~~~~~~~~~~~~~~~~







2008年1月27日 星期日

健身室之謎(紋身漢)

2
健身室之謎(紋身漢)

阿強經過「賓佬」、「食人花」、「飛機仔」、「Catwalk男」同「倒三角」五人的洗禮後,阿強的適應力已將自己和大環境融合。本著「人不犯我,我不犯人」的理念繼續去健身。今次阿強會遇到什麼驚險的健身室經歷呢?

阿強後來轉了健身會,Join了另一間大型健身連鎖店。因阿強的工作地點和放工時間的關係,他習慣晚上10時後到旺角那間分店做運動。

旺角分店的特色是:有很多黑道人物幫襯。江湖大佬、古惑仔們晚上11點12點做完健身後,便返旺角區的娛樂場所,做坐館睇場。他們要經常保持身體最佳狀態,因為隨時要去劈友或被友劈,需要有「以一敵十」的身手。

在健身室內,大佬們當然大哂咁。生霸死霸啲器材,善男信女唔敢問佢地用完未?他們週身有紋身,不是荊棘、英文字、十字架或者火焰圖案,而是傳統的鷹、虎、龍、飯剷頭、觀音或關公。對於阿強來說,他們都是危險人物,生人勿近。

這個健身院的更衣室內,安裝了上下兩排Locker,Locker下有一排長櫈供人坐下著鞋之用。阿強慣了喜歡選用下一排的Locker,但這一夜,阿強發覺所有下排的Locker已被人佔用。阿強只好用上排Locker,雖然他不習慣。

一小時後,阿強運動後回到更衣室,打開鎖,脫去運動衣服,把白毛巾取出包裹下身。突然,一名手腳有紋身的魁梧大漢,一屁股坐在阿強的Locker下的長櫈。紋身漢俯身綁鞋帶時,露出背後的左青龍和右白虎的鐵青色圖案。阿強的警覺系統立即啟動,打醒十二分精神。

阿強把白毛巾底下的內褲脫下,把內褲順手「懶」瀟灑咁掟入上排的Locker內。怎料阿強今天的行裝特別多,早已把Locker塞滿,阿強的底褲撞到背囊後,反彈跌出Locker外,朝紋身漢的頭上急速飛墜!

阿強的瞳孔擴大,血壓急升!用平生最快的速度伸出左手,接着急跌的底褲。幸而左手手指尾成功地勾着目標物。

底褲和紋身漢頭部只剩下四吋的距離。阿強手急眼快,若無其事地把底褲放回Locker內。紋身漢綁完鞋帶站起來,嘩!樣貌凶神惡煞,肩頭仲有幾吋疤痕。阿強腳震震行去沖涼。

阿強驚魂甫定後,一邊沖涼一邊諗:如果那條底褲真的笠在紋身漢頭上,自己就一定被打到爆缸!打橫抬出健身室。從此阿強再唔可以喺旺角區出現;否則實被人「見一鑊、打一鑊」。

自此之後,阿強打死都唔再用上排Locker,亦唔會把底褲亂咁掟,否則,簡單到如一條底褲,也可能會招來殺身之禍。

講起古惑仔,便想起陳浩南了。

甘心替代你 - 鄭伊健
作曲︰陳光榮
填詞︰劉卓輝

不管天邊風已起 只想依依看著你
夜闌人靜會否仍可希冀

經得起憂傷與悲 只因心中有著你
路遙長夜記憶從不捨棄

長街的身影穿過風雨有傲氣
曾一起出走不怕闖進了絕地
如霧如煙 全像遊戲

彷彿天和地在挑選我跟你
如像我亦重遇了生死
難道只好淌淚心痛告別你
無法讓我此際〔甘心〕替代你

24 則留言:

  1. 喂, 你身手幾敏捷喎, 過黎跟我搵食啦!

    回覆刪除
  2. 刀疤強兄,
    我再次聲明阿強並非本人,
    不過,我會代問佢一聲!

    回覆刪除
  3. Vincent
    哈哈
    阿強的身份亦都是一個健身室之謎!

    回覆刪除
  4. 公仔佬
    黑社會喺健身室收靚?
    警方快d派人做臥底啦!

    回覆刪除
  5. 連續睇左幾個健身室既故仔...唔講都唔知,雖然無去健身, 但日日自己身邊可能都有好多故仔....哈 !
    我都留意下先~~~

    回覆刪除
  6. kateyip

    好耐無見噃

    呢排都少咗呢啲離奇經歷了

    回覆刪除
  7. 阿強,新年快樂!祝你越來越大隻!越來越大懵!等我哋可以睇到更多你嘅趣事。

    阿強,我想同你講,你响更衣室除緊衫,用毛巾包裹下身嗰陣,紋身漢坐喺你前面俯身綁鞋帶,其實佢近距離𥄫緊小強,你顧住接底褲,無為意畀人一窺全豹咋!

    回覆刪除
  8. 歪歪

    我都祝你生活愉快,健康快樂。

    乜原來真相係咁樣!頂!顧此失彼。不過紋身黑佬要睇,我都要就範啦.

    唉~~避得初一,避唔到十五!

    回覆刪除
  9. 我直到爆!我點會昅條傻仔?!你咪亂嗡呀,俾我見到你,搵人劈你架!

    回覆刪除
  10. 阿強,你咁樣畀人蝦,點得㗎!

    紋身佬,你咪以為靠惡我就怕你,你話你直到爆?等我爆哂你啲嘢出嚟至真!

    當年你讀中學時係潺仔一名,成日畀人恰,多得你個胸肌逼爆白恤衫嘅男同學挺身保護你。因為你對佢一身肌肉嘅崇拜,暑假就跟佢去學打拳,除咗好鍾意健身院入面充滿咗男性嘅體汗味之外,更鍾意同對手打到氣來氣喘,打大赤肋互相挨傍嘅時刻。

    到你練到好大隻,就畀個健身院嘅老板踢咗你入會,你為咗想加啲氣勢,就走去紋身,點知上到去見到個靚仔紋身師傅,你都搞唔清一針針拮落去嘅係痛楚定係快感,之後為咗可以見多佢幾面,就紋完一幅又一幅,直到一身都係為止。

    後來,一單大鑊嘢衰咗,畀警察反手扣住孖葉押上警車,沿途返警署就同坐對面身著制服嘅警察眉來眼去,從此就對手扣同警察制服著迷。被判坐監嗰幾年,每日最期待嘅係同其他囚犯一齊集體沖涼,實行水乳交溶。

    放監出嚟之後你就開始收𡃁,獲得寵幸嗰幾個,你先至會請𠹺佢哋一齊去芬蘭浴,令雙眼過足癮,而腦入面就充滿遐想。沖完涼之後揼骨,都要揾個盲嘅男按摩師,你話凈係佢對手先知點樣幫到你舒筋活胳,其實無非係渴望佢雙手响你身上每一寸嘅肌肉游走,總算係合理嘅肌膚之親。

    以上例証咁都算係直到爆?

    回覆刪除
  11. 歪歪

    睇完你的留言之後,我好感動!你點知我的過去架?!更是我的成長回憶錄.

    我扮man其實camp,俾你睇穿哂。我其實好仰慕你同阿強,搵日去旺角一齊gym吖!sauna房等候你們光臨.

    回覆刪除
  12. 你仰慕完阿強,仲想仰慕𠹺我,你咪亂掂𠻹呀,俾我見到你,搵人劈你㗎!

    回覆刪除
  13. 歪歪,既然你拒絕我,我唯有將心意藏在心底,默默守候。

    回覆刪除
  14. 紋身佬,唔好灰心,你改邪歸正之後,一定會揾到真愛㗎!

    回覆刪除
  15. 我未去過大型健身室,原來咁恐佈嘅

    回覆刪除
  16. 歪歪

    多謝鼓勵,我現在力追張耀揚,跟蔡一傑拗手瓜,祝我幸運吧!

    回覆刪除
  17. naruto

    一區區啦,旺角複雜啲,中環斯文啲。

    回覆刪除
  18. 張生?風水佬個孖生兄弟,佢會唔會又叫傑仔做珠珠?紋身佬,睇嚟你要扮小甜甜先有機!

    回覆刪除
  19. 歪歪

    我叫佢「楊楊豬」,算吧啦,我都係放棄。
    全心繼續做睇場打手。

    回覆刪除
  20. 『楊楊豬』!你啲冧古惑仔方法,令人毛管棟!

    回覆刪除
  21. 歪歪

    香港有些古惑仔
    表面man,實際camp!
    表面剛陽,實際情長。

    啋~~~

    回覆刪除

LinkWithin

Blog Widget by LinkWithin