~~~~~~~~~~~~~~~~







2012年3月16日 星期五

陰陽路之鬼屋


陰陽路之鬼屋

「大口」一夜之間成為班中的英雄,因為證實了他是全班最大膽的人。

* * * * * *

天水圍某間band 5中學的中三D班,自認班中最大膽的「灰熊」發起「夜探鬼屋行動」。歡迎自問夠膽夠薑的同學參加,睇吓邊個最大膽。

其實灰熊搞呢單嘢,無非想吸引班中最靚女嗰位女同學「Jolie」嘅注意啫。發育期中的男仔,只懂用「膽量」、「財富」或「體能」等低層次優勢去吸引異性。而發育中的女同學,則喜歡有一個夠威有錢的男朋友仔。

班中有一個經常Gel頭的男同學,花名叫「硬頭」。他也非常喜歡Jolie。他決定join夜探行動,希望能夠證實自己是最大膽的,獲得美人垂青。

其實硬頭十分之驚青,他找好友「大口」陪他一起去壯膽。大口份人戅居居,他的性格,好聽便是「順得人意」,唔好聽就係「是是但但」,乜都無所謂。大口隨口答應陪硬頭去夜探鬼屋。

* * * * * *

第二晚凌晨十二時,灰熊帶隊,幾個男同學和女同學,一起到天水圍郊外一間廢置舊屋探險。這間鬼屋屢次傳出鬧鬼事件,現在親眼看到這座陰森舊屋,在搖曳的樹影下,令人毛骨悚然。

Jolie和幾個女同學離遠守在鬼屋籬笆外,灰熊跟六個男同學,每人帶著電筒,表面上扮哂勇敢咁,爬入鐵閘裡。灰熊回頭向Jolie微笑揮手,像太空人步入穿梭機一樣,去創造一個里程碑。Jolie期待著那個最大膽的男同學,好chok咁步出鬼屋,眾女同學坐低,抽煙吹水,消磨時間。

七個男同學步入鬼屋,灰熊扮勇帶頭,中間四個男仔,隨後是硬頭,大口殿後。屋內陰森恐怖,破爛傢俬,塵封神位,眾人見到唔驚就假,甚至驚到腳震。但一想到屋外的Jolie,唯有死頂。

灰熊見勢色唔對,正想宣佈撤退之時,突然眾人手上的電筒同時間失靈, black out!嚇到眾人大叫「鬼啊」!灰熊在漆黑中見到前面有一個「垂下頭、面泛綠光的慘綠青年」。嚇到灰熊大叫鬼啊!之後傳出「女鬼哀叫聲」,多團黑影凌空高速略過,嘩!今次真係「瀨嘢」啦!俾鬼包圍。

好彩灰熊有備而來,袋咗一度靈符。灰熊立即拿出來舉在手上。眾人的電筒又突然有返光,仲唔走等乜呀?!眾人一邊呼叫「走呀!」,一邊用九秒九速度跑出鬼屋,一仆一碌,超級狼狽。

眾人逃出鬼屋後,跪在地上喘氣。有幾位同學的褲襠濕了一片,明顯是驚到失禁。Jolie和幾個女同學報以噓聲!乜咁丟架!

灰熊點一點人數,發現只得六人,吓?仲有一個未出嚟!原來是包尾的大口。咁點算好呀?無人夠膽願意返入去搵人喎。

正當大家你眼望我眼,束手無策之際,有個女同學指向鐵閘叫:「大家睇吓!」眾人望去,見到大口若無其事、氣定神閒咁步出來。如太空人步出太空艙咁型!立即獲得Jolie和幾個女同學報以熱烈喝采聲和掌聲。

灰熊立即上前問大口:「乜你見唔到鬼咩?」大口回答:「無呀!」女同學們認為大口最剛陽最勇猛,所以連鬼都怕咗大口。成皇敗,其餘六個男仔垂頭喪氣,在Jolie面前如喪家之犬。

其實大口邊有咁大膽,他是一名宅男,無時無刻都鐘意打機。他最愛一邊聽heavy metal音樂、一邊打格鬥遊戲。無論上堂、搭車、食飯、去廁所都機不離手。

剛才大口入到鬼屋,打機癮又發作,見前面六人都拿著電筒,都算夠光。自己索性關了電筒,騰空兩手出來打機。只要跟住硬頭個屁股行咪得囉。大口戴上耳筒,扭大heavy metal音樂的volume,雙眼聚精會神在iPhone螢幕上,雙手狂撳掣。其實周圍發生緊乜事都唔知道。

鬼屋內真的有鬼魂作祟,鬼魂把六支電筒弄致失靈。全黑之際,灰熊剛好站在一塊鏡前,漆黑中只見到隊尾「垂下頭的大口,iPhone螢幕泛出的綠色光暈打在大口的臉上」,灰熊嚇到誤以為大口為是鬼!

眾人跑離鬼屋後,大口才察覺自己被留低。但因為差少少便打機打到升level,喺咁緊張關頭,大口乜都唔理,追隨著有光的地方,斯斯然邊行邊打機。對於專注打機的大口來說:任何鬼影幢幢、鬼號哀叫,都無絲毫影響。

大口一夜之間成為班中的英雄,極受女同學歡迎。Jolie渴望被強者保護,想找一個最勇敢的男仔做她的男朋友仔。

* * * * * *

第二天早上,Jolie在學校走廊問大口:「喂呀~ 唔知有無人肯買飛請我睇嗰套《承受磨練愛十世紀》呢?」大口靦腆地回答:「..只有興趣睇《機動戰士Z高達劇場版》咋Jolie翻了白眼,氣到轉身便走。

宅男始終是宅男,大口雖然愛看「日本女僕漫畫」,卻無勇氣去面對一個活生生的女孩子。

看見被大口氣壞的Jolie,灰熊和硬頭在背後偷偷拍掌。自己雖然輸給大口,大口卻放棄領取獎品的機會。


二少爺說:彭羚咁多首金曲之中,我愛呢首喎!


仍然是最愛你 - 彭羚 
作曲: 張宇
填詞: 張美賢

過去已過 已飄去 
流逝片段總念記
誰能清楚 一生怎過 
誰願與我永遠也一起

碰上了你 愛戀你 
原是這樣這樣美
誰無心中 一些希冀 
名利角逐裡 那比擁有你
(唯望歲月裡 我身邊有你)

仍難逃世間中 要分離 
仍然等待會又相隨
仍然是最愛你 未來風浪裡
仍願與你分喜與悲

從何時你的心 愛戀誰 
如何可活到幸福裡
當一切夢似全流去 
我都了解(靠緊)
 
不想躺別人懷裡 
為著始終都關心你
光輝一刻 終有日失去 
承受磨練愛十世紀

35 則留言:

  1. 用财富来吸引女生,在香港不算低层次啊。

    回覆刪除
    回覆
    1. 學生的財富只是請吃飯睇戲送禮物咋

      刪除
  2. 撞鬼形容幾嚇人噃,哇,何來一陣冷風?

    回覆刪除
  3. laulong

    可能你剛睇完特首辯論,所以陰風大作

    回覆刪除
  4. 以「財富」或「體能」吸引女仔, 一D都唔低層次喎, 唔係個個得架.

    唉, 通常D宅男都會有靚女垂青, 真係經常睇到眼火爆!

    回覆刪除
  5. naruto

    我唔知呀,亂作啫

    ////

    30

    原來大家都讚同不是低層次,我要改觀了。

    回覆刪除
  6. 卡臣:

    30 something講得正確喎!真係戇居男都有靚女無條件奉獻架喎!Jolie有點會咁容易放棄呀?有機會我寫番幾件真人真事比你睇下喇!嘻嘻!

    回覆刪除
  7. 卡臣:

    我去睇特首參選人辯論,暫時無男女私情。中文電視好少咁快即時轉播。

    回覆刪除
    回覆
    1. 佛爺

      好低能呀唐唐,小學生,少爺般氣粗,隻狼又奸又狠,香港無福了

      刪除
  8. 卡臣:

    嘩!原來個辯論長達兩個小時,我仲以為係半粒鐘,早知我去睇日本AV片好過喇!陰功!嘻嘻!

    回覆刪除
  9. 好一个大口,如此爱打机!
    时代不懂是进步还是退步?
    你看,吃饭时,一家人人手一机,天伦不见了!

    回覆刪除
    回覆
    1. cindy

      對呀,現代人用手機溝通多過面對真人,真諷刺。

      刪除
  10. 記得之前有學生玩鬼屋出事入院。

    回覆刪除
  11. 我細個都有同朋友去灣仔皇后大道東間鬼屋探險,但每次去到大家剩係係門口行兩轉就算,無人夠膽入去!

    回覆刪除
  12. 有關豬狼之爭,套用我朋友的見解。豬做,香港就X街;狼做,香港就玩完!

    回覆刪除
  13. 乜D男人见到鬼真系会赖尿架?

    男人的子孫根,見到鬼,就會賴尿。見到鬼咁惹火的女人,就會失禁。兩種情況也會流出液體!嘻嘻!

    回覆刪除
    回覆
    1. 佛爺

      講咗大話會流汗,道歉要流淚
      香港政壇特色

      刪除
  14. 卡臣:

    這個辯論,何俊仁做到好似小丑咁,從未見過候選人在辯論會做到咁離譜!!!若果他做了行政長官,香港真是玩完。

    回覆刪除
    回覆
    1. 佛爺

      兩害取其輕,我寧願選何先生。起碼佢唔奸唔儍

      刪除
  15. 喂,有破綻喎,間屋入面靜蠅蠅,『大口戴上耳筒,扭大heavy metal音樂的volume』,咁就實俾其他隊友聽到啦!

    另外,隻狼同隻豬,一個就沮喪凋零,一個就神情落寞,睇到大嗌:「凋零落寞!」

    回覆刪除
  16. 歪歪

    容我撐飯蓋:因為大口一扭大volume,就給鬼叫聲cover 咗。

    兩個人都totally rubbish, 香港人心酸。

    回覆刪除
  17. 賴係鬼叫,不如話隊友鬼掩耳。

    香港人梗係心酸啦,因為再酸都係無得選!好耐無見卡爸,呢排世伯一定寫詩寫到墨汁都用哂。

    回覆刪除
  18. 歪歪

    鬼掩耳?都好喎呢個理由。

    卡爸呢排身體唔好,所以休息當中。

    回覆刪除
  19. 希望卡爸休養生息,早日痊癒!

    回覆刪除
  20. 多謝関心先,老人家問題:前列缐囉,康復中

    回覆刪除
  21. 康復中就好囉!咁等卡爸好返哂,再睇佢寫嘅新詩!

    回覆刪除

LinkWithin

Blog Widget by LinkWithin