~~~~~~~~~~~~~~~~







2015年1月24日 星期六

最佳新晉導演-下集


最佳新晉導演下集

場內充滿閃爍的燈光和節奏強勁的音樂,Johnson一踏進舞池,果然被索女包圍。同學們被視為Barry的星級朋友喎,一樣有女黐堆嚟,大家都得到前所未有的虛榮感。

到五時打烊,眾人一男拖幾女咁步出Club,突然被幾部相機的閃光燈閃過不停。幾份報紙的娛樂版狗仔隊,蜂擁而上。目標人物當然是「Barry」啦,記者一輪咀咁問了Johnson很多問題。

原來Barry的最新派台歌《打死都唔會交稅養動物》昨天被政府的「淫褻物品審裁處評級三級意識不良,遭電台禁播。
記者問Barry:「新歌被電台禁播 有乜睇法?」
Johnson面對七嘴八舌的問題,一時間腦裡一片空白,
幸而修讀「公共行政及管理」的Johnson,他的畢業論文題目是:探討政府公務員架構和傳媒生態的關係。Johnson唔埋咁多,一五一十唸出論文的Executive SummaryRecommendations

一班記者目瞪口呆!記者以前都有接觸過Barry,覺得他是個口齒不清、多懶音、膚淺無腦、只懂吃喝玩樂的名牌奴隸。怎料今晚的Barry如脫胎換骨,思路清晰,說話有層次、有深度又具說服力。

Johnson發表完偉論之後,在旁的索女們率先大力拍掌。記者們再追問:「咁你會採取乜嘢行動嚟回應番政府呢?」

咁啱Johnson今朝看完【甘地傳】,轉身側頭,懶chock咁說:「Ghandi said, An eye for an eye will make us all blind.」講完跟著好有型咁登上的士走人。記者們估唔到「Barry」咁型,用呢句英文嚟總結訪問,實在叫全世界走漏眼啦!

               

星期一上午,金牌經理人Marco回辦公室途中,在Benz內看網上新聞時,發現Barry昨晨那段「畢生最有sense的回應」,嚇了一跳,乜Barry突然咁叻仔?
立即call Barry助手,問:「乜Barry前晚又去咗中環玩咩?」。
助手回答:「唔係!前晚佢去咗尖東劈酒,飲到三點醉咗,我車佢返屋企囉。」

Marco心思細密,知道發生緊乜嘢事,神通廣大的Marco找到載過Johnson嘅的士司機,知道目標人物住在「港大宿舍利瑪竇堂」內,Marco派人去宿舍明查暗訪之下,鎖定似Barry的目標,便專程邀請Johnson到辦公室一趟,見面詳談。Johnson以為Marco找他算帳,他知道逃避不是辦法,也想親自向Marco道歉。

Marco在辦公室等候Johnson到臨。Marco目前最頭痛的問題是:Barry嚴重濫藥,精神狀態呆滯,影響日常工作。開拍新戲時,Barry反應慢、又背唔到對白,每一個shot至少要50take才勉強收貨。燒時間等於燒錢,嚴重超支。導演監製向Marco強烈投訴。Marco多番勸戎,但Barry唔聽不得止,仲變本加厲、愈食愈狂,就快思覺失調。

Johnson甫踏進辦公室見MarcoMarco驚嘆乜真係似得咁交關嘅?MarcoJohnson有無興趣拍戲?Johnson橫豎畢業要揾工,今年經濟咁差好難揾到好工,倒不如拍戲搏一搏喇!咨詢完父母後,立即跟Marco簽約。

Marco有一條件:要Johnson改名做Barry,直情扮Barry接手他所有演藝工作。成功招攬到Johnson後,Marco立即跟「迷幻 Barry」解約。藝人合約中寫明:「只要藝人一證實有濫藥,經理人公司有權即時解約,無須作賠償」。Barry遭解約後,繼續自暴自棄,沉淪毒海。

Johnson化身成Barry,聽教聽話、好醒目咁完成手上電影和唱片工作。當Marco通知Johnson公司乘勝追擊,將會開拍第三集最終卷《最終命運都安排我們在路上碰面我會點吓頭問候一吓》Johnson反提議Marco拍一套寫實電影。Johnson不甘心做「奶油偶像派」,其實Johnson在大學時代一早已經寫好電影劇本,曾經寄去各大電影公司叩門,可惜石沉大海。如今正好向Marco賣橋。

Marco知道Johnson非池中物,Johnson建議讓他自編自導自演一部獨立電影。Marco對他投下信心一票,就算電影蝕本,起碼讓他的公司也出品過藝術電影。

電影順利開拍,叫I’m fine》。故事內容講香港有一名患上小兒麻痺的尼泊爾少男、失業失學幾年、變成隱閉青年、愛上自己的七歲弟弟、做男妓謀生、仲染上愛滋病。電影主角集:傷殘、小數族裔、雙失、隱青、同性戀、忘年戀、亂倫、孌童、男妓、愛滋病於一身,探討社會對弱勢社群的歧視問題。

Johnson在沒有超支下準時完成電影。電影I’m fine》未在香港上演,已經在斧山、鹿特丹、柏林電影節,獲得國際人道精神大獎及獨立精神大獎。Johnson揚名國際,鋒芒一時無兩。雖然電影票房一般,但已令觀眾對Johnson這位全方位創作人,刮目相看 

Barry眼紅Johnson的成就,想找娛記爆大鑊,可惜無人相信這個半人半鬼、周身毒瘡、射喱眼、手憻腳震、漏口、講嘢流口水的排骨佬,竟然是曾經風光過的Barry。只當他是黐線佬。

                   

今晚是第27屆香港電影金像獎頒獎禮,嘉賓陳果導演拆開手上信封宣佈:「第27屆香港電影金像獎最佳新晉導演係…. Barry!」穿上晚禮服的Barry興奮地走上頒獎台,從陳果手上接過獎座後,清一清喉嚨,致謝:「首先,我要多謝Marco!」台下的Marco欣慰地笑,替Barry感到驕傲。

在家中對著電視機的原裝Barry,已經肥腫不分,神智不清,看罷這一幕,用力將手上的啤酒樽,怒擲去螢光幕,「砰」一聲,玻璃樽破裂,碎片四飛。Barry突然「哈哈哈!」,狂笑起來,引致哮喘病發作,之後又昏倒過去。

講到呢度,老土啲都要講句:「機會是給予時常裝備好自己的人。」既然講咗第一句,唔爭在講多句:「不可一,不可再,向毒品說不,向自毀說不!」


二少爺說︰我要努力,我要向上。

6 則留言:

  1. 卡臣:

    這個故事咁勵志,不是潮流!我要沉淪!嘻嘻!

    回覆刪除
  2. 卡臣,你一於行番Johnson條路喇,咁咪名成利就囉。

    回覆刪除
    回覆
    1. 個樣似八兩金唔緊要,可以走「騎呢實力派」路線嘛,一樣有巿場。 :p

      刪除

LinkWithin

Blog Widget by LinkWithin