~~~~~~~~~~~~~~~~







2008年11月14日 星期五

枱底下

枱底下

12月冬天,在銅鑼灣一間美式餐館內,四位辦公室打扮的男女正在吃午餐。
這頓是「歡迎新同事」的午餐,他們四人是隸屬市場推廣公司的其中一組。
男經理姓盧,另外兩位Marketing Executive叫Gavin 和Monique,新同事叫Anna。
年輕的Anna是美人胚子,笑起來有兩粒迷人的酒渦,
同事們正問Anna一些個人興趣喜好,互相了解一番。
盧經理笑瞇瞇望著Anna,對於這位新女同事加入,他十分興奮雀躍!
Monique也高興有一位靚女同事,可以交換扮靚心得。
Gavin則表現冷靜,心平如鏡。
當侍應端上甜品時,侍應偷窺到於枱底下,Anna穿的高踭鞋正輕掃著Gavin的褲管……

Anna早於一年前已經認識Gavin,他們是一對情侶。
Gavin不喜歡將私生活向同事們公開,所以未有同事見過Gavin女朋友的樣子。
Anna剛剛給舊公司裁員辭退,而她挑起家庭的重要經濟擔子,年尾又難搵工,
Gavin見自己公司有一個Marketing Assistant的空缺,就叫Anna寄信一試。
結果盧經理面試時,一眼便認定要聘請眉精眼企的Anna了。
Gavin和Anna決議將彼此的情侶關係隱瞞,在眾人面前扮唔識。

但貪玩的Anna見Gavin吃飯時扮到一臉正經,決定要搗蛋,用腳輕撩Gavin,
兩人枱上無異樣地繼續吃甜品,枱下則偷偷纏綿。

其後他們一組人,每天工作、午飯、加班;同事們未有發覺他們拍拖的秘密。
有一天下午2:30開會,Gavin因「飯氣攻心」打瞌睡,
Anna見眼簾半垂的Gavin,害怕給盧經理察覺,連忙用腳撩醒Gavin。
從此,無論他們開內部會議或是接見客人的會議,兩人必會於枱底用腳交纏。

12月20日,Anna和Gavin下班後,「前後腳」離開公司,於尖沙咀再會面,
Anna的女性直覺告訴自己,盧經理一直在暗戀自己,蠢蠢欲動想追求自己;
可能在聖誕節付諸行動來示愛,盧經理近日已經試探Anna平安夜有什麼節目?
Gavin提議不如將兩人關係向同事們公開,Anna同意,不過要用一個較低調的方法。
Gavin知道12月24日中午,公司會搞Christmas party,員工們需要交換禮物。
Anna和Gavin會用同一樣的禮物包裝花紙,而Gavin準備的禮物,則是Anna最喜愛樂隊:Travis的最新CD,Anna辦公枱上都貼滿Travis的相片和poster。
Gavin希望這些小動作,會令「心水清」的盧經理,略見端倪而讓一讓路。

Gavin在書局買了包裝花紙後回公司,臨放工時,人事部經理召見Gavin,
公司要清減架構裁員,Gavin這些年資悠久的中級職員,不幸被選中開刀。
需要即日執包袱走人。

原來盧經理受到上級壓力,需要「交數」:在他管理的一班員工中揀出一個,把名字交給人事部。
盧經理選中了Gavin,與他的辦事能力無關,而基於另一個考慮因素:上週他們跟客戶開會時,茶水阿嬸端茶入會議室給客人時,見到Gavin和Anna的枱底纏腿。
雖然他們已立即把腿縮回,但怎可逃得過阿嬸那對雷達電眼?

茶水阿嬸在Pantry跟Rita說起此事,Rita再傳給Rachel,
而Rachel就是盧經理的秘書,Rachel無意間漏了風聲給盧經理知道。
盧經理先發制人,假公濟私,既然要交出一人犧牲,就乾脆把Gavin的名字交給人事部。

Anna對此消息十分驚愕!Gavin執拾好私人物品後,跟眾人逐一握手道別,
當輪到Anna時,Gavin既然沒有心理包袱,
就當著眾多同事面前,尤其在盧經理面前,
跟Anna作一個既激烈又深情的濕吻,眾人在毫無心理準備下,嚇得目瞪口呆!
滋事的男同事們,首先帶頭鼓掌,吹口哨,吶喊叫囂!

這一個長吻,是他們兩人一生中,除了在婚禮上,有旁人鼓掌的深吻,

畢竟有人願意跟自己站在眾人面前擁吻,
是一種難得的福份。

55 則留言:

  1. 檯底撓腳係調情中最低樁的一種,只好過調戲少少jar

    不過咁,哩一吻又真係幾浪漫嘅。

    回覆刪除
  2. 卡臣:

    好明顯Gavin 知自己俾人鋸既原因. 亦都擺明向亞盧經理示威...
    現實,地下情好難唔俾人發現, 因為好多蛛絲馬跡會浮出黎..爭在D人講既時侯自己知唔知..

    回覆刪除
  3. Hana

    >哩一吻又真係幾浪漫嘅。

    如果我係Anna, 浪漫過後, 都唔知以後日子點過..分分鐘亞盧經理下一個目標係自己喎..

    回覆刪除
  4. 0.0~ 四隻腳可以玩到咩出黎呢...
    (我唔知道啊...)

    不過,好sweet 呀個結局~!

    回覆刪除
  5. Hana

    「檯底撓腳係調情中最低樁的一種」<--對於不懂調情的我,真係要多聽妳呢位專家講喇!


    ++++++++++++

    自由行

    「地下情好難唔俾人發現, 因為好多蛛絲馬跡會浮出黎..」係喎,紙包唔住火!


    分分鐘亞盧經理下一個目標係自己喎..<--anna預咗啦,
    em...咁多同事做証
    盧經理要負上橫刀奪愛之名

    +++++++++

    zoe

    四隻腳可以玩到咩出黎呢<---打麻雀啩?!

    回覆刪除
  6. 哇哇果一吻真係正呀
    浪漫死~~~~
    卡臣你係得既!!

    回覆刪除
  7. 想起昨天在戴高樂機塲,一對戀人難捨難分、吻了再吻....
    情到濃時,卻要假裝陌生人,苦!

    回覆刪除
  8. Mona

    卡臣你係得既!!<--如果卡臣你係duck既!!就更好!如港男般

    +++++++++

    巴黎旅客

    妳回港啦!welcome back!
    「一對戀人難捨難分、吻了再吻....」法國人真浪漫!!

    情到濃時,卻要假裝陌生人,<--我估其實幾好玩,因為要假裝,要交戲, 有了戲劇元素
    便有趣味...我諗

    回覆刪除
  9. Daniel

    茶水阿嬸的下場如何?:)<----繼續生存在公司內,每間公司必有八卦的同事,
    無得避!


    +++++++++++++

    小瓶子

    「甘有我嗰朋友的经历FEEL?」<---難道我地講緊同一人?
    你個朋友....係咪妳自己呀?

    回覆刪除
  10. 正經
    嗯...硬係有d意猶未盡既感覺咁o既...

    玩野
    嘿嘿...你係咪埋左伏筆點樣一野推lum佢呀?

    踢爆
    >對於不懂調情的我,真係要多聽妳呢位專家講喇!
    扮豬食老虎?

    搭訕
    >茶水阿嬸的下場如何?:)
    同左盧經理囉!

    ><--如果卡臣你係duck既!!
    臣哥梗係duck喇!

    >你個朋友....係咪妳自己呀?
    莫非小瓶子就係anna同車臣扮唔識?

    回覆刪除


  11. 唔正經
    有d意猶未盡既感覺<--不如咀完,摷埋會唔會夠喉啲?

    玩野
    我嘅伏筆就係monquie
    其實係monquie想撩盧經理,撩錯gavin
    gavin再撩anna

    自招
    我不懂調情!人人叫我「快鎗手」陰公

    搭爹
    茶水阿嬸其實鐘意gavin, 所以拆散佢同anna,再搞子母戀

    我係潔廁duck咋!


    小瓶子就係anna同車臣扮唔識?
    <---網上地下情?...你唔好侮辱小瓶子啲taste,
    壞了小瓶子的名節呀!

    回覆刪除
  12. 我份人一向好"扬", 拍拖绝对高调. 你见我系BLOG到用真面目见人就知, 地下情绝对不是我杯茶.

    回覆刪除
  13. 地下情少能長年地下。

    又或者,早已升上地面,不知道的,反而是當事人而已!

    檯底撩腳,好危險呀,撩錯咗點算?

    回覆刪除
  14. >你唔好侮辱小瓶子啲taste,壞了小瓶子的名節呀!
    (歎氣)本來呢我都唸住幫車兄你「指鹿為馬」隱瞞一下心底既「地下情」。不過兄臺原來唔真係想隱瞞。咁我當然冇理由壞左小瓶子既名節既。小生係度向小瓶子賠個不是!

    ><--不如咀完,摷埋會唔會夠喉啲?
    (奸笑)嘿嘿!呢個就要問問作者喇。不過我唸車兄會係第一個讚成囉!盧經理就可能係第一個反對喇 ;)

    閱讀理解報告

    (引言--一本正經地)
    意猶未盡既意思當然唔係咁低樁喇。而係既然盧經理可以駛d咁既手段,故事結局一定冇咁容易就可以去到happy ending遮。呢個故事好似有d dub迫力趕收工遮之嫌...
    (不過呢d都係廢話)

    (轉入正題)
    除非...(嘿嘿!)...個故實係happy ending因為作者將個人意願project落個故事度喇!

    (解說)
    卡臣 - Gavin(發音極度相近)如此類推,其他「當日」有份出現既主角(大抵都形容得絲絲入扣)就好似ahna咁「呼之欲出」喇!

    (結論)
    當完全理解個故事既來龍去脈之後,埋藏心底裏既[地下情]「哩一吻又真係幾浪漫嘅。」

    卡sir!我呢篇閱讀理解會考成績囉硬A喇下話!入硬you呀!

    回覆刪除
  15. 小瓶子

    地下情绝对不是我杯茶.<--我絕對尊重妳的意願.

    ++++++++++++++

    劉SIR

    「地下情少能長年地下」
    <---地下樂隊也少能長年地下.回歸地面主流樂壇
    SORRY, 差開了話題

    +++++++++++++

    易兄

    你呢篇簡直係洞悉世情
    唉~俾你兜口兜面踢爆我呢個痴漢閉門對牆的慾望投射!

    小說用來發洩得不到的東西
    好似啲細路仔買唔起玩具
    就無中生有,用幻想嚟滿足一吓自己
    又俾你睇穿

    回覆刪除
  16. 哈哈!咁順攤?實則虛之、虛則實之!好多表面證據確鏧既案件到審出黎又唔係果一回事。就好似政治舞台上有d人比人陷害好似係悲劇既主角咁。其實佢地不過係高層權利鬥爭中既砲灰而已。根本連配角都唔係。

    同樣地呢d咁小兒科既閱讀報告其實好有可能係作者巧妙地設計,等有心人自作聰明以為玩踢爆,其實係被作者利用作為表白既工具。有d野自己講當事人會立即拒絕。不過當當事人從其他人把口度得知,起初可能會因為唔信而否定(起碼負面情緒唔會直接direct落自己度而係否定懶醒踢爆果個人),然後唸唸下又會覺得甜絲絲。咁設計者就得米喇!就算功敗垂成衰左都冇人知呀。

    呢個設計仲有一個好處:就算衰左,既然已經借其他人把口將事情揚開左,其他有愛心既旁觀者就會上前安慰作者。到時候就大把機會藉著被開解而發展感情。不過旁觀者呢個目標比較不明確,會用呢招獨孤九劍既人唔多(當然作者其實可能係高手風清揚)。

    嗯...所以更有可能一開始呢一招就係聲東擊西。一開始就標明(亞東)一個不可能既任務,到「功敗垂成」喇就可以搵亞西訴苦藉口親近。呢招就係明修棧道,暗渡陳倉。

    點都好!呢鋪牌做出黎已經叫緊三飛!實食冇黐牙喇!而且進可攻退可守!作者心思慎密至此,分分鐘仲有意想不到既機關設計係入面呀!

    (呵呵!點呀?呢幾條line做後傳得唔得呀?)

    回覆刪除
  17. 香港地呢,好多人轉工,除了為找更好的工和薪水外,其中一個主要原因,是在公司裡結識了男女,前拍施,為免尷尬,一段時間後,男或女的便會轉工。

    而相對地,在一間公司不能結識到男女朋友,也會轉工,期望在另一家公司找尋姻緣。

    回覆刪除
  18. 易風

    果然好嘢! 不愧為名咀律師
    「呢鋪牌做出黎已經叫緊三飛」<--應該食炸糊,或者一開始已經係大小相公.

    有啲points你提醒了遲鈍的我.
    「有愛心既旁觀者就會上前安慰作者」<---
    即本文留言欄出現的:自由行,zoe,mona,小瓶子,巴黎旅客,都成了我「暗渡陳倉」的隱藏目標!
    都好喎!我無千萬身家,追求她們合情理啲!
    費時貽笑大方.

    我聲東擊西完,喺時候等愛心旁觀者出現
    (我咁樣講到出哂面,應該無人會覆我,
    而家左右兩路都斷哂,夠鐘閂舖,收x)


    ++++++++

    daimond

    情侶於同一公司工作
    日見夜見
    一來悶
    二來無哂自己空間
    都好似唔work

    回覆刪除
  19. 卡臣:

    無諗過安慰你喎, 東家唔打打西家咯! 屢敗屢戰呀!

    回覆刪除
  20. >自由行,zoe,mona,小瓶子,巴黎旅客,都成了我「暗渡陳倉」的隱藏目標!
    嗯...原來首選行姨!佢有福喇!不如叫呀校長幫幫你咧?

    >我無千萬身家...
    嘿!可圈可點喎呢句...

    >應該無人會覆我...
    又有鑽石又有行姨!車兄果然男女通殺!...

    >無諗過安慰你喎...
    咁慰安呢?我估佢仲受!

    回覆刪除
  21. 自由行

    妳無諗過安慰我呀,
    咁妳呢兩句:「東家唔打打西家咯! 屢敗屢戰呀!」<--係鼓勵我囉呵!
    好!我充滿力量啦!

    ++++++++

    易大狀

    >嗯...原來首選行姨!佢有福喇!
    我寫行姨先,係跟據回覆的先後次序
    所以行姨一個唔好彩成了首選

    >我無千萬身家.呢句可圈可點喎...
    大家心照不宣啦呢句
    你估我真係咁天真咁傻咩?!

    >有鑽石又有行姨覆我!
    不過兩位都唔係安慰我
    我叫的單吊,原來四隻牌一早已經打哂出嚟
    叫死糊添

    >咁慰安呢?我估佢仲受!
    慰安我?咁正?! 我終於海底撈月
    扭轉劣勢
    食舖十三么

    回覆刪除
  22. 卡臣:
    >好!我充滿力量啦!
    啊..卡兄原來係he-man!

    >不如叫呀校長幫幫你咧?
    校長都幫你唔到,佢連我而家係乜野o麥頭都唔清唔楚..

    >我寫行姨先,係跟據回覆的先後次序
    所以行姨一個唔好彩成了首選
    嘩...咁益我..頭啖湯? :p (lam脷中)

    >大家心照不宣啦呢句
    你估我真係咁天真咁傻咩?!
    呢招唔掂既, 咪出本書認係錯愛咯!

    >慰安我?咁正?! 我終於海底撈月
    扭轉劣勢
    食舖十三么
    哈哈...睇下邊個慰安邊個? 分分鐘食十三么
    o個個係我...哈哈哈...問你驚未?

    回覆刪除
  23. 自由行

    >卡兄原來係he-man!
    我係spider man(靠黐)
    搞吓爛gag先

    >校長連我而家係乜野o麥頭都唔清唔楚..
    我相信!如果校長見過妳都自己愛咗啦,仲會留返俾我咩?

    >嘩...咁益我..頭啖湯?
    何止飲頭啖湯?有利事派俾妳添

    > 咪出本書認係錯愛咯!
    使錢出書?
    我有錢都攞嚟開飯啦!

    >睇下邊個慰安邊個? 分分鐘食十三么
    o個個係我...
    慰安呢家嘢...都分「日安」同「夜安」
    妳揀先喇

    回覆刪除
  24. >卡兄原來係he-man!
    之前有女見過車兄都話佢胸肌勁喇!

    >我係spider man
    原來有八隻腳箝住行姨,呵呵!

    >如果校長見過妳都自己愛咗啦,仲會留返俾我咩?
    嘿嘿!聽講佢地有過一段歷史架!所以校長一定撐你!

    >睇下邊個慰安邊個? 分分鐘食十三么
    o個個係我...慰安呢家嘢...都分「日安」同「夜安」...
    呵呵!車兄有人差輪廚你既「能耐」喎!如果日夜都踩到行一行,你副「計」會唔會頂唔順架?驚你冇油喎!

    回覆刪除
  25. 卡臣, 易風:

    >之前有女見過車兄都話佢胸肌勁喇!
    咁仲唔去選港男(下年)? o係度寫小說無錢途架...你睇貽興黃就知...呀!

    >原來有八隻腳箝住行姨,呵呵!
    無人話你知我係蜘蛛精咩...分分鐘我+卡臣16隻腳箝實你黎虐待..呵呵

    >聽講佢地有過一段歷史架!
    喂..我係當事人都唔知喎...講黎八下好喎...

    >日夜都踩到行一行,你副「計」會唔會頂唔順架?驚你冇油喎!
    無油...咪去油站入咯...呵呵

    >都分「日安」同「夜安」
    唔駛揀呀..乜你唔知一包有齊晒3樣...係3樣野...咁多咩..?

    >有利事派俾妳添
    嘩..筍喎!..又食又拎..咁..多..謝...晒..呵呵(要通知下班姊妹先)

    回覆刪除
  26. 易兄

    >之前有女見過車兄都話佢胸肌勁喇!
    我胸肌勁?係!我認
    但佢無提到我有相撲手的身型啫!

    >原來有八隻腳箝住行姨,呵呵!
    嘩!講到我成隻西遊記中的蜘蛛精咁
    又似異形幼虫

    >聽講佢地有過一段歷史架!所以校長一定撐你!
    吓?情史呀?師生戀好呀! 一定可以升班

    >如果日夜都踩到行一行,你副「計」會唔會頂唔順架?驚你冇油喎!
    咁即係「日安」同「夜安」都唔使諗.
    疊埋心水講聲「晚安」! 早啲抖!

    回覆刪除
  27. >嘩..筍喎!..又食又拎..咁..多..謝...晒..呵呵(要通知下班姊妹先)

    嘩!其他咩都唔駛講!車兄你發達喇今勻!

    回覆刪除
  28. 自由行

    >咁仲唔去選港男(下年)?
    我想參加, 不過穿泳褲果關我實fail!
    下面太幼小

    >我+卡臣16隻腳箝實你黎虐待..呵呵
    16隻腳...麻雀都開到四圍

    >我係當事人都唔知喎...講黎八下好喎...
    迷姦啩?!

    >無油...咪去油站入咯...呵呵
    入 印度神x, 或者 印度x油

    >乜你唔知一包有齊晒3樣...係3樣野...
    有齊三樣? 日安, 夜安同保安呀?

    >嘩..筍喎!..又食又拎(要通知下班姊妹先)
    妳班姊妹耗油量大唔大
    1200cc仲得
    一過2500cc我就「冧計」

    回覆刪除
  29. 易兄

    >(要通知下班姊妹先)嘩!其他咩都唔駛講!車兄你發達喇今勻!

    多謝先
    我呢招「明修棧道,暗渡陳倉」見效啦。
    希望班姊妹唔好火燒我連環船啦
    我舢舨仔咋!

    回覆刪除
  30. 卡臣, 易風:

    我~爭~d~笑~死~左! 因為我kit左一聲...出黎

    >我想參加, 不過穿泳褲果關我實fail!
    下面太幼小
    d亞太淨係like揸o下兩o舊大方飽o者..放心

    >16隻腳...麻雀都開到四圍
    係呀..抽水仲好和味...

    >迷姦啩?!
    o下..我唔虐老架喎...

    >入 印度神x, 或者 印度x油
    呢排油貴,或者試下入紅油(牛)

    >妳班姊妹耗油量大唔大
    1200cc仲得
    一過2500cc我就「冧計」
    呢d野...我唔知喎..
    唔通我問..."喂..你耗油量大唔大架?大就唔好呀..架"車"頂唔住呀...咁咩" 眨低你駕"車"性能就唔好呀!!

    「冧計」唔驚..仲有得救,至驚衰竭而終要拎去湯"車"o者

    回覆刪除
  31. >我kit左一聲...出黎
    我都係呀!死人車臣真係好鬼死可愛架遮!年中都唔知有幾多無知少女死係佢手上!

    >不過穿泳褲果關我實fail!下面太幼小
    根據可靠消息小車臣車碌個合金鈴有成16寸咁粗喎!咁都叫幼?同大象比呀?

    >我+卡臣16隻腳箝實你黎虐待
    哇~你地d腳打晒kick咁,解開個結先喇。再者我唔好虐待呢家野架既。車兄委屈你喇呢鋪!睇黎今次係佢食你十三腰多d。希望你條腰頂得緊喇!

    >入 印度神x, 或者 印度x油...呢排油貴,或者試下入紅油(牛)
    仲有佢班如狼似虎既姐妹,睇黎車兄你重要啪埋蟻哥先得喇!要幾多貨呀?我有折喎!

    >「冧計」唔驚..仲有得救
    呵呵!「冧計」佢都救得返?果然係校長既高足呀!嘿嘿睇黎車兄你冇得扮拋錨喇今鋪!入定幾桶油喇,否則跑跑下跪低就唔好睇喇!

    回覆刪除
  32. 易風:

    >我都係呀!死人車臣真係好鬼死可愛架遮!年中都唔知有幾多無知少女死係佢手上!

    少女殺手??唔通玩迷姦o個個係佢??
    你同佢個腦都係轉得好鬼快...成日俾你地笑死.遲早俾人發現我.係.傻.既...

    >根據可靠消息小車臣車碌個合金鈴有成16寸咁粗喎!咁都叫幼?同大象比呀?
    你"及"佢痀尿呀?? 16寸...你有無嚇親or 自卑??

    >車兄委屈你喇呢鋪!睇黎今次係佢食你十三腰多d。希望你條腰頂得緊喇!
    睇你個樣,又善慕又妒忌呀? 佢唔得咪你頂上咯..成班姊妹排晒隊呀...呵呵

    >睇黎車兄你重要啪埋蟻哥先得喇!要幾多貨呀?我有折喎!
    蟻哥你有折,你用開架??
    再唔係試下喬寶寶隻勃勃素...應該平d

    >救得返,果然係校長既高足呀!
    唔關我事, 關整車師傳事o者..唔好諗錯

    > 車兄你冇得扮拋錨喇今鋪!入定幾桶油喇,否則跑跑下跪低就唔好睇喇!
    唔只唔好睇..仲"火羅"添!! 失禮我呀!!

    回覆刪除
  33. 自由行

    >d亞太淨係like揸o下兩o舊大方飽o者..放心==>我無大方飽,得隻mini熱狗(菠蘿腸)

    >係呀..抽水仲好和味==>係呀!我啲女同事叫我「抽水卡」架!

    >迷姦啩?!o下..我唔虐老架喎...==>但校長鐘意嘛!間中受虐會興奮啲

    >呢排油貴,或者試下入紅油(牛)
    ==>我想用白花油...冰震感覺,從心而發

    >眨低你駕"車"性能就唔好呀!!==>我從來唔會吹牛扮係坦克車,我架係「白車」, 仲係成日死火果隻

    >至驚衰竭而終要拎去湯"車"o者==>「湯車」? 唔制呀!我要「湯豬」呀!

    回覆刪除
  34. 卡臣:

    >我無大方飽,得隻mini熱狗(菠蘿腸)
    呢排熱, 小心夾熟左隻小熱狗...變烘底熱狗..

    >但校長鐘意嘛!間中受虐會興奮啲
    佢鍾意既咪得閒叫個仔beat佢2 o下咯!

    >我想用白花油...冰震感覺,從心而發
    有蚊針咩..白花油..好"也"下喎..

    >我從來唔會吹牛扮係坦克車,我架係「白車」, 仲係成日死火果隻
    咁大鑊...? 天氣咁熱..會唔會著火架?

    >我要「湯豬」呀!
    咁你要去幼稚園先有呀!!

    回覆刪除
  35. 易sir
    >死人車臣真係好鬼死可愛架遮!年中都唔知有幾多無知少女死係佢手上!
    ==>唉~~真係死咗係我手上...唔受溝而保貞自盡

    >根據可靠消息小車臣車碌個合金鈴有成16寸咁粗喎!
    ==>你聽錯啦! 正確答案係:
    「小車臣有『漆六寸』咩?!」

    >睇黎今次係佢食你十三腰多d。希望你條腰頂得緊喇!
    ==>送部O-shim騎馬機俾妳

    >睇黎車兄你重要啪埋蟻哥先得喇!要幾多貨呀?我有折喎!
    ==>睇嚟蟻哥都唔能夠增援
    救到我嘅...得易兄同校長兩位
    快趣增援我呀!

    >入定幾桶油喇,否則跑跑下跪低就唔好睇喇!
    ==>印度神牛, 活絡油,黑鬼油,牛油...

    回覆刪除
  36. 自由女神

    >呢排熱, 小心夾熟左隻小熱狗...變烘底熱狗
    ==>呢排熱,隻小熱狗縮水成腸仔飽

    >佢鍾意既咪得閒叫個仔beat佢2 o下咯!
    ==>校長無生女,只好找女高徒代勞,鞭多兩鞭!

    >有蚊針咩..白花油..好"也"下喎..
    ==>福仔顏先生推薦我用白花油
    有乜事請搵佢

    >咁大鑊...? 天氣咁熱..會唔會著火架?
    ==>會唔會著火?睇妳班姊妹嘅外貌喇

    >咁你要去幼稚園先有呀!!
    ==>唉!小學生都失哂身,乜世界呀?

    回覆刪除
  37. 卡臣:

    >呢排熱,隻小熱狗縮水成腸仔飽
    唔好昆我喎..雖然我唔係仔..但科學堂教係"熱脹冷縮"架喎...

    >校長無生女,只好找女高徒代勞,鞭多兩鞭!
    關事咩? 佢但求就手,梗係叫亞印印呀!
    Marina..黎同我鞭多兩鞭, 我呢個月最多唔炒你住...

    >睇妳班姊妹嘅外貌喇
    我班姊妹..梗係索過白花油呀...呵呵..到時我驚你多謝我都唔切呀!

    回覆刪除
  38. 自由行

    卡臣:

    >但科學堂教係"熱脹冷縮"架喎...
    ==>無呃妳
    妳打邊爐果陣
    一隻大蝦放入個火鍋度
    等一陣間,隻大蝦就變咗啦蝦米

    >Marina..黎同我鞭多兩鞭, 我呢個月最多唔炒你住...
    ==>因為僱傭稅,校長炒咗賓妹
    唯有搵番妳幫手,

    >我班姊妹..梗係索過白花油呀...呵呵..到時我驚你多謝我都唔切呀!
    ==>當真?
    校長同易風,你兩位點睇先?
    可信性高唔高?

    回覆刪除
  39. 卡臣:

    唔好意思, 而家先覆, 因為太大風, 吹走左我手揸住o個支野, 要去執番先...

    >一隻大蝦放入個火鍋度
    等一陣間,隻大蝦就變咗啦蝦米
    但係行得耐, 隻腳會脹架喎..

    >因為僱傭稅,校長炒咗賓妹
    咪請番隔離屋陳師奶o個個咯..拖個o急行過對面就攪掂! 唔駛等...
    聽聞陳師奶個賓賓得21歲,好索架! o岩晒亞狼校長私有化...

    >校長同易風,你兩位點睇先?
    可信性高唔高?
    佢地2個都唔得閒理你. 一個要教新賓賓點鞭先high, 一個又俾"北冕"唔知吹左去邊...
    你都係靠自己把呀...

    回覆刪除
  40. 港燦自由女神~

    傻啦,今朝先覆,使乜唔好意思吖?!
    ==>打八號嘛,我呢面太大風, 吹走左我褲襠入面果支野, 我都要去執番先...牙籤

    >但係行得耐, 隻腳會脹架喎..
    ==>咁我試吓用小卡臣嚟行路
    希望佢腫脹
    或搵隻蚊針腫佢

    >聽聞陳師奶個賓賓得21歲,好索架! o岩晒亞狼校長私有化...
    ==>聽闡亞狼校長對面試中的中六學生虎視眈眈, 16歲後生過21歲, 卜卜趣!

    >佢地2個都唔得閒理你.
    ==>校長見今日落雨, 但又要影日落交功課
    搭飛機走咗
    易風忙去同女bloger傾
    邊得閒吖?!

    回覆刪除
  41. 卡臣:

    >我都要去執番先...牙籤
    我跑左好耐先執得番支火炬(好似係火炬), 你吹走左支~牙~籤~呀? 睇黎搵番既機會都好渺茫...買個支呀! 廟街大把..有平有貴,又多花臣,任君選擇~

    >我試吓用小卡臣嚟行路
    小卡臣參加奧運100米短跑...?我都想睇o下..人類七大奇景..

    >聽闡亞狼校長對面試中的中六學生虎視眈眈, 16歲後生過21歲, 卜卜趣!
    佢個心想o者...分分鐘要見報喎...仲要連份工都無.到時佢就真係唔駛交稅..賓賓呢..就唔同..塞番o舊零水攪掂..仲可以隨時候命

    >校長見今日落雨, 但又要影日落交功課
    搭飛機走咗
    易風忙去同女bloger傾
    唉..係咁架呀..如果你係女, 咪唔駛對住我咯...亞易實即刻黎攬實你呀..驚你俾風吹走麻!

    回覆刪除
  42. 港燦自由女神

    >買個支牙籤呀! 廟街大把..有平有貴,又多花臣,任君選擇~
    ==>如果可以買過, 我買碌柴/木樁 添呀!

    >小卡臣參加奧運100米短跑...?我都想睇o下..人類七大奇景..
    ==>傷殘奧運見!

    >賓賓呢..就唔同..塞番o舊零水攪掂..仲可以隨時候命
    ==>咁又係,鬼佬愛搞賓賓,服侍週到

    >唉..係咁架呀..如果你係女,咪唔駛對住我咯...
    ==>無阿易校長,有妳肯同我傾
    都叫臨尾抽個安慰獎

    回覆刪除
  43. 卡臣:

    >如果可以買過, 我買碌柴/木樁 添呀!
    嘩...木樁...@@ 咁港燦男神非你莫屬...簡直係香港地標..要長期擺o係廟街展覽...

    >傷殘奧運見!
    we are ready.....

    >咁又係,鬼佬愛搞賓賓,服侍週到
    原來校長..係咁洋化架..

    >無阿易校長,有妳肯同我傾
    都叫臨尾抽個安慰獎
    又安慰...收錢架喎...每6秒..6毛...

    回覆刪除
  44. 自由

    >簡直係香港地標..要長期擺o係廟街展覽...
    ==> ifc? ...(ifc= i fool carson)

    >傷殘奧運見!we are ready.....
    ==> i'm already disable

    >原來校長..係咁洋化架..
    ==>他這方面較洋化架

    >又安慰...收錢架喎...每6秒..6毛...
    ==>1秒1毫? 超抵呀!安慰啦!

    回覆刪除
  45. >易風忙去同女bloger傾
    咩呀?尋日去左搞基呀。碌博死左...唉!

    >1秒1毫? 超抵呀!安慰啦!
    講黎講去又咪慰安!

    >"枱底下"
    幾時改名架?

    回覆刪除
  46. 逆思理

    >咩呀?尋日去左搞基呀。碌博死左...唉!
    去搞基?做乜唔call我?我約你僻室小聚嘛!

    >講黎講去又咪慰安!
    我一早已經講到出哂面架啦!

    >"枱底下"幾時改名架?
    俾你踢爆後,第一時間改
    以示對你敬畏(賊仔心態)

    回覆刪除
  47. >去搞基?做乜唔call我?我約你僻室小聚嘛!

    我將舊情人既元神注入第二個臭皮囊度
    唉!無奈情已逝...點韃都韃唔返著
    嗚...嗚...嗚...

    >俾你踢爆後....以示對你敬畏

    唉!可能洩漏左你起三飛
    ...solly係叫三飛既天機
    招致報應呀~重敬乜鬼畏呀
    自畏重好喇!

    回覆刪除
  48. 逆思理

    >我將舊情人既元神注入第二個臭皮囊度
    唉!無奈情已逝...點韃都韃唔返著
    ==>咦?玩愛的替身?
    唉!我都係過內人,
    唔想傷害,亦唔想被人傷害
    都係搵伍姑娘算罷啦!

    >唉!可能洩漏左你起三飛
    ==>哈哈!我都想
    不過自己果度唔爭氣
    起三飛不成之餘,仲反被人飛添!

    >重敬乜鬼畏呀!自畏重好喇!
    ==>你想寫>「自慰」?「自衛」?「自刎」?「畏罪自刎」?

    回覆刪除
  49. 卡臣:

    >不過自己果度唔爭氣

    你千祈唔好學呢位仁兄咁on 居..哈哈哈
    諗諗下..你會唔會就係呢位仁兄..呀..鎖你..鎖你..當我無講過..

    http://hk.news.yahoo.com/article/080807/4/7kwe.html

    回覆刪除
  50. 卡臣兄:

    打工地方,地位唔高又咁多事,一定死得快,我見得多~~~~~~:)

    大文兄:

    我返工只係為開飯,及有多啲錢開飯~~~~~~:P

    Daniel.

    回覆刪除
  51. 自由行

    我唔係呢位「鑽地俠」
    一鑽即崩!

    ++++

    daniel

    明白哂

    回覆刪除
  52. 卡臣:

    佢叫"活塞男", 唔係"鑽地俠"!哈哈

    http://appledaily.atnext.com/template/apple/art_main.cfm?iss_id=20080808&sec_id=4104&subsec_id=12731&art_id=11448840

    回覆刪除

LinkWithin

Blog Widget by LinkWithin