~~~~~~~~~~~~~~~~







2011年6月15日 星期三

阿強吃金邊粉


阿強吃金邊粉

大家好!係我阿強呀。
今次寫我喜歡的食物之一:「金邊粉」。

我喜歡吃辣味的「星州炒米」之餘,也喜歡吃酸甜的「炒金邊粉」,可能我前世是南亞裔人,口味十分之東南亞。金邊粉好口感,炒的乾濕度是決勝點,切忌太濕。伴以雞絲蛋絲和芽菜;而花生碎更是畫龍點晴。灑上檸檬汁,酸甜醒胃,不會容易吃滯。

算吧!我不是食家,唔識寫食評。總之大大碟,唔係太貴,食物乾淨,我已經收貨。好!花園遊完,入正題。今次阿強回憶遊柬埔寨首都:金邊。

點解揀去柬埔寨呢?其實阿強有位朋友開製衣廠,他為了降低生產成本,想把訂單交到柬埔寨工廠生產,他需要到柬埔寨實地睇廠。老闆是第一次去柬埔寨,公幹之餘,不如叫埋班朋友一起過去玩吓啦。結果我就因緣際會跟他出發到金邊。

金邊經過「赤共內戰」洗禮,幾十年後,仍然很貧窮,周街都是向旅客討錢的小乞兒。駕車途經「垃圾山」,見到小朋友在拾荒。自己身在福中,仲敢埋怨乜嘢呀?

我參觀市內的「戰爭博物館」。原址是一間學校,由赤柬改建成拷問施刑屠殺集中營,課室改成囚室,相片披露當時犯人被折磨的慘況、施刑行刑的方法,揭示赤柬的惡行。內戰的死亡人數約二百五十萬人,睇到我毛骨悚然。虎豹別墅(胡文府的地獄圖都要靠邊站。因為胡文府的只是模擬地獄情景,而赤柬就真真正正將地獄搬到柬埔寨人間。

到了旅程的重頭戲:吳哥窟,世界七大奇景之一。坐旅遊車穿過重重森林後,見到石像石雕,我終於來到吳哥窟了!一個曾經繁盛但又消失了的文明古國。

王家衛的《花樣年華》電影,讓更多觀眾認識「吳哥窟」。最後一幕,周慕雲(粱朝偉)站在吳哥窟一棵樹前,向樹窿講出他的秘密,型到爆呀!你問我有沒有照辨煮碗,掘樹窿講秘密?哈哈沒有呀!點解呢?


就相片可見,我是1999年7月到吳哥窟,而《花樣年華》是2000年9月才上映。換句話說,我不是因為向電影朝聖才去吳哥窟。不過,我認,我認因為看了《花樣年華》電影,而幫襯太子的金鳳餐廳,鋸了一個鐵板豬扖餐。

由吳哥窟回到金邊市,一定要嚐最地道的「炒金邊粉」。吓~~乜金邊無「炒金邊粉」嘅咩?! 咁…算囉,又唔係非食不可。其實有得食已經好好啦,食乜都無所謂,第三世界仲有好多人捱緊餓。自己幸運地可以溫飽已經要感恩。



二少爺說:
由真人真事改編而成的電影《戰火屠城》(Killing Fields),就是以柬埔寨內戰為題材。柬埔寨翻譯員協助美藉記者做報導,後來在戰亂失散。翻譯員徒步逃離柬埔寨,沿途都是白骨屍體。最後一幕,翻譯員重遇美國記者,兩人抱擁,恍如隔世。配樂響起《Imagine》,睇到我眼濕濕。


Imagine - John Lennon

Imagine there's no heaven
It's easy if you try
No hell below us
Above us only sky
Imagine all the people
Living for today...

Imagine there's no countries
It isn't hard to do
Nothing to kill or die for
And no religion too
Imagine all the people
Living life in peace...

You may say I'm a dreamer
But I'm not the only one
I hope someday you'll join us
And the world will be as one

Imagine no possessions
I wonder if you can
No need for greed or hunger
A brotherhood of man
Imagine all the people
Sharing all the world...

You may say I'm a dreamer
But I'm not the only one
I hope someday you'll join us
And the world will live as one

39 則留言:

  1. 「點解冇同掘樹窿講秘密?」
    我知,因為卡臣大哥你唔係梁朝偉~XD,講笑XD~

    回覆刪除
  2. 我上次去金邊間酒店,床頭攞咗份叫雞嘅價目表。

    回覆刪除
  3. "...因為看了《花樣年華》電影,而幫襯太子的金鳳餐廳..."

    喂,亞強,看了《花樣年華》電影,係唔係都應該幫襯埋 金雀餐廳(銅鑼灣蘭芳道)呀?

    我去過"金雀"。我仲見到,大大張 "2046" 嘅海報添。食咗碟鐵板雜扒,味道麻麻。

    你得閒叫卡臣帶你去"金雀"吖,佢一定識去。

    因為,卡臣係明星嚟架。可能埋單有8折架!

    回覆刪除
  4. 是,柬埔寨的战争博物馆比虎豹别墅恐怖多了!
    里面阴气沉沉的,我很多朋友都不敢进去参观!

    你的照片拍得很清晰呢。

    回覆刪除
  5. 阿强,
    么野系金边粉黎架?
    米粉?冬粉?

    回覆刪除
  6. 《戰火屠城》,好睇呀,係吳漢嘛,拍得好有逼力!

    回覆刪除
  7. 呢個世界就係咁
    海南島無海南雞
    揚州唔出產揚州炒飯
    漢堡又唔係將漢堡飽發揚光大的
    連意大利都唔係意大利粉的發源地
    所以金邊無金邊粉真係唔出奇呀

    話時話, 我join團去吳哥窟, 都無時間搵個窿, 搞到谷住好唔舒服

    回覆刪除
  8. 馬田

    阿卡臣佢成日發夢想做梁朝偉
    不過卡臣唔鐘意「劉darling」
    佢鐘意maggie多啲

    回覆刪除
  9. eben

    叫雞價目表
    啋~啋~啋~
    有無搞錯呀?
    .
    .
    點解我見唔到架?!

    ++++

    樂樂

    「卡臣係明星嚟架。可能埋單有8折架!」
    唓~~卡臣只係咖呢啡
    有鬼折頭咩?
    排隊要排隊尾添呀佢

    +++

    cindy

    虎豹別墅已清拆了
    我細個去過
    記憶中好驚

    我呢張相非數碼
    用scaner copy 一張相咋

    回覆刪除
  10. helloninie

    金邊粉...好像十分幼身的白色河粉

    ++

    laulong

    呢套片結尾好感動
    死過翻生
    仲有大團圓結局

    +++

    coffee

    金邊粉+椰汁冰=正!

    ++++

    30 something

    頂!
    我真係以為:
    老婆餅有老婆
    西施骨有西施
    唓~~
    原來無嘅!

    你去吳哥窟唔掘窿講秘密?
    哎呀!
    等於吃壽司唔落washabi
    美中不足

    回覆刪除
  11. 我唔鍾意食金邊粉,但玩啤牌一定要有金邊

    回覆刪除
  12. 阿強哥, 我食過"真係菠蘿包", 入面真係有菠蘿呀! 下次你搵"真係老婆餅"同"真係西施骨", 可能你會見到老婆同西施咖!

    回覆刪除
  13. naruto

    你玩啤牌一定要有金邊?
    賭~~~~噢~~~噢~~~~神!

    ++++

    30 something

    如果老婆餅入面有老婆
    應該係人肉义燒包嘞

    西施骨應該放在博物館內
    供人觀賞

    回覆刪除
  14. 阿強,成件事錯晒囉,《花樣年華》唔係喺太子金鳳到拍,而係銅鑼灣嘅金雀喎~

    回覆刪除
  15. largeheadboy

    吓?
    證明我撞板的性格
    貫徹始終

    回覆刪除
  16. 阿強:

    不如我幫你加一些點綴,簡介一下吳哥窟的發現。

    這個從公元九世紀至十五世紀,長達六百年的皇朝,最後被外族入侵,估計跟著發生瘟疫,原本有大約一百萬人居住的地方,最後被樹林所吞噬。

    十九世紀,一名法國探險家,在柬埔寨聽聞某處地方的森林裡有鬼,激起他的好奇心,入樹林探索,赫然發現是一處古文明。然而,他沒法知道是什麼失落的文化。

    他在返回法國途中,經過馬六甲海峽,在一圖書館,發現一本「真臘風土誌」的書,有部份內容描寫跟他見到的森林怪異廟宇相仿。他立即返回柬埔寨,再進入巨石森林,印證了這就是吳哥王朝。

    中國元朝時一位派遣至吳哥王朝的使節周達觀,他回國後就寫下了「真臘風土誌」,詳盡記錄了十三世紀時柬埔寨的生活風貌,這本書就為該名法國探險家解開吳哥窟之謎。

    世上廟宇多座西向東,入口面向日出。唯世界最大的吳哥寺,卻是座東向西,正門入口面對日暮,考古學家也沒法明白這個反常的設計,有估計它是一座皇陵。

    越南和柬埔寨在地理上被一座山脈分割,致使中國文化影響了越南,而沒有到達柬埔寨。然而印度文化也只可伸展至柬埔寨,卻到不了越南。這兩個在毗鄰的國家,就受著兩個不同文明古國的薰陶。

    這就做成吳哥窟寺廟是跟印度教的廟宇相仿的原因。

    回覆刪除
  17. 佛爺

    多謝你的補充
    知多啲

    唔知Indian Jones有無到過?

    回覆刪除
  18. 阿強:

    Indian Jones可能騎馬被坦克車追時,走去吳哥窟掘窿,避難。

    大難不死,必有後福!佢出番黎,入住酒店。酒店做推廣,免費送三隻雞。結果佢玩了一皇三后。

    點知半夜心率不正,要美國航空母艦派直昇機去救佢上母艦,搵軍醫至救番佢。

    第二日美國華爾街日報頭條新聞,話佢係吳哥窟掘窿,點知中佐毒咒,成了繼發掘埃及金字塔之後,中了毒咒的探險家,其實佢係中佐梅毒。

    回覆刪除
  19. 佛爺

    我是卡臣

    原來indian jones 第五集
    講佢點醫返好

    我見呢條橋咁得
    sale俾「史堤芬屎忽堡」或者「啫啫abrams」啦

    回覆刪除
  20. 卡臣,我要投訴!
    點解 亞強 要話你係咖呢啡?

    你喺演藝界差不多20年
    我唔覺得一個咖呢啡
    可以演出接近400場表演。

    問吓自己,20年前
    曾經參演過 進念 嘅人
    依家仲有幾多個
    仲會出現在進念嘅創作丫?

    當你下次唱 My Way 嘅時候
    諗返起呢廿年你自己嘅演出
    如果你眼泛淚光嘅話
    就證明你係 star 黎架喇

    唔信?
    試試啦!

    回覆刪除
  21. 樂樂

    我真係眼泛淚光呀!
    .
    .
    .
    .
    .
    想起自己做咗20年
    都係七八線
    唔喊就假啦

    btw, 今天撞到于逸堯

    回覆刪除
  22. 卡臣

    你係七八線?
    咁其他嗰啲演員,起碼都要係十九幾線囉。
    唔好咁謙啦!

    你咁長情,同 進念 一起咁多年,不離不棄。
    我覺得 進念 要打返嗰金牌比你就真。
    記住,你嘅努力,會有一日,一定會 pay off 架。

    我老喇,上次去睇performance已係N年前嘅,李龍基演唱會。我發覺自己越老越懶,唔想出街去睇任何performance囉。

    不過咁,到你第925場嘅演出時,我會嚟睇你嘅演出,仲會喺台下給你一個standing ovation添。

    所以,唔該你繼續比心機演好啲!


    "今天撞到于逸堯"?

    唔該你幫我同 于逸堯 講,請佢做多啲好嘅音樂,寫多啲慢歌。

    佢隻"夏花秋葉"唔錯,LIKE!

    好啦,我要聽歌喇,晚安!

    回覆刪除
  23. 樂樂

    多謝你的鼓勵
    真的很多謝

    不過等到925場
    應該要再等20年

    我會用心去演的
    些些

    我下次向于逸堯傳話吧

    回覆刪除
  24. 兩年前去金邊探朋友,印象最深是每天中午的那場大雨,轉瞬浸了大街小巷°沒有探訪吳哥,留給自己再去的機會....

    回覆刪除
  25. 阿強,你個舞台劇friend卡臣做戲好得呀!進念有理想,有堅持°我期待緊佢9月既演出....希望到時係香港啦!

    回覆刪除
  26. 巴黎

    希望妳9月在港啦
    如果有機會
    記得來看呀

    ++++

    嘿嘿

    大蜘蛛?
    怕怕

    +++

    佛爺

    進念是先進的意念

    回覆刪除
  27. 卡臣:

    你好野呀!咁鮑魚就係有包皮既魚?

    回覆刪除
  28. 我真係大鄉俚,未去過「金邊」,就連「金邊粉」都未食過,聽完阿強介紹,會揾嚟試下。

    仲有呀,俾電視台抽起嘅「東公西公」有冇你份㗎?

    回覆刪除
  29. 歪歪

    你身處地方遠離東南亞
    找機會試試

    抽起了節目
    話內容太敏感了
    不過,只是暫時性

    回覆刪除
  30. 內容太敏感暫時抽起,佢哋請得你哋都應該知道你哋想表達啲乜,臨播先龜縮?

    咁其實你响邊幾集「要你做特首」出現過㗎?

    *************************

    嘿嘿,我都話自己係大鄉俚,曼谷都未去過呀,我都想去見識下。

    回覆刪除
  31. 歪歪,

    曼谷是无所谓大小乡里,
    重要是没去前,
    得 养 精 蓄 锐 !

    哈哈哈~

    回覆刪除
  32. 歪歪

    我在「我你做特首」第3.4 6集出現過

    雖然腰斬
    聽聞遲啲會播返

    +++

    嘿嘿

    養精?
    食蛋吧

    回覆刪除
  33. 吳哥窟都令我諗起周慕雲...有生之年要去一次...BTW, 我都鐘意maggie多好多 :)

    回覆刪除
  34. phyllis

    我都鐘意maggie
    成個人已經好傳奇性

    回覆刪除

LinkWithin

Blog Widget by LinkWithin