~~~~~~~~~~~~~~~~







2013年9月30日 星期一

就讓我在地獄裡等待天堂


就讓我在地獄裡等待天堂


(這篇是新寫的)

晚上十時,Ben趕時間去澳門,他從家中落街後,截了一部的士去上環港澳碼頭。

Ben坐在的士後座,如常在玩電話,一不小心跣手,電話跌在的士車廂內。Ben俯身去拾起電話時,發現車廂內有張五百蚊紙,因為車廂太黑,如果沒有電話屏幕發出的光芒,絕對察覺不到那張銀紙。

太好啦!實在太好運啦!Ben立即拾起電話和那張五百蚊紙,據為己有。正所謂︰「地上執到寶,問天問地攞唔到!」Ben因獲得這lucky money十分開心。計劃把這五百元在澳門如何花掉。

落車後,Ben心情愉快地行去碼頭。突然有個中年男人因趕搭船,從背後撞了Ben一吓,男人講聲sorry後,立即向前奔跑,繼續趕船。Ben心情好,沒有跟男子計較。

Ben行到counter買船票時,才驚覺自己的銀包不翼而飛!Ben記得很清楚自己落的士時把銀包收好,那麼說,剛才那中年男子應該是一名在碼頭搵食的扖手。

Ben銀包內的二千元被偷了!Ben十分火滾!誓要找出小偷,在碼頭附近亂跑兜截,當然那小偷早已逃之夭夭。

一無所獲的Ben,十分憤怒,盡量記起那男人的容貌,他要去報警,報失証件信用卡。心中惡毒地咀咒那男子,問點碼頭解咁多人,但偏偏要揀中他落手。

好,故事講完了。

Ben先拾到五百元,開心到不得了,Ben腦中只想到如何把它花掉,幻想那五百元帶來的物質和享受。Ben不會探究這五百元的來源,它的物主是誰?這五百元對物主是否很重要?

及後,當Ben的銀包被偷,無咗二千元,Ben腦中的焦點只放在如何捉到那小偷?為小偷何會揀中自己埋手?點解當初唔早啲發覺銀包被偷?點解啲錢唔分開袋放?後悔點解要今晚去澳門?而沒有想過那二千元的下落了。

人開心的時侯,不問原因只想保持快樂的現狀。
人憤怒的時侯,總是要全心追究痛苦的因由。


二少爺說︰我都試過跌銀包,乜都要報失呀,陰功。

鐵窗
作詞/作曲:陳佳明

我的心早已經一片黑暗 再沒有什麼是可以點燃
我只剩眼角的一滴淚光 怎能把這世界照亮
對你的恨已經慢慢變少 對你的愛依舊無法衡量
在原諒與絕望之間遊蕩 唯一的感覺是傷 傷 傷
我以為你給了我一線希望 我伸出手卻只是冰冷鐵窗
若現實它總叫人更加悲傷 就讓我在回憶裡繼續夢幻
我以為我從此能快樂飛翔 在夢醒後卻只是冰冷鐵窗
若現實它能教人更加勇敢 就讓我在地獄裡等待天堂

22 則留言:

  1. Ben因為拾電話而發現張500蚊,之後因為太開心而降低警覺畀人偷咗銀包,樂極生悲呀,要補領番d卡真係好鬼煩。

    「人開心的時侯,不問原因只想保持快樂的現狀。」,我覺得呢個係大部份人嘅天性,有幾多人係居安思危吖。

    「人憤怒的時侯,總是要全心追究痛苦的因由。」,呢點就有好有唔好,要睇當事人嘅動機喇。如果出發點係被免下次再賴嘢,咁都正面嘅。但係如果全心為咗報仇,咁就鑽咗牛角尖喇。不過,多數人通常都一半一半嘅。

    另外,下集主角會唔會係「中年男子」呢?

    回覆刪除
    回覆
    1. 分析得好好,在大自然界,動物受過傷害,便會下次避開,免再有危險,所以人都成日記住啲受傷害事情,是天性呢~~

      下集主角「中年男子」交俾你發揮啦。

      刪除
    2. 人其實都係動物,所以呢d都係天性呀,不過人懂得思考,所以先會諗到報仇等事情,喺動物界,好少有呢d事發生。

      我都係留番嚟做讀者喇。

      刪除
    3. 我覺得動物都會弱肉強食,唔係你死就我亡的特性。

      刪除
  2. 有時運氣真係話黎就黎...包括好同唔好...或者一齊黎都得...都係睇開啲開心啲>.<!

    回覆刪除
    回覆
    1. 如果人能放下開心和憂愁,咁就自由了,不受牽絆,不過人又點會捨得放下呢?

      刪除
    2. 人如果放下了開心和憂愁,咁就會四大皆空,冇晒食慾同性慾,好大鑊o架,要出家做和尚先得。 :o

      呢兩「慾」,我真係放唔下呀。 :p

      刪除
    3. 我都係呀,簡直係生存推動力。

      刪除
  3. 卡臣:

    咁,只有扒手上了天堂喎!嘻嘻!

    回覆刪除
  4. fate rules us all.
    if it's not for you, you wont get it anyway.

    回覆刪除
  5. “就讓我在地獄裡等待天堂……”
    好美的歌词,和你的文章很贴切呢!
    不是你财,取之无益,反遭祸害~~

    回覆刪除
    回覆
    1. 偶爾香港有些路不拾遺的新聞,把巨款交還警方。

      刪除
  6. 我都試過有一次被人偷咗銀包的經歷,當時勁徬徨。

    回覆刪除
  7. 沒試過遺失
    便不知道尋獲的快樂

    這篇也很禪。。。

    回覆刪除

LinkWithin

Blog Widget by LinkWithin