~~~~~~~~~~~~~~~~







2013年9月23日 星期一

再訪當初深愛者



再訪當初深愛者



晚上9時,阿康聽完一個電話後,怱怱換衫出門口。落到屋企樓下,跳上一部Taxi,直奔Derek於太子區的住所。

20分鐘後阿康抵達Derek住的大廈,Derek早已焦急地站在大廈地下門口等候,見到阿康下車,他立即走上前;緊握阿康雙手。

                       

阿康和Derek於今年情人節前夕分手,轉眼已經七個月。Derek結識了新男友,向阿康提出分手,結束這段兩年的感情。Derek的新男友在保險公司當星級agent,中年肥佬、收入豐厚、有樓有車,是DerekSugar Daddy。雖然阿康苦苦哀求,但仍留不住鐵石心腸去意已決的Derek

分手後,阿康一心想跟Derek保持普通朋友的關係,無奈一心疊埋心水想退休歎世界的Derek,唔覆阿康電話,迴避,直情消聲匿跡。

這次打擊,令阿康雖然傷得很重,但他亦知情識趣,不再苦苦痴纏Derek,唔阻佢嘆世界。

這七個月來,阿康完全跟Derek失去聯絡,他漸漸從情傷中康復過來。估不到在918日晚上,阿康正在家中看電視之際,於8:30分,電話響起,原來是Derek打來。

Derek的聲音,又牽動了阿康已經撫平的舊傷口。阿康跟Derek講了兩句電話後,阿康二話不說,立即趕去見Derek

                       

在大廈樓下,滿面焦急的Derek一見到阿康,立即走上前,緊握阿康雙手。Derek的手有點冰凍。

阿康:「點呀?幾時唔見?佢通常去開邊度呀?」
Derek:「我今晚8點鐘返到,已經唔見佢,佢又無帶電話,唔到佢!」

Derek跟患上老人癡呆症的媽媽同住,自父親去世後,獨子Derek便負起照顧母親的責任。今夜母親突然失蹤,未夠24小時未能報警,而男友正在外國出席保險會議,剩下Derek一人,徬徨無助。

Derek一時情急,只好硬著頭皮,找前度阿康來幫手。阿康不理前嫌,兩人立即在附近一帶,兜截尋找伯母。

兩人一邊找,Derek突然問阿康:「你……而家……有冇拍拖呀?」
阿康:「……有,今年7月識嘅;佢係消防員。」
Derek:「哦~……咁咪……幾好~」
阿康:「咁你男友對你好嘛?」
Derek:「佢……幾錫我!」
阿康:「哦~……咁咪……幾好!」

                       

找了幾小時,已經11:30分,仍然未尋回伯母。Derek的手提電話突然響起,他見來電顯示,連忙接聽。

一天光哂!母親已經回家,並致電找Derek。原來母親今夜去天水圍姨婆家吃飯,不過忘記告訴Derek而又忘記帶電話。母親見快將凌晨,Derek仍未回家,於是call Derek

阿康:「好啦!無事就好!我送你返屋企吖。」兩人沿著街燈,步行回家,阿康很久未重溫過這滋味。

Derek:「到啦!多謝你今晚肯出幫我手。」
阿康:「乜說話!唔…….早抖啦!」

當阿康正想轉身離開之際,Derek突然用手托著阿康的臉頰,趁夜闌人靜、街角幽暗,四周無人,Derek吻下去。

阿康在沒有心理準備之下,嚇了一跳,欣然接受他一吻。阿康估Derek以吻作謝禮,無理由拒絕,還可以重溫往日之餘溫。親吻後,Derek一笑後,走回大廈。剩下阿康百般滋味在心頭。

阿康獨自行去地鐵站,趕乘尾班車。「嘟~嘟~」阿康電話收到Derek發出的文字短訊:

「我想對你說聲對不起,因為今夜我講了兩個大話:第一:其實我媽媽沒有失蹤,她一直安在家中,第二:我和男友因性格不合,已於上個月分手。我說謊騙你出來陪我渡過我生日的晚上。我怕你仍嬲我以前太過自私,我知道我用這個藉口;你一定會出來見我,多謝你!很高興你仍著緊我。往年你總會給我birthday kiss,今年在我生日臨結束前五分鐘,總算收到你的birthday kiss,我們可以再重頭開始嗎?」

阿康這時才醒起今天就是Derek生辰,他雖然被騙,但沒有半點氣憤。其實仍是單身的阿康,根本就沒有什麼消防員新男友,只不過阿康不甘在Derek面前示弱,情急地隨口說另結新歡而已。如今Derek有心從拾舊好,讓阿康正中下懷。

阿康重讀Derek的短訊後,思前想後,兩分鐘後回覆一條短訊給Derek
「對不起,我新男友待我很好,我不想辜負他,我們的歷史已經過去了。」

Sent完短訊後,阿康舒懷地微笑。因為阿康知道他狠心拒絕Derek,才是醫治自己傷口的最佳最徹底的方法。

阿康深深吸一口氣,仰望寒夜星空,最後一次重溫嘴邊那份早已逝去的旖旎。


故事靈感來至《凌晨一吻》。



凌晨一吻 譚詠麟 


明月夜  沉靜夜
地面怎麼顯得傾斜
斜向你使我向你走去
再訪當初深愛者
重聚夜  流淚夜
面對呼呼北風荒野
你說你今天愛已失去
昨天即使傷我心
棲身盼我暫借
我看著舊情人  茫然無奈地說
我心已屬別人 
看你默默弄長裙  抬頭垂淚地說
叫我無謂擔心
一息間  相擁一吻
含淚說再見最後在凌晨
一息間  深深一吻
忘掉昨日我恨你
凝望背後你尚有淚印
(懷念最後帶淚那一吻)




24 則留言:

  1. 透過一個故事,教人如何放下,我今次真係學到嘢喇。

    如果前度打嚟要求復合,我要一口拒絕佢先得。

    回覆刪除
    回覆
    1. 前度翻撻?睇下邊個啦,有啲值得的。

      刪除
    2. 唔衰嘅時候咪值得囉,有時衰格起上嚟,真係好難頂o架。

      刪除
    3. 係咩,佢又唔似喎,家家有本難唸的經

      刪除
    4. 唉,多言都難盡呀,有時d嘢知易行難。

      祝你生日快樂先,仲有保持青春,最緊要嘅係唔好失業。 :)

      刪除
    5. 多謝你咁有我心啊,咁好記性

      係呀,我會記住你的說話,順勢吖嘛

      刪除
  2. BIRTHDAY KISS 個到幾感人。
    寫得好好!

    回覆刪除
  3. 拖泥帶水仲手尾長...過去咗就算啦>.<!

    回覆刪除
  4. 卡臣:

    一吻就滿足㗎喇?要求咁低?嘻嘻!

    回覆刪除
    回覆
    1. 咁你聽日同邊個開波呀?

      刪除
    2. 歪歪

      呢篇我2008年送給你的, 我估你當然記得

      明天...打壁球,自己同自己打

      刪除
    3. 08年你送呢篇「前度 再度」畀我,我梗係記得啦,五年後睇翻都依然咁感動,真係好窩心!

      見你聽日得自己一支公打壁球咁dry,等我嚟送個驚喜birthday kiss畀你當報答啦!

      刪除
    4. birthday kiss? 你飛返嚟?定俾機票我飛過去呀?

      刪除
    5. 你飛嚟,我飛去都趕唔切,送住個飛吻先啦!3,2,1接喇!生日快樂!

      刪除

LinkWithin

Blog Widget by LinkWithin