~~~~~~~~~~~~~~~~







2011年12月21日 星期三

即刻轉身射個三分波呀!(下集)


即刻轉身射個三分波呀!(下集)

Alvin在籃底混戰時,鼻子被人用手肘大力撞擊,血流如注,倒地傷勢不輕。而用手肘撞到Alvin臉頰的人,不是敵隊,而是Calvin,即是「自己友撞自己友」。

上半場比賽時,Calvin察覺到Alvin經常交失球,有機會射球又甩手,或者射失。跟平日的表現失準,Alvin扮哂心情緊張,猛咁say sorryCalvin開始懷疑Alvin是臥底,故意「放水」。

Calvin再細心諗起當天練波吵架的情景,其實是由Alvin先向俊仔挑起事故,加重Alvin的嫌疑。

最後,Calvin見到Alvin跳高上籃時,背心揚起,露出腰間的瘀痕,係佢啦!偷鞋的賊仔!Calvin心中大叫:「佢就係臥底啦!」

Calvin燃起一度怒火!立即趁機在籃底混戰間,用力一肘批向Alvin的臉頰,Alvin立即被KO出場。

原來「匯動公司」的某高層為了贏波,討好董事局,竟然不擇手段,用錢賄賂Alvin。每個人都有一個價,Alvin不能抗拒那個價錢,答應做臥底,擾亂軍心:偷隊員銀包電話、放virus入電腦、偷客户合約、跟俊仔吵交,阻礙練波時間,甚至偷Edward的波鞋,壞事做盡。結果Alvin這個「二五仔」的下場,就是臉部吃一肘重創。

Calvin向教練解釋完畢,九哥立即換上後備球員上陣。BrianCalvinDonEdward找出臥底後,同仇敵愾,心中那團怒火燃燒起他們的最高戰鬥力,下半場努力追分數。66分的「匯動球隊」以兩分之微,領先64分的「移通球隊」。距離完場還剩下一分鐘,嘩!全場觀眾都屏著呼吸,分數咁接近,究竟邊隊贏呀?!

「匯動球隊」的其中一個球員,接到波後,即刻轉身射個三分波呀!嘩!入籃呀!球証吹長雞,比賽正式結束!勝負已定。「移通公司」觀眾立即站起來,高呼勝利!「移通隊員」激動地攬在一起。

「移通球隊」僅以一分之微,贏了「匯動球隊」!原來「匯動球隊」的隊員,接波後即刻轉身射個三分波,不過佢就轉錯身,射入咗自己個籃!吓?擺烏龍入錯自己隊個籃,他立即成為「匯動公司」的千古罪人,遭人咀咒埋怨。

* * * * * *

剛才講過:每個人都有一個價,「匯動公司」懂得用錢賄賂Alvin,難道「移通公司」唔識賄賂咩!「匯動隊」那個擺烏龍的球員,就是「移通」高層收買的臥底。

他被「移通」賄賂後,在「匯動隊」中多番搞破壞,無奈匯動隊員真是球技出眾,點搞破壞球技都係咁好。最後,他唯有在決定性一刻,故意「擺烏龍」,射入自己個籃。為「移通隊」添多三分,「移通隊」僅以67分險勝「匯動隊」的66分。

「移通公司」的董事捧著冠軍獎盃,露出勝利的笑容。不知內情的Brian等隊員,還以為是「天地有正氣,邪不能勝正」,連個天都站在自己一方。殊不知原來只是五十步笑一百步。


二少爺說:轉眼間,呢套電影都快十年囉。


無間道 - 劉德華 梁朝偉
作曲: 伍樂城
作詞: 林夕

我 要為我活下去
也代你活下去 捱極也未曾累
忘掉我 有沒有在陶醉
若有未來依然要去追

生命太短 明日無限遠
始終都不比永遠這樣遠
不理會世上長路太多終點太少
木馬也要去繼續轉圈

明明我已晝夜無間踏盡面前路
夢想中的彼岸為何還未到
明明我已奮力無間天天上路
我不死也為活得好
有沒有終點 誰能知道
在這 塵世的無間道 

如何能離開失樂園
能流連忘返總是情願
要去到極樂迢長路遠
吃苦中苦 苦中苦 亦永不間斷

明明我已晝夜無間踏盡面前路
夢想中的彼岸為何還未到
明明我已奮力無間天天上路
我不死也為活得好
快到終點 才能知道
又再 回到起點 重頭上路

22 則留言:

  1. 呢個二五仔做得好明顯喎
    點會入錯籃架
    返到更衣室一定畀人丙喇

    回覆刪除
  2. largeheadboy

    如果酬勞夠cover, 一於受炳

    回覆刪除
  3. 打波比赛都要搞甘多野,全部都抵炳!

    阿强系咪灌篮高手黎架?写得好精彩窝!

    回覆刪除
  4. http://www.facebook.com/profile.php?id=1196461705

    生活趣事一則:今早出門等 Lift,旁邊師奶 A 和師奶 B 搭訕:「好似話韓國果個咩金日咩死左係咪呀?」,師奶 B:「好似係北韓金日咩架喎...」,同時間一名三十尾港女交叉手掩胸步至,師奶 B向港女問:「係咪北韓金咩咩死左呀?」,港女氣定神閒道:「唔知喎,好似韓劇無呢套嘢...」,說時遲那時快,看更阿昌叔在旁托一托眼鏡:「嗱!韓國呢,最巴閉就出手機嘅,嘿嘿~」,Lift 到,港女如常交叉掩胸搶先入閘雄霸一角「佔領升降機」,師奶 B 如夢初醒:「呀!我記得金城武呀,我個女成日講佢架!」,師奶 A :「金城武?未死架喎好似,好後生咋人地...」,港女開金口:「電視有個金國亮,都係金城武好啲...」

    綜合街坊民意,結論為:

    著名手機生產國北韓最高領導金國亮離世...
    (觀眾:哈!哈!哈!好好笑呀 ~~~)

    回覆刪除
  5. 我要點“唱”。。。做緊成龍果時係夜晚

    回覆刪除
  6. 大文sir

    好耐無見,成幾年啦。
    你的筆鋒仍然生鬼幽默,扺死!

    ////

    naruto

    成龍說:「動 L」!

    回覆刪除
  7. 卡臣:

    佢地應該去蘭桂芳慶祝,跟住每人攬番個靚女走人。因搞親運動比賽的城市,雞竇都旺哂!運動同性,係色色相關既!嘻嘻!

    回覆刪除
  8. 巴黎

    妳就犀利啦!
    去莫斯科賞雪
    白色聖誕~~

    ////

    佛爺

    運動員外出比賽
    例必腳軟上場
    應該是敵隊派出的小姐,進行破壞行動

    回覆刪除
  9. 卡臣:

    我都未見過雪呀!今年可能有一個綠色聖誕呀!

    回覆刪除
  10. 佛爺

    加國未落雪呀?
    如果落雪通知聲,我八卦

    ////

    自由

    乜都得

    回覆刪除
  11. 卡臣:

    三年前已經試過一次綠色聖誕,多倫多北邊,當年一千三百個人無工開呀!因為餐飲、酒店和滑雪掛鉤的。無雪,鬼去北部玩咩!

    回覆刪除
  12. "每個人都有一個價"

    Can't agree more!

    陳大文兄:

    你講的係真人真事?! (我唔係問金正日死左係唔係真人真事 XD)

    回覆刪除
  13. 佛爺

    氣溫反常,真大劑
    Global warming~

    /////

    火女。

    每個人的道德底缐好易被一個銀碼打動
    我估大文單嘢堅架

    回覆刪除

LinkWithin

Blog Widget by LinkWithin