~~~~~~~~~~~~~~~~







2012年10月29日 星期一

街景一直在後退

街景一直在後退

(為了傳神關係,本文內含粗言穢語,不喜勿閱)

月黑風高的高速公路上,一輛小巴在時速120公里的高速下扔個急彎,甩少少尾,刺耳的滑軚聲音劃破了寧靜的黑夜。

出力踏着油門的,是一個二十出頭的金毛小巴司機。他握著軚盤的右手,戴着一揪金屬手鏈,左臂則紋上一隻雪豹的鐵青色紋身。他的反叛性格從他的駕駛技術中流露出來。他天生喜歡挑戰香港的交通法例:於禁區內落客搶客、Cut雙白線、超載、衝紅燈、逆線行車都是家常便飯。

雖然小巴乘客明知乘搭「亡命小巴」是一件十分危險的事情,無奈能夠以最平宜、最少時間到達目的地的方法:小巴是唯一的選擇。有些乘客未能負擔得起在市區置業,每天都需要乘搭小巴往返巿中心和偏遠的地區。有些乘客相信自己可能終有一天會命喪於高速公路上,但這個念頭當然從未出現過在這位小巴司機的腦海中。

                                   

這天中午,在攝氏35度的高溫下,小巴的引擎轉動聲音也變得乾澀。小巴司機如常地疾馳於他的競技場跑道上。雖然他昨夜因為要睇波,通宵未睡,但只要他一坐在司機位上,他的腎上腺和脾質醇便會自動升高,老虎都打得死幾隻!

他往返這條路線已經有三年之久,閉上眼也能入彎切線,揮灑自如!乘搭這條路線的乘客,通常到達某商業中心時,都有乘客會叫落車。這天司機如常地望著倒後鏡問:「富成中心有無落?」

車廂內有一位乘客大聲地答:「有!」
小巴司機用六十五度的切入角度,高速飄移到達成中心的門口。一分一毫沒有偏移,司機露出一個滿足的微笑。「砰」一聲打開車門,司機左手向後一攤,準備收錢。

怎料沒有乘客起身落車,火爆司機回頭大聲問:「邊撚個叫咗落又唔橪落呀?」
車廂內沒有一個乘客回答他。

司機咕嚕一句:「俾我知道邊條仆街玩嘢,佢就死撚梗!」便悻悻然繼續開車。

小巴繼續飛馳,一名婆婆在茶樓前正想遞手截小巴,司機加速爬過前面左線的一架小巴,成功搶客。他從倒後鏡回望後面心深不忿的另一位小巴司機,發出不屑的笑聲。

婆婆上車後,婆婆眼矇矇睇唔清楚車費牌寫幾多錢,
便開口問司機:「司機,幾多錢啊?」
司機唔耐煩,大聲晦氣地答:「七蚊!」
車廂內有一位乘客睇唔過眼,立即大聲搭嗲:「七蚊咁貴?五蚊得啦!」

司機揸咗咁多年小巴,都係第一次聽到有乘客搭小巴講價!
司機火從心上燒大嗌:「邊撚個玩嘢呀?無錢學乜撚嘢人搭車吖?!」
該乘客沒有因此退縮,更理直氣壯地回答:「嘩!咁做生意都得?!」

司機平生都未試過咁樣俾人頂撞,怒火中燒!把小巴剎停在公路上的避車處,撥開假裝扣上的安全帶,離座轉身對着車廂內的八位乘客,扯大喉嚨問:「屌你鹵味!邊撚個呀?落車隻揪!」

車廂內的乘客被司機這突如其來的粗暴舉動,嚇到目瞪口呆,鴉雀無聲。五秒鐘沉默拉鋸後,其中一位中年師奶,先打破僵局,指着後排一個男乘客:「係呢個四眼仔!」呢個四眼仔而家先如夢初醒,發出疑惑的目光。

原來四眼仔搭緊小巴途中,就快到達「富成中心」時,四眼仔的手提電話突然響起。因為車廂內太嘈吵,四眼仔用右手緊蓋着右耳朵,左手把手提電話緊貼到左耳朵,大聲對話。

四眼仔的電話旁,他的客人問:「喂阿Joe,我想問你公司,RG-6電線仲有冇貨?」
四眼仔大聲答:「有!
客人問:「咁幾多錢一米?」
四眼仔答:「等我check check先!等等呀你!」
四眼仔從公事袋取出iPadcheck公司存貨的excel file

當婆婆上車後,四眼仔覆客人:「喂黃生,我check到喇,五蚊一米。」
客人說:「吓?五蚊咁平?另外一間公司開價七蚊一米,」
四眼仔答:「七蚊咁貴?五蚊得啦!
客人說:「仲有,佢哋講明貨期唔做30日,得14日咋!」
四眼仔答:「嘩!咁做生意都得?!
講到這裏,小巴便急停在公路上的避車處,司機回頭誓要找出搞事乘客。

一位50歲男子幫口:「司機大佬,佢講電話啫,唔係同你講呀!」司機怒氣消了一半,見有落台階便說:「講電話?屌你!唔早響?」

這時,司機見到遠處有架鐵馬嚟緊,他趕快跳回司機位開車走人。茫然的四眼仔不知道自己剛才講緊個電話,竟然可以將整部小巴停咗喺公路上。


二少爺說:呢輛專線小巴由九龍駛向新界,所以一路向北。



一路向北 - 周杰倫
作曲: 周杰倫
作詞: 方文山

後視鏡裡的世界 越來越遠的道別
你轉身向背 側臉還是很美
我用眼光去追 竟聽見你的淚

在車窗外面徘徊 是我錯失的機會
你站的方位 跟我中間隔著淚
街景一直在後退 你的崩潰在窗外零碎

我一路向北 離開有你的季節
你說你好累 已無法再愛上誰
風在山路吹 過往的畫面全都是我不對
細數慚愧 我傷你幾回

我一路向北 離開有你的季節
方向盤周圍 迴轉著我的後悔
我加速超越 卻甩不掉緊緊跟隨的傷悲
細數慚愧 我傷你幾回
停止狼狽 就讓錯純粹

18 則留言:

  1. 乜香港D小巴司机真系甘恶架?好彩我以前坐小巴都无遇过!

    回覆刪除
    回覆
    1. 遇上惡司機,跟撞鬼一樣,都要講時運高低

      刪除
  2. 本文內含粗言穢語,不喜勿閱。。。。雖然我不喜粗言穢語,但都要捧場照閱呀,yeah~

    在攝氏35度的高溫下。。。。無左35好耐囉,唔好寫出嚟引我啦

    回覆刪除
  3. hahaha 典型笑話設計,不過依然笑左!

    回覆刪除
  4. 卡臣:

    我有一次半夜坐小巴,個司機開到拆機咁大聲,聽鬼故,成車人在細細聲講,話個司機撞鬼。

    回覆刪除
    回覆
    1. 卡臣:

      我幾乎想即係落車呀!我最驚聽鬼故,坐果十幾分鐘車,簡直渡秒如年!

      刪除
  5. 唉見過唔少無禮貌又襴口既小巴司機!
    想即刻落車呀!

    回覆刪除
    回覆
    1. 香港特色,最快最平宜的運輸方法,可惜送粗口

      刪除
  6. 卡臣:

    今晚校長會好似撞鬼咁,在「秋葉」裡睇番佢自己。本來借「望‧兩秒」來作題材,結果借了校長的靈魂喎!嘻嘻!

    回覆刪除
  7. 阿卡臣兄, 你講唔講粗口呢? 創作個故事入面D粗口好流俐喎

    回覆刪除

LinkWithin

Blog Widget by LinkWithin