片封面攝影、

內頁包裝設計、文字校對等後期工作。
Marcus心目中有兩個心儀對像:宣傳部的Rita和設計部的Matt。
Rita是二十四歲陽光燦爛的青春少女,愛時髦打扮,她最愛的明星是梁朝偉。
Matt是二十七歲健身古銅男孩,牙齒雪白;Matt說話陰聲細氣,舉止溫柔;愛聽林憶蓮。枱頭有金城武的海報。Marcus直覺相信Matt是一名男同志。

Marcus藉工作關係,可以經常接觸到Rita和Matt,
Marcus跟兩人保持著曖昧關係,
Marcus想進一步向其中一人表白,兩個目標,一定可以揀中一個。

Marcus心目中偏向Rita,找個機會,約她放工後去吃晚飯。
在餐廳中向Rita進行試探,怎料旁敲側擊一番之後,
Rita說其實一早已有男朋友,只不過沒有公開而已!
Marcus雖然失望,但換一句話說,是上天替他選擇了Matt。

第二天,Marcus約Matt放工後去酒吧飲嘢。
在酒吧中又作旁敲側擊,摸石過河,
Matt酒後吐真言:「其實......我同......宣傳部嘅Rita......拍緊拖......」
Marcus:「吓?!你......扮基溝女?」
Matt:「唔係呀!......不過......我......男又得......女又得......」
Marcus:「吓!......唉~~......」

雙性戀者以為自己的優勢在於男女皆宜,
殊不知,
當身邊的競爭對手,
也同樣是男女皆宜的時候,
這個「男女通殺」的優勢,

便立即報消。


45 則留言:

  1. 哈哈哈! 我又重回三甲呀! (因為d人掛住睇邊個取女主角獎)

    嘩! 萬能插蘇呀! 我~好~驚~呀~!!
    我~要~可~樂~定~驚~呀~!

    回覆刪除
  2. 萬能插蘇呀! 我~好~驚~呀~!!x1000000000

    回覆刪除
  3. 有无甘多双性恋人吖?

    你今次嗰小说甘短, 系米怕比人估嗰结局出来呢? 哈哈哈哈哈!!!

    回覆刪除
  4. >驚到............唔出得聲-.-!
    俾鬼責?????? hehe

    回覆刪除
  5. 就咁睇就唔覺得好驚...
    但如果發生係自己身上?就有d唔同
    假設你係受害者,被一位女/男雙性戀者所愛著,而他/她本身有女/男朋友,那你就會覺得很可怕,怎麼能同間擁有兩者??

    回覆刪除
  6. 自由

    上頭注香
    祝妳工作順利
    老細唔鬧妳

    >(因為d人掛住睇邊個取女主角獎)
    乜今晚tvb頌視帝視后咩?

    萬能插蘇....好驚咩?
    都係人一個啫

    +++++++++

    hana

    妳上到頭注香(2nd place)
    祝青春常駐
    皮光肉滑

    吓? 乜呢個世界有嘢嚇倒妳嘅咩?


    +++++++

    小瓶子

    妳上到頭注香(3rd place)
    祝早日再墮愛河
    盡情愛過夠

    >你今次嗰小说甘短
    等我講吓這篇創作背景:
    我見到有某blogger沒有表露性別
    似男又似女
    結果有男讀者/女讀者獻媚
    我聯想此blogger是bisexual
    佢約男讀者約女讀者出來見面
    一定中一個
    er...er...係咪好無聊
    sorry囉!

    回覆刪除
  7. denzel


    你環遊世界
    你最危險/惡劣嘅地方都去過
    乜bisexual可以嚇到你?

    +++++++

    自由

    哈哈
    denzel唔係俾鬼責
    他唔出得聲...因為喉嚨痛啩:)

    回覆刪除
  8. 紫天蠍

    多謝留言先
    >上次精彩D?
    哈哈
    下篇一定精彩過呢篇
    monday night見

    +++++++

    佚佚
    >怎麼能同間擁有兩者??
    哈哈
    天下之大
    無限可能性
    擁有兩者,三者,四者都有呀!

    回覆刪除
  9. 卡臣, 行...
    而家喉嚨唔痛啦...驚完啦^^!

    回覆刪除
  10. 小瓶子
    >边嗰BLOGGER?

    哈哈哈哈哈哈哈哈哈哈哈哈
    妳當我傻架?
    係度指名道姓?
    呢個係一個....謎

    +++++

    denzel

    開到聲咪好囉



    版頭支玉泉
    同可樂又得
    同茶都得:)

    回覆刪除
  11. 卡臣:
    怎麼能同間擁有兩者??
    哈哈
    天下之大
    無限可能性
    擁有兩者,三者,四者都有呀!
    -->咁後宮3千仲得人驚!!仲有d係龍陽之僻啊!超得人驚!!

    回覆刪除
  12. 『我見到有某blogger沒有表露性別
    似男又似女
    結果有男讀者/女讀者獻媚』

    你咪仲叻,結咗婚都有咁多男讀者/女讀者獻媚。

    『版頭支玉泉
    同可樂又得
    同茶都得:)』

    但係茶同玉泉講:「可惜你唔係我杯茶!」拒絕咗三心兩意嘅玉泉。

    回覆刪除
  13. 小佚

    >咁後宮3千仲得人驚!
    人地係人中之龍
    萬中無一
    我唔恨得咁多

    ++++++++++

    歪歪

    >結咗婚都有咁多男讀者/女讀者獻媚。
    唔係吖嘛
    有咩?
    無喎

    玉泉都玩食字
    咁抵死嘅?

    回覆刪除
  14. 卡臣:
    人地係人中之龍
    萬中無一
    我唔恨得咁多
    -->卡臣回到古代做皇帝識下lor...但聽講後宮3千又唔係個個都係靚女,唔抵諗!仲有御膳廚房由廚房送到皇宮d野都凍晒!唔好食ga!
    所以都係做富豪好!但如果富可敵國,又會被皇帝妒忌wow!但咁都幾得意hee

    歪歪:
    結咗婚都有咁多男讀者/女讀者獻媚。
    -->請問你係男定女啊?hee

    回覆刪除
  15. 不如你写一个故事, 一嗰靓仔写BLOG, 然后结识了一另一个BLOGGER, 后来他们E-mail, MSN, 进展神速.......

    最后他们决定约出来见面, 发现原来是..................两母子.

    回覆刪除
  16. 小瓶子:
    呢一個係個悲慘結局啊!0.0!!
    仲好驚嚇下!!

    回覆刪除
  17. 有啲人會認為雙性戀只不過喺仲未走出衣櫃。。。

    "結咗婚都有咁多男讀者/女讀者獻媚。"
    "唔係吖嘛
    有咩?
    無喎"

    有呀有呀,咪喺我囉。不過卡神個衰鬼唔睬我嗟,整到我晚晚都訓唔著,典嚟典去。。唉~~(飲泣中)

    回覆刪除
  18. >我見到有某blogger有男讀者/女讀者獻媚
    係咪講緊你自己呀?? ^^

    >有呀有呀,咪喺我囉。不過卡神個衰鬼唔睬我嗟,整到我晚晚都訓唔著,典嚟典去。。唉~~(飲泣中)

    示愛?? 卡臣果然魅力沒法擋! kakaka...

    回覆刪除
  19. 小瓶子:
    我觉得呢嗰故事几搞笑吖.
    -->可以講係既...但有d無奈會

    eric:
    有呀有呀,咪喺我囉。不過卡神個衰鬼唔睬我嗟,整到我晚晚都訓唔著,典嚟典去。。唉~~(飲泣中)
    -->快d同卡臣醫生求救啦!
    但卡臣醫生好似出左診wow

    回覆刪除
  20. "-->快d同卡臣醫生求救啦!
    但卡臣醫生好似出左診wow"

    我要卡臣醫生親手幫我做全身檢查,要check埋前列腺喎..

    回覆刪除
  21. 後生仔咁快...要睇前列腺?
    都叫你唔好...去咁盡架呀! hahaha~

    回覆刪除
  22. 小佚

    我做富豪?
    得!
    (如果健康是財富的話)
    不過年齡大
    機器壞
    例子不
    勝枚舉

    +++++++

    小瓶子

    嘩!
    親子劇場
    母子相見一笑泯恩仇

    妳動筆啦
    我,小佚同大家都好期待!

    回覆刪除
  23. eric

    唉~~
    我又何嘗唔係成晚都訓唔著,典嚟典去?
    來~來~來~
    打個越洋茄輪先
    啜~啜~啜~

    ++++++

    自由

    >>我見到有某blogger有男讀者/女讀者獻媚
    係咪講緊你自己呀?? ^^
    ==>嘩!嘩!
    當然唔係講我啦
    我話此blogger隱藏自己性別
    我就已經報上自己是男性
    又沒有需要戴胸罩
    唔會講我自己
    萬人迷要講資格嘛

    ++++++

    回覆刪除
  24. eric

    要全身檢查,要check埋前列腺喎..?
    我交俾我助手...徐錦江
    佢會招呼你
    陣間唔好嗌咁大聲喎!

    +++++

    自由

    前列腺...eric打錯字
    係「前熱線」ex hotline
    叫我幫手check吓電話號碼啩?!

    回覆刪除
  25. 哈哈出遊幾日呢度仍然好熱鬧。
    個人認為雙性戀唔係好得人驚,只會覺得身份有d迷惑,結局亦會有分別。其實最驚係有d人貪玩或尋剌激。

    卡卡,講起玉泉,係我住係巴黎嘅時候最懷念嘅汽水,因為法國無。

    回覆刪除
  26. "後生仔咁快...要睇前列腺?
    都叫你唔好...去咁盡架呀! hahaha~"

    唔喺喎,喺用得太少,谷住谷住,屈到病。要疏通一下。

    "要全身檢查,要check埋前列腺喎..?
    我交俾我助手...徐錦江"

    咦,乜唔喺顏XX咩。

    回覆刪除
  27. 巴黎

    welcome home

    >我個人都認為雙性戀唔係好得人驚
    妳住過法國
    更加覺得小巫見大巫啦

    妳送我波子汽水
    我回饋玉泉汽水


    +++++

    eric

    顏X偉話全身檢查太耐
    只負責「探肛」檢查
    你今次唔會谷住谷住,屈到病。一定可以疏通一下喇
    唔使唔該

    回覆刪除
  28. >最后他们决定约出来见面, 发现原来是..................两母子.

    噢!sorry呢個已經係「舊」聞
    幾個月前係外國既新聞已經講過
    我以為你睇過先咁講添

    回覆刪除
  29. 卡臣:
    我做富豪?
    得!
    (如果健康是財富的話)
    不過年齡大
    機器壞
    例子不
    勝枚舉
    -->咁去修理一下啦!
    但點解你又話自己健康,又話機器壞既?
    加d油,睇下會唔會行得順d

    回覆刪除
  30. 邪王

    哈哈!
    天下之大
    真係奇情過小說!

    ++++



    >但點解你又話自己健康,又話機器壞既?

    「機器壞
    例子不
    勝枚舉」

    請在上面找出線索

    回覆刪除
  31. MARCUS有乜理由唉聲歎氣?

    MATT同佢同路人, 先攪一手;

    然後煽料俾RITA知MATT係雙性,
    (當然唔俾RITA知佢自己又係雙性),
    再扮知心好友慰藉芳心,
    (男友係BISEX, 佢好難搵人吐苦水KA)
    隨時攪掂埋RITA

    一箭雙鵰 !!

    回覆刪除
  32. 卡臣:
    「機器壞
    例子不
    勝枚舉」

    請在上面找出線索
    -->呢個係部份零件壞,你可以試下刪件修理
    kakaka

    回覆刪除
  33. 篤篤

    嘩!
    果然心思細密
    MARCUS個優勢又返嚟啦!

    ++++++

    佚佚

    拆件修理?
    拆咗裝唔返點算先?

    回覆刪除
  34. 卡臣兄:

    各位博客睇完猿形畢露一書,就會明白bi這個問題~~~~~~:)

    Daniel.

    回覆刪除
  35. 佚名:『請問你係男定女啊?hee』

    以下係我無幾耐之前寫過嘅一段留言,睇下你揾唔揾到答案。

    『我覺得幾有趣嘅,原來我就算用咗一個無性別嘅名稱,其他人睇我嘅留言時都會憑直覺去斷定我嘅性別,而好明顯卡臣同巴黎旅客就得出唔同嘅結論,當然你哋其中一個係估啱嘅。其實,當初我揀個咁嘅名,唔係為咗想隱瞞啲乜,只係唔希望因為見到個名,而會令人有先入為主嘅感覺啫。』

    回覆刪除
  36. 諗落你版頭支玉泉同可樂,都好像形啫!

    回覆刪除
  37. daniel

    多謝推介先


    +++++

    歪歪


    我買男,小佚,妳認為呢?

    支玉泉同可樂向上企直
    雙劍合壁?

    回覆刪除
  38. 卡臣:
    拆件修理?
    拆咗裝唔返點算先?
    -->咁你折之前買定保險先,咪無友怕lor...KAKAKA

    回覆刪除
  39. 卡臣:
    我買男,小佚,妳認為呢?
    -->我買男 x2hee

    無人肯受保
    呢舖搏唔過
    -->你同保險公司講有99.9%不可能,有1%成功!受得過啊!按金有$10000000
    那咪實有人受保lor

    回覆刪除
  40. 小佚

    我妳都覺得歪歪是男
    只待歪歪揭曉答案

    不過佢未必答~

    回覆刪除

LinkWithin

Blog Widget by LinkWithin