~~~~~~~~~~~~~~~~







2011年6月7日 星期二

香港食店故事 – 下集


香港食店故事 – 下集

第八篇
Wendy和Oliver是女校同班同學,Wendy是個孖辮妹。兩人感情要好,每天一起吃lunch:Wendy只愛吃漢堡飽,Oliver只愛吃Sandwich。這對金蘭姊妹互相薰陶下,口味和喜好甚為相似。怎料一天,Wendy和Oliver發現彼此愛上同一個男人。原來們都有戀父情意結,她倆同時愛上一名滿頭白髮、蓄了白鬍子、架起眼鏡、拿著手杖的肥胖老翁,他叫「Kentucky肯德基」。但「肯德基」只愛醜樣女子「扖王之王」,Wendy和Oliver十分傷心,最後兩人改變了性取向。

第九篇
「潮江春」是一個五十歲的潮州佬,後生時游水落香港白手興家,如今家境富裕。生了兩個兒子:「潮館」和「潮樓」。兩名兒子持住父親有錢,只盲目追趕潮流和買名牌,一味講「潮語」買「潮物」。兩個兒子同時間愛上同一個女仔:一位姓鍾的靚女,叫「鍾菜」。「潮館」和「潮樓」展開追求攻勢,可惜「鍾菜」對無內涵的兩人無興趣。最後,「鍾菜」喜歡一個好盞鬼風趣的客家人,他叫「客家好棧」。原來「鍾菜」喜歡客家人討厭潮州人。

第十篇
元家班替香港影圈栽培出很多龍虎武師,元家班成員是武打電影的中流砥柱。其中兩名師兄弟「元祿」和「元氣」決定離開香港,到日本闖一闖。「元祿」和「元氣」擔任日本電影的武術指導。「元祿」愛一名女子,一名大和民族的日本女子,名叫「和民」。某天,兩師兄弟突然收到噩耗:元家班大師傅「元朗大榮華」的死訊!「元祿」和「元氣」立即趕回香港奔喪,卻末能見師傅的最後一面。「元朗大榮華」的遺言是把武館交給「元祿」和「元氣」兩師兄弟共同打理。兩人決定放棄日本的事業,「元祿」更拋開跟「和民」的兒女私情。兩師兄弟決定對武館進行改革轉型,把武館變成搞音樂的Band房和錄音室,名為「Hard Rock」。

第十一篇
一個三角愛情故事:一名美國女子,叫Ruby,全名「Ruby Tuesday」。她只愛大肥佬。Ruby主動追求一個意大利肥佬,名叫「Fat Angelo's」。可惜神女有心,襄王無夢,「Fat Angelo's」不愛西方人,只愛東方女人,「Fat Angelo's」愛上一名華藉女子,她是某人的二奶,名叫「阿二靚湯」。最後「阿二靚湯」結束了自己生命,離開人間。「Fat Angelo's」十分傷心,失去胃口,體形變得瘦削。「Ruby Tuesday」對瘦弱的「Fat Angelo's」再沒興趣了。最後「Ruby Tuesday」嫁給一位華人,一位生肖屬羊的肥佬,他叫「小肥羊」。

第十二篇
寓言故事一則:在中國某個偏遠的地方,叫「小南國」。有兩個農夫,一個姓譚,叫「譚魚頭」,另一個姓許,叫「許留山」。某天,兩人的農田之中間,出現了一隻牛,一隻「小肥牛」。兩個農夫都話那頭牛是屬於自己的。兩人爭拗期間,出手搶牛,一人掹頭一人掹腳。突然「嚁」一聲!「小肥牛」變成一個白鬚老翁,原來「小肥牛」是神仙「仙踪林」化成,目的是測試兩人的貪念。「仙踪林」把「譚魚頭」變成一條魚,把「許留山」變成一座山,以作懲罰。

第十三篇
童話故事一則:從前有一個意大利人,十分懶惰,他馬虎地用蘆葦草搭了一間簡陋的草屋,叫「意粉屋」。另一個印尼人,無咁懶惰,他在椰樹上蓋一間簡單的樹屋,叫「椰林閣」。還有一個日本人,比較勤力,他用木板造了一間穩固木屋,叫「吉野家」。怎料某天,突然刮起暴風雨,「意粉屋」、「椰林閣」和「吉野家」都被吹毀,三人冒雨逃跑。幸好被一名從澳洲大堡焦來的澳洲人收留下來,澳洲人最刻苦耐勞,用石頭砌成一座城堡,不怕風吹雨打。該座城堡叫「珊瑚堡」。

第十四篇
另一則童話故事:從前,西方有一個皇帝,他叫:「Burger King」,他的皇后叫:「Queen’s Cafe」。兩人過著幸福的生活。但有一件憾事,就是皇上跟皇后生不出孩子。一國怎能無嗣?皇上問大祭師「仙跡岩」可有辦法?「仙跡岩」指出皇帝受了魔獸「銀龍」的魔咒。只要皇帝找到一顆最美麗的心,就能解除「銀龍」的魔咒,皇后就會成孕。皇帝訪尋天下,最後終於找到「美心」。皇后果然誕下皇子。為了紀念這一件事,皇帝把他居住的皇宮命名為:「美心皇宮」。




香港料理 - 鄭少秋
作曲: Alex San/C.Y.Kong
填詞: 因葵

我果次跟個朋友走去日本周圍蒲
佢拍哂心口話過跟佢實有好前途
我話好好好 然後唔知點算好
最好宜家即刻走去醫好個肚
咦 呢間好噃 啲裝修WONDERFUL
班o架妹著住ROLLER同啲客落ORDER
按摩椅上睇住佢哋楂住煲茶
都未坐定 已經叫咗兩客海老
擦咗咁耐 仲咁HUNGRY
咁樣落去 會食到幾時
SAKE叫咗半打 好過孖蒸
熱嘅飲咗咁耐 又試下加冰
牛肉加蔥花 要烏東嗎
照燒啲雞柳又試吓
然後海鮮湯 伴醬醋茶 還未完又再加
前面燒矮瓜 串燒啲嘛 魚類新鮮嗎 又記掛
然後加州卷 共兩客冷麵 破紀錄 老板都驚訝

一百個ROUND我都係咁先
諗下一陣想去邊
噓 望下隻表 食咗幾個鐘
飲杯水 不如埋單鬆
OH I DON'T BELIEVE IT!
張單真係HIGH 張單啲銀碼真係BIG SURPRISE
日式LADY 你真係KAWAII
佢就話:「ARIGATO!」
我想話攞張單睇清楚啲呀
我老友話:「喂,你出住先啦!」
我焗住碌卡 個心痛到癲
癲到幾乎燒喇叭
牛肉加蔥花 八千YEN嗎
照燒啲雞柳萬四嗎
然後七千YEN 是醬醋茶
還懷疑是眼花
無謂燒矮瓜 要九千嗎
魚類海鮮價又變化
然後加一加 但這個發現
破賬目 我心中驚怕

過咗兩日飛番赤蠟角
講到食料理 梗係香港仲多啦
諗番喺日本亂食嘢真係傻
加埋機票錢早知今日何必當初呢
香港長大都咁多年
就算再唔風光 都係一時
好過走去外國 亂咁洗錢
不如儲錢過二千年囉
遙望獅子山 世紀班霸
繁盛的景致又賽馬
同賀燒煙花 共我阿爸
求未來別再差
陪伴小娃娃 看真青馬
沿岸啲機建大變化
如若加薪嗎 就約你嘆茶
盼市道再可添聲價

34 則留言:

  1. 我鍾意元家班;

    呢篇好好睇,like:)

    回覆刪除
  2. 我鍾意第十三篇「意粉屋、椰林閣、吉野家」!

    回覆刪除
  3. 巴黎

    好耐無第一?
    妳知就好啦
    多啲嚟啦

    我唔串架,妳知我隨和

    ++++

    naruto

    係呀
    專登將好睇果啲放在下集
    咁就唔會虎頭蛇尾

    +++

    coffee

    我就喜歡第14篇的最後一句

    回覆刪除
  4. 卡臣, 我聽聞Wendy同Oliver其實無改變到性取向, 佢地最近識左個男仔叫Subway, 成日自誇自己有幾多吋長, 搞到兩姐妹心猿意馬.

    回覆刪除
  5. 30 something

    哈哈哈哈

    Wendy同Oliver其實無改變到性取向, 佢地最近識左個男仔叫Subway, 成日自誇自己有幾多吋長, 搞到兩姐妹心猿意馬.

    情陷三角之際,幸而出現了一個男仔,叫Jack n the box.

    原本兩對戀人很幸福,怎料阿Jack宣布離開香港,Wendy心傷下,愛上富婆Cova

    回覆刪除
  6. 卡臣, 你好嘢...明明將攣變直, 你又將直拗番攣!

    回覆刪除
  7. 潮江春其實仲有一對私生子架,分別叫潮庭同埋潮客~

    回覆刪除
  8. 30 Something

    我因應要求:

    最後,Wendy心傷下,愛上Jimmy's Kitchen

    直返哂。

    ++++

    largeheadboy

    潮江春個阿爺,叫潮州城
    可惜已壽終正寢

    回覆刪除
  9. 我去過一次「元祿」,食到我無哂元氣,唔明點解咁多人排隊?唔通,佢地血氣旺盛?仲要搭檯,隔離個女仔枕佐係佢男朋友條頸度,搞到我全程食得好尷尬!唉!世風日下囉!夫子日:「非禮勿枕」!

    回覆刪除
  10. 佛爺

    講起壽司
    不得不提「明將壽司」
    五個字:乜都夠膽死

    回覆刪除
  11. 我喜歡 第十一篇。因為,Angelo 同 Ruby 使我諗起 Taco Bell,佢哋都係會讓人,食到成口油,哈!

    仍然懷念多年前,海運嗰間 Ruby Tuesday。

    回覆刪除
  12. 樂樂

    Taco Bell我未幫趁過
    唔知點嘅呢?

    而家的 Ruby Tuesday 嘛嘛
    outback好啲喎(對於我來說)

    回覆刪除
  13. 卡臣

    Tarco Bell 啲墨西哥野,食一次就夠架喇。香港人未必鍾意食。

    講到 "勾back",我唔敢去喇。話說,有次我企喺某間 "勾back" 門口,問個女侍應,攞張餐牌睇睇。

    當我攤開張餐牌睇嘅時候,佢右手搭住我隻右手,詳細介紹餐牌裡面嘅野。我心諗: 洗唔洗咁"親切"呀??

    回覆刪除
  14. 樂樂

    「佢右手搭住我隻右手」?
    咁都得?
    邊間分店?
    今晚我要親身落去了解吓先

    回覆刪除
  15. 卡臣

    哇!洗唔洗反應咁快呀? 已經係年幾前嘅事喇。

    邊間? 哈,可以見到條電車路嗰間囉,你自己估吓啦!唔知摺左未呢?

    回覆刪除
  16. 樂樂

    幾年前呀?
    咁可能而家仲狼死添呀

    係咪康怡廣場嗰間?
    仲健在呀

    回覆刪除
  17. 卡臣

    "係咪康怡廣場嗰間?"
    I have no comment, 哈!

    你係唔係"孤高map"嚟架? 咁熟香港地形架!
    可能,我去嗰間無乜人幫襯啦,侍應比較親切啲!

    其實,sales 通常都好親切架啦,有啲 gym 嗰啲女sales,仲"親切"呀,哈!

    回覆刪除
  18. 樂樂

    康怡廣場個位好靜局
    唔怪得侍應要瞓身去拉客

    講起gym 我就慶
    啲personal trainer周圍巡邏
    見我就話:「先生,呢個動作唔啱,
    長期做會傷腰骨架
    上個course,平平啲 $800一小時啫」

    我~~頂~~~
    唔好去搶?!

    回覆刪除
  19. 卡臣

    我join過一間gym,啲 trainers 搵客嘅策略勁差。

    一見到我就話: 你睇你,唔係咁做架! 彈三彈四,我無彩佢。

    喂,可唔可以,讚吓我先,然後先至話:如果你想再好啲嘅話,就揾我 train 你啦!

    我無做gym喇!
    香港啲gym, 無間我like :(

    回覆刪除
  20. 樂樂

    我試過一次
    個教練quote我價$800一堂
    我答唔駛
    佢悻悻然話:咁你玩到半身不遂果陣唔好後悔
    幾惡毒呀佢!

    回覆刪除
  21. 卡臣

    其實,間間gym啲trainers都係差不多。識少少,扮專家。佢哋啲理論,上網大把啦!

    好多trainers得嗰廿幾歲,我生得佢哋出啦!佢哋搵啲闊太黎氹仲好啦!

    回覆刪除
  22. 樂樂

    係呀
    啲男trainer幫富太拉筋時
    姿勢真的好似咩呀
    難得富太表情又enjoy喎
    一個願打一個願捱

    我放工了, 再傾

    回覆刪除
  23. 哈哈哈-----阿卡臣好野,di店名都可以串成故仔既!
    因葵填的词,真系搞笑,首歌好盏鬼!

    谭鱼头系咪火窝店黎架?大陆人开戈窝?

    回覆刪除
  24. 卡臣, 唔係呀? 有PT竟然sell你上堂? 你有無震兩下胸肌俾佢睇先...

    我都聽聞過一個case係個朋友reject個PT後, 佢話"你咁愛惜你自己身體我都無你辦法", 不過都真係唔夠"半身不遂"咁毒辣.

    回覆刪除
  25. helloninie

    譚魚頭是火鍋店
    不過是否大陸人開
    我就唔清楚咯

    ++++

    30 Something

    我個size在gym room內小兒科啫
    好多堅筋肉人呀

    半身不遂<--真係number one
    想唔到仲毒過佢

    回覆刪除
  26. 好鍾意你嘅童話,預言,「Burger King」加「Queen’s Cafe」真係一流!連美心皇宮張相都好金碧輝煌。

    你講嗰個trainer真係好惡毒,你當時點反應呀?健身練到胸肌發達心胸狹窄,真係金「肉」其外,敗絮其中。

    回覆刪除
  27. 卡臣:

    八百元一小時!不如用八百元去:買偉哥,跟住按摩,然後去砵蘭街,一皇雙后,最後食生蠔,長遠對條腰,肯定好過比人點!

    回覆刪除
  28. I quite enjoy those stories particularly.

    I enjoy passage no. 10

    Please keep up! I am watching you ~~

    回覆刪除
  29. 歪歪

    美心皇宮張相在朋友facebook中借來的
    真靚~

    你當時點反應呀?<--無理佢呀,也無反擊
    唔通嗌交咩?

    +++

    佛爺

    佢quote $800
    預客減價
    應該500-600埋單
    不過都貴(對我來說)

    +++

    小c妹

    thank you
    第十篇多人喜歡喎
    請妳繼續看呀

    回覆刪除

LinkWithin

Blog Widget by LinkWithin