~~~~~~~~~~~~~~~~







2008年6月19日 星期四

紀漢醇 - 07 - 霹靂壯陽針

紀漢醇 - 第七節 - 霹靂壯陽針

淑芳蹺起雙手坐在客廳中的沙化上,神情凝重,
淑芳雙眼厲着紀漢醇,再三追問:「你好講囉噃!你今晚去咗邊呀?」
紀漢醇作賊心虛,莫非Lydia已經向淑芳將事情經過講得一清二楚?
他目前只有兩個選擇:
A:向太太坦白承認,自己心懷不心軌,網上交友私會,誠心道歉、
B:喺太太面前死口唔認,死撐用MSN和Lydia交往的「韓信」,絕對不是自已!

正當紀漢醇猶豫緊選擇A餐?還是B餐之際,
淑芳已經先開聲:「哼!阿祖call嚟屋企搵你,我立即問佢而家喺邊度?
阿祖答喺北角。咁我再問阿祖乜阿醇唔係同你一齊喺旺角買緊電腦咩?
佢哝哝哦哦話:『係呀!係呀!我係約咗阿醇,我哋而家喺旺角,頭先一時口快講錯咗北角啫!』」
淑芳叫阿祖揾紀漢醇來接聽電話,阿祖話旺角今晚特別迫人,同紀漢醇啱啱喺西洋菜街走失咗!
淑芳再蠢都知道阿祖講緊大話,冷嘲熱諷地說:「阿祖,基督徒係唔講大話架!」
收線之後,立即call紀漢醇,點知他的手電飛了線回屋企。
怒氣沖沖的淑芳,決定今晚幾夜都好,一定要等紀漢醇返家後,跟他來過大審問!

原來紀漢醇下午call阿祖,告訴他今晚要借阿祖「過橋」,
怎料手提電話聲音太「窒」,阿祖聽到啲聽唔哂全部,都唔知紀漢醇講緊乜?於是求求其其回答:「得啦…得啦…」來敷衍紀漢醇。
結果阿祖今晚突然有電腦問題想問紀漢醇,唔生性地call紀漢醇,終於撞板。

加上紀漢醇今天臨放工的時候,心情太過興奮,
替自己手提電話解除辦公室飛線時,按錯鍵飛了手提電話線回屋企家居電話。
所以當阿祖今晚call紀漢醇的手電時,便飛了線到他家中,並由淑芳接聽。

紀漢醇一聽,便知道跟Lydia那事情,仍未東窗事發,
他立即選擇C餐:用第三個回覆答案:
紀漢醇立即扮死狗認錯!雙眼含着兩泡淚,懇求淑芳原諒自己今晚講大話!
臨時編了一個謊話:「其實今晚…我…跟同事阿昌去…針灸。」
因為紀漢醇和淑芳老夫老妻,加上熱情漸冷,已經很少行周公之禮。
紀漢醇垂頭喪氣承認:其實因為自己力不從心、下體長期處於沒精打彩的狀態。
而同事阿昌介紹一位大陸針灸師給紀漢醇,專醫不舉,
醫師有一支家傳秘方:「霹靂壯陽針」,十分靈光。


所以今夜就去了深水埗的診所接受施針治療。
對於紀漢醇來說,男人不舉始終是一件羞恥洩氣的事,
所以用跟阿祖去買電腦作為藉口!

紀漢醇更扯高T-Shirt,把心口的紫黑瘀印展示給淑芳看,
話針灸師把毒素由下體迫上胸部,遲些再經汗水排出體外。
口供物證俱在,淑芳便信以為真!
由於和丈夫身體健康有關,淑芳早已抹走心中的怒氣,
更反過來安慰紀漢醇,說不舉不是絕症,一定可以醫得返!
仲叫紀漢醇以後無論遇上什麼身體不適,兩人都要互相坦白相告及商量。

輕易過關,更獲得淑芳的體諒,紀漢醇才鬆一口氣!
他洗澡後開電腦,見到雅典娜off line,
望着「雅典娜」三個中文字,十分驚訝原來一直和自己聊天談性的女子,
竟然就是太太密友Lydia!
呀!自己真蠢!Lydia -「妮迪雅」,正正就是「雅典娜」三個字的倒轉發音!
為什麼自己一直看不穿呢?

此時紀漢醇腦內盤旋一個問題:
究竟Lydia化名做「雅典娜」跟「韓信」在網上交往,
A:是淑芳背後指示Lydia化名「雅典娜」,有目的地引誘試探自己?
B:還是純粹巧合,Lydia本身根本就不知道「韓信」就是紀漢醇?
兩個推敲都十分危險,處理不妥當就會導致離婚收場。
紀漢醇從未想過離婚,畢竟他還是愛着淑芳,只不過希望找一些男女刺激而已!
半夜一時,紀漢醇睡在床上,斜望着淑芳,有一點心悸,

枕邊人竟然會指示自己的女朋友來試探自己?

紀漢醇整夜失眠,望著天花板推敲着:
A:如果Lydia是按淑芳指示的話,如今證據確鑿,淑芳剛才己經可以立即跟他攤牌,淑芳還要等到什麼時候呢?難道還有什麼證據,尚在搜集中?
B:如果Lydia不是受指示的話,她應該不知道網上的「韓信」就是紀漢醇,因為Lydia私下和淑芳的丈夫談性是一件十分不道德的事情!

紀漢醇的最後推論是:「Lydia化名雅典娜,沒有在淑芳指示下,純粹巧合地於網上跟韓信交往,但Lydia不知道韓信就是紀漢醇,Lydia也沒有把這段網上關係告訴給淑芳。」
當他推論淑芳知悉內情的機會不大後,心情輕鬆了許多,便朦朦朧朧入睡。

第二天他回到辦公室,收到Angela的一封e-mail,
Angela做戲做足全套,寫一封道歉e-mail,代她的野蠻男友阿Bill道歉。
紀漢醇見過鬼都怕黑,禮貌地回覆「never mind」之後,
發誓以後唔再踏進Angela的部門半步,如果喺公司走廊見到Angela,就立即調頭走!

紀漢醇望着電腦桌面上的MSN捷徑,想着無論Lydia知情與否,
繼續和雅典娜來住,如同高空走鋼線般危險!
但如果就此貿貿然delete了雅典娜,也只是「治標不治本」的短視方法。
不如就「將計就計」,使出一招「金蟬脫殼」!
紀漢醇立即和雅典娜通MSN,

韓信says:
sorry that I can’t come to Starbucks last night!


雅典娜says:
仲好講!我等咗一陣唔見你,我都走咗。

韓信says:
Tomorrow night I will buy you a dinner. I MUST come!

雅典娜says:
好!但千祈唔好再爽約啦!

韓信says:
OK!Festival Walk Orchard Café, tomorrow night 7:30 p.m. I will reserve a table for two under my name : Mr. Hon, OK?

雅典娜says:
好!韓先生的兩位訂檯,明晚我會準時到!

韓信says:
I swear to God that I must come this time, don't worry!

雅典娜says:
好!信住一半先,明晚見!

雅典娜應約後,紀漢醇要找一名男子來做自己的替身,然後冒認身份去赴約,
網上世界內:身份錯綜複雜,雅典娜如何能辨認出眼前人,是否就是韓信本人呢?
到時替身向Lydia直認是韓信後,紀漢醇便可在整件事件中從此隱形退出,
所有責任推向替身身上去,一齊問題和手尾,便可連消帶打!
這才是徹底治本的解決方法。

因為阿祖、大嚿和其他朋友,Lydia都曾經見過。
紀漢醇心目中的最佳人選:是上個月剛從加拿大回流的中學男同學「錢河山」,花名痴漢三郎。

痴漢三郎是一名日本AV錄影帶的超級擁躉,家裡擁有過千珍藏,花名因此而來。
紀漢醇找痴漢三郎作自己替身,基於三個原因:
1. 對於Lydia來說,痴漢三郎是「生口面」、
2. 痴漢三郎跟紀漢醇稱兄道弟,痴漢三郎一定肯幫手,唔會托手肘、
3. 如果晚飯其間,雅典娜再次談性,痴漢三郎絕對有能力應付得綽綽有餘,唔會穿嘣。
紀漢醇電話中向痴漢三郎要求出手相助,
痴漢三郎一口答應,替紀漢醇去頂包赴約。

第二天,紀漢醇用去「針灸覆診」為藉口,成功向淑芳脫身。
紀漢醇用韓先生的名義,向餐廳訂了一張7:30的兩人枱,
痴漢三郎7:15分便抵達那餐廳攞枱,坐低等待雅典娜的來臨。

紀漢醇則戴上cap帽、扮傷風戴上口罩,
鬼鬼祟祟咁站在餐廳對面,俟着商場的欄杆,
戴着藍芽耳筒,遙距監視事態進一步發展。

7:25分,紀漢醇手電響起,是痴漢三郎來電,
原來痴漢三郎患了抑鬱症的媽媽又再次自殺,傷勢嚴重!
已送到醫院,現正在搶救當中!
痴漢三郎焦急地說:「Sorry!Handsome哥!今次幫唔到你,我要走先…」
紀漢醇:「吓?!三郎!你喺呢個咁關鍵性嘅時刻,掟低我走人?!…」




次回《龍鳳大禮堂》6月22日星期日2345

111 則留言:

  1. 素素忙於揀婚紗
    揀菜單,
    閃眼乳豬全體

    回覆刪除
  2. 呢篇好好笑!
    柳暗花似乎還未明。。個場飯局點收科?

    回覆刪除
  3. eric

    花柳暗明...又一穿

    痴漢走入,事在必行
    剩下口罩handsome哥
    頂硬上

    回覆刪除
  4. 而家啲人賣廣告手法真慳水慳力,我都收過唔少呢啲嘢。

    回覆刪除
  5. 紀漢醇的朋友真好,個個都忠肝義膽,兩脇插刀,豪氣干雲,有雖千萬人吾往矣的氣慨。都是好兄弟!

    回覆刪除
  6. Chan Tai Man

    I like your article, it's real

    pls visit :
    carson-chung.blogspot.com

    thank you

    回覆刪除
  7. eric

    「紀漢醇的朋友真好,個個都忠肝義膽,」

    小說嘛!梗係美好啦.
    加上痴漢知道handsome安排一名少女跟他吃飯, 梗係去

    如果痴漢要幫手見一個麻甩佬
    真係啋你都傻

    回覆刪除
  8. 又係,尤其係呢位癡漢,睇埋咁多AV,重色輕友係唔出奇既。

    回覆刪除
  9. 睇得AV多,
    練得一雙透視眼
    一望女人,已經幻想到她裸體

    這是我純粹推測, 無個人經驗
    (預咗你會問係咪我)

    回覆刪除
  10. "這是我純粹推測, 無個人經驗"? <---我唔信!!

    我近日努力工作,忙於計劃。

    回覆刪除
  11. 卡神咁正氣,點似係呢位癡漢咁鹹濕呢。

    回覆刪除
  12. 素素返黎就好啦。阿大文兄好掛住你呀。

    回覆刪除
  13. Dear Carson :

    Your blog is excellent !

    pls visit :

    http://www.truth-light.org.hk/

    thank you.

    回覆刪除
  14. 素素,妳近日梗係忙啦....

    幸福喇 ~~~

    太太喇 ~~~~



    PS : 係咪應該叫妳做...【 Q 太】?

    @@V~

    回覆刪除
  15. 卡 ~:

    喂話時話,哼哼!你條友...係你真係知深水步係有間針灸診所喎.....

    有兩隻貓果間。

    回覆刪除
  16. 素素

    「我近日努力工作,忙於計劃」

    忙於生育計劃?

    回覆刪除
  17. eric

    「卡神咁正氣,點似係呢位癡漢咁鹹濕呢。」

    多謝你講真話先

    題外話

    好多好似正氣差佬, 叫雞放蛇嘆免費餐.

    我要入警隊!

    回覆刪除
  18. 大文

    「深水步係有間針灸診所喎」<--真係唔知,

    不過有間診所醫花柳就知,
    我都幫趁過佢........樓下間茶餐廳

    回覆刪除
  19. 素素婚後叫Quality Control太太

    check吓老公嘅體能

    回覆刪除
  20. 今日到此為止
    夠鐘食鎮定劑

    我瞓先
    各位請呀

    回覆刪除
  21. 「紀漢醇更扯高T-Shirt,把心口的紫黑瘀印展示給淑芳看,
    話針灸師把毒素由下體迫上胸部」

    哈哈 很正~~~~~LOL

    回覆刪除
  22. JESSIERITAYIP 提到...
    「紀漢醇更扯高T-Shirt,把心口的紫黑瘀印展示給淑芳看,
    話針灸師把毒素由下體迫上胸部」

    哈哈 很正~~~~~LOL

    死火啦,下一集漢醇點樣喺淑芳面前玩頭殼頂出煙呀~~~~~~?:O

    Daniel.

    回覆刪除
  23. Carson, 我忙於Career plan同人生計劃呢~ My life will be complete.

    喂,大文,你gor D "插..拮拮 ~~" 咩嚟咖??!!

    Daniel: "死火啦,下一集漢醇點樣喺淑芳面前玩頭殼頂出煙呀~~~~~~?:O" <--haha 係wo~!!

    回覆刪除
  24. Man

    Quantity Control<---檢查QC仔的工作產量,

    精神的體格,
    子彈般力量
    旺烘的婚宴
    盛況空前啊

    回覆刪除
  25. Jessie

    「話針灸師把毒素由下體迫上胸部」

    呢單嘢堅架

    我睇過針灸, 頸痛
    針灸師施針後, 話把頸痛迫去腳底, 再排出

    唉~我咁講完
    實有人問我係咪施過"霹靂壯陽針"
    無呀.....

    無呀.....

    ....我指無錢, 有錢一定試

    回覆刪除
  26. Q 太 ~~

    素素:

    拮拮....即係拮枝旗,插旗咁解嗟,助語詞嚟。

    回覆刪除
  27. 丹尼爾

    「死火啦,下一集漢醇點樣喺淑芳面前玩頭殼頂出煙呀~~~~~~?:O」

    毒素排出體外可經:放屁,大小便,流汗,透氣,
    哭泣,書寫,鬧人,放飛機...

    回覆刪除
  28. 喂,大文,我係Q太咁QC仔咪係"Q太郎"?? 哈?

    回覆刪除
  29. 2打6

    。得閒黎睇下..
    心情都輕鬆d...」

    係呀!
    梗係心情都輕鬆d啦

    等你知道呢個世界仲有人咁低能白痴!

    句中「仲有人」指本人而已
    跟留言朋友無關

    回覆刪除
  30. 素素

    「我係Q太咁QC仔咪係"Q太郎"?? 哈?」

    估唔到婚姻真係令人開心興奮!

    一個爛gag落在新娘子口中
    都變得浪漫動人,又帶點俏皮

    我係忍者小靈精

    回覆刪除
  31. man

    你好少可咁早起身
    去咗mission hill 打golf呀?

    咦,john tsang同你打招呼喎

    唔阻你啦,

    回覆刪除
  32. 忍者小靈精!!!! 我好鐘意咖!!!
    又越過高山又越過谷,
    忍者身體似飛機天空任意飛,正值善良靈精令人地歡喜~
    http://www.youtube.com/watch?v=PpfRin2GsuU

    回覆刪除
  33. 咁大文兄係唔係"甘麥基"??!!! I like "甘麥基"!! "甘麥基"looks a bit like 醬爆!!

    回覆刪除
  34. 甘麥基??
    正!正!正!
    甲賀派大戰伊賀派

    忍者: 忍~忍~忍~忍~忍~
    甘麥基: 基~基~基~基~

    仲有獅子狗添

    回覆刪除
  35. 真係想睇下 Q 太...sorry 係素素既婚紗 look .

    Q 太 = Q C 人的太太

    個名係咪好貼題咁呢...

    回覆刪除
  36. 佐籐 卡 Zen :


    咦? 咁係咪應該整番個【 Q 太戀愛日記】既短篇小說咁呢下?

    回覆刪除
  37. man

    【 Q 太戀愛日記】....好主意喎!

    不過素素要詳細提供資料
    好似去雜差房落口供咁

    素素, 幾時可以協助調查呀?

    回覆刪除
  38. 佐籐 Car Zen :

    即呢,結婚之女呢,係【亢奮】啲架喇。

    今朝早左起身,因為李嘉誠今日 call 我話有幅地皮睇下點喎...




    醫生:........係啦係啦,去啦去啦下,得, OK OK ~

    回覆刪除
  39. 不舉係因為下體有毒素???
    d 毒素係金屬???
    太"聚"手所以不舉?!

    而且通常金x 先生既小說都係毒素上心口就會死.....
    阿Handsome 哥睇黎條命係咁先! XD

    我一次過睇晒Carson d 小說
    真係好正好抵死~ :D

    p.s. Carson 兄,
    你既小說用得最多既就係「因為」同「原來」
    你不妨留意下~ ^^

    回覆刪除
  40. 如果Q太喺美國家中後花園
    養隻狼做寵物
    咁呢隻狼..就係Q太狼啦!!

    係咪好笑呢?...em...多謝!

    回覆刪除
  41. 怪自己唔睇多d日本小靈精,剩係睇丁丁歷險記,完全撘唔到咀!

    哎紀漢醇又諗d死轎出嚟,敢都得呀?針炙好恐怖,仲要係嗰個部位!d男人作故事好叻,

    回覆刪除
  42. 【 Q 太戀愛日記】......

    以下故事記錄小川素素 與 Q C 敏郎 之後現代戀愛經歷......

    係可歌可泣、七個一皮、集浪漫科幻、奇趣鬼馬.....之戀愛小品...

    回覆刪除
  43. 如果Q太喺美國家中後花園
    養隻狼做寵物
    咁呢隻狼..就係Q太狼啦!!




    .....Um....Um.....都....好、好既、好好好....好嘢 ~~~~

    本世紀爛 gag 典範 ~~ @@"V~~

    回覆刪除
  44. 真係好想睇下素素既婚紗 look ....

    想睇下外星人在地球行婚禮既情況 ~~


    (._.")-V ~~~~

    回覆刪除
  45. 匿名朋友

    多謝你肯睇小弟劣作先,

    不舉...係呀, 食物中太多含鉛
    佢又練唔成「千斤墜」
    唉~~

    「通常金x 先生既小說都係毒素上心口就會死」...所以要喺傷口啜毒保命,通常會啜出個感情出來

    多謝提點先,我會留意
    今後改用: due to , originally

    回覆刪除
  46. 如果.....

    素素在香港行婚禮,應該請 卡 Zen 做 MC 。

    回覆刪除
  47. 卡臣兄:

    令次飲葡萄酒就正常啲啦.

    萬歷十五年果陣固然有啦,但係個樽~~~~~~?

    Daniel.

    回覆刪除
  48. 「紀漢醇更扯高T-Shirt,把心口的紫黑瘀印展示給淑芳看,話針灸師把毒素由下體迫上胸部」

    卡兄: 咁Dill 鑽都俾紀漢醇兜到, 冇理由唔介紹佢老兄睇埋呢段短片, 又係講毒素由下迫向上既生理變化 (warning: 兒童不宜), 真係恐怖到極!

    http://www.youtube.com/watch?v=PVA6gMkCNcY

    回覆刪除
  49. 巴黎旅客

    「怪自己唔睇多d日本小靈精」
    咁妳又唔好咁講,
    妳吃住條法國麵包, 又點睇日本漫畫
    唔襯嘛

    男人作嘢..真係隨口吐
    我最睇唔過呢種男人!!!....(突然心虛)

    回覆刪除
  50. sosos & man

    「卡 Zen 做 MC變會咗"Carson個人天才表現"」

    為我做司儀, 我梗係義不容辭

    但係呢排醫生叮囑我
    叫我一思覺失調就要食藥

    果晚,妳睇住我呀!

    姐姐...我要...美點雙輝....

    回覆刪除
  51. man

    「【 Q 太戀愛日記...以下故事記錄小川素素 與 Q C 敏郎 之後現代戀愛經歷.」

    唉~大家都知道我剩係識寫「婚外情」故事
    Q 太新婚, 唔老黎!

    點算呀!

    回覆刪除
  52. daniel

    萬歷十五年果陣固然有啦,但係個樽..<---呢個係尿壺呢架!

    回覆刪除
  53. 渣估sir

    多謝提供
    條片我睇咗一半咋
    我細膽嘛
    一障仲要食飯

    回覆刪除
  54. 係黎巴嫩生活,又要應付炸彈襲擊、又要應付妻妾...頭腦一定轉得快。所以你d三毫子小說裏面,乜野人物角色都有,仲成日失驚無神走出個程咬金、諸多阻滯、吊吓吊吓,真係令人睇到好投入...

    呀其實我鍾意牛角飽同法式西餅拿破崙多d,好襯小甜甜(我有睇過架)。

    回覆刪除
  55. 其實「婚外情」呢樣嘢,唔係個個男人都咁鐘意呢D Excitement。有D男人眞係會覺得呢D係無聊,自找麻煩嘅事,呢D男人多數沉迷於其他健康嘅興趣。

    回覆刪除
  56. 巴黎旅客

    妳講嘅小甜甜Lolitta
    以法國樂可可時代背景
    襯返妳多啲

    妳鍾意牛角飽同法式西餅拿破崙呀?

    我就成日被人話「法國大餐」
    唉!都叫黐到法國氣色

    巴格達旅客(逃亡至iraq)

    回覆刪除
  57. 素素

    「有D男人眞係會覺得婚外情係無聊,自找麻煩嘅事,」

    咁就好啦,妳搵啱老公啦

    回覆刪除
  58. 卡臣 提到...
    daniel

    萬歷十五年果陣固然有啦,但係個樽..<---呢個係尿壺呢架!

    老友,斟葡萄酒前有無刮咗尿壺啲好嘢呢?:P

    Daniel.

    回覆刪除
  59. 正文未睇,張相好正,很超幻嘅感覺!

    回覆刪除
  60. 咦「法國大餐」即係點呀?唔好意思,d四字成語我好多都唔記得晒。

    回覆刪除
  61. 臣兄:

    諗返轉頭,好彩睇戲撞到 gay man,唔係坐o係 Lydia 隔離就無得走喇!

    但有樣唔明,點解 handsome guy 要搵自己朋友?下下策喎,以佢既聰明才智。萬一個 friend 同 Lydia 熟左,仲拍埋拖,梗有一日比個 friend 唔覺意出賣左,「我唔係韓信,係 Handsome 叫我去架。」咁就揚晒囉!

    回覆刪除
  62. laulong

    「張相好正,很超幻嘅感覺!」

    你肯click嚟呢度
    已經係好超幻感覺

    真真假假, 虛虛幻幻

    回覆刪除
  63. 巴黎

    咦「法國大餐」即係點呀?<---多嚿魚
    (多鳩餘)
    妳咁優雅, 唔好學呀

    回覆刪除
  64. 巴格達旅客:多謝指教!我係唔講粗口嘅!Merde!你走去巴格達做乜?想睇巴比倫遺址個空中花園呀?記住影多d相,再逃亡過沙地阿拉伯,個度安全d喎!

    回覆刪除
  65. 笑 聽 兄

    多謝你肯花時間睇我拙作

    你提出的問題, 我地討論吓:

    1)唔搵熟人, 搵個街外人幫手, 佢會輕易答應嗎? 加上好多替死鬼個案
    eg 有位靚女話有個男人死纏, 叫你扮男友讓他死心, 你做咗好人, 結果第二日遭人點相尋仇..
    所以警訊教大家千祈唔好幫陌生人物物乜乜

    2)驚三郎同Lydia拍埋拖,梗有一日佢唔覺意出賣左, 咁如果搵個三唔識七嚟, 佢一見靚女, 諗都唔使諗, 立即出賣handsome!
    如果叫三郎, 仲有啲友情分計吓, 未必會出賣

    我都係討論吓

    PS. 你的BLOG講古典樂
    我想留言也老鼠拉龜
    雖然我想留

    回覆刪除
  66. 巴黎旅客

    叫我影相?
    我而家走緊難架!
    一來無相機
    二來無插蘇差電
    影風咩?!

    喂!我逃到巴拿馬運河啦
    呀!有鱷魚, 走先!

    回覆刪除
  67. 真係..峰迴路轉~
    好佩服阿雅典娜比人放完一次又一次飛機都仲肯應約~~比我實激死左!

    回覆刪除
  68. mona

    「比人放完一次又一次飛機都仲肯應約」

    如果對一個人有幻想,
    想見一面,幾次都不放棄
    或者想給對方一個好脾氣的形象

    但一見咗, 唔啱眼緣,
    希望幻滅了
    再放多半次飛機,已經可以判終身永別

    回覆刪除
  69. >>老友,斟葡萄酒前有無刮咗尿壺啲好嘢呢?

    Daniel, 比你笑死!



    卡卡:

    我都覺得素素講得啱。嗰家嘢應該好煩架,肉體滿足填補不了心靈內疚,而且最終受傷嘅可能有成兩家人。咁鬼煩,都係咪搞我。

    真係忍唔住嘅(假設性咋吓),明買咯,之後過眼雲煙,沒拖沒欠!

    回覆刪除
  70. laulong

    「真係忍唔住嘅(假設性咋吓),明買咯,之後過眼雲煙,沒拖沒欠!」

    唔~~

    我突然想養一隻狗乸添, 平啲嘛

    回覆刪除
  71. 我反而好有興趣知,素素果個中女 boss 知道素素結婚,會....點反應呢?

    因為中女 boss 當素素好似【自己年青時既寫照】.....都幾恐怖下 ~~

    回覆刪除
  72. 卡卡:

    養狗乸好煩架,管食管瞓管屎管尿。你不如諗下得閑走去花叢樹林逛,餵吓啲彩鳳鳥呀好過啦!

    嗱,係你呀,唔係我呀!

    回覆刪除
  73. All blog friends,

    忙於攪明天的音樂會. Talk to you all later! :)

    回覆刪除
  74. man

    我估
    中女boss....可能叫素素三思,
    後生應以事業為重,
    獨立女性唔使靠男人...etc

    最緊要...有人陪我OT

    回覆刪除
  75. Laulong

    去花叢餵彩鳳?
    understand!

    我馬上帶條蟲去餵

    回覆刪除
  76. 小妮

    預祝妳明天的音樂會
    演出成功!
    繞樑三日!

    回覆刪除
  77. 卡臣 提到...
    daniel

    我飲醉,對住尿壺嘔啫!

    唉,嘥料呀!人中白用來降火好正噃~~~~~~:P

    Daniel.

    回覆刪除
  78. 我個女boss結咗婚啦,但係冇仔女。
    佢地有agreement唔會生BB。
    咁佢又冇話要我獨立嘅,不過佢話佢係唔會靠人養。佢老公唔係賺好多,佢賺多過佢老公幾多吓。

    回覆刪除
  79. 素素

    咁boss知道妳結婚的消息後,
    戥妳高興?定唔抵得妳?

    妳攞假幾耐去渡蜜月?
    蜜月旅行目的地係?

    回覆刪除
  80. 愚見認為,既然淑芳係萬萬不能知道,我係 Handsome 既話一定要杜絕任何出錯既機會,那怕係0.1%。所以,首要唔可以俾 Lydia 知道自己係韓信,就更加唔可以讓 Lydia 同知道自己衰野既朋友接觸!但係你又講得o岩,街外人都唔 work。

    一係點都唔見面,自動消失。
    如果點都要好好埋尾,就要隱身地誘使他人幫手但自己真身不露。例如,開個account扮女仔(仲要叫雅典娜)約個唔識既男網友於同一時間地點相認!就算被發現,Handsome 自己都可以全身而退。


    欣賞音樂同欣賞戲劇差唔多,唔需要高深學問,我主要都係寫感受同埋生活聯想,如果我要扮高深就會露晒底。 XP
    難得臣兄肯讀我已經好開心!

    回覆刪除
  81. 笑兄

    「開個account扮女仔(仲要叫雅典娜)約個唔識既男網友於同一時間地點相認!就算被發現,Handsome 自己都可以全身而退。」

    高招!高招! 真心話!好嘢!

    你幾時寫小說呀?
    你有計!!有佈局!

    大家都唔好咁見外啦,
    唉!我要扮高深都無人信喇。
    唯有做返自己...

    ....我係...忍者小靈精!...嘻嘻

    回覆刪除
  82. 「開個account扮女仔(仲要叫雅典娜)約個唔識既男網友於同一時間地點相認!就算被發現,Handsome 自己都可以全身而退。」

    又真係好好橋喎~咁都諗得到既?!

    回覆刪除
  83. 叫我度屎橋就得,寫小說就唔掂喇,寫唔到起承轉合高潮迭起。都係細個學校先生衰,話我寫記敘文 "略嫌平鋪直敘",分數要緊嘛,多年來考試只揀議論文,導致今日如斯田地... T.T

    偷食真係要小心,一旦失手,後果不堪設想,制唔過~

    回覆刪除


  84. 「多年來考試只揀議論文,」<--我都係呀!
    議論文:引言,正反陳述,表態,總結
    咁就好安全攞分合格,

    好彩我多幻覺,先無咁平舖直敘咋

    回覆刪除
  85. 扮女仔?網上迷離,焉能辨我是雌雄!

    借問声巴拿馬旅客,下一站會去邊度?税務局想揾你飲咖啡、你個幼稚園同學想請你飲喜酒。

    龍鳳大禮堂,下集應該有新人出塲?

    回覆刪除
  86. 巴黎

    我下一站到「芭堤雅」,要切啲嘢

    啊mulin 結婚呀! 恭喜喎

    一對新人.....咪係SoSO 同QC 仔囉

    回覆刪除


  87. 多謝先!

    各方好友
    我寫緊小說
    請問"鴨脷州"的海怡半島
    可唔可以養狗呢?

    待覆

    回覆刪除
  88. 有啲高級既豪宅,真係唔可以養狗....

    例如太古城已經一律唔可以養寵物。

    但反而公屋係乜都得的。

    回覆刪除
  89. 卡臣兄:

    Have a look!

    http://www.bloglines.com/blog/Daniel2002

    Daniel.

    回覆刪除
  90. MAN

    多謝提供先,

    咁....究竟海怡半島
    可唔可以養狗呢?

    回覆刪除
  91. DANIEL

    恭喜哂!

    你終於寫Blog啦!

    不過點解你果度無地方留言?
    想賀你都唔得

    回覆刪除
  92. 卡臣兄:

    有修訂!

    http://daniel2002-shizuoka2002.blogspot.com/

    Daniel.

    回覆刪除
  93. “請問"鴨脷州"的海怡半島
    可唔可以養狗呢?“

    我幫你揾過海怡半島應該唔可以養狗:

    http://hk.myblog.yahoo.com/sofei-28/article?mid=271

    回覆刪除
  94. DanieL


    咦? 你叫shizuoka?
    你同靜岡有乜關係?

    回覆刪除
  95. 卡臣 提到...
    DanieL


    咦? 你叫shizuoka?
    你同靜岡有乜關係?

    香港與靜岡曾有民間文化交流:)

    Daniel.

    回覆刪除

LinkWithin

Blog Widget by LinkWithin