~~~~~~~~~~~~~~~~







2008年8月29日 星期五

六個人的下午

六個人的下午

2008年8月30日星期六下午2:15分:

灣仔太源街一座唐樓,五樓的一間套房內,冷氣機發出隆隆聲,對抗戶外32度的高溫。200尺的套房內,一名青年叫Andy。他對着電腦螢光幕,十隻手指在鍵盤上飛馳。同一時間,用MSN跟六位朋友線上聊天,霹靂啪咯在鍵盤上打。其中一位朋友突然問Andy:「如果無咗電腦,你會點 ?」

Andy想起法國導演Luc Besson拍攝的一齣黑白電影《Dernier combat, Le》,講核戰毀滅現代科技文明之後,殘存的人類如何在這片廢土由零開始。

Andy眉頭之間一皺,覺得自己如果無咗電腦,一定會好像「吊白粉癮」般煎熬。他突然醒起已經有好一段時間,沒有跟電腦屏幕前六位朋友見面。心血來潮,用MSN分別問六位朋友:不如出嚟見個面?

六個人的回答是:「忙」、「諗諗先~」、「揾日」、「(╯╭╮╰)」、「*o*」、「busy」。突然之間,Andy想不起這班日傾夜講的朋友,他們的樣貌和神態。想了很久,也記不起他們的面容特徵。

200平方尺的房間,突然很冷,長期緊閉的窗簾,十分幽暗的房間。

十分幽暗的房間,
17歲少女Bonnie很喜歡在黑暗的環境下看電視。她跟父母同住在坪石邨,星期六下午,父母仍需上班工作,留下Bonnie一人留在家中看收費電視。她最愛看《Discovery Planet》和《National Geographic Channel》,這一集節目,探討全球海洋水位不斷上升,終會有一日淹沒文明城市,世界末日降臨。

Bonnie想起法國導演Luc Besson拍攝的一齣黑白電影《Dernier combat, Le》,電影講核戰毀滅現代科技文明之後,殘存的人類如何在這片廢土由零開始。

Bonnie自幼認識大自然世界,都是從電視螢光幕中的紀錄片獲取。她心血來潮,突然記起自已已經很久沒有去過沙灘,曬過太陽。她想用雙腳去親身感受灼熱的沙粒和細聽有節奏感的浪聲,不是電視呈現的二手經驗。Bonnie見今天陽光普照,加上自己又百無聊賴,最適合到沙灘走一趟。

她執拾了簡單的行裝後,便出門口乘小巴到西貢。戶外的陽光很猛烈,十分剌眼。

戶外的陽光很猛烈,十分剌眼。
雙耳戴着headphone的Cyrus急忙推開玻璃門,走進尖沙咀文化中心內。由陽光猛烈的戶外走進幽暗室內,Cyrus眼前一黑,三秒適應環境後,視力才恢復過來。

大堂中央架起一個舞台,正在舉行免費的文娛表演。Headphone內的強勁音樂突然停頓,原來昨夜忘記charge電,ipod終於罷工。此時電量耗盡,毫無辦法,無帶notebook又無帶USB插頭,Cyrus想到:如果全港停電一日,自己如何熬過無電的生活?

Cyrus想起法國導演Luc Besson拍攝的一齣黑白電影《Dernier combat, Le》,講核戰毀滅現代科技文明之後,殘存的人類如何在這片廢土由零開始。

一把女高音傳進耳裏,一名演藝學生演唱意大利歌劇,聲音很清脆圓潤。面前的文娛表演令Cyrus停下來,回頭駐足欣賞。他已把家中的全數CD唱片,轉換成電腦檔案,下載落ipod方便日播夜播。數碼化音樂雖然無瑕疵,但總是欠缺一點人情味道。

他很久未嚐過真人發聲的現場感受,想捕捉這刻magic moment,他馬上拿出具有相機功能的手提電話,他按下相機的快門。

他按下相機的快門。
阿Don奉母親之命,到外婆家中幫手清理婆婆大量無用雜物舊衣。阿Don習慣隨身帶備數碼相機,把有趣的事物拍下來,由午餐吃什麼菜式、同事朋友、衣服鞋襪到路牌街燈都不會放過。面前外婆擺放的古董舊傢具,他當然不會放過。

每當他拍下一張照片,他習慣馬上按「Replay鍵」檢視剛才拍攝照片的效果。他把大量的數碼相片儲存在家中電腦硬碟內,其實他不清楚自己究竟拍過什麼和儲存了什麼相片?

阿Don的一位朋友來電訴苦,大嘆他的電腦剛剛被偷,令所有重要的數據資料完全遺失。阿Don都擔心如果有一天他遺失電腦,也會十分痛苦,明白現代人是極度依賴電腦。

阿Don想起法國導演Luc Besson拍攝的一齣黑白電影《Dernier combat, Le》,講核戰毀滅現代科技文明之後,殘存的人類如何在這片廢土由零開始。

阿Don在外婆的存物櫃內,發現了一部封塵的膠卷相機,他很久未嚐過「用菲林機影相」和「等半小時沖曬」的滋味。那份等待期盼的興奮,早已被數碼相機所取締。

他決定向外婆借用菲林相機一趟,重溫「按36次快門後再等半小時沖曬」的懷舊感覺,阿Don向外婆裝一個鬼瞼,他興奮得擺出V字的勝利手勢。

他興奮得擺出V字的勝利手勢。
Edmond雙手握着Wii的控制桿,升上了另一個Level後,露出一個滿足的笑容。他最愛回家後,在房內通宵達旦打遊戲機。他最擅長打「網球」、「保齡球」、「高爾夫球」、「兵乓球」、「拳擊」等球類電子遊戲。

長期打機的Edmond因為沒有太多朋友,所以跟他對打的只是電腦而非有血肉的同類。他想起上一次跟真人打羽毛球,已是四年前跟中學同學打對,有講有笑。他忽發奇想,電腦究竟能否代替朋友,一邊打波一邊傾計一邊互窒對方?如果明天是世界未日,他會選跟電腦或揀同朋友,渡過最後一夜呢?

Edmond想起法國導演Luc Besson拍攝的一齣黑白電影《Dernier combat, Le》,講核戰毀滅現代科技文明之後,殘存的人類如何在這片廢土由零開始。

Edmond覺得自己日操夜操,球藝應該比四年前進步千里,是時候試驗一吓自己的真正球藝實力去到什麼level。他放下控制桿,拿起電話,約中學同學明晚到自己屋苑的會所打羽毛球;電話旁的同學想了一想,便一口答應。


電話旁的同學想了一想,便一口答應。
Frankie知道自己出名係大頭蝦,電話收綫後立刻用手指在手機上撥了兩下,選好日子,便將下星期舊同學聚會的時間、地點存載到日程表內。看到未來兩星期的節目編排得密麻麻,慶幸今日唔駛OT,可以早些返屋企,今晚一於盡情煲碟。為了提醒自己一陣記得買即食麵同啤酒,Frankie又打開手機的備忘錄功能,加在他的超市購物單裏。「卡!卡!卡!」在小巴內突然傳來BB的笑聲,Frankie抬起頭托一托副眼鏡,只見眼前的其他乘客不是在傾電話,便是跟自己一樣低下頭在把玩手機。「卡!卡!」這次Frankie馬上轉頭望向車尾,原來坐了一對母子,母親正和懷裏的BB一起玩「點虫虫」。Frankie仍記得自己細時,最愛在媽媽懷裏聽故事,但已記不起上一次回家吃飯是在上個月,還是更久。

Frankie想起法國導演Luc Besson拍攝的一齣黑白電影《Dernier combat, Le》,講核戰毀滅現代科技文明之後,殘存的人類如何在這片廢土由零開始。

Frankie覺得自己的生活是受日程表所支配,既然從來不留一些時間給家人,便不會自動提議返屋企食飯,不如就趁今日,買埋阿媽最鍾意食的煲仔飯,返屋企同阿媽撐檯腳。於是,Frankie嗌了聲「街口有落!」當車門一開,便從小巴躍下到街上,隨住人群走入港鐵入口。

2008年8月30日星期六下午2:15分,
六個城市平凡人幹著大同小異的瑣事。


Andy -「重新思考朋友的定義是什麼?」
Bonnie -「重新思考應該怎樣感受大自然?」
Cyrus -「重新思考怎樣界定感人的音樂?」
Don -「重新思考應該怎樣對待每一張照片?」
Edmond -「重新思考運動有什麼功能和意義?」
Frankie-「重新思考為何親情會變得更疏離?」

註:本文形式取自穆時英短篇小說《夜總會裡的五個人》。

72 則留言:

  1. as i read more articles from yours the more they remind me of 劉以鬯!!

    回覆刪除
  2. I thought I couldn't live without my computer, but my honeymoon trip proved me wrong. I was so out of the world that I even forgot the pin code to my visa card. Never used a computer for 8 days. That's my new record.

    A very inspiring entry. It got me thinking.

    回覆刪除
  3. C+

    嘩!
    受唔起!
    「香港文壇教父劉以鬯」?
    妳想我俾人噓爆咩?

    我孤陋寡聞,只看過他《對倒》
    仲係因為王家衛的「花樣年華」咋!
    sorry~ 我比較膚淺


    +++++++++++++

    deserfox

    >Never used a computer for 8 days. That's my new record.

    8日無用電腦都得?
    上週我搬屋
    無電腦兩日都好吊癮

    >A very inspiring entry. It got me thinking.
    這篇文章,用互聯網這渠道講反科技
    本身已矛盾

    回覆刪除
  4. 卡兄:

    我好鍾意呢篇文章! 由版頭張相到文章內容, 我都好鍾意! 雖然係短短數百字(我估),但已經講出晒現代人既問題,唔識/唔願同人溝通、 沉迷上網、 對世事冷漠、活在自己的世界...
    尤其Andy, 我好有佢既影子..每晚都在msn 見到舊朋友, 如果無特別事,大家都唔會騷擾大家.一講到.."好耐無見,不如一齊食過飯?um..我要返學, 我要ot, 我唔得喎...漸漸~大家再唔會提見面、食飯呢個話題, 因為永遠只會換來一句我唔我得閒喎! 唔通科技越發達, 人既溝通就越冷漠..?

    回覆刪除
  5. 自由

    鳴~~鳴~~
    我又何常唔係吖?!

    妳第一次咁感性留言
    我都好感動

    鳴~~鳴~~

    回覆刪除
  6. 你啲文進步咗喎!
    哩篇幾好睇喎!0

    回覆刪除
  7. 當我睇完C開始睇D既時候心唸:「頂!條友唔係咁癲唸住寫到Z下話?」即刻飛落去...「車!原來到E咋!」

    當人既神經系統對從現實世界而黎既刺激覺得over supply既時候,就會開始desire從虛擬世界既刺激,反之亦然。

    Equilibrium只係govern人類生存既芸芸法則之一。

    當其他人未有同A同步「醒過來」既時候,只係因為佢地依然沈醉在果種刺激之中。就好似係A依然沈醉既時候,有人「醒過來」不過搵唔到知音人一樣。

    嘿嘿!如果Andy同Bonnie都因為咁而走鬼左去沙灘,然後又係沙灘上遇見、交談之間發現大家都睇過同一套戲...我地又叫呢d巧合做緣份囉....

    >講核戰毀滅現代科技文明之後,殘存的人類如何在這片廢土由零開始。

    我仲膚淺淨唸到Terminator, Waterworld 同 Postman.

    回覆刪除
  8. 8 月 30 日 凌晨十二點半

    破舊的收音機傳來微弱的歌聲,歌聲中夾著沙沙的雜音,但仍可清楚地聽到歌詞 :

    我過去 那死黨 早晚共對 各也紮職以後沒法暢聚 而終於 相約到 但無言共對 疏淡如水 ……

    …… 聽完了,Mandy 想起了十五年前唸大學時坐在身旁的 Alexanda , 再從機身已變黃的雪櫃取出一罐 Red Bull,點了根煙,再想了一會 …… 倒頭便睡著了!

    原來多年的朋友感情敵不過睡魔急 Call,或許這就是「生活」吧 !

    回覆刪除
  9. 卡兄:

    你仲感性呀!黎...抹o左d鼻涕先..唔該
    好在得一個十幾年既fd 係咁, 如果個個都係咁就弊家伙咯!


    易風:
    >當人既神經系統對從現實世界而黎既刺激覺得over supply既時候,就會開始desire從虛擬世界既刺激,反之亦然。
    唔怪得咁多人玩sex phone, sex internet... ^^

    回覆刪除
  10. 卡臣:

    你有做正教授嘅資格啦,研究環保嘅專家都係講同一個問題.

    看一下沒有我們的世界一書:)

    Daniel.

    回覆刪除
  11. 讚!認同,好有電影感,過渡得如此自然,而且發人深省。

    回覆刪除
  12. Carson - "當人既神經系統對從現實世界而黎既刺激覺得over supply既時候,就會開始desire從虛擬世界既刺激,反之亦然。
    唔怪得咁多人玩sex phone, sex internet..."

    總好過"53歲老師認與10歲女生性交3次別墅開房,警查牌揭發" --

    呢D人的去打靶啦! 老實講,係男人有一天要會覺得自己老婆更年期,又老又殘,人知常情.咁咪去包個成年的二奶囉,今時今日的女人都見慣晒,唔surprised啦...攪d小朋友真係唔係人的作為!

    回覆刪除
  13. 小妮音樂日誌:

    >去包個成年的二奶囉,攪d小朋友真係唔係人的作為!
    totally agree!!!

    回覆刪除
  14. Hana

    多謝!
    唔係氹我開心吖?!

    ++++++++++



    嘩!
    寫到z?
    我無咁多墨水

    >當其他人未有同A同步「醒過來」既時候,只係因為佢地依然沈醉在果種刺激之中
    ==> 好matrix...好奇諾里維斯


    >我仲膚淺淨唸到Terminator, Waterworld 同 Postman.
    ==>我仲膚淺淨唸到:藍寶石皇子,小甜甜
    同小雙俠

    回覆刪除
  15. 0.03mm

    嘩!咁感性
    我都要感性吓:

    8 月 30 日 凌晨一點半

    將一張 edith piaf 的黑膠碟播放
    點起一根香煙
    想將憂愁隨煙圈呼出身體
    對自己說:憂傷隨這煙頭擠熄後而消逝
    結果...都是徙然~~

    扮感性完畢

    +++++++


    自由

    多謝妳張紙巾先

    >唔怪得咁多人玩sex phone, sex internet... ^^
    ==>妳有冇玩過先?

    回覆刪除
  16. daniel

    >你有做正教授嘅資格啦
    ==>我? 我似神經博士多啲~~

    +++++

    大文

    art film?
    正呀!
    ...通常啲人睇唔明就話係art film
    你係咪曲線話我呢篇嘢....

    回覆刪除
  17. c
    >好有電影感
    ==>sorry! 抄人地個小說格式
    掌聲屬於穆時英

    +++++

    小妮

    >攪d小朋友真係唔係人的作為!
    講起都慶!
    所以我扔咗Michael Jackson啲CD

    回覆刪除
  18. 梗係唔係啦,呢篇真係好睇,我以前都話你其他文章,很特別,給了我一些啟蒙。

    回覆刪除
  19. Le dernier combat 最後戰爭 -
    這部冷門 黑白 默片的畫面,貫穿五個互不相干的人物。
    佈局、故事承上啟後。
    很有電影味道,
    鏡頭一轉,
    是Tunisia的沙漠。

    令人反思....

    回覆刪除
  20. 卡兄:

    ==>妳有冇玩過先?
    我又未到狼虎之年...
    淨係同圍去D blog 坐都有排坐, 邊得閒玩其他野...

    回覆刪除
  21. 卡臣:

    不過真係要講多次..好正呀! 一路睇個腦一路諗個情景, 真係好正!

    回覆刪除
  22. 大文

    當真有啟蒙?
    你的文章也啟蒙我

    送你一個homemade english

    Diamond 大文 + enlightenment啟蒙
    =Dialightenment

    +++++++++++

    巴黎

    點解係Tunisia 沙漠?
    突尼西亞?而唔係Malaysia?

    另,我驚我的命水令我無份做烏托邦旅客
    極其量只是烏干達旅客
    嘩!遊擊隊呀!

    回覆刪除
  23. nost
    >呢篇一個字: 勁
    ==>其實係個小說format得啫,
    任何一位朋友,blogger
    只要按此format寫
    都會精彩
    唔信試吓
    包無走雞

    +++++++

    自由

    >我又未到狼虎之年...
    ==>係喎!
    妳係熊貓噃!

    >一路睇個腦一路諗個情景, 真係好正!
    ==>當真?
    咁我適合做雜差房,幫人落口供
    繪聲繪影,書面浮現
    好!做pc仔!

    回覆刪除
  24. Le dernier combat裡的沙漠,在突尼西亞拍的。

    烏干達出狂人,你千奇咪去!

    話明係烏托邦,想像世界裡面嘅虛擬理想國,你係皇上又係子民....

    回覆刪除
  25. 巴黎

    多謝提供
    原來Last war套戲在突尼西亞拍的

    我記得Jean Reno 當時已經是Luc Besson 的愛將
    之後的subway, Big Blue,也見他

    >想像世界裡面嘅虛擬理想國,你係皇上又係子民....
    ==>都幾精神分裂喎~

    回覆刪除
  26. 又多篇好文!寫得好特別之外,仲令讀者睇完會重新思考文明生活嘅意義。

    你話:『這篇文章,用互聯網這渠道講反科技』

    其實唔需要『反科技』,因為唔係科技嘅錯;忙碌嘅都市人,唔應該做新科技嘅勞隸,要間中返樸歸真unplugged一吓,只係咁簡單嘅道理,偏偏要做就難。

    回覆刪除
  27. 同一部的電影卻能來給人不同的感受,世事就是如此~
    正如同一篇文章也是如此,教學也是如此,但如今課堂是死,考試是死的,你必需要依著教育局所想的去回答那必然的答案,自主不再由學生來控制,死寂的教學。

    回覆刪除
  28. Haha.. Carson, 好耐無來,我差啲吊頸都唔掂。。。今日點都要來留個言,正呀呢篇。。。我好鍾意呢啲multiperspective文。。。

    不過,電腦呢家野。真係好煩。。我無,實死。。。之前搬屋無耐,話要等15日,我老屈telecom話「神咗」先有超快 service = =;

    係喎,多謝你咁肯link我,我岩岩搬左家,等內地既朋友都睇到,麻煩你轉轉做 http://chioka.in/ . Thanks! =)

    回覆刪除
  29. http://
    www.youtube.com/watch?v=RMMWde0O1eg&feature=related
    Now新聞台競選論壇 民建聯有佢講無人講 毓民拔刀相助

    回覆刪除
  30. 歪歪

    >又多篇好文!
    ==>我諗成個blog得三篇好文:
    永遠年輕的茵茵
    一個人的天荒地老
    五個人的下午
    分奪冠亞季軍
    其他文章就...唉~~

    >要間中返樸歸真unplugged一吓,只係咁簡單嘅道理,偏偏要做就難。
    ==>係呀!生活好唔平衡,
    對眼望得個「芒」耐都眼痛
    朋友圍埋打psp,nds
    聽ipod...

    +++++++

    伕名

    多謝妳留言呀!

    >自主不再由學生來控制,死寂的教學。
    ==>對呀!
    加上而家教育商業化
    補習天王風氣,廣告舖天蓋地
    貼題準,俾學費就攞A
    第時做嘢...愛搵捷徑

    回覆刪除
  31. lo哥

    呢排忙呀~唔緊要啦

    >正呀呢篇。。。
    ==>當真?逗我開心~

    >多謝你咁肯link我,
    ==>吓?我多謝你肯先link我就真!

    >我岩岩搬左家,
    ==>你住在HK定大陸?

    ++++=

    佚名
    >民建聯有佢講無人講
    ==>而家啲人鬥大聲之麻!
    都幾街市feel
    出醜多於爭取選票
    唉~

    回覆刪除
  32. 周末出外,本來巳經嘈吵既街道、行人專用區,就更加囂嚷,大聲公震耳欲聾,跟本聽唔到邊個打邊個。好歇斯底里!

    今日miss左幾個call,跟本無可能聽到鈴聲,比街市更厲害。

    回覆刪除
  33. 巴黎

    9月7日前,
    週街都係大聲公「請支持x號!」
    下次妳去花都渡假
    記得等選舉完畢後先好回港呀!

    回覆刪除
  34. 柳玉成可能係最make sense,只不過我聽唔明佢up咩.

    回覆刪除
  35. 小妮

    因為妳聽唔明佢up咩
    所以佢可能係最make sense果位?!

    哈哈!
    妳都高章啦!

    回覆刪除
  36. 卡臣:
    多謝妳留言呀!
    -->~^^~

    加上而家教育商業化
    補習天王風氣,廣告舖天蓋地
    貼題準,俾學費就攞A
    第時做嘢...愛搵捷徑
    -->誰不愛走捷徑呢?如果有人告訴你有一個方法可以實現到你現在最想得到的東西?
    就算你不選擇試這方法?但你會不會想知道呢?
    人就是這樣的,我們均不能否認!


    >民建聯有佢講無人講
    ==>而家啲人鬥大聲之麻!
    都幾街市feel
    出醜多於爭取選票
    唉~
    -->我只能說"這只是民建聯站出來說話的人問題!"
    但我們不能一概而論地說民建聯的黨員都是不好的
    剛剛這樣地責罵一朋友:(...使他生氣了
    幸好他不是一個愛生氣很久的人^^
    "以偏概全"我這樣地罵他:P

    回覆刪除
  37. 佚名:

    >多謝妳留言呀!
    ==>吓?「妳」?妳知道我的真正性別!
    哈哈,其實我多謝妳留言至真!

    >誰不愛走捷徑呢?如果有人告訴你有一個方法可以實現到你現在最想得到的東西?
    就算你不選擇試這方法?但你會不會想知道呢?
    ==>妳講得啱!
    走捷徑邊個唔想?
    例如減肥,有人想瞓喺度唔郁,又快趣減到肥,唔使做運動,唔使節食,舒舒服服
    又有人喜歡日日做gym,全身流汗


    >但我們不能一概而論地說民建聯的黨員都是不好的
    ==>有理!我太一偏蓋全.
    sorry~

    回覆刪除
  38. 卡臣:
    吓?「妳」?妳知道我的真正性別!
    哈哈,其實我多謝妳留言至真!
    -->yahoo blog「andy law」係你??

    ==>妳講得啱!
    走捷徑邊個唔想?
    例如減肥,有人想瞓喺度唔郁,又快趣減到肥,唔使做運動,唔使節食,舒舒服服
    又有人喜歡日日做gym,全身流汗
    -->嗯,係ar~每個人想法都唔同

    ==>有理!我太一偏蓋全.
    sorry~
    -->哈哈,你對唔住既唔係我,係民建聯中用心既黨員^^

    回覆刪除
  39. 佚名
    >yahoo blog「andy law」?
    ==>search過,有乜暗示?

    回覆刪除
  40. 車~Andy Law又唔係Andy Lau...!
    佚名, 如果你搵到Andy Lau 唔該俾條link 黎..

    回覆刪除
  41. >>卡臣

    真係正。無講笑。我個人向來睇multiperspective好狂。。。呢幾年都追緊套日本小說關於殺人,角度係被殺者/兇手數名,唔似啲global view 乜都知晒咁~正爆,主要圍繞一啲rule去發展的故事,每集係等於故事重濱,但有一定的rule(不明),但結局同死既人次次唔同。好正~~ 仲有5集[2.5年 2011年12月31出晒 =.=]

    同埋,哈哈,好野我實要link比其他frd..

    我係搬咗去另一度啫,我係一名上海工作既澳門豆釘。=)


    喂,你呢期個poll都好抵死 =)

    回覆刪除
  42. 卡臣:
    ==>search過,有乜暗示?
    -->見到你個名叫andy...唔知係唔係...yahoo有留錄...唔駛search

    行姐:
    車~Andy Law又唔係Andy Lau...!
    佚名, 如果你搵到Andy Lau 唔該俾條link 黎..
    -->哦??我唔知卡臣姓嘜ga...
    andy lau??行姐不如直接問卡臣啦:P

    回覆刪除
  43. 嘩,大受好評哦~~~

    雖然話多一個唔多,少一個唔少。我都系要贊下,卡臣哥,好正啊~~~我意思系篇文~~~~

    回覆刪除
  44. 佚名:

    唔駛問佢呀! 成個名出晒黎...鍾生麻!

    回覆刪除
  45. lo哥

    >我個人向來睇multiperspective好狂。。。
    ==>嘩!你頭腦一定好清晰
    我就一定睇到一舊雲
    我諗Christopher Nolan 的電影:Memento
    你一定有睇

    >好野我實要link比其他frd..
    ==>多謝先

    我係一名上海工作既澳門豆釘。=)
    ==>哦!夜上海,夜上海,你是一個不夜城~~

    喂,你呢期個poll都好抵死 =)
    ==>咁你投乜先?

    ++++++++

    佚名

    我叫carson chung
    andy lau不是本人

    回覆刪除
  46. Carmen

    >雖然話多一個唔多,少一個唔少。
    ==>千祈唔好咁講,
    我好重視每位留言的朋友

    >卡臣哥,好正啊~~~我意思系篇文~~~~
    ==>唔使擔心,我唔會誤會「好正啊」是指我本人,因為我信塊鏡架!

    +++

    自由
    多謝妳幫口

    回覆刪除
  47. 好靚的雲!

    詩化了的片段,發人深省!

    沒有電腦,我得!當電子世界撤退,原有的世界便回來。我的近半生命,本來就沒有電腦為伴。

    回覆刪除
  48. laulong

    其實無電腦都唔使死
    不過需要點時間去適應啫

    回覆刪除
  49. 電話旁的同學想了一想,便一口答應。

    Frankie知道自己出名係大頭蝦,電話收綫後立刻用手指在手機上撥了兩下,選好日子,便將下星期舊同學聚會的時間、地點存載到日程表內。看到未來兩星期的節目編排得密麻麻,慶幸今日唔駛OT,可以早些返屋企,今晚一於盡情煲碟。為了提醒自己一陣記得買即食麵同啤酒,Frankie又打開手機的備忘錄功能,加在他的超市購物單裏。「卡!卡!卡!」在小巴內突然傳來BB的笑聲,Frankie抬起頭托一托副眼鏡,只見眼前的其他乘客不是在傾電話,便是跟自己一樣低下頭在把玩手機。「卡!卡!」這次Frankie馬上轉頭望向車尾,原來坐了一對母子,母親正和懷裏的BB一起玩「點虫虫」。Frankie仍記得自己細時,最愛在媽媽懷裏聽故事,但已記不起上一次回家吃飯是在上個月,還是更久。

    Frankie想起法國導演Luc Besson拍攝的一齣黑白電影《Dernier combat, Le》,講核戰毀滅現代科技文明之後,殘存的人類如何在這片廢土由零開始。

    Frankie覺得自己的生活是受日程表所支配,既然從來不留一些時間給家人,便不會自動提議返屋企食飯,不如就趁今日,買埋阿媽最鍾意食的煲仔飯,返屋企同阿媽撐檯腳。於是,Frankie嗌了聲「街口有落!」當車門一開,便從小巴躍下到街上,隨住人群走入港鐵入口。

    Frankie-「重新思考為何親情會變得更疏離?」

    請其他讀者一齊幫手延續!

    回覆刪除
  50. 歪歪

    多謝玩接龍先

    呢排勁忙
    都無搵吓阿媽
    ~衰仔

    回覆刪除
  51. 唔駛多謝,我不請自來,唔知有冇人嚟接呢?

    你話你都無揾阿媽,我想問下你父母係咪仲係住係你長大嘅個間屋?如果係,你仲會唔會叫個間屋做屋企(例如會講:我今晚返屋企同父母食飯)定抑或屋企只係指自己現在住嘅地方呢?

    我寫嗰陣驚啲讀者會混餚。

    仲有呀,點解你今次唔係925呀?又無加片尾曲喎?

    回覆刪除
  52. 卡臣:

    慘喇!咁多樣問題我都有齊咁!都係世界沒日好過喇!嘻嘻!

    回覆刪除
  53. 歪歪

    多謝你幫手就真

    我都有叫屋企
    大家明嘅

    點解時間唔啱又無歌?
    因為...忙呀

    +++

    佛爺

    世界末日...2012嘛?

    回覆刪除
  54. 真系讲得好岩,而加di人都好驰上晒电脑毒瘾甘架。尼次我返广州见到di后生人,个个揸住个ipod,唔系通话,就系SMS,上网,打机,好驰其他么野都唔关渠地嘅事甘样窝!

    回覆刪除
  55. 突然想起,facebook裡面add左嘅friend,真正有來往、關心的有幾個?

    回覆刪除
  56. 人類發展了科技,科技又帶領人類向前走。

    見到通街都係iphone,我由原先的無動於衷到而家要不斷說服自己不要買,唉!

    回覆刪除
  57. 之前去上海旅行七日,翻不了牆、酒店上網又壞...每次去到D有WIFI既cafe,我同朋友都會即刻用電話上網,唔知為乜,就係有一種心癮!

    後來,我發高燒,幾次發夢返左香港,夢裡面我覺得好開心,因為我覺得自己終於可以上網、可以facebook!每次當我準備要開電腦,我就醒...

    當時我都覺得自己好變態...

    Carson, 很久沒有來,你的文筆進步很多呢!! =)

    回覆刪除
  58. helloninie

    科技帶來方便
    好似將人拉近
    其實將人疏離

    +++

    naruto

    唔明?
    咁你睇到乜就係乜啦
    無 model answer

    ++++

    巴黎

    我之前一次大清洗
    將啲唔熟朋友剷哂
    而家得百幾個朋友
    但都係有兩咀傾架

    +++

    coffee

    我都無買i-phone
    我唔 online都唔會吊哂癮咁

    +++

    普通旅人

    我們一別都4年囉
    別來無恙嘛

    似乎妳都好沉溺上網喎

    我的文筆?
    一向都係咁無乜進步
    多謝鼓勵先

    回覆刪除
  59. 近年沉溺旅遊多於上網了!但想不到你依然那麼多點子,寫咁多文章,巧厲害呀!

    回覆刪除
  60. 普通旅人

    妳成日出trip, 羨慕!

    我的idea多?
    係呀,劇場生涯吖嘛

    回覆刪除
  61. Hi there, just wanted to tell you, I enjoyed this blog post.
    It was helpful. Keep on posting!
    Here is my web page - trade silver online

    回覆刪除
  62. This sweater comes in many colors ranging from ivory to black and also comes in
    sizes from small to XXL in men's. From promotional proceedings to commercial days out; there have never been so numerous cases to acquire exclusive overstated and printed polos shirts. Polos In the summer you can find polo style sweaters.

    Here is my site: sweater korea

    回覆刪除
  63. Nail biting has long been a universal "nervous" habit that countless
    kids and adults suffer from. So, if your nails are unusually short and messy,
    you should locate the nearest hypnotherapist because you are probably biting your nails and you don.
    A lot of studies have revealed that approximately 28% to 33% of children between the ages of 7 and 10 have the habit of biting their fingernails.


    my page :: study nail biting anxiety can help workers perform better

    回覆刪除
  64. The actual estate in Malta is now gradually commencing
    the recovery along with the charges have changed marginally.
    Are you sitting on the sidelines, waiting for things to "settle down" or are you available finding bargains in the market.
    There is very little scope for appreciation in under-construction
    residential projects.

    Here is my web blog; vapaat vuokra-asunnot vantaa

    回覆刪除
  65. I want tо to thank you foг thiѕ ωοndeгful reaԁ!
    ! Ӏ abѕolutеlу lοved еvery bit of it.
    I've got you book marked to look at new things you post…

    my web page - ipad repair johor

    回覆刪除
  66. Hey therе! I'm at work browsing your blog from my new iphone! Just wanted to say I love reading through your blog and look forward to all your posts! Keep up the superb work!

    Here is my site; Iphone repair damansara

    回覆刪除
  67. Kеeρ this going please, great ϳob!


    Τake a look аt my blog wiredtreeinchosting.com

    回覆刪除

LinkWithin

Blog Widget by LinkWithin