~~~~~~~~~~~~~~~~







2013年9月5日 星期四

陰陽路之「天開眼」- 下集



陰陽路之「天開眼」- 下集



(這篇是新寫的)


在辦公室內的Ben經天眼見到睡房中的壽衣男人靈體,嚇到噴咖啡!

他關心太太的安全,本能地立即call她。Nancy站在家中露台外,利用周遭環境雜音扮自己外出在街上。Ben知道Nancy安全後,叫她千祈唔好獨自返屋企,叫Nancy五時去公司找Ben

Nancy收線後和Samuel笑到碌地。Ben監視太太反遭嚇倒,兩人得意洋洋,既然上了來,兩人在客廳親熱吓先。

* * * * * *

Ben正在考慮:家中有鬼,應如何處理是好呢?最後Ben決定今夜跟Nancy在酒店過夜,明天請茅山師傅回家捉鬼。

5時許,Nancy來到Ben公司。Ben為了隱瞞安裝「天眼」一段,說謊指有相士算出他家中有靈體,暫時不適合回家,今夜兩人在酒店渡宿,明天早天找茅山師傅幫手。

Nancy聽後,立即交戲,扮成很驚慌的樣子,其實心裡笑到咔咔聲。

* * * * * *

當晚,兩人入住一間三星級酒店。酒店房內不可吸煙,Ben十一時外出抽煙,剩下Nancy一人在酒店房。她確保丈夫離開後,立即偷偷地打電話給Samuel,想告訴他事態最新發展,怎料打了幾次,都係傳來「你打嘅電話未能接通,請遲啲再打過嚟


Nancy氣憤地收線,心諗唔通Samuel又去搞搞震?(雖則她自己也背著老公搞搞震)。胡思亂想之際,Ben抽完煙回房間。

* * * * * *

第二天早上,Nancy跟丈夫在酒店吃過早餐後,丈夫出發去見茅山師傅。Nancy返回酒店房間後,立即打電話給Samuel,點知仍然係「你打嘅電話未能接通,請遲啲再打過嚟

她十分激氣,坐在床上,順手開了電視。新聞台報導:昨晚十一時,一架房車在紅磡天橋翻車,男車主送院後身亡,事主就是……SamuelNancy睇到新聞後,呆嚇到跌下電話在地上。

* * * * * *

Ben去到茅山師傅的神壇。Ben播放錄影帶給師傅過目。電視畫面中,清楚見到一名穿草帽、壽衣的男子慢動作行過,他身後有一對穿清朝服裝的男女隨後

Ben對師傅說:「我噚日就係見到呢三件『污糟嘢』喺我屋企。」

師傅說:「唔係三件,係兩件咋,第一個穿唐裝嗰個係男人嚟架。後面兩個清朝人先係靈體。佢哋要搵兩個替身。」

Ben剩係聽到師傅的第一句,已怒火中燒!原來老婆出面真係有個男人,Ben立即打電話給Nancy,要三口六面問過清楚,如果搞離婚,通姦就唔使俾贍養費吖嘛。

怎料Ben打了幾次電話給Nancy,都係傳來「你打嘅電話未能接通,請遲啲再打過嚟



二少爺說:唉!Nancy妳去咗邊呀?

21 則留言:

  1. 嘩,真係睇到心都寒埋呀。 :o

    呢篇應該早上9:25先出嘛,日光日白喺office睇冇咁驚。

    好彩今日係農曆八月初一,啱啱關咗大門啫,如果唔係,你一定多咗好「鬼」多fans呀。 :p

    回覆刪除
    回覆
    1. 鬼Fans?,

      可以是一個故事,多謝靈感先。

      刪除
    2. 故事內容講述有個blogger好鍾意寫故仔,尤其是係一d自己嚇自己,冇鬼出現嘅鬼故。

      佢寫嘅故仔好精彩,連鬼都吸引成為佢嘅fans,最後連閰先生都成為佢嘅忠實fans。

      閰先生決定提早幾廿年派牛頭馬面帶佢走,落去下面做自己嘅御用作家。

      可憐嘅blogger某深夜寫寫吓嘢,突然心肌梗塞,咁就死鬼咗喇。

      故事名為:「陰陽路」之天妒英才 :p

      刪除
    3. 哈哈!笑死我,

      哈哈哈哈........

      倒地,昏迷,心臟病發作

      刪除
    4. 哈哈,小心牛先生同馬先生嚟搵你呀。 :p

      刪除
  2. 回覆
    1. 通常我寫的《陰陽路》都是無鬼,自己嚇自己,今次破例

      刪除
  3. 卡臣:

    故事咁有警世意味,唔合潮流呀!嘻嘻!

    回覆刪除
    回覆
    1. 香港有個「偷情電話Apps」登陸,我要平衡一下吖嘛

      刪除
  4. 乜个南茜又被鬼揾左去咩?
    整蛊做怪,真系撞鬼!

    回覆刪除
  5. 現代奇情驚嚇版"莊子試妻"...警世之作也!

    回覆刪除

LinkWithin

Blog Widget by LinkWithin