~~~~~~~~~~~~~~~~







2008年8月19日 星期二

紀漢醇外傳

紀漢醇外傳

晚上11:30,大型屋苑的外牆,萬家燈火。
細心觀看,各單位亮起不同顏色光暗的燈飾,還有電視機跳動的畫面;
紀漢醇和淑芳就是住在這座可容納三千戶的大型私人屋苑內。
今晚他們出席完親友的婚宴後,回家休息。

紀漢醇和淑芳已經結婚二十一年,沒有小朋友,兩夫妻已懂得相處之道,
什麼時候放鬆?什麼時候收緊?給予對方適當的自由度、恰當的關懷鼓勵;
經歷了三個「七年之癢」之後,兩夫妻無風無浪地平穩過渡。

接近午夜的關係,電梯大堂內只有兩人在等候升降機,
「叮」一聲,升降機門徐徐打開,兩人步入電梯內,按下52字。
當電梯的樓層顯示器,跳到48樓時突然「轟隆轟隆」!跟著停頓了。
淑芳大叫!紀漢醇安慰:「無事嘅!等我撳警鐘先!」
正當紀漢醇的食指按動黃色的警鐘之際,電梯又突然「轟隆轟隆」向下急墜!
強烈離心力令兩人尖叫,失去平衡倒跌在電梯地上。電梯在37樓停止跌勢。

紀漢醇見淑芳沒有受傷,爬起身按動警鐘,管理員回答馬上召消防員。
紀漢醇安慰淑芳說:「唔使驚!電梯故障,好正常啫!」
紀漢醇表面扮作鎮定,心底裡也十分惶恐,
因為電梯隨時斷纜,兩人飛墜三十層樓,九死一生!
兩人面面相覷,估唔到兩人能夠於同年同月同日逝世,
除了殉情外,夫婦於同日死忌,是十分難得!

淑芳口震震說:「阿醇,我想喺臨死前…親口講過…秘密你聽…如果唔講出嚟,我驚我會去得唔安樂…」
好奇心強烈的紀漢醇,也想知道淑芳有什麼秘密瞞着自己半生,洗耳恭聽。
淑芳說:「其實…我只係愛…你阿哥…紀漢郁…當我發覺佢係Gay之後…我好傷心…既然我嫁唔到俾我最鐘意嗰個男人……我就求其嫁俾你…咁樣做…起碼可以同你阿哥做親戚嘛…你唔好怪我吖!」
淑芳一講完,電梯突然「轟隆轟隆」向下墜多十層,
紀漢醇驚叫,一半是怕死、一半是知道太太秘密後的強烈反應!
終於在27樓停了,今次連電梯內的照明都完全熄滅,兩人在黑暗中再次呼嗌!
紀漢醇的呼叫除了害怕之外,還夾雜着一份21年的憤怨!

紀漢醇知道死期近矣,一切仇恨應該放開,在黑暗中向淑芳說:「唔緊要!俾著我係妳,我諗我都會咁做!」
紀漢醇:「其實我都有一個秘密瞞住妳,既然大家咁坦白,我想喺死之前同妳講…」
淑芳:「你即管講啦!講咗…真係會舒服好多架!」

紀漢醇:「妳知唔知我……床下底收埋咗一個……鞋盒吖?……」
淑芳:「我知呀!我仲偷偷地打開過嚟睇添……」
紀漢醇:「係咩?…..原來妳都睇過個鞋盒……」
淑芳:「鞋盒入面有兩個飲完嘅汽水罐…同埋港幣843蚊零4毫。」
紀漢醇:「唔~妳真係好記性,咁妳又記唔記得……我最憎飲乜嘢汽水吖?」
淑芳:「記得!沙士吖嘛!飲完你好想嘔……」
紀漢醇:「無錯!鞋盒入面有兩個沙士汽水罐,每當我背住妳跟其他女人上床,事後我好後悔、內疚,我就會飲一罐沙士汽水……嚟懲罰自己……仲將個空罐放入一個鞋盒嚟警惕自己……咁…妳可唔可以…原諒我呀?」
淑芳:「嗯!21年嚟,你都係偷食兩次啫,我原諒你!」
紀漢醇:「多謝妳……」

黑暗中的紀漢醇,眼中閃出淚光,獲得太太原諒之後,流下兩行被救贖的淚水。

淑芳:「咦?!咁個843蚊零4毫呢?」
紀漢醇:「哦!個鞋盒太細,我咪將擠唔落嘅沙士汽水罐攞去收買佬度賣,二毫子一個,咁慢慢咪儲到八百幾蚊囉!」

紀漢醇一講完,電梯又「轟隆轟隆」!由27樓沿電梯糟插水直墮!
但是今次電梯並沒有停止的跡象,連同淑芳的心窩,急速向下墜,
一直向下墜,
跌入無底深潭……


 

42 則留言:

  1. 哈哈哈哈哈...好那抵死
    應該係呢個blog 我覺得最搞笑既文章..

    喂..吾該得閒入黎我度餵下魚..
    Thanks

    回覆刪除
  2. DAIMOND

    換返原本張相~~

    ++++++



    >哦!~~~~
    ==>點先? 係咪有共嗚呀?


    +++++++

    數奇門

    >應該係呢個blog 我覺得最搞笑既文章..
    ==>呢個係悲劇喎~~~有人死喎! 仲笑~~:)

    喂..吾該得閒入黎我度餵下魚..
    ==>今早第一時間餵咗

    回覆刪除
  3. 卡兄:

    我睇完個post, 你估o下我第一時間係做乜?
    係即刻law 部計數機除一除條數....
    4,217...乜唔係一生人得1.5公升quota架咩??? 咁睇黎..溝水+粟粉都唔掂...哈哈

    p.s. 張相係咪o係長沙灣道影架?

    回覆刪除
  4. 我諗起"The War of the Roses"。劇情唔同,不過都係有一個"非常突然" 嘅悲劇收場。

    好衰架,搞到人咁傷感!

    回覆刪除
  5. 自由行

    咦?
    21年4,217次...即係一年200次
    平均2日一次?
    嘩!計起先知紀先生咁勁!

    乜一生人得1.5公升quota架咩???
    我仲以為得375毫升
    仲一早用完添咁!

    係呀!張相係咪o係長沙灣道影
    好眼力!

    回覆刪除
  6. 卡兄:

    >21年4,217次...即係一年200次
    平均2日一次?

    咁我又無計得咁詳細喎..我又唔係淑芳,佢一日20次都唔關我事...
    但一日20次, 我係淑芳就情願早d死咯..呵呵

    >好眼力!
    唔係我好眼力, 係我以前o係呢區長大o者..

    回覆刪除
  7. 小妮

    妳睇得開心我就高興!

    xiao zhu

    "The War of the Roses"。
    我都有睇, Michael Douglas & Danny Di Vitto
    將所有傢俱一分為二....

    >好衰架,搞到人咁傷感!
    唉~~~
    我都話我寫的喜劇睇到人傷感
    blog界得我一人做得到

    回覆刪除
  8. 自由行

    >一日20次, 我係淑芳就情願早d死咯..呵呵
    ==>嘩!一日20次?
    我極其量只係「一次20吓」

    >係我以前o係呢區長大o者..
    ==>哦!好呀!靜中帶旺, 旺中帶靜

    回覆刪除
  9. 卡兄:

    >我極其量只係「一次20吓」
    咁你要跟上次o個位鑽地俠咁, 練好d體能.淨係操肌肉唔得架....哈哈哈
    不過記得搵塊鐵板個孔大d先好練, 唔係就要打999同上頭版..

    回覆刪除
  10. 自由行

    >練好d體能.淨係操肌肉唔得架....哈哈哈
    ==>我驚猝死於公園...

    >不過記得搵塊鐵板個孔大d先好練, 唔係就要打999同上頭版..
    ==>唔使擔心
    個孔直徑好似牙籤筒的牙籤出口...我都穿得過!

    回覆刪除
  11. 卡臣:

    小心駛得萬年船!! 我唔希望除左個blog外, o係頭版同埋電視新聞見到你咯!! (港男除外)

    回覆刪除
  12. 自由

    多謝關心先

    我都係....放棄吧
    駛使眼冤~~

    回覆刪除
  13. 報紙報導懷疑"活塞男"是食了春藥才弄此田地,其實佢為咗戶外環境俾佢的快感定無處發洩要搵銅板幫手?

    回覆刪除
  14. 逍遙小妹

    我估食咗春藥嘅"活塞男"是為咗戶外環境俾佢的刺激快感而且無處發洩囉,
    我都明白嘅!

    回覆刪除
  15. 卡卡,比你笑死我!

    我就唔飲汽水喇,我會食事後煙,留低 4217個煙屁股,哈哈!

    回覆刪除
  16. LAULONG

    >留低 4217個煙屁股
    ==>嘩!不如今天開始蓄事後煙屁股
    一年後告訴大家有幾多頭?

    回覆刪除
  17. 卡臣兄:

    你啲男女問題文章,比小妮似樣得多~~~~~~:)

    Daniel.

    回覆刪除
  18. 卡臣:

    >不如今天開始蓄事後煙屁股
    一年後告訴大家有幾多頭?

    到時咪2個傻佬好似開"番攤"咁數煙頭咯!

    回覆刪除
  19. 卡臣 提到...
    DANIEL

    唔係呀!
    小妮寫得好啊!

    佢好多概念都有問題:)

    Daniel.

    回覆刪除
  20. 臨終告白,其言也善。
    但係好多時侯,覺得唔知好過知,尤其另一半的性史。
    這篇淚中有笑。

    回覆刪除
  21. 哈哈哈。

    如果我系淑芳,我情願紀漢醇唔好對我感坦白了,我真系會死唔眼閉~~~

    回覆刪除
  22. ......
    佢真係唔驚死唔去架喎~
    haha..返出黎就知味道~keke

    回覆刪除
  23. 卡臣,你無事嘛?差唔多廿四小時無見你留言,有啲擔心。

    回覆刪除
  24. 我諗鸚鵡唔會吹走卡臣卦? ^^
    分分鐘尋晚去左慶祝今日唔駛返工!!

    回覆刪除
  25. 南無阿彌陀佛....
    Ave Maria....

    唔係被困電梯呀!!!
    皇臺唔駛怕,八号風球完咗就會有人嚟救你!
    Amen

    回覆刪除
  26. 大厦管理員:

    阿先生小姐,你地唔好驚、唔好緊張,放鬆D!我地打咗999架喇,好快就有人嚟架啦!

    吓,人有三急呀?忍耐吓忍耐吓....

    x$ù^à"é&$yèz...

    回覆刪除
  27. 卡臣..困lift 還困lift 呀...唔好亂爆秘密呀! 因為你今次困lift唔死得架!!
    記~得~呀~

    回覆刪除
  28. 卡臣冇事喎!搬屋又未裝到寬頻,打風又冇返工,咪冇覆囉!

    回覆刪除
  29. 還是覺得淑芳講個秘密比較慘
    不過好搞笑 XD

    回覆刪除
  30. 啊..原來唔係困lift!!
    搬屋?? 唔通卡哥你住處有危險, 要去防風中心暫避? 唔怪得頭先新聞影住個背影咁似你~

    回覆刪除
  31. 多謝「路人甲」嘅留言;原來你冇事,只係忙搬屋,純屬一場虛驚。

    好在之前有交待過啫,如果唔係啲讀者仲會以為你係『拖着兩喼行李,離開這單位,無聲把大門關上。』嘅嗰位主角𠻹!

    祝你哋搬屋後一切順利!

    回覆刪除
  32. 歪歪,巴黎, 自由行

    多謝關心先!!
    我很感動!
    原來你哋在乎我架!!
    鳴~~鳴~~

    我星期四搬屋
    寬頻星期六先裝好
    原本星期五返工上網
    又遇上9號波

    多謝大家關心, 做我的平安鐘

    +++++++

    路人甲

    多謝幫我傳言先!
    免大家去報警
    謝~~~

    回覆刪除
  33. CARMEN

    要騙人, 就要騙一世~~~~

    ++++++++

    易風

    搵紀漢醇翻炒~~

    +++++++++

    mona

    兩公婆, 一比一
    大家都對唔住大家

    +++++++

    jessie

    通常女性嫁給的男人
    都不是最愛的
    (最愛的得不到)

    +++++++

    eric

    對呀!唔好影響下一代

    回覆刪除

LinkWithin

Blog Widget by LinkWithin