~~~~~~~~~~~~~~~~







2011年9月21日 星期三

不如重頭嚟過


不如重頭嚟過

在酒店的宴會廳內,一對新人在台上跟親友合照,場地人員把燈光調暗,落地玻璃窗外的維港夜景,燈光璀璨。

在台下,一男一女怔著對望,兩人心情緊張,站姿崩緊。身後賓客侍應們快速行過,形成強烈對比。

男的叫Rick,女的叫Karena,是一對已經分了手四年的前度情侶。其間兩人音信隔絕,不相往來,估不到今天竟然在舊朋友的婚宴中再遇,真係如電視肥皂劇的情節。

都是由男的先開聲:「Hi!」兩人再見亦是朋友,坐低傾一陣。互相交換生活近況。男的半年前跟女友分手,回復獨身。女的一年前跟前男友分手後,獨身至今。正是一個未嫁一個未娶。

兩人交待完近況後,雙眼對望,泛起一抹尷尬。Karena放在枱下的手輕輕顫抖,緊張起來。跟著發生dead air。不知講什麼接下去。

Rick想起一句老套說話:「時間可以醫治一切」。他以為自己已經可以放低Karena。但今晚重逢,又勾起心底許多已隱藏的傷痛。原來未能全部放低。

四年前,他們因為性格不合而分手,兩人都是「火爆底」,見到對方有睇唔順眼的地方便立即「咇喱吧啦」。分手原因其實好雞毛蒜皮:為了去旅行的目的地爭吵。結果旅行去不成,雙方冷戰,大家硬頸,不找對方修好。 Block了對方的facebookmsn,取消關注對方的微博,delete了對方的電話和電郵。從此兩人變成陌路人,無聲無色的分手,無疾而終的結局。

Rick在想:如果時間可以倒流,回到四年前當天的話,他一定會在爭吵後立即找Karena氹返佢。千方百計也要跟Karena和好。如果能夠冰釋前嫌,說不定今當婚宴的backdrop,要寫成Karena & Rick了。

Karena又想:四年前大家都是臭脾氣、「爆仗頸」。四年後,人大了成熟了。如果可以再來一次,她一定會包容體諒Rick。可能手上的無名指會戴上刻著Rick的結婚戒指。


Karena Rick同一時間想:在這浪漫婚宴跟對方重遇,已經要借助天意。如果冥冥中注定兩人要舊情復熾的話,這次真是個充滿戲劇性的復合。日後一定要講俾仔女孫兒知道幾十年前父母曾經發生過這一幕經典。

Rick想用婚宴的話題作為切入點,試探Karena對復合的想法。Rick指著台上「粉紅色心型大backdrop」,好唔經意咁問:「如果俾我搞,我一定唔用粉紅色。」 Karena一聽到,立即瞪大對眼,唔服氣咁回應:「粉紅色好呀!夠浪漫呀!」男的不禁示弱:「浪漫?幼稚就真,畫埋Hello Kitty吖笨!」兩人故態復萌,妳一言我一語,聲線越鬧越大,要驚動兄弟姊妹前來勸交。

Karena Rick面紅耳熱,沒有心情留下來吃飯,兩人拂袖而去。一段良緣又再次擦肩而過了。

有時候,我們會想:如果有多次機會從頭嚟過,我一定會怎樣怎樣結果,咪又係本性難移,重轁覆轍。


本故事改篇自以下呢首歌:

雨過天陰 - 謝安琪
作曲:徐偉賢
填詞:周博賢

此刻相見 彷彿觸電
與你隔別後數年
於知己婚禮盛宴
湊巧碰到 如韓劇上演
當天的臉 今天出現
似熟稔 但不安的友善 尤怪異
閒聊後不知所措 兩雙手也在顫

大雨灑過後晴天
是老生空話 旨在哄騙
從上次吵架後不瞅不睬不見
彼此關係急速擱淺
若那天故事重演
讓惱火意氣沉澱
共你也許有幸較早以前
已組織婚禮盛宴

想開口卻 諸多不便
怕尷尬又面對面
不捨得扯遠視線
彷彿借此 同回味昨天

可惜經過 光陰洗煉
各自有自己的新發現
兩心知 完場後終須分散
也許不再遇見

沒有等雨後晴天
未撲熄心火 已話再見
回望那天已埋下不可歸的線
交織今日這種靦腆

若那天故事重演
暫放低意氣顏面
共你也許有幸會於晚年
回憶分享這盛宴

22 則留言:

  1. Eben

    很多人的口頭禪是:「如果俾我再嚟一次,我一定會....」

    回覆刪除
  2. 嘩, 呢隻歌, 呢個故事, 唔知點解, 係我腦海成日閃出的事情....其實分手再復合, 唔係真係咁易. 如果work到, 當日就唔會分手...

    回覆刪除
  3. 30 something

    不過呢
    有些人辭工之後
    隔了一段時間
    又會重投舊公司
    仲做得幾開心添呀

    回覆刪除
  4. 如果辭工之後
    高薪厚職請我番去
    我諗我做得開心的機會都好高

    情人分手之後再復合
    除非大家俾的愛多過以前好多啦
    咁就一齊番會好開心

    回覆刪除
  5. 30

    我同意呀

    舊情人曾互相傷害
    人喜歡記起不快的經驗
    所以會拿出來講
    搵交嗌

    復合OK
    如果其中一方突然發咗達
    另一方遷就哂

    回覆刪除
  6. 世上沒有太多再來一次,除非上次逼不得已!

    回覆刪除
  7. 我認為人會成長,過多四年再重遇,到時可能又會有唔同嘅結局。

    你用呢兩張相嚟配合主題,正!

    回覆刪除
  8. 有問題嘅始終有問題
    除非大家都有些妥協喇
    返唔到轉頭架喇~

    回覆刪除
  9. 詩百爾

    樂隊拆伙後
    各自都想賺錢
    只好重組做演唱會
    之後再分開

    /////

    naruto

    車咗個酒杯去

    /////

    歪歪

    四年後大家年老色衰
    無哂市場
    自然乖乖復合

    /////

    largeheadboy

    憶蓮都話:不能回頭,怎能回頭

    回覆刪除
  10. 卡臣:

    情人可以復合的!我見過兩人都咁賤,分手後,再無法維持著新關係,就會重拾舊愛,可能二人都無得選擇卦!

    回覆刪除
  11. 佛爺

    既然他們天生一對咁賤格
    就注定是天造地設

    ////

    自由

    好似人情都未俾呀

    回覆刪除
  12. 男嘅車個假髮,女嘅飛個砵仔糕埋去。。。四年後,大家都變得好假

    回覆刪除
  13. naruto

    四年後假結婚
    用假酒招呼賓客
    人情收到假鈔

    回覆刪除
  14. 兩個都唔成熟,只會火星撞地球!

    回覆刪除
  15. 係未真人真事架.. :( 不過...愛情既野..真係好可悲...佢2個好既地方係..即時已經知佢地再冇可能一齊...也不用再去觀察了...
    但有時候, 吵架是應該的..可是不太傷和氣 :(

    回覆刪除
  16. 世叔伯

    好,點完名了。

    ////

    laulong

    學不了體諒和包容
    注定嗌交多過食飯

    ////

    Mandy

    假的故事
    改編那首歌

    破鏡幾何可以重圓?

    回覆刪除
  17. 哈,一路睇緊個時已經諗起謝安琪呢首歌!!點知原來你真係改編首歌寫既!

    回覆刪除
  18. Mz

    果然好嘢
    因為我朋友用這首歌做電話鈴聲
    引發我找它來聽

    回覆刪除

LinkWithin

Blog Widget by LinkWithin