~~~~~~~~~~~~~~~~







2011年6月13日 星期一

不再讓妳跟單


不再讓妳跟單

鎮東在香港從事製衣生意二十年了。他在大陸惠州開設一間製衣廠,辦公室設在長沙灣。鎮東每週穿梭中港兩地工作,一個典型的珠江三角洲的港商。

10年前,鎮東娶了個賢內助,太太婚後養尊處優,做少奶奶。鎮東的外母是一個橫蠻無理的霸道女人,鎮東都買佢怕。

這個星期天,鎮東兩公婆跟外母飲茶。外母說:「阿東,我表弟嘅舅仔個細女,今年啱啱大學畢業,你公司安排個位俾佢做,明唔明呀?」鎮東心諗:「吓?咁疏堂嘅親戚都關我事?妳有無病呀?!」鎮東答:「明白哂,隨時返工都可以。」

三日後,呢個咁疏堂嘅親戚到鎮東的公司報到,她叫「佩如」,24歲,剛在「城大」畢業,聽聞她找了工作很久,仍未有公司聘請,所以被安排到這裡上班。

正所謂:「辦公室哪會有秘密?」同事們一早已知道公司會空降「佩如」這個「皇馬褂」。佩如是fresh graduate,做事常出錯,但同事們都知道佩如是「皇親國戚」,所以對她都十分之客氣。

佩如最初安排到「營業部」工作,負責接訂單,向客人提供報價單,確認訂單及簽約後,交到大陸工廠進行生產。

怎料佩如接到一張訂單,客人已簽妥合約。鎮東才發覺佩如發出的報價單計錯數,價錢計得太平了,即是呢張訂單會蝕錢。鎮東嬲到震,把佩如教訓了一頓!但又不能把她辭退。只好把佩如調離跟銀碼有關的「營業部」,改去「生產部」工作。

佩如在「生產部」做「跟單員」。負責跟大陸廠方聯繫,由訂原料、做貨辦、開機生產到追貨期,確保order如期落貨。佩如成為客戶和廠房之間的溝通橋樑。

鎮東收到公司email,立即大力拍張枱!佩如又爆鑊!一批貨有五千件T-shirt,落貨入箱前,QC發覺成批貨做錯哂。原本美國客戶要求的淨色T-shirt,竟然加印「中文字Slogan」在前幅,例如:「祝君早安!」、「剷刀磨交剪」、「樓下閂水喉!」等富有香港特色的口號。

鎮東立即叫佩如入房狂炳!佩如解釋:她嫌批貨淨色太單調,未經美國客同意,私自加了些中文字,看來會醒神點。鎮東聽後,心臟差點停頓。結果要跟美國客交涉,批貨自動減價50%,對方才勉強肯收貨,即是鎮東又要蝕錢。鎮東嬲到爆,又唔炒得佩如,谷到面紅面綠,說句:「不再讓妳跟單」,之後把她調去做receptionist。

佩如坐在接待處,暗暗偷笑。其實她又點會咁低能做錯哂啲嘢吖!她只是不喜歡工作,所以畢業後見工時扮白痴,無公司肯聘用。最後被安排到這裡工作,她專登計平張報價單,又亂加「文字print」落T-shirt,無非都係想鎮東炒她魷魚,她就可以返屋企日夜上網。可惜鎮東懾於外母之威嚴,不敢炒她。

十天後,鎮東收到公司email,碌大對眼,立即叫佩如入房,唔通佩如又爆大鑊?

佩如入到房,鎮東告訴她:那個美國客人把該批「次貨」照放在零售店貨架上,竟然食正中國熱,俾班美國客搶手掃哂貨。現在那客戶再「翻單」訂多八萬件T-shirt。鎮東終於有張order賺到錢。

佩如知道這消息後,十分振奮!誤打誤撞之下,竟然發掘到自己原來是有時裝設計的天份。佩如開始對工作產生興趣,她向鎮東自薦入「設計部」,從事文字和圖案的設計。佩如認真地工作起來,得到客戶和同事的讚賞。她彷如變成另一個人,脫胎換骨,為公司爭取到訂單。

鎮東多謝外母的「無心插柳」,如今的佩如心裡燃起一把烈火,推動自己努力工作,不再讓自己cool down。




不再讓你孤單 - 陳昇
作詞/作曲:陳昇

讓我輕輕的吻著你的臉
擦乾你傷心的眼淚
讓你知道在孤單的時候
還有一個我陪著你

讓我輕輕的對著你歌唱
像是吹在草原上的風
只想靜靜聽你呼吸
緊緊擁抱你到天明

路遙遠我們一起走
我要飛翔在你每個彩色的夢中
陪著你

我從遙遠的地方來看你
要說許多的故事給你聽
我最喜歡看你胡亂說話的模樣逗我笑
儘管有天我們會變老

老得可能都模糊了眼睛
但是我要寫出人間最美麗的歌送給你

路遙遠我們一起走
我要飛翔在你每個彩色的夢中
對你說我愛你
woo......

我不再讓你孤單我的風霜你的單純
我不再讓你孤單一起走到地老天荒
我不再讓你孤單我的瘋狂你的天真
我不再讓你孤單一起走到地老天荒

路遙遠路遙遠
我不再讓你孤單

37 則留言:

  1. 希望每個 fresh grad. 出黎做嘅第一份,都係咁好彩啦!

    否則個老細,真係要 "把砒霜留給自己" 囉!

    回覆刪除
  2. 我有啲懷疑而家啲後生可能真係咁樣扮傻。不過有冇咁好彩呢?

    回覆刪除
  3. 《不再讓你跟單》個名好正!

    陳昇呢首《不再讓你孤單》諗住係我嘅其中一首 best kept secret,估唔到依家畀人用埋嚟做戲名。

    回覆刪除
  4. 樂樂

    「把砒霜留給自己」?
    哈哈
    回你
    「我很蠢,但是我很豬油」

    +++

    SKII

    後生仔練精學懶
    爭取時間上網打機

    回覆刪除
  5. largeheadboy

    陳昇呢首《不再讓你孤單》在電影《金枝玉葉》做插曲,好正

    另外,上世紀話劇《為哥死 為哥忙》也用上《不再讓你孤單》

    回覆刪除
  6. SMJ

    謝謝到臨

    你的大學生活也很豐富呢~

    回覆刪除
  7. 《金枝玉葉》同埋《為哥死 為哥忙》都未睇過添,慚愧~

    回覆刪除
  8. 命中注定,命里有时终须有。。。
    佩如是幸运的!

    回覆刪除
  9. largeheadboy

    唔慚愧~
    香港享有高度自由

    +++

    cindy

    千里馬遇上伯樂
    才可以施展所長

    回覆刪除
  10. 呢個故事俾我二種心情,前部分︰炒咗佢啦!後部分︰有啲運!

    回覆刪除
  11. 你最尾嗰句:不再讓自己cool down, 好鬼死首尾呼應之餘, 又食字食到暈. 真係要封你做食字小王子!

    回覆刪除
  12. coffee

    妳說出了我故事一向的命題:
    天意難測
    佩如就這樣順天意安排
    成為designer

    ++++

    30 Something

    食字小王子唔敢當
    (食字老坑就得)
    如果你等開會,有時間
    不妨看我右手面的「分類」:最緊要食字
    必有驚喜

    回覆刪除
  13. 前一排啲西人好興中文字紋身,有一次喺gym見到有個鬼妹紋咗"無恥",真喺大開眼界。

    回覆刪除
  14. 係我就張件T恤,前面印AV女,後面印個大佛,咁心性兩全喇!

    回覆刪除
  15. 卡臣:
    專登做錯野令公司蝕錢,呢個「皇親國戚」都好衰格喎

    回覆刪除
  16. 佛爺

    呢款T-shirt必大賣呀

    +++

    naruto

    咁疏堂疏堂嘅親戚
    搵佢笨都無所謂啦

    回覆刪除
  17. 從不再讓妳跟單,到不再讓妳cool down,爽!

    回覆刪除
  18. eben

    發奮的力量
    做到自己有興趣的工作
    是一種福份

    回覆刪除
  19. 所以公司有左皇马褂,就注定要倒米,分分钟会搞到蜡蜡乱,做得野既人走晒,剩番di搽鞋仔,真系唔收档都有鬼咯!

    回覆刪除
  20. helloninie

    可能妳呢段說話激怒了blogspot
    所以變成匿名

    回覆刪除
  21. 原來「不再讓妳跟單」係勵志故事,「不再讓妳cool down」就似鹹片名。

    『上世紀話劇《為哥死 為哥忙》也用上《不再讓你孤單》』

    唔怪得聽落似曾相識。

    回覆刪除
  22. 歪歪

    「不再讓妳跟單」係勵志故事,
    「不再讓妳cool down」就係鹹片。

    「不再讓妳升班」係校園片,
    「不再讓妳登山」就係探險片

    你看過《為哥死 為哥忙》?
    哈哈
    1995年囉

    回覆刪除
  23. 仲有「不再讓妳批肘」係動作片。

    睇《為哥死 為哥忙》咪係為咗睇你裸,噢,唔係,我係想話睇你囉。

    回覆刪除
  24. 歪歪

    「不再讓妳批肘」係動作片。
    「不再讓你雞姦」係同志片。


    睇《為哥死 為哥忙》咪係為咗睇我裸?
    咪鬼講嘞
    好有年輕被賣豬仔的感覺

    回覆刪除
  25. 「不再讓你通姦」係偵探片,
    「不再讓你番攤」係賭術片,
    「不再讓你探監」係監獄片,
    「不再讓你出更」係警匪片,
    「不再讓你翻生」係殭屍片。

    『好有年輕被賣豬仔的感覺』
    咁我當年咪有份㗳你隻豬!

    回覆刪除
  26. 歪歪

    哈哈哈哈
    講到食字
    你好嘢!
    我投降了!

    「不再讓你開餐」係飲食電影,
    「不再讓你加班」係辦公室電影,
    「不再讓你出山」係武俠電影,
    「不再讓你空翻」係動作電影。

    隻豬...俾咗舞台

    回覆刪除
  27. 『隻豬...俾咗舞台』

    當年你為藝術而犧生,造福基民。

    回覆刪除
  28. 噢,咁叻女,咁就永遠唔會落單喇!

    回覆刪除
  29. laulong

    自己有咩潛能
    有時自己都唔知道

    回覆刪除
  30. 十個讚!
    如果現實生活中好似冇D咁幸運又巧合嘅事就好喇!
    REMARKS: 有D食屎食着豆嘅feel..

    回覆刪除
  31. 小C梅

    哈哈
    現實生活中,遇到好同事好難架!

    回覆刪除
  32. "不再讓妳跟單" 呢個名好正!
    佩如真好彩, 我記得岩岩畢業時坐左兩個月先搵到份奀工...

    回覆刪除
  33. phyllis

    我畢業果陣(好耐之前)
    好易搵到工

    回覆刪除

LinkWithin

Blog Widget by LinkWithin