~~~~~~~~~~~~~~~~







2015年5月2日 星期六

陰陽路之「鬼小巴」外傳


陰陽路之「鬼小巴」外傳


餘下車程,車廂內氣氛恐怖過殮房守夜。乘客們心震手又震,因為座位坐亂了,所以乘客不知道這一刻坐在身邊的那一位是否「異類」?乘客唯有唸經,望都唔敢望身邊乘客多一眼,心裡只希望小巴能盡快駛到市鎮。

坐在車尾雙座位的偷渡客叫「阿軍」,他剛從海灘上岸,除下濕衫換上乾衣。阿軍觀察到大家以為車上有鬼,他為免節外生枝,都係少出聲為妙,希望快些入到市鎮下車便算。

坐在阿軍身旁的中年男乘客,禿髮肥胖,他外表很冷靜。阿軍知道車上根本沒有鬼魂,所以阿軍也很冷靜。

估唔到禿髮男先開聲,他細細聲問阿軍︰「乜你唔驚咩?」
阿軍驚自己的鄉下口音會露出馬腳,指著自己喉嚨扮失聲,用手勢表示自己唔驚。
禿髮男︰「我唔信有鬼,所以我唔驚。」
阿軍手勢表示自己都好大膽。

禿髮男冷冷地︰「其實香港有乜好?你落嚟一定會後悔
阿軍大驚!點解禿髮男知道自己是偷渡者的身份呢?

禿髮男木無表情地︰「你一個鐘頭前已經喺海中浸死,你以為自己未死先繼續上車要入市中心而我就搵你做替身以後你就要喺條公路游離浪蕩直至搵到下一個替身

阿軍勁驚,自己變咗鬼,而另一隻鬼就坐在喺隔離。

禿髮男繼續︰「就算今晚浸你唔死….你日後喺香港搵唔到嘢做,之後會遇上同鄉阿東,佢叫你一齊去綁票,最後你攞贖款時被差人開槍打死
阿軍面青,因為佢真係有個同鄉叫阿東,喺香港做不良份子。

禿髮男冷冷地乾笑一聲之後,身體抽搐一下,之後禿髮男回復正常,立即露出一副驚樣。原來剛才「掌故王」華叔口中的「白恤衫鬼」上了禿髮男身上。「白恤衫男鬼」已經離開,可能趕去投胎。

阿軍問自己點算好?偷渡不成仲葬身大海,做咗隻游魂野鬼。

禿髮男突然唔覺意撞到阿軍手肘,阿軍有感覺喎,咁即係自己仲未死!開心到拍手,同車乘客知道有人拍掌,但都唔敢亂望。

原來「白恤衫鬼」百厭,上了禿髮男身同阿軍開個玩笑。

小巴轉眼到了市中心,阿軍在總站落車,狠狠地抽一口紅雙喜香煙來平服自己心情。阿軍聽到「白恤衫男鬼」自己的命運預言,真的好好考慮是否應該要回家了。


二少爺說︰多謝奕山給予靈感。

6 則留言:

  1. 卡臣:

    「白恤衫鬼」喺女鬼好啲,咁嗰秃髮男以女音講嘢,仲嚇窒阿軍喇!嘻嘻!

    回覆刪除
  2. 阿軍梗係番屋企好喇,香港而家冇嘢好喇。不過,會唔會喺遊番上去嘅時候浸死呢?

    回覆刪除
  3. 吓... 白恤衫鬼同阿軍開個玩笑?做鬼都咁搞笑... 真係意想不到>.<!

    回覆刪除

LinkWithin

Blog Widget by LinkWithin