~~~~~~~~~~~~~~~~







2008年8月14日 星期四

交換電話

交換電話

盧先生和李小姐住在屯門區同一座新型私人屋苑內,盧先生是銀行出納員,李小姐是一名OL。每天早上8時正,他們都會不約而同到達小巴站乘小巴。小巴先到達旺角,盧先生再轉乘其他交通工具上班。

盧先生和李小姐偶爾會在小巴的長隊中遇上,李小姐這類清秀OL正是盧先生那杯茶,盧先生心裡已預先作好一段風趣的自我介紹。袋中預備好薄荷糖,時刻保持口氣清新,無論晴天、陰天或雨天,他必備一把雨傘,如遇上過雲雨便可替李小姐打傘,藉此認識。可惜盧先生仍未能製造出一個黃金機會上前去認識李小姐,太過急進或太過保守的計劃都在盧先生腦中逐一被推反。

李小姐留有一頭烏黑長髮,盧先生喜歡女子擁有負離子燙直的秀髮,在他的認知裏,賢妻良母一定會擁有一把長直的黑髮。

盧先生通常8時正才到達小巴站,而李小姐早已經排在長隊中。盧先生排在隊尾,便可以肆無忌憚地向前望,乘機窺看李小姐的黑髮和背影。因此盧先生不會太早到達小巴站,否則便要排站在李小姐前面,無法觀看。偷看李小姐這習慣,已成為盧先生每天早餐前的醒胃前菜。

星期一早上,盧先生如常來到小巴站,但慣常看見的烏黑頭髮,今天則不見影踪。盧先生以為她今天睡過頭遲到,所以沒有特別著意。但如是者,第二天第三天也不見她的芳蹤,盧先生開始忐忑不安,心急起來。立即回銀行上網翻看這幾天報紙,留意有沒有屯門區少女遇害案件,幸而找不到任何有關報導才有胃口吃早餐。

盧先生心中盤算只有兩個可能性:
1:她已搬離屯門?
2:她改乘其他交通工具上班?
胡思亂想令盧先生一整天做出納員時也神不守舍。

第二天盧先生嘗試改搭其他交通工具出旺角,希望可以再遇上她,盧先生並無其他非分的意圖,只不過想知道她仍是安全,便可放下心頭大石。盧先生試過輕鐵、西鐵、雙層巴士、邨巴、泥猛的士,全都無功而回。

曾經有一個「直髮疑似目標」出現,但當她擰轉頭時,發現並非李小姐後,盧先生非常之失望。

這天,盧先生在城巴站失望而回,返回小巴站排隊。今天交通擠塞,等了很久仍未有小巴到站。排隊的乘客們不耐煩地回頭張望,探視究竟幾時才有小巴駛至小巴站?站在盧先生前面八個身位的一名女乘客,正回眸探望...

啊!盧先生喜出望外!原來他千山萬水尋找的伊人,其實根本就沒有離開過小巴站,一直隱藏在自己身邊。李小姐只不過是把一頭直髮燙曲,並把頭髮由烏黑染成栗紅色。李小姐像個十八世紀的歐洲宮廷公主;充滿古典美。

盧先生笑自己這麼愚笨,還要展開數天搜索行動。原來李小姐一向原封不動,只怪自己不夠冷靜太衝動。這個早上,盧先生吃了較貴較豐富的特級A早餐作為替自己慶祝。

兩天後,盧先生和李小姐相遇在小巴站,巧合地登上同一部小巴。盧先生登車時,發覺全小巴剩下最後一個坐位,竟然就是李小姐身旁!盧先生扮成無可選擇之下唯有坐下去,實則緊張和興奮到不得了。

盧先生緊張到腦中預設好的計劃和自我介紹台詞,一片空白。怕醜的盧先生,乖乖地坐在她身旁,用右眼眼尾偷偷望她;憑她的飾物、衣著、品牌、顏色款式去猜想她的生活細節和品味。

小巴駛至接近荃灣路段便遇上車龍,原來前面路段發生三車連環相撞意外,導致交通癱瘓。過了10分鐘,車龍仍然毫無推進,趕上班的乘客們顯得份外焦急;除了盧先生一人之外,盧先生希望這班小巴最好一世停在那裡。

某些乘客開始致電回公司,報告遇上交通事故,盧先生致電回銀行後,發覺李小姐並沒有打電話。憑她的表情,盧先生知道她也是心急如焚。盧先生決定鼓起畢生勇氣先開口,與李小姐展開首次對話。

盧先生:「小姐,妳…係咪…無帶電話呀?」
李小姐怔一怔,猶疑地答:「有帶,不過無哂電,我原本諗住返office先charge,點知道……」
盧先生:「不如…我借電話俾妳…打返公司吖?」
李小姐道謝後接過盧先生的電話,
李小姐:「喂!Joan,我係Michelle呀!我而家喺深井塞緊車…吓?老闆打鑼搵我?唔該駁過去!…喂,吓?老闆講緊電話呀?……妳唔好收線先!…」
李小姐轉頭問盧先生:「唔好意思,你可唔可以…話俾我聽…你幾號電話?」
盧先生立即報上號碼9784 5612,
李小姐:「喂!Joan,等老闆講完,妳打9784 5612搵我啊,唔該!」
五分鐘後,Joan致電9784 5612,李小姐立即解答了老闆的緊急問題。掛線後把電話歸還,並向盧先生道謝。

盧先生望着手上電話,暗自慶幸。因為只要他按「電話重撥」鍵,李小姐的公司電話號碼便呈現在電話顯示屏上。他只要致電到她公司找Michelle,便可再跟她聯絡。另一方面,如果李小姐對自己有好感的話,只要她回公司找Joan,自己的電話號碼早已寫在memo紙上,這樣間接的交換電話方法,盧先生倒是第一趟。原來機關算盡到頭來還不及神來之筆的妙絕毫巔。

一番折騰後,盧先生終於回到銀行的counter,他重新思考如何處理李小姐的電話號碼。不其然發白日夢:夢到盧先生和李小姐的婚宴上,新娘新郎正跟賓客分享這段微妙的緣份安排。他不其然傻笑起來!引起其他同事們的翻白眼作回禮。

第二天早上,盧先生懷着輕快的心情,半跑半跳地到小巴站。怎料李小姐又再次失蹤,盧先生吸收了上次的經驗,推敲李小姐是否又改變新形象?但搜索了兩天都空手而回。

盧先生又開始心急起來,望着「電話重撥鍵」沉思起來,用什麼藉口找她?講什麼說話比較恰當?什麼時候撥電話最適合? 想了很久又拿不出勇氣來,最後決定觀望多一會。心想若果下星期一都不見她,就在星期一傍晚致電找她。

這個周末,盧先生過得特別辛苦,感覺像會考放榜等取成績單般誠惶誠恐。

皇天不負有心人,星期一早上李小姐再次出現於小巴站。不過身旁多了一名高大男士,態度親暱,而李小姐右手上的無名指上多添了一隻結婚鑽介。盧先生立即聯想到事情的始末:
李小姐先電染了一個宮廷髮式,因為她要拍婚紗照,
婚禮後去了七天渡蜜月旅行,所以芳縱杳然了一星期,
婚後兩人仍住在屯門,今天早上他們一起出門口搭車上班。

盧先生平心而論,李小姐的丈夫比自己高大靚仔,輸得心服口服。戴在李小姐纖幼的無名指上的指環叫Wedding Ring,但在盧先生眼中,這個金屬圈則叫Suffering。

盧先生惆悵地望着一對新人登上小巴,絕塵而去。木訥的盧先生取出手電,猶豫不決地躊躇著,最後忍痛地把電話通訊錄中的Michelle一欄,按上刪除。手拿着她曾經拿過的手提電話,惘然地嘆氣。木訥地站在街上,未察覺小巴已經到站。

每個人都有權去編寫自己的都市戀曲,只不過不能勉強對方一起參與啫。

I can’t make you love me – George Michael

Turn down the lights, turn down the bed
Turn down these voices inside my head
Lay down with me, tell me no lies
Just hold me close, don't patronize
Don't patronize me

'Cause I can't make you love me if you don't
You can't make your heart feel something it won't
Here in the dark in these final hours
I will lay down my heart, and I'll feel the power
But you won't, no you won't
And I can't make you love me
If you don't

I'll close my eyes and then I won't see
The love you do not feel, when you're holding me
Morning will come, and I'll do what's right
Just give me till then, to give up this fight
And I will give up this fight

And I can't make you love me if you don't
You can't make your heart feel something it won't
And here in the dark in these final hours
I will lay down my heart and I'll feel the power
But you won't, no, you won't
And I can't make you love me
If you don't

Ain't no use in you trying
It's no good for me baby without love
All my tears, all these years, everything I believed in
Baby
Oh yeah
Someone's gonna love me

84 則留言:

  1. 哎吔,好掂呀,“Wedding Ring" 對 "Suffering",可惜有時兩者都可以“合而為一“。

    之少今次係“有人快樂,有人愁"。

    回覆刪除
  2. 呢種暗單戀,我最鍾意做!簡直一語道破我這種怕醜仔嘅心聲呀臣哥!

    回覆刪除
  3. Excellent Story... I like the Suffering bit a lot ...

    I also had a similar experience... went thru loads of troubles to get a guy's number and when I finally have the courage to call, a lady picked up and of cos, it was his wife... >_<

    回覆刪除
  4. 歪歪

    好耐無見
    呢掛你無咁忙嗱!

    Wedding Ring" 除咗對 "Suffering"
    都可以對"love Sharing"

    ++++++++++++++++++++


    笑哥

    >簡直一語道破我這種怕醜仔嘅心聲呀!
    ==>也是我這種怕醜仔嘅心聲.
    真架!
    如果我唔係怕醜佬, 又點寫得出?!

    回覆刪除
  5. C+

    唉~~~我又係呀!
    打去個女仔到,結果佢果仔(兒子)接聽添 !

    同是天涯淪落人
    在這傷心者通道上同行....

    ++++++++

    數奇門
    >呢d 故事好真實
    ==>莫非你想暗示是我親身經歷?
    哈哈!
    係呀! 我就係故事中嘅..............小巴司機

    回覆刪除
  6. 卡臣:

    中學教師....? 我都識一個架喎..唔通係...佢..? 哈哈

    回覆刪除
  7. 易風

    >甜夢K

    哈哈~~我將故事送給阿TK!

    +++++++

    自由行

    呢個「交換電話」...咪就係「巴士蒘緣」囉囉!

    回覆刪除
  8. 卡臣:

    車...「巴士蒘緣」~都唔夠蒘既..你都無提"黑花油"..
    仲益佢添...話晒有個靚女主腳..俾佢幻想
    o下

    你=小巴司機
    TK=盧先生
    亞易=靚女主角老公

    回覆刪除
  9. この小説は非常に特殊な 。

    創作非常に興味深い 。

    回覆刪除
  10. Nice story. I recalled meeting an asian girl at the same train station 3 times in a week (at different time too). Of course I didn't have the courage to go introduce myself then.

    回覆刪除
  11. 自由行

    我=小巴司機
    TK=盧先生
    亞易=靚女主角老公
    自由行=Michelle

    +++++++++++

    HANA

    巴士蒘緣-->讀者睇到眼冤,咁咪蒘緣囉!

    +++++++++

    diamond

    都話你日文勁!
    我以後叫你「日文旅客」啦

    回覆刪除
  12. 卡臣:

    >自由行=Michelle
    咁就真係蒘緣咯!
    仲要mau低噴飯~ 我講我

    為o左唔想你個blog突然間d友仔(嚇)走晒, 你求其俾過2打6臨記我做得呀! (例如排隊黨, 小巴內其他乘客..., joan,...)

    回覆刪除
  13. 暗戀,是許多人年少時的經歷,在想像中,永遠細膩、温柔,雖然有時候會令人悵惘。
    這種情感,法國人似乎很難明白,只要自己喜歡,便會向對方表示,管她是街上遇到的陌生人、抑或朋友的情人....

    正如「日文旅客」的留言(我估估吓D漢字),卡臣這短篇,「興味深」,有餘韻。

    回覆刪除
  14. DESERTFOX

    >Of course I didn't have the courage to go introduce myself then
    ==>原來我們都是同一類, 怕遭人拒絕
    所以先拒絕任何機會
    (拖埋你落水)

    +++++++++++

    freewalker

    >為o左唔想你個blog突然間d友仔(嚇)走晒, 你求其俾過2打6臨記我做得呀! (例如排隊黨, 小巴內其他乘客..., joan,...)
    ==>千祈唔好咁講
    我打算下個故事揾妳做女主角
    妳而家需要做的
    就是給我一個女性英文名(代表妳)
    ...我認真的!

    回覆刪除
  15. 巴黎旅客

    >法國只要自己喜歡,便會向對方表示,管她是街上遇到的陌生人、抑或朋友的情人....
    ==>嘩!咁正?!
    去法國機票最平幾多錢? 我要訂位!!


    我諗「日文旅客」留言的「興味」,
    應該指「永興海味」一陣鹹味啩!

    回覆刪除
  16. 可惜而家冇晒L記水貨團,如果唔係可以免費遊法國,其實機票唔貴,反而燃油付加费一加再加,連國泰都要虧本幾億!不如搭火車,由西伯利亞橫渡歐洲,肯定有個難忘假期。

    話時話,你呢類型港男係法國應該會好受鬼妹仔歡迎,記住打扮番萬暦十年個嗰丐幫加+藝術人look!

    Bienvenue en France!歡迎歡迎!
    p.s. 有冇人話比我知今日係乜嘢節,點解樓下咁多婦女燒香拜神?仲帶埋燒肉雞鴨。

    回覆刪除
  17. >亞易=靚女主角老公
    自由行=Michelle

    嘩!靠害咩?

    >巴士孽緣
    你果D孽緣真係唔係好孽咋播
    都冇六國大風相
    唔收貨呀!

    回覆刪除
  18. 卡臣 提到...
    巴黎旅客

    >不如搭火車,由西伯利亞橫渡歐洲,肯定有個難忘假期。
    ==>搭火車?我得幾日假
    攞哂嚟搭火車咩?
    仲有,西伯利亞人係咪都係自己喜歡,便會向對方示愛先?
    如果唔係, 我都係唔搭火車....

    今日「盂蘭節」即是鬼門關大開
    遊魂野鬼回到人間一個月.
    周街燒衣拜祭
    妳唔好去夜街
    好多朋友喺身邊

    >你呢類型港男係法國應該會好受鬼妹仔歡迎,
    ==>係咪先?唔好點我!
    我留緊長把頭髮先

    回覆刪除


  19. >亞易=靚女主角老公
    自由行=Michelle

    ==>嘩!睇你兩個卿卿我我扮夫妻
    已經值回票價, 娛樂性豐富!

    >你果D孽緣真係唔係好孽咋播
    都冇六國大風相
    唔收貨呀!
    ==>我原本想寫盧先生同michelle於小巴同座之時,
    盧先生忍不住把手摸michelle大腿,
    michelle睡著, 沒有反抗
    盧先生見四周無人發現
    膽子大起來, 竟然當眾拿出自己的...(下刪一千字)
    不過警要PG,所以改了!

    回覆刪除
  20. 巴黎旅客:

    >法國人只要自己喜歡,便會向對方表示,管她是街上遇到的陌生人、抑或朋友的情人....
    唔止法國人..好多外國人都會..我個fd 試過有個鬼佬同佢示愛, 仲唱埋情歌添..好鬼攪笑..但中國人多數唔會..

    >其實機票唔貴,反而燃油付加费一加再加
    係呀..d油費,離境稅加埋個價錢分分鐘拍得住張機票...

    今日係正日鬼節, 亞媽實叫豢"今晚唔好夜返呀!!"

    卡臣:

    >我留緊長把頭髮先
    留乜鬼, law 個假髮就行得呀..仲攪咁多..
    記得拎埋個結他呀..無鬼妹示愛,都有零錢幫補旅費麻.最重要係唔駛o係條街等咁on居.

    >嘩!靠害咩?
    我都未出聲你出聲....

    >我打算下個故事揾妳做女主角
    唔好咁客氣呀...多謝!留番俾亞易生.佢就 黎講到出面架呀!

    >睇你兩個卿卿我我扮夫妻
    已經值回票價, 娛樂性豐富!
    我..我唔拍床戲架喎~

    >我原本想寫盧先生同michelle於小巴同座之時,
    盧先生忍不住把手摸michelle大腿,
    michelle睡著, 沒有反抗

    跟住俾分開o左坐既老公睇到, 然後咪..六國大風相...2敗俱傷..仲要第日上頭條.哈哈哈

    回覆刪除
  21. 暗戀令我想以前中學時的回憶,以前的我暗戀不會太久,因為我係坦白型,如果唔講的話,佢永遠唔知,但表白的話,有機會發展呢~~
    而暗戀已經好耐冇試過LU....

    回覆刪除
  22. 逍遙小妹:

    好小女仔係坦白型. 你係我知既第一個. 講真; 個男仔接受就梗係開心, 唔接受既話都唔知點算...仲要日日對住....好瘀喎~

    回覆刪除
  23. 你返工搭車係咪都成日望前面的靚女們呢?hehehe

    乜原來wedding ring係戴右手架?我以為係左手~

    回覆刪除
  24. 自由walk

    >唔止法國人..好多外國人都會..我個fd 試過有個鬼佬同佢示愛, 仲唱埋情歌添..好鬼攪笑..但中國人多數唔會..
    ==>中國人含蓄, 驚俾人拒絕無面子嘛.
    食得檸檬多, 要保護自己

    >記得拎埋個結他呀..
    係呀, 旺角火車站,有個後生仔彈結他唱beyond架!
    我要在法國街頭唱「鳳國恩仇未了情」
    中國.加油!

    >我打算下個故事揾妳做女主角
    唔好咁客氣呀...多謝!留番俾亞易生.佢就 黎講到出面架呀!
    ==>咁唔賞面?同我隊哂支「滋華士」!

    >我..我唔拍床戲架喎~
    無人要妳做床戲喎......不過要妳嚟真啫!


    >跟住俾分開o左坐既老公睇到, 然後咪..六國大風相...兩敗俱傷..仲要第日上頭條.
    ==>嘩!
    TK=盧先生
    亞易=靚女主角老公
    即係TK 打 亞易
    世紀之戰呀!

    回覆刪除
  25. 逍遙小妹
    >妳係坦白型,表白的話,有機會發展呢~~
    ==>妳果然心口有個「勇」字
    情路上勇往直前!
    起碼試過, 唔會後悔

    >而暗戀已經好耐冇試過LU....
    ==>妳玩名戀嘛~

    +++++

    自由walk
    >個男仔接受就梗係開心, 唔接受既話都唔知點算...仲要日日對住....好瘀喎~
    ==>一於扮醉!
    第日唔認有講過
    再唔係,話玩心理測試
    總之唔認

    回覆刪除
  26. mona

    >你返工搭車係咪都成日望前面的靚女們呢?
    ==>話冇..妳都唔信啦!
    不過我住在老人區,好少靚女

    >乜原來wedding ring係戴右手架?我以為係左手~
    ==>我以為「男左女右」嘛
    第時妳記得問清楚先戴囉 !

    回覆刪除
  27. 卡兄:

    >我要在法國街頭唱「鳳國恩仇未了情」
    卡兄..加油...! 但係萬惡淫為首襯你style 多d

    >咁唔賞面?
    我受寵若驚o麻~

    >同我隊哂支「滋華士」!
    嘩...正! 多謝先..我買定綠茶等你呀! ^^

    >不過要妳嚟真啫!
    下..唔明..唔知喎..呵呵

    >即係TK 打 亞易
    世紀之戰呀!
    哥斯拉大戰...??

    >一於扮醉!
    第日唔認有講過
    再唔係,話玩心理測試
    總之唔認
    um...睇黎你都用過呢條橋...
    我都見過男仔用過"扮醉"條橋架~

    回覆刪除
  28. Freewalker


    >但係萬惡淫為首襯你style 多d
    ==>萬惡為手淫?...歌詞難記啲
    不過法國人都唔知我唱乜

    >不過要妳嚟真啫!
    下..唔明..唔知喎..呵呵
    ==>唔明? fight real army 吖!

    >即係TK 打 亞易
    世紀之戰呀!
    ==>醋意傾潟!爭女大戰!

    >um...睇黎你都用過呢條"扮醉"橋...
    唉~我試個有位男士扮醉同我講........
    ...「你以為自己係乜?!」

    >你講真架? 如果我唔見o左, 一定會好唔開心..就算買個隻都補唔番..
    ==>真架!真架!
    其實...身外物啫~
    放下吧
    或者妳婚後就會明白..

    回覆刪除
  29. 你話"Wedding Ring"可以對"love Sharing",我仲以為你晒恩愛,但係你連wedding ring都跌埋,實俾阿嫂鬧到你耳wing wing!

    不過咁都好,之後你就可以好方便咁扮未結婚!好橋!

    其實我點忙都有嚟睇你嘅作品㗎。我上面個留言就係一時匆忙打錯字,真係失禮。

    回覆刪除
  30. 卡兄:

    >fight real army 吖!
    你講格魯吉亞? 定李華月呀??

    >我試個有位男士扮醉同我講........
    我無講過主角係我喎..鎖李..

    >...「你以為自己係乜?!」
    我以為...我以為我係o個個無電既手提電話咯..(呢個係一個重要角色黎,無佢就唔成事)

    >或者妳婚後就會明白..
    um...分分鐘到我死o個日都唔明

    回覆刪除
  31. 我頭先打 9784 5612 呢,接電話果位小姐話喎,點解有條友將個古仔寫左出嚟喎 ~~~

    仲問我係邊 Q 個,咁我咪話,寫果條友欠條街數,我係收數佬囉...

    個小姐話「 係?早講丫,喂,我都要借疊錢還卡數喎, 咁咁咁 ~~」

    ...........



    醫生:阿陳生,慢慢嚟,食藥先,係既係既,嗱你又搞醫生部電腦喇 ~~

    回覆刪除
  32. 自由

    >我試個有位男士扮醉同我講........
    我無講過主角係我喎..鎖李..

    ==>妳完全誤會我意思:
    我,卡臣,曾經去飲酒
    席間一位同性戀男士帶醉同我講:「你以為自己係乜?!」
    跟妳無關呀!

    >um...分分鐘到我死o個日都唔明
    ==>唔明有唔明的好!

    回覆刪除
  33. 歪歪

    我老婆無鬧到我耳wing wing!
    因為她都整唔見隻wedding ring, too!

    咁我就可以好方便咁扮未結婚!
    ...知我者莫約你啦!

    多謝你抽時間睇我嘅拙作先!。
    講打錯字? 幾時夠我多?!

    +++++++++

    diamond

    奇喇!
    我頭先打 9784 5612,
    接電話果位係北方小姐,
    佢話:「腥生,憂貌衰要?(先生,有冇需要?)」
    仲make 埋 appointment添!

    深水埗見!

    回覆刪除
  34. 亞沖生: 係120奀, 你俾得118奀, 仲爭2奀呀...

    回覆刪除
  35. 邊個夠膽同我搶生意!!!?

    回覆刪除
  36. 你睇我唔到~你睇我唔到~~
    卡兄...免得你監介...

    回覆刪除
  37. 乜宋皇臺旅客要返工咩?我以為你係freelance話劇演員,鍾意做就做,幾時放假都得!西伯利亞d女仔平時多見冰山少見人(尤其是港男),你去到包保受歡迎!

    係法國唱Chinese opera,唔使明架,音樂無彊界嘛!意大利歌劇都冇乜人明啦,咪一樣聽到投入。

    "係咪先?唔好點我!
    我留緊長把頭髮先"
    ==>我無點你架,長髮,代表英勇、風趣、體貼、有型....

    其實,「麻甩」既定義係乜?

    回覆刪除
  38. 北方小姐
    亞沖生: 係120奀, 你俾得118奀, 仲爭2奀呀...

    ==>阿姐,我呃妳?
    妳夠呃我啦!
    門口寫「正宗十八歲」
    結果..妳都係18歲,不過18年前吖嘛!

    +++++++++

    >邊個夠膽同我搶生意!!!?
    ==>邦民果對兄弟囉!

    回覆刪除
  39. 自由行

    >你睇我唔到~你睇我唔到~~
    卡兄...免得你尷尬...

    ==>嘩!嘩!
    嫖妓嫖正網友?! 好橋喎!

    「嫖妓蒘緣」不日上映!

    回覆刪除
  40. 巴黎

    我要返工!仲係朝九晚六果隻,
    話劇演員...放工先去排戲.
    公映時請假囉!

    >西伯利亞d女仔平時多見冰山少見人(尤其是港男),你去到包保受歡迎!
    ==>好呀!袋定兩支vodka先生

    >音樂無彊界嘛!意大利歌劇都冇乜人明啦,咪一樣聽到投入。
    ==>有理!我聽印度string時,好多靈感架!
    (極度扮嘢!)

    >我無點你架,長髮,代表英勇、風趣、體貼、有型....
    長毛梁國雄!啊巴黎好冧你呀!!

    >其實,「麻甩」既定義係乜?

    ==>wikipedia:【麻甩】:這詞源自法語,以前廣州很多比利時籍的西教士贈醫施藥,當有病人求醫,比利時教士會用法語說"malade",意思是「病人」,後語意演化,今「麻甩佬」泛指粗魯男人

    回覆刪除
  41. 卡兄~~

    咁話劇係你的正職定副業?

    仲有明戀我都好耐冇試過啦,都有一個奧運咁耐LU.......
    我今日行街果陣,俾個女人Bear住我,之後我睇到個女仔有男朋友,點解要bear我?真莫名奇妙!

    回覆刪除
  42. 逍遙

    話劇係我的嗜好
    好似常人鐘意去唱k打牌咁

    妳的明戀四年一屆?
    祝妳下一次明戀喺倫敦發生!

    >點解要bear我?真莫名奇妙!
    可能她男友望妳,
    jealous令她望妳啩?!

    回覆刪除
  43. 呀,原來【麻甩】同法蘭西話有關?唔講真係唔知!
    Malade發音:駡 -la -de (^普通話第三聲)

    琴日係會展個Wine Fair做野,都見到好多來自各地嘅「麻x」先生,好攪笑!

    咦原來你鍾意印度音樂,好spiritual喎!我就比較鐘意潮州音樂劇,「自己顧自己」,夠存在主義。

    回覆刪除
  44. 巴黎

    好彩有妳呢位法文人喺度
    大家一齊跟著讀一次:Malade:
    駡 -la -de -
    多謝巴黎的示範~

    妳見到自各地嘅「麻x」先生,
    係咪著「夢特嬌」shirt?
    戴玉戎指?
    紅酒加冰?

    我鍾意印度音樂?
    我講笑咋咦原來,我都寫(極度扮嘢!)
    自嘲咋!
    我接觸過的strings,
    只是beatles的後期作品(+印度元素=迷幻藥)

    回覆刪除
  45. 唔駛客氣呀中文人!

    點只可以加冰,仲可以加果汁、汽水、涼茶...總之,要蓋過d 紅酒味!

    哎吔「夢特嬌」真係多得國內同胞擁護呀!我係法國住咁耐,都冇見過西人著「嬌恤」。

    話時話,除左部份農業暴發戶,都有真正文化之士,有禮貌兼有酒品,唔會弹三弹四。

    回覆刪除
  46. 想問下個 post 的photo 的超級屏風樓是那裡?

    回覆刪除
  47. 緣份二字可謂被你撚至出神入化.

    回覆刪除
  48. 阿嫂無鬧到你耳wing wing,就証明佢幾體諒你。不過唔鬧,你可能仲更加內疚。

    “麻甩“嘅另一由來:

    “麻甩佬正確寫法應是麻笠佬,為何有麻笠佬這名詞? 由來是因古代時人們舉行喪禮穿的孝服是用草編成的,叫笠,而古人十分注重禮儀,相信要為兩者披麻帶孝十多日.自古至今,喪禮一般都由死者的子孫,長子主持,而大多以男為主.在這數天中,他們都不可脫下喪服洗澡,而身上自然會流汗發臭.所以麻笠佬這個詞就由此演變出來.而現今女性形容指他們為,麻甩佬臭男人亦是這意思. “

    加多個有關"Malade"嘅傳說:

    According to Michael Caine, the name comes into the English language via Mary Queen of Scots, who was visiting a French speaking country and fell ill. Marmalade was one of the dishes they brought to tempt her palate - and the phrase she overheard constantly was ‘Ma’am est malade’ (Madam is ill) which gave the name marmalade (and which, incidentally) is a great way to remember the correct spelling of the word.

    回覆刪除
  49. 巴黎

    嘩! 咁有創意飲紅酒?
    真係乜都夠膽死!
    法國佬見到必O咀!!

    >都有真正文化之士,有禮貌兼有酒品,唔會弹三弹四。
    咁又係!互相尊重嘛
    唔好攞一球人民弊出嚟揚~~

    +++++++

    匿名

    張相係.....將軍澳中心.

    回覆刪除
  50. nostalgia

    >緣份二字可謂被你撚至出神入化
    ==>唔敢當!

    其實故事臨尾有兩句:
    「浪漫可以自己製造,但有無人肯陪你一齊經營,就要靠點緣份.」
    不過最後delete咗!

    +++++++

    歪歪

    多謝你!
    你令到呢度好學術呀!
    唔係得啖笑!

    >阿嫂無鬧到你耳wing wing,就証明佢幾體諒你。不過唔鬧,你可能仲更加內疚。
    ==>她唔敢鬧我, 因為她也弄失了ring

    回覆刪除
  51. “你令到呢度好學術呀!“
    只係因為我之前聽過“米高堅“話“marmalade“係源自“malade“,想唔到連“麻甩“都同“malade“有關。

    希望無俾我悶親。

    “她唔敢鬧我, 因為她也弄失了ring“
    原來阿嫂係仲早過你想扮未結婚!你就特登跌埋自己嗰隻嚟報復!

    講真啦,其實你話「浪漫可以自己製造,但有無人肯陪你一齊經營,就要靠點緣份.」係好啱,因為只有一方去勞力係唔夠嘅,套用一句聽番嚟嘅真理:「沒有甚麼比你愛的人也愛你更幸福。」共勉之。

    回覆刪除
  52. 歪歪

    >希望無俾我悶親。
    ==>當然唔會啦!多謝你就真!
    正經啲,平衡一吓

    >你就特登跌埋自己嗰隻嚟報復!
    ==>唔使報復, 佢嫁俾我, 對她來說, 已經是上天對她報復.

    >「沒有甚麼比你愛的人也愛你更幸福。」共勉之。
    ==>嘩! 金句呀!裱起佢先

    回覆刪除
  53. hahha其實好少留意人地有冇戴ring~不過卡臣竟然可以咁樣唔見法,都好型!(假設是真)

    回覆刪除
  54. MONA

    >不過卡臣竟然可以咁樣唔見法,都好型!(

    珍珠都無咁真!!

    回覆刪除
  55. 哈哈,成個旅程冇眼眉跳,擺明唔 wenk 我shu。

    如果巴士孽緣,真係會好孽架,攪唔起呀!

    回覆刪除
  56. LAULONG

    >成個旅程冇眼眉跳,擺明唔 wenk 我shu。
    ==>係呀!你一離境就失效!
    一返嚟就會眼眉跳

    回覆刪除
  57. eben

    都唔係悲劇嘅
    試問那個男人未試過暗戀失敗吖

    咪好快又忘記咗
    再暗戀新目標

    回覆刪除
  58. 加多結尾一句。。。

    木訥地站在街上,未察覺小巴已經到站;索K小巴司機一野將佢撞死。

    回覆刪除
  59. naruto

    木訥地站在街上,未察覺小巴已經到站;索K小巴司機一野將他撞死。

    盧先生臨死前,痛苦地吐出:「Michelle...I..Love..You..」
    之後氣絕身亡,
    一個殉情的結局

    回覆刪除
  60. coffee

    好, 再上路!
    再找新目標!
    (我指盧先生)

    回覆刪除
  61. I can't make you love me
    首歌好正
    單是歌名都叫人腰心腰肺~

    回覆刪除
  62. 雖然個故仔好dramatic,但世事有時真係愈刻意經營愈得唔到,亦愈失望。
    如果現實唔見咗個女仔兩年竟然再撞返,會唔會鼓起勇氣去試試?

    回覆刪除
  63. 正呀!Suffering!

    em....呢個故事既真實,又殘酷!

    回覆刪除
  64. 以前我有一個同學,暗戀隔離系的女同學,同學時常吹虛那位女生認得他,又話那個女生經常對住佢微笑,但我地成日都覺得我的同學好多都係佢自己幼想出黎...同你呢篇真係好似

    回覆刪除
  65. largeheadboy

    呢首歌深宵時分聽
    殺傷力仲大呀

    ++++

    單無雙

    「如果現實唔見咗個女仔兩年竟然再撞返,會唔會鼓起勇氣去試試?」
    ==> 兩年後, 女仔拖著兩個小朋友返學
    唯有祝福佢哋一家幸福

    +++

    I.minor

    「我的同學好多都係佢自己幼想出黎」...
    我諗思覺失調的最初病徵是這樣

    回覆刪除
  66. 暗戀,呢個唔得咪揾過個囉!好易啫,屋企等𨋢又有,公司同事又有,夜晚返進修班嘅同學又有,要幾濫都得!

    回覆刪除
  67. 歪歪

    係呀
    三唔識七都得
    想像免費嘛

    回覆刪除
  68. 卡臣:

    七十個留言笑鬼死我!

    不過咁,點解無人諗過,男人坐落小巴到,女的伸手摸佢大脾內側既!嘻嘻!

    回覆刪除
  69. 佛爺

    公共交通工具的痴漢多的是
    我呢個故事都叫做浪漫愛情故事嘛

    回覆刪除
  70. ==> 兩年後, 女仔拖著兩個小朋友返學
    唯有祝福佢哋一家幸福

    咁可唔可以係,右手拖住個小朋友,左手隻介子消失咗?

    回覆刪除
  71. 阿盧先生是銀行出納員, 典解會 "盧先生開始忐忑不安,心急起來。立即回學校上網翻看這幾天報紙" , 又會 "胡思亂想令盧先生一整天教學時也神不守舍。" 既 ??

    唔通阿盧生真係不安到連工都返錯 ?????

    回覆刪除
  72. kateyip

    好明顯╴我寫錯了
    改番啱
    多謝提示

    回覆刪除
  73. 卡臣, 呢個古仔好細膩呀, 有 d 少男情懷總是詩既 feel, 現實生活中, 揾唔到 d 咁浪漫既男仔既 ? 莫非只有對住杯茶... sorry, 係對住佢地杯茶至會流露出黎 ?
    男人心事真係難猜咯~~ 呵呵 !

    回覆刪除
  74. kateyip

    男仔都浪漫架,在他的暗戀故事裡,一切都變成浪漫.男人和女人都差不多,想像世界中什麼都美好,不過同現實有偏差啫

    回覆刪除
  75. 男仔既浪漫會唔會隨著年紀而減少呢 ?
    我只見過對住杯茶浪漫既男仔, 杯以外既都無興趣...哈 !

    回覆刪除
  76. kateyip

    咁都好正常啫
    正如妳只對妳喜歡的食物垂涎

    回覆刪除

LinkWithin

Blog Widget by LinkWithin